Ads by Google X

رواية عشقت فهد الصعيد الفصل الثاني والعشرون 22 بقلم الكاتبه المجهولة

 


رواية عشقت فهد الصعيد الفصل الثاني والعشرون 


نpart 22

 ~~~~~~في المول~~~~~~

نور بتعب : بنات أنا خلاص تعبت كفايه لف لحد كده 

ضحي : خلاص يعتبر خلصنا فاضل بس فساتين الحنه

شيماء : حنه إحنا هنعمل حنه

ضحي بحماس : بصو بقا أنا فرحي عرفتوا في يوم وليله ملحقتش أعمل حاجه لا جبنا حنانه و لا عملنا ليله حنه ولا أي حاجه فا أنا هعمل كل حاجه معملتهاش في فرحي هعملها في فرح شيماء 

شيماء : معاكي حق طب تمام أنا أعرف أتيليه هنا عندوا فساتين جميله أوي

نور : تمام وأحنا كده جبنا فساتين الفرح نجيب الحنه و بعد كده هوديكوا مكان جامد

ضحي : تمام يلا بينا 

أتحركت البنات وهما ماشيين وقفوا قدام محل 

ضحي : يالهوي علي الجمال 

نور : طب بس يا ماما جنان ويلا عشان نلحق نشتري ونروح قبل العشا 

ضحي وهيا بتشد البنات : طب تعالو بس 

ضحي : السلام عليكم

الموظفه : و عليكم السلام يا فندم 

ضحي : لو سمحتي أنا كنت عايزه ٣ بدل من دول 

الموظفه : ٣ شبه بعض 

ضحي : أه ويكونو نفس المقاس

شيماء : يابنت المجنونه هنلبسهم إزاي 

ضحي بهمس : ليله الحنه 

شيماء بردح : نعمممم يا ختي دا يعلقونا 

ضحي : يابت هنلبسهم وسط الحريم يا حيوانه و كمان إلي هيكون موجود هما قريبنا مش حد غريب

نور : ضحي فهد مش هيوافق

ضحي : ومين قال إن هقوله أصلا دا أنا حتي مش هقول لحد من مرتات عمامي هعملها مفاجأة ليهم

نور : ربنا يستر 

الموظفه : أتفضلي يا فندم 

ضحي : في أشكال تانيه 

الموظفه : اه طبعا 

ضحي : طب ياريت توريني 

شيماء : طب الرابعه لمين

ضحي : دي ليا انا 

نور بضحك : أيوه يا عم 

أشترت ضحي الحجات وطلعوا الاتليه و جابوا فساتين للحنه و كانت عباره عن ساري هندي خرجت من المحل وهيا ماشيه كان في حد معدي من جمبيها حامل صنديق كبيره عدي من جمبها وصندوق و قع علي ظهرها.... صرخت ضحي مره واحده لان هيا لسه متعافتش من الخبطه الاولي 

نور برعب : ضحي حبيتي مالك 

ضحي بوجع : ضهري بيوجعني هاموت اهههه

شيماء : طب أرن علي فهد أو نروح المستشفي 

ضحي بوجع بتحاول تكتمه : لا انا بخير ساعدوني بس أقعد علي الكنبه إلي هناك دي 

ساعدوها البنات تقعد علي الكنبه 

الموظف : أنا أسف يا فندم و لله غصب عني وقعوا

ضحي بتعب : ولا يهمك حصل خير 

مشي الموظف و ضحي قعدت شويه 

ضحي بتعب : يلا بينا 

نور : ضحي متأكده هتقدر تمشي 

ضحي : أنا بخير ولله يلا هنروح علي فين 

نور : تعالوا هوديكوا لمكان تحفه يلا

شيماء : هنروح فين 

نور : عند سالي

ضحي : سالي مين

نور : دي واحده عندها بيوتي سنتر كبير روحت عندها قبل فرحي و انا كلمتها وحجزت البيوتي سنتر كلو

ضحي بتعب : مش لازم ما كان في حد هايجي البيت و نخلص

شيماء : بس يا حيوانه يلا يا نور 

