Ads by Google X

القائمة الرئيسية

الصفحات

رواية تاج الفهد الجزء الثاني الفصل الرابع 4 بقلم مريم مصطفي

 

رواية تاج الفهد الجزء الثاني الفصل الرابع بقلم مريم مصطفي

البارت الرابع "الجزء الثاني"
تاج الفهد♡

فهد بصدمه:عشق الكيلاني.. 
تاج وسليم بصوا لبعض بصدمه.. 
سليم: عشق اي انت مش قولتلي انها ما*تت؟! 
تاج:انا مش فاهمه حاجه يافهد انت مش وديتها المصحه وبعد فتره بلغوك انها ما*تت؟! 
فهد حط وشه بين ايده الاتنين ومش عارف يرد عليهم ولا يقول حاجه تفكيره وقف تماما

flash Back
فهد: الو يادكتور إبراهيم ف حاجه ولا اي 
الدكتور بتوتر: الحقيقه مش عارف اقول لحضرتك اي بس احنا ف مص*يبه للأسف 
فهد: ارجوك اتكلم بسرعه 
الدكتور: للأسف المصحه حصل فيها ماس كهربائي بليل و*لع ف كل حته وعشق هانم ات*وفت وللاسف كله بقا رماد ومفيش اي اثر للج.ثث حتي
فهد بحزن: ان لله وان اليه راجعون 
الدكتور: فهد باشا حضرتك بخير 
فهد قفل الفون وبص لسماح والعيله بدموع بتلمع ف عيونه
تاج: مالك يا حبيبي ف اي انت كويس؟ 
سماح: ف اي يافهد
فهد: عشق بنت اختك للأسف ما*تت ف حر*يق حصل ف المصحه امبارح بليل وحتي الج.ثث اتف.حمت تماما لانهم معرفوش يسيطروا ع الحر*يق. 
سماح اتهزت من الخبر وبصت لفهد: احنا عملنا اللي علينا يابني وحاولنا نعلجها نصيب
فهد:بس احنا السبب برضو ف انها وصلت للقرف ده احنا اللي بعدنها عن هنا وعننا 
سماح: انا بعدتها عن هنا علشان اتخطت كل الحدود معرفتش امنعها كان لازم اشوف حل 
فهد:مش هنقعد نفتح ف اللي فات اهي ما*تت خلاص. 
Back.. 









تاج: فهد انت روحت فييين فهمني اي اللي بيحصل؟ 
فهد بسخريه: اللي بيحصل اني اضحك عليا 
سليم: بس ازاي انت مش شوفت المصحه وكانت فعلا مدمره وحتي اهالي الناس اللي ما*تت اكدوه ان ولادهم م*اتوا!! 
فهد: ده فعلا حصل ممكن يكون حد انقذها
سليم: بس برضو مش فاهم هي عايزه اي من سيا حتي لو عايشه 
فهد: عايزه تن.تقم وبس 
تاج بخوف: تن.تقم لي انت ورثها كله كنت بتشغله معاك والارباح كنت بتبعتهلها يعني مكلتش حاجه عليها علشان تنتقم 
فهد: الموضوع مش موضوع فلوس ياتاج هي شايفه ان امي لما رفضت جوزانا زمان وسفرتها بعيد عننا تبقي هي اللي وصلتها لكده 
سليم: والحل هنسكت هفضل اتفرج ع مراتي كده وهي بتتغير معايا ومع اهلها واسكت 
فهد: اهدا ياسليم اكيد مش هنسكت 
سليم بضيق: انا رايح اشوف سيا بتهبب اي لو وصلت لحاجه بلغني. 
سليم خرج من المكتب ورزع الباب ورا بعصبيه وتاج واقفه سرحانه بخو*ف وبتفكر ف اللي ممكن يحصل... قرب فهد عليها وحضنها 
فهد: مش عايزك تخا*في انا جمبك مفيش حاجه هتحصل 
تاج: ان شاءالله كله هيعدي انا واثقه انها هتتحل المره دي 
فهد بإبتسامة: طب مش يلا بقا ولا اي علشان نلحق المفاجأة بتاعتك
تاج: مش وقته يافهد احنا ف اي ولا ف اي دلوقتي!! 
فهد: لا وقته لو الدنيا كلها اتقلبت انتي عندي اهم 
باس ايديها وخدها ومشيوا من الشركه.. 

