Ads by Google X

القائمة الرئيسية

الصفحات

رواية ماهيا الفصل الثالث 3 بقلم ميادة خالد


      رواية ماهيا الفصل الثالث 

_ مايا ! انتي كويسه؟

فضلت بصالي كتير ، بصيت حواليا ومستغرب الضلمه اللي احنا فيها ، حاولت اقوم من مكاني لكن مقدرتش ، مديت ايدي ل "مايا " اساعدني لكن مقدرتش المسها ، كأنها وهم او خيال مش حقيقه ..

_ مايا ساعديني 
= مش هقدر ، انت اللي لازم تساعدني 
_ اساعدك ازاي ؟ قوليلي ..
= الكتاب الموجود ف بيت ماما جمب سريري ، هو دا الحل الوحيد ..




بدأت تتلاشي من قدامي تدريجيا ، ناديت عليها كتير بس بدون فايده ، حتي ف الحلم بخسرها !

فوقت من الحلم لقيتها لسه مش ف وعيها ، وقفت وانا حيران ، اروح لمامتها ولا استني جمبها ؟ 
بعد خمس دقايق مشيت ناحية الباب وانا عيني عليها ، نزلت ومشيت بسرعه جنونيه ، وصلت عند مامتها ، فتحت ووقفت قدامي تستغربني وتستغرب شكلي ، هو دا منظر عريس؟  بدأت اتكلم بتوتر وانا مش عارف هقول اي ..

_ معلش ي طنط بس " مايا " نسيت كتاب يخصها هنا وكانت عيزاه ..

بصتلي بشك ، هو دا وقت نفكر فيه ف كتاب؟

دخلت ع اوضتها وبصيت ع اكلتاب ف كل زاويه ، مأخدتش وقت كتير ، كان موجود ف الدرج اللي جمب سريرها ، كتاب شكله قديم وبالي وشبه مقطوع ، معرفتش ازاي هخرج بكتاب زي دا قدام مامتها ، اكيد هتشك .

بصيت حواليا ، لمحت رواية لطيفه ع رف مش بعيد عني كتير ، اخدتها وحطيتها فوق الكتاب اللي معايا وحاولت ع اد م قدرت اني اخبيه بيها ، قبل م اخرج لقيت اسأله كتيره من مامتها ، حاولت اتهرب لحد م بالفعل قدرت اهرب منها ..




وصلت البيت تاني ، كانت ف حاله صعبة جدا لدرجة مش قادر اسكت واسيبها تتعذب كدا ، الدم لسه بينزل بس بقي نقطة بنقطه ، فتحت الكتاب ع اول صفحه لقيتها فاضيه ، التانيه ، التالته ، الرابعه ، الخامسه ، حتي العاشره فاضيه ، صفحات كتير اوي فاضيه ، بدةت اتعصب ، الكتاب الفاضي ده هو الحل؟

لفت نظري كلمه واحده بس مكتوبه في اخر الكتاب ..
_ ماهيا ؟!
يتبع.....
                 الفصل الرابع من هنا

تعليقات