  ~~~~~~بيوتي سنتر~~~~~~~

نور : صباح الخير يا جميل 

سالي : نونو حبيبتي وحشتيني 

نور : و إنتي أكتر ولله

سالي : إزيك يا شيمو ألف مبروك يا حببتي 

شيماء : الله يبارك فيكي يا جميل

سالي : أمال مين القمر دي

نور : دي ضحي بنت عمي إلي قولتلك عليها 

سالي : أهلا يا قمر

ضحي : أهلا بيكي

شيماء : دي مرات فهد 

سالي : بجد ألف مبروك 

نور : ما أنا وهيا كنا فرحنا مع بعض المهم يلا نبدأ

سالي : تمام كلوا حاجه جاهزه ألاول هتدخلوا sawna وبعد كده نعمل الباقي 

نور : تمام بس أنا مش هينفع أدخل 

سالي : ليه يا قمر

نور : عشان أنا حامل

سالي : بجد ألف مبروك 

نور : الله يبارك فيكي 

سالي : تمام هما يدخلوا و أنتي نكون عملنا بدكير ليكي

نور : تمام يلا بينا

بدأت كل البنات تروح لي مكانها، بعد مده

خرجت ضحي من السونا وهيا لابسه بورنس وشعرها الاسود الطويل نازل لبعد  ظهرها وهيا متعبه بي شده 

سالي بدهشه : ما شاء الله عليكي بجد زي القمر و جسمك بجد مش محتاج حاجه 

ضحي بكسوف : ربنا يخليكي يارب 

سالي دلوقتي هنعملك بدكير و بعد كده شعرك

ضحي : لا خلي البدكير أخر حاجه خالص دلوقتي نعمل شعري

سالي : تمام ها عايزه تقصيه و إيه

نور : تقصه دا فهد يعلقها

ضحي : لا انا مش هقصه بس عايزه أصبغه لون غجري 

سالي : كله و لا خصل 

ضحي : لا بصي أنا عايزه زي إلي في الصوره دي 

ورتها ضحي الصوره وكان عباره عن الشعر من فوق أسود و نازل تدريجي بي الصبغه

سالي : جميله أوي و هتبقي عليكي حكايه

نور : طب و أنا عايزه بردوا

سالي بضحك : للأسف مش هينفع تصبغي شعرك عشان إنتي حامل

ضحي بضحك : سيبك منها خليكي معايا

نور : واطيه واطيه يعني صحيح شيماء فين

سالي : شيماء هطول في السونا شويه عشان عروسه بقا 

نور : طب أنا كده خلصت البدكير في إيه تاني 

سالي : دلوقتي هاتخدك حبيبه و هتعملك الباقي 

ونادت سالي علي حبيبه و أخدت نور و سالي بدأت تصبغ شعر ضحي 

سالي : بس كده نص ساعه و هاجي أغسلك شعرك هاروح أنا دلوقتي أشوف شيماء 

ضحي : تمام يا قمر 

سالي : وربنا ما في قمر غيرك باي

مشيت سالي و ضحي قعدت بتعب شديد علي الكنبه وهيا بتحاول ما تصرخش من الألم بدأت تقلب في مجله لحد ما الموبيل رن 

ضحي : ألو 

فهد : وحشتيني أتأخرتوا ليه

ضحي بكسوف : معلش بقا بنجهز عروسه في يوم واحد 

فهد : طب إنتي فين دلوقتي 

ضحي : أممم احنا في بيوتي سنتر 

فهد بخبث : بتعملي إيه 

ضحي : أحم مبنعملش

فهد : ولله تمام لما تيجي أبقا اعرف عملتي إيه بطرقتي علي العموم هتتأخري 

ضحي بتعب  : لا إن شاء الله هنكون علي العشا هناك ومتخفش معانا الحرس مستنينا قدام المول 

فهد : تمام هقفل أنا عشان عندي شغل كتير و أحتمال أتأخر بره 

ضحي : تمام بس حاول ما تتأخرش أوي 

فهد : هحاول سلام 

وقفل فهد مع ضحي وكملت ضحي قراءه في المجله 

شيماء : دة بجد بقا إنتي صبغتي شعرك يا مجنونه

ضحي بضحك : أه يا أختي 

شيماء : عملتي لون إيه 

ضحي : هتشوفي لما أغسل هاتعملي إنتي التانيه

شيماء : وليه معملش سااالي 

سالي : في إيه بتنادي ليه بصوت عالي دا ما فيش غيرنا أنا و البنات بتوعي هنا 













شيماء بضحك : معلش بصي أنا عايزه أصبغ شعري

سالي : تمام اقعدي هنا دقيقتين هشوف نور و أجي 

بعد دقيقتين جات سالي 

سالي : ها يقمر هنصبغه إيه

شيماء : هصبغه بني بندقي وبنفس الطريقه بتاعت شعر ضحي 

ضحي : قلوده

سالي : تمام يلا بينا 

وبدأت سالي تعمل شعر شيماء 

نور بتعب : ياه أخيرا خلصت ولله ما هقوم من مكاني غير علي بيتي 

سالي : يا روحي معلش إنتي كده خلصتي يلا يا ضحي أدخلي إنتي عشان إنتي لسه هتعملي بدكير 

