 |
رواية تاج الفهد (كامله) الجزء الثاني الفصل الأول بقلم مريم مصطفي |
تاج الفهد "الجزء التاني"
البارت الاول♡
في اوضه ضلمه وقزاز مكسر علي الارض وصوت عياط..
دخل فهد فتح شباك الاوضه والنور دخل ع وشها
تاج بعصبيه: اقفل الشباك يافهد واطلع بره.
فهد: انا سيبتك امبارح علشان كنت مقدر حالتك وقولت علي الصبح هتكوني ارتاحتي بس الواضح ان مفيش فايده من لما جينا من عند الدكتور ولسه زي ماانتي.
تاج: ارتاح!! ارتاح ازاي وانا مبخلفش ارتاح ازاي وانا عارفه اني عمري ماهكون ام
فهد: قولتلك انا مش عايز اطفال دلوقتي انا عايزك انتي وبس لسه العمر قدمنا افهمي ياتاج اللي ربنا عايزو هيكون.
تاج بعياط: انت بتضحك ع نفسك انت اكتر حد نفسه في طفل انت مش بتشوف نفسك لما بتكون قاعد مع ولاد سيا وورد بتكون سعيد ازاي؟ انا السبب انا حرماك من ابسط حقوقك وانك تكون اب انا مبخلفش ودي حقيقه لازم تصدقها و..
قطع كلامها وهو بيقرب عليها وبيمسك ايدها: اوعي تكملي ياتاج اوعي تخلي لسانك يقولها انا ليكي انتي وبس
تاج: مش قادره يافهد مش قادره ارفع عيني في عينك وانا مقصره في حقك
فهد:كفايه لحد كده ياتاج كفايه كلام ف الموضوع ده
شلها ودخلها الحمام وراح جبلها لبس.
فهد: النهارده الجمعه والعيله كلها تحت مش عايز حد يحس انك ضعيفه علشان مراتي تقول عمرها قويه خدي شاور دافئ والبسي لحد ماالم الازاز اللي اتكسر بره وننزل سوا
تاج: مش عايزه انزل اعتذرلهم.
فهد: تاج مش هكرر كلام كتير يلا..
تاج بصتله بهدوء وهو سابها وراح يلم الازاز ويرتب الاوضه لانه مش حابب ان حد من الخدم ينضفها ويقول لوالدته.
تحت كانت العيله كلها قاعدين بيتغدوا ع السفره.
سماح: انا مش فاهمه تاج مالها من لما جت هي وفهد امبارح من بره وهي منزلتش من الجناح حتي الفطار رفضت تنزل تفطر معانا وفهد طلعوه بنفسه فوق ومنع الخدم ان محدش يجي جمب الجناح بتاعهم.
سيا: اكيد كانت عند الدكتور ماانتي عارفه ياماما تاج الموضوع مأثر معاها
صفاء: ربنا يكون في عونك يابنتي اتكتب عليها تتوجع وهي صغيره ووهي كبيره.
سماح: ربنا يرزقهم ان شاءالله.
ورد: ربنا يخليلها فهد عوضها عن كل اللي شافته ومتأكده ان شاءالله ان ربنا هيرزقها ببيبي ف اقرب وقت.
جميله:ان شاءالله
سماح: طب اتفضلوا يجماعه اتغدوا هما شكلهم هيتاخروا.. سليم بطل لعب مع ابنك وكل بقا
سيا: اهو كده علي طول حتي في البيت سيبني وبيلعب يما مع فيروز يافهد وانا ولا اكاني موجوده
سليم بغمز: الحلوه بتاعتي بتغير مش كده
سيا: وهغير علي اي خليك يا حبيبي اديهم حنان
سليم: عندك حق انا اديتك حنان كتير زمان ادي ولادي شويه بقا
سيا: ومن غيري مكنش هيبقا عندك فهد وفيروز يروحي
سليم بضحك: ومين قالك كده كنت هتجوز وهجبهم برضو من غيرك
سيا بعصبيه: شايفه ياماما شايفه بقا مستفز ازاي
سماح: بيهزر ياسيا هو معندوش اغلي منك
زين: انتو كل جمعه تتخانقوا كده انا صدعت منكوا
سليم: والله غيران اعمل زينا واتجوز
زين: اتجوز اي!!! هي ناقصه وجع دماغ ونكد ياراجل
مصطفي: والله يابني غلبت معا في الموضوع ده واخته جميله جبتله كذا عروسه وطفشهم باسلوبه
زين بهمس لسليم: لازم تقول اتجوز دلوقتي ده انت رخم حاول تخلي ابويا يقفل ع الحوار ده قبل مااقول انك كنت معايا في الديسكو امبارح هااا ومدام سيا قاعده
سليم: يابن ال****حسبنا بعدين اهدا عليا
سيا: انتو بتقوله اي ملاحظه انكوا بتتهمسوا من الصبح؟!
