 |
رواية حياة التوليب الفصل الثاني بقلم نديالبارت الثاني ✨. (في شركة الهواري).. مراد بيخبط ع مكتب يوسف بعد هناء ما بلغته بأن يوسف عايزه حالاً.. يوسف: ادخل. مراد دخل و بيرفع ايده الاتنين لفوق و بصوت عالي: عم العموم و الله ي برنس. يوسف و هو مركز في الملف ال قدامه: سيب النبطشية بتاعت الافراح بتاعتك دي،و اقعد عشان نشوف شغلنا. مراد بيتنحنح و بيقعد قدام يوسف: اوامرك ي كبير. يوسف بيرفع راسه و بيبص ل مراد: عملت اي في....اي ده يوسف بيبص على رقبة مراد اوي: اي ال على رقبتك ده؟! مراد حط ايده ع رقبته و غمز بعينه و ابتسم: ده يعم واحدة حبت تسيبلي تذكار اقول لا! يوسف و هو بيبصله بقرف: انت مش هتبطل بقا القرف ده و تبقى إنسان محترم، يبني ده انت مهندس كبير،عيب ع منظرك!. مراد و هو بيبصله بملل و مش عاجبه الكلام: بقولك اي انت مش واصي عليه يعم يوسف،مش تبقى انت و ابويا عليا.. و بعدين كل واحد حر. يوسف: ماشي يعم انت حر، قولي بقاا عملت اي في الصفقة الجديدة؟! مراد بجدية: كله تمام، بعت لشركة النسر نموذج الابلكيشن الجديد و قريب هيبلغونا الموافقة. يوسف و هو بيمد ايده بملف ل مراد: كويس جدااا، خد بقاا الملف ده و عايزك تعرف كل حاجة عنه و عن الشركه دي، كل حاجة ي مراد. مراد و هو بيقوم من ع الكرسي: تمام ي كبير،اخلع انا بقاا. يوسف و هو بيهز رأسه بيأس من صاحبه: ربنا يهديك يصحبي قبل فوات الأوان. ___________________لا حول و لا قوة إلا بالله 🍂 في الكافيتريا بتاع الجامعة عند توليب و امنية... امنية بتبص ل توليب باستغراب: تقصدي اي إن دي مش نهاية المحطة.!! توليب و هي بتبصلها ببرود: يعني انا مش عايزة اكتفي بأني دكتورة ف الجامعة و بس. امنية بعدم فهم: ايوة يعني اي برده؟! توليب بجمود: عايزة يومي يكون ملىء بالشغل و الحماس،عايزة اكون مشغولة دايما بشغلي و اكبر نفسي و ابقى حاجة عالية و اكون غنية جدااا و معايا فلوس. امنية و هي فاتحة بوقها: و ليه يعني كل ده، ما احنا دكاترة في الجامعة اهو و زي الفل و الحمد لله، و بكرة و لا بعده ربنا يكرمنا بولاد الحلال و نتستر و نتستت في بيوتنا. توليب و عروق وشها بدات تظهر و اتعصبت: بقولك اي يجيلك انتي ابن الحلال ده،لكن انا و لا عايزة لا ابن حلال و لا إبن حرام، فاهمة!! توليب قامت وقفت و اخدت شنطتها و دفترها و ماشية... امنية قامت تجري وراها: استني بس انا مقصدش حاجة، انتي علطول تقفشي كده اووووف. وقفت بتعب بعد ما توليب سابتها و مشيت بخطوات واسعة غاضبة. ___________________________ توليب خرجت من الجامعة وقفت تاكسي و ركبت... السواق: على فين ي أنسة؟! توليب بشرود: ع الكورنيش لو سمحت. السواق: حاضر. بعد دقائق نزلت توليب ع الكورنيش.. كانت الساعة 2 ظهراً و الجو حر و مفيش حد قاعد ف الوقت ده، فضلت تمشي ع الكورنيش بشرود و سرحان كانها مش معانا في العالم ده، توليب بتكلم نفسها: و اخرتها معاكي ي توليب! هتفضلي في العُقد دي لحد امتى! و الله انا تعبت من كل حاجة و زهقت من كل العلاقات كأنها طوق ملفوف حوالين رقبتي؟! بتفتكر حاجات من الماضي موجعة جدااا بالنسبة لها و بتبتسم بحزن و وجع. و بتلف عشان ترجع بيتها بعد ساعة و نصف و بتوقف تاكسي و بتركب. *قل للرياح تأتى كيفما شاءت , فما عادت سُفننا تشتهى شيئا*✨ ____________________________ (عند امنية في البيت)... الام (عزة) و هي واقفة في المطبخ و بتنادي ع امنية بصوت عالي: ي امنية يبنتي يلاا ابوكي زمانه جااي عايزة اخلص الاكل. امنية و هي خارجة من اوضتها و دخلت المطبخ: نعم ي ماما محتاجة اي؟! الام و هي بتدوق الرز ال ع النار: انا خلصت الاكل كله اهو و حطيته يستوي، اعملي انتي السلطة بقااا. امنية و هي بتطلع