ضحي : تمام باي يا شباب

نور : سالي ونبي هتيلي كوبايه مايه 

سالي : من عنيا 

نادت سالي علي واحده تجيب لي نور مايه 

سالي : يلا يا شيماء كده خلصنا روحي بقا مع منه و بعد ساعه هجيلك يلا عشان متتأخروش 

نور : أه ونبي يلا عشان منتأخرش عمر عمال يرن عليا 

شيماء : تمام هقوم أنا 

سالي : هروح أشوف ضحي و أجي أقعد معاكي عشان وحشاني 

نور : تمام يا قمر 

مشيت سالي عند ضحي، بعد ساعه 

ضحي : يالهوي هموت يا ناس أنا غلطانه إني سمعت كلامك يا نور كنت زماني في البيت نايمه

نور : اوعا علي الجمدان إيه يابت ده أمال لما تغسلي شعرك هتكوني عامله إزاي 

ضحي : من يومي 

شيماء : أنا جييييت إيه ده بجد تعبانه موت انا عايزه أكل

سالي بضحك : معلش بقا بس في الاخر التعب ده عشان الجمال إلي قدامي يلا عشان أغسلكم شعركم

ضحي بسرعه : أنا هغسل شعري بعد شيماء 

سالي : تمام يلا يا شيماء 

وبدأت سالي تغسل شعر شيماء و بعد كده جفيفته وكان جميل جدا 

ضحي : يالهوي ما شاء الله فظيع يابت ولله

سالي : بجد جامد عليكي

شيماء : تسلمي بجد يا سالي

نور : تحفه يا روحي يلا بقا يا ضحي 

وبدأت شيماء تغسل شعر ضحي وجفيفته وكان قمه في الجمال و الروعه 

سالي بإعجاب شديد : ما شاء الله خمسه في عيوني بجد ما شوفتش شعر بي الجمال ده قبل كده