في مكتب سيا... 
كانت قاعده بتبص علي شويه ملفات قدامها دخل سليم وقف قدامها وهو حاطط ايده في جيوبه وساكت.. 
سيا بصتله واتكلمت ببرود: هتفضل باصص عليا وساكت كده خير؟ 
سليم: مش هتقوليلي متغيره مع الكل كده ليه
سيا بزهق: ولي متقولش اني صح وان كل اللي فات كان غلط وفوقت. 
سليم: فوقتي كده مره واحده مش غريبه شويه!! 
سيا: سليييم احنا ف الشركه وانا مش فاضيه لكلامك ده اتفضل بقا 
سليم قرب عليها بهدوء وحاوط الكرسي بتاعها بايده ولفها لي
سليم: مدام سيا ياريت متنسيش اني جوزك وقبل ماكون جوزك فاانا صديق ليكي من الطفوله ده لو لسه فاكره يعني فاياريت لو في اي حاجه مخبيها عني تحكيلي بدل مااعرف بطرقتي ووقتها هيبقا في كلام تاني... قرب منها اكتر وباسها ف شفيفها وسابها وطلع برا المكتب. 
سيا بصت لطيفه بإبتسامة ورجعت كملت شغلها... 

"في لندن" 
كانت قاعده ع شزلونج ولبسه هوت شورت علي توب قصير وفردها شعرها الاسود وحاطها ميكب اوڤر وف ايدها سجاره. 

عشق: بس انا مطلبتش منك تتدخل 
مايكل: بس انا صديقك ياعشق
عشق: بس انا ماليش اصدقاء احنا بنسلي بعض مش اكتر وشويه وقت كل واحد هيروح ف اتجه
مايكل: انتي عارفه اني بحبك بجد مش مجرد علاقه بينا
عشق ببرود:لو هترغي كتير ف التفاهات دي ياريت تمشي
مايكل: خلاص اللي تشوفي المهم انتي ناويه ع اي مع بنت خالتك 
عشق:سيا من النوع اللي اي كلمه من حد مع دمعتين تقدر تقلب دماغها وتشكلها زي مانت عايز وهو ده اللي انا بلعب عليه. 
مايكل: طب انتي شوفتيها امته وفين ولحقتي وقابلتيها ازاي رغم ان كل العيله عارفه انك ميته. 

عشق شربت من الكأس وغمضت عينها بإبتسامة وهي بتتفكر. 

Flash Back.. 

سيا كانت قاعده في النادي مع ولادها لوحدهم سمعت صوت من وراها.. 








