Ads by Google X

رواية يلا بينا نعرف نبينا الفصل الواحد والثلاثون 31 بقلم اسماء

 


رواية يلا بينا نعرف نبينا الفصل الواحد والثلاثون  


يلا صلوا على النبى 😊
#أجمل_قصة_حب ❤
#حب_خديجة_ومحمد_ﷺ_وزواجه_منها ❤

بعد ما نفيسة لاقت السيدة خديجة مشغولة بمحمد ﷺ ، فقدرت نفيسة مشاعر صحبتها الجميلة أوى وقالت : " يا خديجة تحبى أن أكلمه ♡ ؟ " .. ردت خديجة و قالت : 
" في ماذا ؟ " .. قالت لها : " في الزواج 😊 " .. فردت خديجة : " من من ! " .. قالت لها :  " منك 😊 " .. فقالت خديجة : " نعم ... كلميه :') ♡ " ..








و راحت نفيسة للنبي عليه الصلاة والسلام فقالت : " يا محمد ما يمنعك أن تتزوج ؟ " (يعنى مش بتفكر فى الزواج ) ، فقال : " ما بيدي ما أتزوج به " ( مين تفكر تتجوزنى وأنا لسه في بداية حياتى ) .. قالت : " فإن كفيت ودعيت إلى الجمال والمال والشرف والكفاءة إلا تجيب ؟ " .. قال : " فمن هي " .. قالت : " خديجة 😊 " .. قال : " وكيف لي بذلك ؟ " ( إزاى ممكن يحصل هى ترضى ؟! ♡ ) .. قالت : " علي " ( يعنى سيب الموضوع ده عليه 😊 ) .. قال : " فأنا أفعل " ( يعنى ياريت أنا موافق ♡ ) ..

فرجعت السيدة نفيسة بعد ما نجحت في مهمتها وبسرعة تجرى نفيسة وهيه طايرة من الفرحة 😊 لحد ما وصلت لخديجة وقالت : " أبشري يا خديجة قَبِلَ محمد .. قَبِلَ محمد " ، ففرحت
خديجة حتى بكت :') ♡ .. وغابت نفيسة يومين و راحت نفيسة لمحمد و قالت بفرح : " يا محمد قبلت خديجة .. قبلت خديجة ، فعندما أخبرت خديجة عنك قالت : " وهل مثل محمد من أحد ♡ ! " ( يعنى هوه فيه فى الدنيا زى محمد ) ..

فرح النبي صلى الله عليه وسلم أوى وتم الزواج ، وكان بيحبها لدرجة إن النبي ﷺ بعد وفاتها كان لما يجي يتكلم عن خديجة كان يقول : " إنى رُزِقت حبها " ..

هنحكى بقه شوية مواقف عن حب خديجة ومحمد ﷺ ♡ .. 
مرة كان النبى عليه الصلاة و السلام قاعد في البيت بعد وفاة خديجة وكان أتجوز السيدة  عائشة .. فالباب خبط ، فالنبي ﷺ قال : " كأنه صوت خديجة ( صوت خبطتها ) فيقول اللهم أجعلها هالة أخت خديجة " .. فيفتح ف فعلاً تطلع هالة أخت خديجة ( عارفين أى حاجة تيجى من ريحة الحبايب .. ده بيخلى القلب يرتاح أوى ) فيدخلها النبي ﷺ ويقعد يتكلم معاها لحد ما تمشي ..









و مرة يوم فتح مكة يعني بعد وفاة السيدة خديجة ب 15 سنة يدخل النبي ﷺ مكة منتصر قائد لجيش عظيم معاه 10 آلاف جندي ، فيقف عند قبر خديجة و يبكى 😢 ♡ .. ولما كانت كل القبائل جاية تبايعه على الإسلام ، النبي ﷺ يلاقي ست عجوزة جاية تتعكز على عصاية فالنبي ﷺ وشه فرح أوى بعد ما شافها وراح خالع العباية اللى على ضهره وفرشها على الأرض وقعدت الست عليها وقعدوا يتكلموا سوا ساعة ، و أول ما الست مشيت ..

تيجي السيدة عائشة و تقول : " يا رسول الله من هذه العجوز ؟ " .. فيقول : " يا عائشة هذه صاحبة خديجة ، كانت تأتينا أيام خديجة " .. قالت : " وفيم كنتم تتكلمون ؟ " .. قال ﷺ : 
" كنا نتذكر الأيام الخوالي ♡ ، أيام خديجة " ... مرة الصحابة دبحوا غنم فالنبي ﷺ راح وأخد حتة منها ولفها وقالهم : " أرسلوا بها إلى صاحبات خديجة ♡ " ..

تعرفوا إن السيدة عائشة كانت بتقول : " والله كان لا يخرج من البيت كل يوم الأ وهو يذكر خديجة " .. فغضبت السيدة عائشة ( غارت ) وقالت : " أوَلم يخلق الله غيرُ خديجة ، ما كانت الا عجوز قد أبدلك الله خيرا منها " ( قصدها على نفسها بقى ) ... فغضب النبي غضباً شديداً حتى أحمر وجهه الشريف وقال : " والله ما أبدلنى الله خيراً منها ، لا والله ليس في الدنيا مثل خديجة ، لقد آوتني حين طردني الناس ، و صدقتني حين كذبني الناس و واستني حين حرمني الناس ، أوَ في الدنيا مثل خديجة ! " ( يعنى هوه فيه فى الدنيا زى خديجة ) ، بتقول السيدة عائشة فقولت فى نفسى : " والله لا أذكرها عليه أبداً " ( يعنى عمرى ما هقول عليها حاجة تانى أبداً ) ..

النبي ﷺ عنده 25 سنة والسيدة خديجة عندها 40 سنة و أتوفت خديجة لما النبى ﷺ كان عمره 50 سنة .. يعنى عاشوا سوا 25 سنة وده أكبر رد على أى واحد بيقول إن الرسول ﷺ بيحب الزواج كتير .. لأنه عاش شبابه كله لم يفكر إن يتزوج بغير السيدة خديجة ..







  

على فكرة الزوجة اللي النبي ﷺ أختارها بنفسه هي خديجة بنت خويلد بس ♡ .. وباقي الزوجات كان زواجهم بأسباب وفى منهم زواجهم كان بأمر من الله عز وجل .. وهنرد ونوضح سوا أسباب زواجه من كل زوجة من زوجاته وإيه اللى حصل .. وده هيبقى رد على أي حد بيخوض في رسول الله ويقول إن النبى ﷺ كان بيحب يتجوز كتير ..

و تعيش السيدة خديجة مع محمد ﷺ في حب وسكينة ومودة ، قصة حب لم يشهد التاريخ مثلها .. لغاية ما تحصل حادثة جميلة أوي .. ابن أخو السيده خديجة إسمه " حكيم ابن حزام " ده كان كافر مرة حكيم كان ماشى فى السوق .. فلقي ولد صغير شكله جميل بيتباع في سوق الرقيق ، وده طبعاً قبل نزول الوحى على محمد ويجى الإسلام ويكرم البشرية ويكرم المرأة .. المهم حكيم ابن حزام دخل سوق الرقيق و أختار ولد صغير يخدمه في البيت أسمه .........


بدل ماتدور وتبحث علي الروايات خليها علي تليفونك وحمل تطبيقنا

تحميل تطبيق سكيرهوم
تعليقات



حجم الخط
+
16
-
تباعد السطور
+
2
-