Ads by Google X

رواية منتقبه ولكن الفصل الثاني 2 بقلم سارة محمد

 


 رواية منتقبه ولكن الفصل الثاني 



عاوز غدا من عيوني الاتنين تقول قبل متمشي..
اه.. وتجيب بكره معاك وانت جاي خضار وباقي الحاجه هبقا اكتبهالك في ورقه.. وتسيب هنا فلوس علشان بتاع الكهربا
جه امبارح وانا مش هصرف علي بيتك من معايا..
وراحت قيلالي .. يلا في رعايه الله وراحت داخله وقافله باب الاوضه ...
انا كنت واقف مستعجب وبضرب كف علي كف..
صحيت الصبح لقيتها بتحط اخر طبق على السفره.. اكلت وجابت الشاي وحطته.. وجاي اقوم من علي السفره..
قالتلي متنساش الورقه...
طلعت الف جنيه من المحفظه وحطيتها على السفره..
هي : ربنا يسهلك الحال ويرزقك..
انا : يا رب.. ونزلت..
حسام صاحبي : عامل ايه في حياتك الجديده يمعلم..
انا : عامل هباب... كل حاجه هباب..
ليه يعم دا كل الشباب بتحلم تفتح بيت..
انا : اه يا اخويا اه بقولك ايه متبعت حد يجيب الحاجات اللي في الورقه دي كنت هنسي...
حسام : ههههه ايه اللي في الورقه ده.. طماطم وخيار... وايه تاني.. اقرا دي كدا...ههههه
انا : كفايا تحفيل يا حسام..
ادهم : انا علشان صاحب جدع هروح معاك بعد الشغل.. انما مش هلقيلك حد ف الأمن يعملك ده..
اشوفلك حد من العمال بتوع البنك؟!😂
قومت وسيبته علشان اروح الاجتماع. 
واترقيت ومكنتش متوقع ان منصبي في البنك يعلي اكتر من كدا....
طلعت من الاجتماع وانا ميت من الفرحه...
يلا يا عم نطلع نتسوق علشان تعرف اني صاحب جدع بس...
نقيت كل حاجه وانا مبسوط وروحت..
مفيش حاجه شوفتها ومجيبتهاش...
فتحت باب الشقه ودخلت..
سلام عليكم..
اسراء : وعليكم السلام ..
ايه ده كله؟!
انا : دا كل الحاجات الي في السوق...
اسراء بضحك :الله.. القرع دا انا هعمل فيه ايه انا مش عارفه بيتعمل ازاي...
ادهم : فين الغدا علشان ميت من الجوع يا....
اسراء : اسراء..
بصيتلها وقولتلها يا اسراء وابتسمت.. وهي كمان ابتسمت..
جابتلي فراخ ومكرونه وجابت النسكافيه وجت قعدت جنبي علي السفره..
اكلت وبعدين لاحظت انها مجبتش طبق لنفسها وقاعده ساكته وبتتفرج عليا..
انا : مش هتاكلي يا اسراء؟!
اسراء : مش جعانه..
سابتني لحد مخلصت اكل..
انا : علي فكره اكلك حلو..
اسراء :شكرًا..












بصيتلي بعد ممسكت مج النسكافيه فى ايديها الأتنين .. وقالتلي.. انا امبارح بس وقت مكلمتك بزعيق قررت اني مش
هسكت علي اهانه تاني في حياتي...
متفتكرش او تتخيل ان في واحده وافقت تتجوزك خلال أسبوع من وقت متقدمتلها بأرادتها..
انا اسراء عمري 24 سنه خريجه صيدله حفظت القراءن وختمته وانا عندي 20 سنه ماما الله يرحمها هي الي حفظتني
القراءن كله.. كانت بتحفظ ناس كتير ومن ضمنهم والدتك.. بس ماما ماتت في نفس السنه دي.. وبابا اتجوز واحده..
كانت مرات اب بمعني الكلمه.. قصيتلي شعري مره وانا نايمه.. وريتني ايام ميعلم بيها الا ربنا وعلشان بابا طيب
مكنش بيقدر يكلمها.. كنت كل يوم بتهان بمعني الكلمه.. لدرجه اني قررت انتحر مره... بس مقدرتش..
كان بيجيلي عرسان وهي كانت عاوزه ترميني اي رميه وخلاص .. لحد م ف يوم والدتك قابلتني وعرفتني وافتكرتني..
وبعدها عرفت ان العريس الي متقدملي ابنها... فوافقت علشان اخلص من شر مرات ابويا...
وعيونها دمعت في اللحظه دي وقالتلي فلو هنا كمان شر.. قولي..
مش هقولك علشان انتحر.. لان انا عمري مرتكب الجريمه ديه. بس قولي علشان اعرف اخد حقي...
يومها بابا كان تعبان جدا وفضل يتحايل عليا ويقولي وافقي يا اسراء علشان تخلصي منها..
وقامت وقفت ومسحت دموعها وقالتلي حكايه مأساويه صح....
تصبح علي خير..
انا : شكرا يا اسراء علي دعوتك ليا النهارده.. انا اترقيت بسببها..
بصيتلي وابتسمت ودخلت...
انا في سري..
هفضل ع الوضع ده لحد امتا..؟!
ليه كدا بس يا امي..
خرجت اسراء الساعه 9 من اوضتها وقالتلي..
انت مبتصليش ليه يا ادهم..
انا : مش عارف..
اسراء : انت متخيل ان 5 دقايق في كل صلاة كل يوم تقف فيهم قدام ربنا بيحموك من نار جهنم..
عارف يا ادهم انت لو صليت حوالي 27 يوم ورا بعض وقررت تاخدها تحدي عمرك مهتقدر توقف صلاه بعدها غصباً عنك
مش بمزاجك علي فكره..
كل حاجه بتبقا بدايتها فكره..
ادهم : طيب نتراهن..
27 يوم بس بجد..
اسراء بأبتسامه : اه حوالي 27 يوم..
ادهم : خالص اشطا..
اسراء بأبتسامه :اشطا..
هبقا اصحيك لصلاه الفجر بقا ..
ووانا معدي من قدام باب اوضتها الساعه 12 سمعتها بتعيط بس مشيت ومخبطتش..
تاني يوم روحت الشغل..










