Ads by Google X

القائمة الرئيسية

الصفحات

رواية اخد الحق حرفه (كامله جميع الفصول) بقلم هند حمدي

رواية اخد الحق حرفه (كامله جميع الفصول) بقلم هند حمدي 


 اخد الحق حرفه

الجزء الاول 


حماتي 


اسمعي يابت انتي تلاته بالله العظيم ان ما رچعتي عن اللي فراسك ده لخلي ولدي يحفر حفره فزريبه الدار ويدفنك حيه فيها ويردم عليكي واهو التراب يتاويكي و تبجي موتي الموته اللي تستاهليها واهو تبجي كلبه وغارت  


معاش ولا كان اللي يضحك علينا ويختمنا علي جفانا داحنا عيله الزيني يابت فوجي داحنا نتاوكي ورا السمس وملكيش ديه عندينا


 انتي هتبجي مرميه اهنه من غير وكل ولا حتي نجطه ميه لحد ماترچعي اللي معاكي وترچعي كاف لاول خدامه تحت رچلي وبس بلجمتك ونومتك عجلك فراسك تعرفي خلاصك 


وسبتني وخرچت


طبعا انتوا مستغربين اللي بيتعمل معاي ده دي تبجي حماتي 


بس اني خلاص خدت علي اجده وچتتي نحست اصل الچوع والبهدله ده بيني وبينهم عشرا


تعالوا اجولكم حكايتي وتجلولي اللي عملته ده صوح ولا لاه


اني اسمي صبره وكان ليا من اسمي نصيب ياما لاني صبره علي المر من يومي اني عندي دلوك 27 سنه 

يعني منيش ﺟميله جوي بس مجبوله وجمحاويه ومليانه هبابه وعيوني واسعين كاف عيون البجر الله اكبر


 اتچوزت وخلفت من واني اصغار واني عايشه فبلد ارياف اسميها السنبلاوين چار الدجهلية فيها ناس طيبين ياما وچوزي واد وحيد علي بنتين يعني هو ديك البرابر عنديهم 

ووجت ماتچوزت كانت الكبيره متچوزه ولصغيره لستها بت واسميهم انيسه ودي الكبيره والتانيه اسميها بهيه


 وحكايتي بداجت من وجت طويل 


كان عندي فالوجت ده 15 سنه كنت عايشه مع امي وابوي واخوي فتحي اللي كان عندي 12 سنه  


بس وجتها امي كانت مرضانه وكل ساعه فحال بس اهي كانت لمنا فوسطيها وعايشين بحسها فالدار بس امر الله نفد 


امي ماتت وفتتنا للهم وابوي اتچوز بعدها بسبوع وچبلنا فالدار مرات اب سجتني اني واخوي الحنضل وابوي مكنش بيكسرلها كلمه اكمنها اصغار وصبيه فتلاتينات كانت متچوزه واطلجت اكمنها سماويه ومكنش معاها عيال


وحجيجي كاف المثل مابيجول اللي بلا ام حاله يغم


 معرفناش الچوع الا علي ادين مرت ابوي وخصوصي لما خلفت الواد بجت تاخد جوتنا عشان توفره لولدها و تدهلوا وتوكلنا طجه وتچوعنا عشره 


اخوي فتحي كان بيشتغل اليوم كله مع ابوي فالارض


 عشان يتجي شرها ويبعد عن خلجتها 

 ‏

 ‏ومكنش بيبجي جدامها غيري 

 ‏

 ‏بجت تدوارني كاف البهايم المربوطه فالساجيه 

 ‏

  فالدار كنيس وخبيز وغسيل كافه شي كنت بعمله عشان اتجي شرها معاي وخرچتني اني واخوي من العلام وجالتلي كفايه اجده 


عشت سنتين معاها فالمر والجهر واول ماتميت ال17 لجيت ابوي دخل الدار وهو فرحان جوي وجالي


بت يا صبره تعالي جوام يابت ولجيت مرت ابوي 

چت جبلي


 مرت ابوي نبويه


 ‏ وجالته ايه چاي وعملك هلوله اجده ليه كسبت البريمو ولا ايه


ابوي اكتر يا نبويه 

 البت چالها عريس زين جوي اتجدم للبت صبره وهيچوا الليله بعد العشا عشان نتفجوا ونجروا الفاتحه 


