 |
رواية يلا بينا نعرف نبينا الفصل الثلاثون بقلم اسماءيا30 يلا صلوا على النبى ^_^ #أحلى_قصة_حب ❤ #حب_خديجة_ومحمد_ﷺ ❤ النهارده النبي ﷺ تحديدا عنده 25 سنة في ريعان شبابه .. أجمل مخلوق خلقه الله هو النبي صلى الله عليه وسلم .. بدأ النبي يشتغل في التجارة بعد تعليم عمه أبو طالب له .. وبدأت سمعته تنتشر في قريش وبدأت قريش كلها تتكلم علي محمد وعلى أخلاق محمد ومهارته في التجارة وأمانته وصدقه ووفاؤه لحد ما لُقِّب بين قومه بالصادق الأمين ♡ .. السيدة خديجة عايشة بقه كان عندها 40 سنة وكانت جميلة جداً وغنية جداً جداً وكانت أرملة ، و ورثت زوجها أبي هالة وكان غني جداً و عيلتها أصلاً كانت غنية وهي كانت بتعمل حاجة أسمها المضاربة ( يعني تجيب تاجر تأجره في مقابل إنه ياخد التجارة بتاعتها ويروح يبيع ويشتري و يجيبلها بعد كده الربح " المكسب يعنى " ) .. فبدأت أخبار النبيِّ ﷺ تنتشر لغاية ما وصلت لخديجة بنت خويلد فبدأ يدخل في قلب خديجة شئ من الحب إلى رسول الله .. لدرجة إنها فكرت و قالت للغلام اللى بيشتغل معاها أسمه " ميسرة " و سألته : " ماذا سمعت عن محمد ؟ " .. فقال لها : " أنه صادق وأمين ووفيّ وماهر في التجارة " .. وقالها كل صفاته صلى الله عليه وسلم وكل اللي قريش بتقول عنه ، فقالت : " يا ميسرة أذهب إليه و أسأل محمد هل يقبل أن يُضارب في أموالي بالأُجرة " ، و فعلاً ميسرة راح للنبي وقاله : " يا محمد تسألك خديجة بنت خويلد أن تُتاجر في أموالها فهل تقبل ؟ " .. فوافق محمد ﷺ ( و مرفضش يشتغل مع إمرأة ) ، فخديجة جابت ميسرة وقالت له : " يا ميسرة سأرسلك مع محمد في تجارة إلى حدود الشام فأتبعه وقولى ماذا يفعل " ( يعنى أنا عايزاك يا ميسرة تبقى عينك علي محمد وترجع تقولي ، إيه اللي حصل وعمل إيه فى الفلوس وأشتغل إزاى ) .. و فعلاً سافر ميسرة مع محمد ﷺ وخلصوا التجارة بتاعتهم .. ورجع ميسرة ولقى السيدة خديجة وقفاله على الباب ^_^ فقالت : " ما فعل محمد يا ميسرة ؟ " .. ميسرة رد عليها بجملة واحدة بس ... قال : " يا سيدتى لم أر في حياتي مثل هذا قط ، كان يفعل كذا وكذا وكذا " و قعد بقه يحكيلها على أمانة محمد وعلى صدقه وعلى أخلاقه وعلى عفته عليه الصلاة والسلام فبدأ يقع في قلب السيدة خديجة حب أكتر لرسول الله ♡ ^_^ .. و فى يوم دخلت عليها واحدة صاحبتها أسمها " نفيسة بنت المنبه ".. وسألت خديجة عن أخبارها ، فبتقول نفيسة : " فلم تتكلم خديجة إلا على محمد ♡ ولم تنطق بكلمة واحدة غير محمد " .. فنفيسة قالت لها : " أوليس غير محمد ^_^ !! " ( يعنى هوه مفيش كلام غير عن محمد وأخباره ^_^ ) ... بس نفيسة فهمت وقدرت إحساس خديجة رضى الله عنها ومشاعرها الجميلة وقالت لها : ..... |
بدل ماتدور وتبحث علي الروايات خليها علي تليفونك وحمل تطبيقنا