عشق: ولادك حلوين اوي ياسيا 
سيا بصت ورها علي مصدر الصوت واتصدمت لما شافت عشق. 
سيا: ازاي انتي مستحيل!!!!!!؟ 
عشق بدموع مزيفه: اهدي وانا هفهمك بس اسمعيني ياسيا ارجوكي انا محتجالك جمبي والله 
سيا وهي لسه مصدومه: انا محتاجه افهم الاول انتي ازاي لسه.. 
عشق بمقاطعة: نقعد طيب وهحيلك كل حاجه 
سيا: قعدنا اهو بس فهميني بقا؟ 
عشق بدموع مزيفه وخبث: بعد مافهد دخلني المصحه استسلمت للامر وعرفت انه صح واني لازم اتعالج من الادمان وقولت اني اول ماتعالج واخرج هصلح كل حاجه بس للاسف يوم الحادثه بليل كان معاد الجرعه جه ومعرفتش اسيطر علي نفسي حاولت اهرب بكل الطرق لحد ماسمعت صوت صويت وناس بتجري والممرضه دخلت بسرعه تخرجني علشان المصحه كانت كلها بدات تولع استغلتها فرصه وزقتها وطلعت اجري لحد ماوصلت لبوابه الخروج كانت النار بدات تولع ف كل حاجه طلعت اجري وهربت. 
سيا: طب لي مجتيش علي القصر؟ 
عشق: مكنش ينفع فهد هيق*تلني ولو عرف اني عايشه هيتصرف في مليون حل علشان يخلص مني
سيا: مين فهمك كده فهد اخويا مستحيل ياذيكي 
عشق بتمثيل : فهد جالي المصحه وقالي ان لو حتي خفيت هيوديني مستشفي الامراض العقليه
سيا بصدمه: انتي بتقولي اي انتي لما حاولتي تأ.ذي هو وتاج كل اللي عمله انه وادكي مصحه علشان تتعالجي علشان نفسك
عشق: انا ماذتش فهد انتي عارفه اني بحبه وهو كان بيحبني قبل مايتجوز تاج انا كنت عايزه حقي بس ياسيا 
سيا: انتي عايزه اي دلوقتي ياعشق 
عشق بدموع مزيفه: كل اللي عايزة ان فهد والعيله ميعرفوش اني لسه ع قيد الحياة 
سيا: وده لي؟! ولما انتي عايزه كده عرفتيني انك لسه عايشه ليه!! 
عشق: علشان مش عايزه اكون لوحدي ياسيا عايزه يكون ليا حد من اهلي يسأل عليا ونتكلم مع بعض حد يكون معايا ديما.. انتي اطيب واحده فيهم وهتسمحيني علشان كده جتلك 
سيا عيونها دمعت وقربت من عشق ومسكت ايديها: بصي انتي بنت خالتي واختي ومع الوقت اكيد هنسا اللي حصل بس لازم تعرفي العيله انك لسه عايشه 
عشق بتوتر: ارجوكي ياسيا مش عايزة حد يعرف اظبط بس اموري وهعرف الكل 
سيا بتنهيده: اللي تشوفي يا حبيبتي 
بصتلها عشق بخبث وحضنتها وهي علي وشها إبتسامة انتصار لاول جزء من خطتها
Back... 
مايكل: مش سهله انتي برضو يابيبي 
عشق سابت الكاسه وقربت منه بدلع: وعايزك انت كمان تركز معايا وتسيبك من جوا الحب والجواز علشان بيقفلني منك 
مايكل بعدم رضا: حاضر بس انا حاليا تعبان ومحتاج انام شويه 
عشق: اوكي ادخل ارتاح وانا هنزل شويه... 
.............
عند فهد وتاج كانوا واقفين قدام بوابه الملجأ.. 

فهد: اعتقد كده فهمتي اي هي المفاجأة 
تاج بسعادة: دي اجمل مفاجأة في حياتي كلها 
فهد: طب يلا ندخل ولا اي
تاج: يلا... 
دخلوا الملجأ وتاج سابت ايد فهد بسرعه وجريت حوالينا الاطفال كانت بتلعب معاهم بكل حب وسعاده وفهد واقف بيتفرج عليها ببتسامه.. 

جه مدير الملجأ و وقف مع فهد يتكلموا شويه عن التبرعات الملجأ شافتهم تاج فابست البنوته اللي كانت بتلعب معاها وراحتلهم. 

تاج: صباح الخير يااستاذ عابد
عابد برسميه: اهلا وسهلا ياتاج هانم نورتينا وزيارتك فرقت مع الاطفال جدا
تاج ببتسامه: ميرسي لحضرتك بس كنت عايزه طلب كده
عابد: اؤمري يافندم
تاج: عايزه ادخل اوضه الاطفال حديث الولاده 
عابد: اكيد ياهانم طبعا اتفضلي 
تاج بصت لفهد وهو بصلها بمعني روحي اكيد.. 
تاج: تعاله معايا
فهد ابتسملها ومسك ايدها ومشيوا 
عابد فتحلهم الاوضه وسابلهم الاوضه وخرج 
تاج قربت من بيبي وشالته بحب وعيونها بدمع مسكت ايده وفضلت تبوس فيها عيونها بدات تحمر من العياط.. لفت لفهد واتكلمت بضعف وهي حضنها البيبي بتملك 

تاج: انا هتبني الطفل ده يافهد 
فهد بصدمه:....... 

بقلم/مريم مصطفي الجلاب 
تاج_الفهد

التفاعل مش عاجبني خالص ..
عايزة ٢٠٠٠ رياكت و كومنتات كتيرررررره 🥰♥️


تعليقات