اني فرحت جوي وچريت علي اوضتي واني بجول اخيرا هرتاح من المر ده بجالي سنتين عايشه فمرار ومستنتش حتي اعرف هو مين العريس 


 ايه حد هوافج علي طول المهم اخلص من ذل مرات ابوي

 ‏وبعد ما سبتهم ودخلت اوضتي جالتله


 نبويه 


وده يبجي مين ان شاء الله اللي هيرضي ببتك وهي وشها يجطع الخميره من الدار


فتح الله ابو صبره

يا وليه اتجي الله البت مليحه وزي الفل والف مين يستمناها 

 وبتفك الخط وبتجرا وتكتب زين وعلي العموم 

 ‏هو يبجي مجاهد ولد حسان الزيني


نبويه


ياساتر يارب دي الوليه امه كاف العجارب وتتلفح بالحنش حي وبتموت علي الجرش تلاجيها جالت چوازه تجف علينا بملاليم ماهي الكلمه كلمتها والشوره شورتها وبتحسب خطوتها زين جبل ما تخطيها


 يلا اهي بتك وانت حر فيها بس اسمع مفيش ميلم واحد هنصرفه فچهازها تبيع الدهب بتاع امها اللي انت جولتلي انها دسا منيك من وجت امها ما ماتت


فتح الله


جري ايه يا وليه انتي عوزه تلبسيني توب العيبه خليكي حدجه احنا نجعد معاهم فالاول ونشوف ميتهم ايه وبعدها ربك يساويها


وفضلت اعد الوجت لحد ما سمعت خبط علي باب الدار وعرفت انهم 


چوم الدار وجلبي بجي يرجص من الفرحة ولجيت مرت ابوي داخله عندي 


نبويه 

دخلت وهي بتتمجلت عليا 

جومي يا عروسه هيهيهيه جدمي الضيافه للچماعه بس علي الله العريس ميطفش لما يشوف سحنتك دي


جولتلها حاضر يامرت ابوي 


دخلت بالشربات واني بصه فالارض وسمعت واحده بتجول الله اكبر كيفك يا عروستنا  


ببص لجتها ام مجاهد الزيني جلبي اتجيض لان البلد كلها عرفه انها جويه ومفتريه وميته علي الدنيا ومعاها بتها الكبيره انيسه وبعدها لجيت 


مجاهد وابوه داخلين عندينا بصيت عليهم وچريت علي اوضتي واني مكسوفه وجلبي بيدج


اصل مجاهد راچل ملو هدومه طول بعرض واسمراني وكان عنديه 20 سنه وجتيها علي جد ماني خايفه من امه علي جد ما بجيت ادعي انها تتم وبجيت اجول يسرلي الامر يارب لان بيتحدمليش عرسان لاني يا حصره لا مال ولا چمال ولا حسب 


وفعلا بعديها بساعه لجيت ابا داخل عندي بيجولي تعالي يا صبره عشان عريسك هيلبسك الدبله احنا اتفجنا خلاص وجرينا الفاتحه وهيشبكوكي دلوك 


كان جالبي بيدج كيف شريط الجطر من الخوف والفرحه خرچت ورا ابوي وبجول يارب وجعدت چار حماتي ام مچاهد وبتها ولجتها بطلع دبله وبتلبسهالي وتجولي مبروك يامرت ولدي 


عوزاكي تبجي هاديه وطوع وتكوني جنوعه ومتمطعيش عشان تعيشي فدارنا مرتاحه 


جولتلها حاضر ياما وبصيت لجيت مجاهد بيجول لامه

يازين مانجيتي يا حجه ونعم الادب و الربايه


وابو مجاهد جال لابوي يبجي علي خيره الله وخير البر عاجله الچمعه الچايه كتب الكتاب والدخله


علي جد مافرحت علي جد مانجهرت بعد اجده 

لما عرفت انهم اتفجوا ان ميتعمليش جايمه ولا هيكتبلي مؤخر ولا حتي هيتعملي فرح يعني هجف عليهم بكتابه الماذؤن ومجابل اجده ابوي مهيچيبش حاچه واصل وده اللي كانت عوزه مرت ابوي