سليم: احم لا ابدا بنتكلم ف شغل.. والله ياعمي انا شايف ان الجواز مسئولية كبيره وزين مش قدها سيبه يكبر شغله الاول
مصطفي: براحته انا عملت اللي عليا معاه
في جناح فهد وتاج*خرجت من الحمام وقعدت تسرح شعرها قدام المرايا وشكلها مرهق قرب فهد منها و وقف يسرحلها شعرها بهدوء.
تاج بحزن وهي بتبصله ف المرايا:مش هنخلف ابدا مش كده.
فهد بتنهيده: دي حاجه ف علم الغيب بس عندي ثقه في ربنا انه هيفرحنا قريب.
تاج: بس الدكاتره قالوا مفيش امل
فهد: معجزات ربنا مش مستحيله بس نصبر كلها شويه وقت
تاج: متجوزين بقالنا سبع سنين ومحصلش ولا مره حتي اني احمل هصبر اكتر من كده اي!
فهد: ف ناس بتقعد فوق ال15سنه واكتر وربنا بيديهم ف الاخر
تاج: بس انا....
فهد بمقطعها لكلامها: انا خلصت شعرك البسي طرحتك علشان ننزل
فهد سابه وراح جبها كوبايه عصير
فهد: اشربي العصير قبل ماننزل
تاج بملل: مش فاهمه اي لازمه العصير ده كل يوم انا مش عايزها اشربه زهقت
فهد بتوتر: بحس انك بتبقي كويسه لما بتشربي وكمان انتي مبقتيش تاكلي زي الاول ف ده احسن ع الاقل
خدت تاج من ايده الكوبايه وشربتها..
تاج: يلا انا خلصت
فهد قرب عليها اكتر وخدها ف حضنه:مش عايز حد تحت يشوفك ضعيفه كده ولا الحزن ده ف عيونك متبينش ضعفك قدام حد غيري خليكي متأكده اني ديما سند ليكي ايدي عمرها ماهتسيبك وجعك هو وجعي اليوم اللي بتضحكي في الدنيا كلها بتضحكلي ابتسامتك بتهون عليا حاجات كتير ياتاج علشان خاطري ارجعي زي الاول ارجعي اضحكي خلي الدنيا تضحكلي.
تاج وهي بتحضنه اكتر: مش عارفه اقولك حاجه غير اني بحبك بس وعد هحاول انسا هحاول اعوضك عن الشهور اللي فاتت بس سبني اخد وقتي.
فهد: وانا معاكي لحد ماتبقي احسن من الاول.. ولو حد سألك تحت عملنا اي عند الدكتور امبارح قولي اننا مرحناش ورحنا غيرنا جوا.
تاج: بس ليه؟
فهد: علشان مش عايز اشوف نظره شفقه من حد ليكي او ليا احنا بنستقوا ببعض حزننا لوحدنا مينفعش نشارك حد في فهمتيني ياتاج؟
تاج:حاضر
خدها فهد وهو ماسك ايدها ونزله تحت لقيوا ان العيله خلصت غدا وقاعدين بيشربوا الشاي وبيهزروا مع بعض وسليم وحسام وزين قاعدين بيتكلموا مع بعض.
تاج: مساء الخير
صفاء: يامسا الفل يا حبيبتي
سماح:عامله اي النهارده
تاج: بخير ياطنط.. بعتذر اني مقدرتش انزل ع الفطار النهارده
سماح: ولا يهمك المهم تكوني ارتاحتي
ورد: انا بقا قومت عملت كيك بالشوكولاته علشان عارفه انك بتحبي
تاج بإبتسامة: متشكره اوي ياورد
فهد قعد مع زين وحسام وسليم وانضم ليهم نصار ومصطفي وتاج قعدت مع حماتها وامها وبنات العيله..
دخل فهد ابن سليم وهو ف ايده لعبه وهدومه مليان ترات من الجنينه وبيجري ع تاج.
فهد بفرح: مامااااا
سيا: ياقلب ماما اي اللي عملته ف نفسك ده
فهد ساب حضن سيا وجري علي تاج وهو بيحضنها
فهد: انا زعلان منك اوي ياماما
تاج:لي يافهد
فهد: علشان انا هنا من بدري ومش نزلتي حضنتيني زي كل مره
تاج بحب وهي بتشيله: يروحي كنت نايمه بس وعد مش هتكرر تاني
سيا بضيق: تعاله معايا يافهد علشان اغيرلك هدومك دي
فهد: لا ماما تاج هي اللي هتيجي معايا
سيا: لا تاج تعابنه ومحتاجه ترتاح
تاج: عادي ياسيا انا كويسه المهم عندنا راحت فهد باشا
سماح لاحظت انفعال سيا ف ادخلت بسرعه: مالك ياسيا خلي تاج تاخده وانتي اطلعي نيمي فيروز علشان نامت وهي بتلعب
سيا بصوت عالي وضيق:...........
بقلم مريم_مصطفي_الجلاب
اكمل ولا كفايه جزء واحد ❤
بدل ماتدور وتبحث علي الروايات خليها علي تليفونك وحمل تطبيقنا