حسام : شكل الجوازه ديه وشها حلو عليك يا معلم...
بصلي فيها.. يا اخويا اكتر ما هي ناقصه..
هي طيبه وكل حاجه بس انا لسا مبحبهاش..
طلعت من الشغل روحت ابص علي ماما.. كانت اختي الكبيره قاعده معاها..
انا : ازيك يا ماما عامله ايه دلوقتي...
ماما : ملكش دعوه بيا المهم انت عامل ايه..
انا : انا الحمدلله والله يماما..
ماما : انا بخير طول ما انت مبسوط كدا ومريحني...
مجبتش اسراء معاك ليه يحبيبي..
انا : امم اممم. علشان انا طلعت من الشغل علي طول ومقولتلهاش..
ماما : المره الجايه متجيليش من غيرها... وتحطها في عينك يا ادهم.. اسراء دي لو لفيت الدنيا دي بحالها مش
هتلاقي زيها.. خليك فاكر الكلام ده كويس..
نرلت من عند ماما بعد محلفت عليا اتغدا معاهم وروحت علي الساعه 9 بالليل كدا بعد مقعدت مع اصحابي شويه..
دخلت من باب البيت لقيت النور مطفي.. واسراء في اوضتها.. قولت ممكن تكون نايمه بقا..
دخلت المطبخ علي الساعه 11 ملقتش في طبيخ معني كدا انها مدخلتش المطبخ..
انا في سري : وانا مالي بيها دا انا بتمنا تختفي من حياتي.. مش هخبط عليها الء...
ايه ده انا مصليتش العشا لسا..
روحت اتوضيت وصليت العشا وظبطت المنبه علي وقت صلاة الفجر..
صحيت وروحت اتوضيت وقولت اصحيها بقا علشان تصلي الفجر وامري لله..
مهيا صحتني امبارح اردهالها وتبقا خالصين..
روحت وقفت قدام باب الأوضة وخبطت..
يا اسراء... اسراء مبتردش... فضلت اخبط لمده 3 دقايق ومفيش صوت..
قلقت روحت فاتح الباب لقيتها نايمه علي السرير...
روحت وقفت جنبها وبصيت علي وشها لقيته احمر خالص وبيطلع نار...









انا : اسراء.. اسراء اصحي علشا صلاه الفجر...
سمعتها بتقول.. والنبي يا ماما خوديني معاكي والنبي...
حطيت ايدي علي دماغها لقيتها سخنه جدا...
فضلت اكلمها.. بردو في دنيا تانيه...
روحت جبت مايه ساقعه وتلج وفوطه وفضلت اعملها كمادات بس مفيش حاجه بتتغير وانا اصلا مش عارف اتعامل.. ولا
بعرف في الحاجات دي ومفيش
هنا علاج ...
مسكت التليفون واتصلت بحسام...
الو يا حسام..
اسراء تعبانه ومبتنطقش وانا مش عارف اعمل ايه..
حسام كان نايم : اسراء مين يا ابني..؟!
انا : الي انا متجوزها..
حسام : مراتك يا ادهم.. متقول مراتي..
بص اخويا في المستشفي دلوقتي هكلمه واجيلك وناخدها علي المستشفي....
انا : ال ال خليك انت كلمهولي بس وانا هروحله...
نزلت الاول فتحت باب العربيه وبعدين طلعت شيلتها ونزلت وحطيتها في العربيه واول موصلت المستشفي.. الدكتور
اخو حسام جالي بنقاله علي طول واخدها بسرعه...
البنت ديه صعبانه عليا جدا..
اخو حسام : ازاي سيبتها لحد متوصل للمرحله ديه دي محتاجه نقل دم من كتر ما هيا مبتاكلش.. وكمان درجه حرارتها
عاليه جدا...
احنا مش لاقيين كمان فصيله دمها يا ادهم.. لازم تتصرف بسرعه..


بدل ماتدور وتبحث علي الروايات خليها علي تليفونك وحمل تطبيقنا

تحميل تطبيق سكيرهوم
تعليقات



حجم الخط
+
16
-
تباعد السطور
+
2
-