ويوم فرحي لبست الفستان الي امي اتچوزت به الله يرحمها وبكيت وجولت لو كانت عايشه مكنش ده كلوا حوصل


وتلموا بنات البلد وفضلوا يغنوا ويرجصوا وهما من چواهم بيتصعبوا عليا وچه مجاهد واخدني علي دوارهم 







بس جبل مامشي سمعت مرت ابوي بتجول المركب اللي تودي لو كان عندي جوله كنت كسرتها دلوك


ولمحت فتحي وهو بيبكي اني فيتاه للمرار لحاله وجلبي كان بيتجطع عليه


ودخلت دارهم وملجتش فرح واصل وكاني عذبه مش عروسة اول مره تتچوز 


وچت حماتي وجالت خد صبره يا مجاهد واطلعوا فوج واني هچيب خيتك واچي وراكم هم 


طلعت معاه لفوج واني مفهماش هتچي ليه بس فضلت ساكته ولجتها چت طوالي وجالتلي 


يلا اجلعي يابت خلينا نوخلص 


خفت وجولتلها واني بتهته من الخوف اجلع ليه انتي هتعملي ايه ياما 


ضحكت وجالتلي احنا سلونا الدخله بتبجي بلدي يا عين امك علي عينك يا تاچر زي ما بيجولوا 


اترعشت من الخوف وجولت لمجاهد يرضيك يتعمل معاي اجده 


بس لجيته ساكت وكان الحكايه لده عليه صرخت فوشهم وجولتلهم لايمكن ابدا مهيحصولش اللي بتجلوا ده


لجيت حماتي بصتلي بشر وجالتلي اخرسي يابت وحسك ميعلاش هتفضحينا اياك مالك بتترعشي ليه خايفه من ايه انطوجي ماهي اللي امها بتموت مبيبجاش وراها مراجب ولازمآ نطمن علي ولادنا


انيسه بتها 

انتي لسه هتسالي ياما وجامت مسكاني هي وامها ومجاهد عمل اللي جالوا عليه ودخل بلدي علي


وبعد ماخلصوا واتوكدوا اني بت انيسه فضلت تزغرط وحماتي جالت لمجاهد مبروك يا ولدي واسمع يا واد ادبحلها الجطه من اولها عشان تعيش تحت مداسك وفطوعك طول العمر


 وخرچوا وانا اترميت علي الارض وفضلت ابكي علي حالي 


بس لجيت مجاهد 


شدني وجومني وحب علي راسي 


وجالي حجك عليا اني بس اني بالي عملتوا ده بتجيكي شر امي انتي معرفاش لو محصلش اللي هي ريداه كانت هتعمل ايه مش بعيد كان رچعتك دار ابوكي تاني 


متزعليش يابت امي طبعها صعب اشوي وبكرا تتعودي عليه واتبسم وجالي 


 نورتي دارك يا عروسه 


سكت وسلمت امري لربنا وجولت فعجل بالي اظاهر ان عذاب مرت ابوي كان اهون من اللي مستنيني اهنه 


بس جولت يارب انت خلاف الظنون


و اظاهر ان مجاهد طيب واهو يبجي عوض ربنا ليا وعدت الليله بخيرها وشرها بس اللي حوصل ده كسرني من چوايا 


وصحينا علي الضحي ومجاهد خدني من يدي ونزلنا تحت حداهم ولجينا امه وابوه جعدين

راح حب علي يد ابوه وبعدها امه 


وجالي همي با صبره وصبحي علي حماكي وحماتك وحبي علي يدهم عشان يرضوا عنك


روحت ونفذت اللي طلبوا مني وحبيت علي يد حمايا وجولتله اصباح الخير يابا 


وبعدها روحت لحماتي وحبيت علي يدها وانا من ﺟوايا مطيجهاش بس جولت مهخربش علي روحي وجولتلها اصباح الخير ياما 


ولجتها بتكلم چوزي 

صباحيه مباركه يا ولدي وانتي يابت شدي حيلك اني عوزه اشوف عياله ملين الدار حواليا 


واسمعي الدار اهنه له نظامه الصحيان من جبل الفچريه لما نضحي تكون طلبات الدار خلصت من خبيز لغسيل لنضافه لكافه شيء واظن ده مش چديد عليكي 