الخضروات من التلاجة و سرحانة:.... الام و هي بتبصلها بإستغراب: مالك ي امنية، يعني مش ع عادتك يعني ساكتة ليه و مش بتتكلمي؟!!! امنية بشرود: مش عارفة ي ماما بس توليب صحبتي غريبة اوي! الام: غريبة إزاي يعني؟! امنية: توليب من ايام الجامعة و هي بتتضايق لما حد بيجيب سيرة العرسان و الجواز قدامها، و كنت بقول انها بتتكثف و لا حاجة.. بس النهاردة حسيت ان الموضوع اكبر من كده بكتير اوي!! كانه وراه سر.! الام بتفكير: يبنتي يمكن بتتكثف فعلاً و مش بتحب تتكلم في الحاجات دي قدام حد، او خايفة من الموضوع ده بنات كتير بتبقى كده في الاول عادي. امنية بعدم تصديق: يمكن ي ماما. الام: يلاا بقاا خلصي السلطة ااا... سكتوا لما سمعوا صوت باب الشقه بيتفتح و يتقفل... الام: اهو ابوكي جى يلاا بقاا خلصي. امنية: خلاص ي ماما خلصت اهو. قالتها و هي بتغسل ايدها من السلطة... بنتك صاحبتك حتى لو انتي مش محتاجة صاحبة.. فتأكدي انها في اشد الحاجة لصحوبيتك..🌺 ___________________________ (عند توليب في بيتها)... دخلت توليب لقت عليتها قاعدين ع السفرة لسه هيتغدوا... الاب: اي يبنتي التأخير ده كله، احنا مستنينك من بدري عشان الغدا. توليب بملامح جامدة: معلش ي بابا كنت ع الكورنيش شوية و الوقت سرقني. الام(نهال): بطلوا رغي بقااا و خلونا نتغداا، و بصت ل توليب بغيظ مش كفاية ع الفطار اتنكد علينا!. زياد اخو توليب الصغير: يلوو بقاا انا جعت اي ده. قعدوا كلهم على السفرة، و توليب راحت تغسل ايديها و رجعت قعدت ع يمين باباها زي ما متعودة... توليب: امال فين هاجر؟! الام و هي بتبصلها ببرود: راحت عندها دروس كتير النهاردة. توليب هزت راسها و متكلمتش. الاب: يلااا بسم الله.. _______________ استغفر الله العظيم و اتوب اليه 🌾 الساعة 12 منتصف الليل.. (في فيلا حسن الهواري)** بيدخل يوسف من باب الفيلا و هو تعبان من كتر الشغل ف الشركة.. و بيطلع على السلم ناحية اوضته... يوسف ايده على اوكرة الباب بتاع اوضته، و بيسمع صوت الباب بتاع اوضة مامته و باباه بيتفتح... أم يوسف(صفاء): ما لسه بدري ي استاذ! انت عارف الساعة كام دلوقتي؟! يوسف بيغمض عينه بتعب و ملل من نفس الكلام بتاع كل يوم: ماما لو سمحتي انا تعبان و مش قادر اقف. الام و هي بتقرب منه و بتلمسه بحنية و حب: ي حبيبي انا خايفة عليك و على صحتك، و بعدين يبني هي الحياة كلها شغل كده، يبني انا نفسي افرح بيك و اشوف عيالك بقااا. يوسف بتعب: طب ممكن ادخل ارتاح، و بكرة تفرحي بيا براحتك..! صفاء بغيظ و بتضربه ع كتفه: بتضحك عليا ي يوسف! ماشي! يوسف و هو بيحب رأسها: هو حد يقدر يزعلك او يضحك عليكي ي صفا،ده إنا اقتله. صفاء بتضحك من تدليله لها: متحرمش منك ي حبيبي،يلاا ادخل ارتاح بقااا، تصبح على خير. يوسف و هو بيدخل اوضته: و انتي من اهل الجنه ي ست الكل. يوسف دخل اوضته و علطول رمى نفسه على السرير بهدومه من التعب و الإرهاق طول اليوم وراح في ثبات عميق😴. صفاء دخلت اوضتها و قفلت الباب... حسن والد يوسف: اطمنتي على ابنك و ارتحتي. صفاء و هي بتبسمله: الله مش ابني الوحيد و لازم اطمن عليه برده ي حسن. حسن و هو بيبصلها بحب: عقبال ما نفرح بيه يا رب و نشوف ولاده. صفاء و هي بترفع ايديها الاتنين لفوق و بتدعي: اللهم آمين يارب. _____________________ (عند توليب في اوضتها)... نايمة على السرير و وشها كله عرقان و رقبتها و عمالة تحرك جسمها كأنها بتحارب، و نفسها عمال يضيق،كأن حد بيخنقها.. توليب و هي نايمة: لا لا حررام عليكم سبوني في حالي..اااااااااه لا كفاية ضرب و الله ما عملت حاجة..ااااه لا لا ابوس ع ايدك انا تعبت كفاية ضرررب و بتصرخ جاامد و بتقوم من النوم مفزوعة.. اااااااااااااااه... |