شيماء : بجد روعه يا ضحي الكل.ب عشان كده مكنتيش عايزه تقولي علي اللون

ضحي : طب ولله بتاعك جامد

نور بزعل : تحفه يا قلبي أنا مليش دعوه أنا عايزه أعمل شعري ها 

سالي بضحك : ليكي عليا أول ما تولدي هاجي أصبغلك شعرك 

نور بضحك : تمام لما نشوف 

ضحي : هدخل ألبس و ألف حجابي عشان نمشي

شيماء : وأنا كمان 

دخلت البنات تلبس و نور حاسبت سالي و بعد كده اتجه لي القصر 

 ~~~~~~~~في القصر~~~~~~~~

وصلت البنات البيت و هما في قمه التعب راحو أترموا علي الصالون اوا ما دخلوا 

ضحي : يالهوي يا ناس هموت عايزه أكل

فخريه : فاضل ساعه ويكون الكل موجود 

فاطمه : أتأخرتوا ليه 

نور : كنا في البيوتي سنتر 

زينب : فرجونا جيبتوا إيه 

شيماء : لا اتفرجوا عليها و انتوا بترتبو الحاجه عشان الواحد تعبان 

ضحي بتعب شديد : في اي حد من الرجاله في البيت 

فاطمه : لا كلهم بره 

ضحي : طب حلو 

وفكت طرحتها 

فخريه : يخربيتك عملتي إيه في شعرك 

ضحي : إيه رأيك 

زينب : قومي كده ورينا 

قامت ضحي و فردت شعرها و الكل بصلها بي دهشه و أعجاب 

فاطمه : يالهوي يا ضحي جميل عليكي قوي

ضحي : عيب عليكي

فخريه : جميل يابت وطالع في وشك 

زينب : ناصحه يا ضحي 

ضحي : وشيماء عملت بردوا 

فاطمه : بجد قومي ورينا يا شيمو 

قامت شيماء ورتهم بردوا 

زينب : زي القمر ما شاء الله 

فاطمه : جميل أوي

فخريه : بس أوعوا تكون نور عملت عشان الحمل دا هيكون غلط عليها

نور وهيا بتفك الطرحه : لا يا ستي معملتش 

فخريه : طب الحمد لله يلا قومي أطلعوا الجناح بتاع كل واحده و خدوا الحاجه معاكوا 

ضحي بتعب : يالهوي لسه هشيل تاني

زينب : مالك يا ضحي حساكي تعبانه 

ضحي : لا مافيش انا بس تعبانه شويه من المشي طول اليوم يلا هشيل الحاجه وهطلع 

قامت ضحي و لسه هتشيل لقت جدها سليم و محمد دخلين 

سليم : وه عملتوا إيه في شعركم يا بنات

ضحي : إيه رأيك يا جدي مش زي القمر

سليم : زي البدر يا بنتي 

شيماء : البت دي ما بتكسفش 

محمد : لا ضحي ابدا 

ضحي : ما شي ياجدي 

محمد : بهذر طالعين زي القمر

نور : حبيبي يا جدي

سالم : يلا أطلعوا عشان الشباب علي وصول 

طلعت البنات علي فوق بسرعه 

ضحي : بصوا خلو عندي البدل عشان يوم الحنه يبقا نغير في جناحي 

شيماء : تمام 

نور : بس أوعي فهد يشوفهم 

ضحي : عيب عليكي 

دخلت ضحي جناحها و راحت حطت الشنطه في دولابها و دخلت الحمام خدت دوش 

بعد مده طلعت ضحي و هيا لابسه عبايه بيتي لونها أزرق 

وراحت عند التسريحه تسرح شعرها و هيا معجبه بي شكله ولونه 
خلصت ولفت حجابها ولسه هتخرج حست بتعب شديد في ضهرها ومكنتش قادره تمشي راحت قعدت علي السرير وخدت حبايه مسكن ونزلت تحت وهيا تعبانه جدا

نزلت تحت كان لسه محدش وصل 

ضحي : السلام عليكم 

سليم : وعليكم السلام 

ضحي : جدي فهد هيتعشا معانا 

سليم : اه أنا كلمتو وقولت ليه يجي وهو دلوقتي قدامه عشر دقايق ويوصل 

ضحي : تمام أمال جدي فين

سليم : راح الجناح بتاعه يرتاح 

ضحي : طب يا جدي بعد أذنك كنا أنا و البنات حبين نعمل ليله حنه بكره 

سليم : تمام يا بنتي 

ضحي بفرحه : بجد شكرا يا احلي جد في الدنيا 

وراحت حضنته و راحت علي المطبخ 

ضحي بتعب : في حاجه أعملها معاكو 

زينب : لا يا حبيبتي 

ضحي : طب أنا عايزه أقول ليكو علي حاجه 

وبدأت ضحي تحكي علي انهم عايزين يعملو ليله حنه

فخريه : تمام مافيش مشكله خلاص هبقا أكلم قريبنا وأعزمهم بكره 

ضحي بتعب : تمام هطلع أنا أقعد بره عشان مش قادره أقف 

فخريه : أطلعي يا قلبي 

شيماء ونور : السلام عليكم 

ضحي بتعب : جيتو في وقتكوا شيلو أنتوا الاكل عشان انا مش قادره أقف 

شيماء بهمس وقلق : ضحي إنتي متأكده أنك بخير

نور : أه ونبي ياضحي الواقعه كان جامده 

ضحي : أنا بخير انا بس لما أخد العلاج و أرتاح شويه هبقي كويسه 

خرجت ضحي وراحت قعدت جمب جدها وبعد مده دخل فهد 

فهد : السلام عليكم 

سليم : وعليكم السلام أتأخرت ليه 

فهد : ولله يا جدي الصفقة الجديده واخده كل وقتي 

سليم : ربنا معاك 

بص فهد ناحيه ضحي إلي كانت في قمه الجمال ولكن كان يظهر عليها التعب الشديد 

فهد : مالك يا ضحي تعبانه 

ضحي بحب وتعب : لا انا بخير أنا بس تعبانه من المشي طول النهار هاكل و هطلع أرتاح وابقي كويسه 

حازم : يا ناس أنا جعااااان 

ضحي : يلا يا مفضوح همك علي بطنك كده
















حازم : أعمل إيه يا ختي جوزك ساحلني في الشغل ومش مقدر إني عريس

ضحي : أحسن تستاهل صحيح بمره هنعمل ليله حنه

فهد : ليه 

سليم : البنات نفسهم يعملو ليله حنه خليهم و قريبنا جاين بكره هيحضروا ليله الحنه 

فهد : تمام يا جدي 

زينب : يلا يا جماعه الاكل جاهز 

ذهب الجميع لي تناول الطعام وبعد وقت ذهب كل واحد إلي جناحه 

دخل فهد الجناح بتاعوا و انصدم من الذي رأه

○○○○○○○○○○○○○○○


بدل ماتدور وتبحث علي الروايات خليها علي تليفونك وحمل تطبيقنا

تحميل تطبيق سكيرهوم
تعليقات



حجم الخط
+
16
-
تباعد السطور
+
2
-