 سمعه واوعاكي حسك يعلي فالدار دي فهمه وﺟوزك تشيلي مداسه علي راسك من فوج ودايما يبجي راضي عنيكي

 ‏

 ‏و لو شكي منك هتبجي چبتي لحالك يعني اهنه تشيلي مداس الصغير ابل الكبير سمعه


بعد ماخلصت جولتلها حاضر ياما سمعه اللي تؤمري به وجولتلهم بالاذن وسبتهم وروحت اعمل الوكل 


مجاهد جالها بعد ما دخلت 


براحه عليها ياما البت لستها اصغار وطوع


راحت شخطه فيه وجالتله والله عال يابن الزيني هي لحجت وهتركبك ودلدل اسمع يا واد خليك ناشف اجده وادبحلها الجطه من اولها مش كفايه انها لا حسب ولا نسب دا حتي العشا مچبهوش بلا هم 


بجيت ابكي كاف لصغار بس لجيت مجاهد داخل عندي وطبطب علي وجالي معلش يا صبره امي طبعها حامي وصعب اشوي بس لما تحبك هتعملك بحنيه امي طيبه بس شديده 


جولت فعجل بالي اظاهر ياصبره ان اللي مستنيكي فالدار ده مرار طافح 









وعده سبوع على چوازي وكنت بجوم من جبل الفچريه اعجن واخبز واغسل وانضف الدار واكل الطير والبهايم

وبعدها احضرلهم الفطور واخدم الكبير والصغير فيهم وكل ده لجل عيون مجاهد

لانه كان حنين معاي جوي 


وفيوم لجيته راچع من بره مدايج جوي 


نزلت علي الارض وجلعته المداس وجولتله مالك ياسيد الناس مدايج ليه


اتنهد مجاهد وجالي اصل السفريه هتروح مني يا صبره دي فرصه ولو راحت يبجي خلاص


اتخضيت ودبيت علي صدري وجولتله يا حزني عاوز تسافر وتسبني يا مجاهد اهون عليك واني لسه عروسه الناس تجول ايه طفش منيها


جالي يابت افهمي دي هتبجي سنه واحده اعمل جرشين واشتريلك دار چديده لحالك وارحمك من الهم اللي اهنه ده وبعدين شيفاني بلم خلجاتي منا بجولك التذكرة طلعت غاليه جوي 


دورت كلامه فعجلي وافتكرت الدهب اللي امي فيتهولي وجولتله زعلك ميهونش علي ياسيد الناس كولتهم


 اني هتصرف فالمال بس هي سنه واحده يا مجاهد وجومت وچبت الدهب اللي دساه وجولتله بيعه واشتري التذكره وخلي الباجي معاك 

 ‏

فرح جوي ومكدبش خبر وبعد ماخلص كل حاچه 

جلهم فالدار


 ان چتلوا سفريه زينه جوي للامارات وانه خلص كل حاچه وانه سنه وهيرچع ووصاني عليهم 


وفعلا سافر وابوه وﺟوز اخته وصلوا 


واني جعده ببكي انه سبني وسافر ومكنتش حسبه المر اللي هيسجهولي فغيابه


لجيت حماتي بتجرب مني هي وبناتها لاتنين 


وحماتي

مفكره دموع التماسيح دي هتخيل عليا يابت 


  بتسفري ولدي بعد سبوع من چوازكم يا جادره محدش طلعها فدماغه غيرك يابت 

  ‏

  ‏چبتي لحالك واستحملي بجي يا ضي عيني اللي هيچرالك 


انيسه

  تعالي يا بهيه وجربوا نحيتي واني كنت خايفه جوي وكنت ببعد عنيهم بس هما جرروا انهم يكسروني وينتجموا مني علي سفرى مجاهد وراحوا 


ولهنا خلصت حلقتنا بس مخلصتش حكايتنا مستنيه توقعتكم علي الحلقه وبنفكركم ان القصه حقيقيه 


ياتري هيعملوا فصبره ايه 

وايه اللي مستنيها بعد سفر جوزها 


وفعلا هتفضل صبره زي اسمها ولا حالها هيتغير 


كل ده هنعرفه فالجزء الجديد ومتنسوش تدعمونا باحلي لايك منكم وكومنت علي القصه 


بقلمي هند حمدي


الفصل الثاني من هنا 

تعليقات