Ads by Google X

رواية عمياء ولكني عشقتها الفصل الرابع 4بقلم اسراء إبراهيم

 

رواية عمياء ولكني عشقتها الفصل الرابع بقلم اسراء إبراهيم

الجزء الرابع 
اسكربت 
عمياء ولكني عشقتها 

في بيت كريم كانو قاعدين جمب بعض كريم وفريدة اللي كانت متوترة رغم انها مكنتش شايفة بس متخيلة نظرة الناس ليها لما عرفو انها عامية فقربت من كريم 

فريدة / كريم هو كان لازم فرح وناس 

كريم حس بتوترها فمسك ايديها / ايوة يا فريدة عشان الناس تعرف اني اتجوزت مكنش ينفع نتجوز من غير اشهار الناس هتتكلم 

فريدة بحزن / علي اساس انهم دلوقتي مش بيتكلمو علينا انا بجد اسفة اوي اني حطيتك في الموقف ده انت ملكش ذنب تتجوز واحدة عميا 

كريم بص علي ملامحها الحزينة ومسك ايديها باسها فاتكسفت فريدة وقالت بخجل 

فريدة /ايه اللي عملته ده 

كريم بابتسامة / عشان اثبت للناس اللي شاغلينك دول اني سعيد ومبسوط بيكي وبجوازي منك 

فريدة ابتسمت / انت انسان كويس اوي وقطع كلامهم سناء ام كريم لما قربت منهم بابتسامة 

سناء /مبروك يابني مراتك زي القمر 

فريدة بابتسامة /متشكرة اوي يا طنط 

سناء بعتاب /اخس عليكي ايه طنط دي قوليلي يا ماما ولا يعني مش قد المقام 

فريدة بسرعة /لا والله مش قصدي انا اسفة يا ماما 

سناء بضحك وهيا بتحضنها /ايوة كدة يا مرات ابني يا قمر 

كريم ابتسم براحة علي معاملة امه لفريدة وعرف ان كلامه جاب نتيجة معاها لما قعد معاها واترجاها تعامل فريدة كويس لانها انسانة كويسة ويتيمة ام ومحتاجة لحنانها جدا وكان متأكد انها هتعاملها كويس وقلبها هيحن ليها 

........................................ 

كانت واقفة تحت البيت روڤان مستنية صحبتها في الجامعة نيرة واتفاجأت بيها جاية ومعاها زميلها مراد فوقفت سلمت عليهم 
وبصت لنيرة باستغراب وهيا بتشاور علي مراد فقربت نيرة وهمستلها

نيرة بهمس /عارفة انك مستغربة بس انهاردة سألني عليكي وقولتله ان اخوكي فرحه انهاردة واني رايحالك صمم يجي معايا 

روڤان بتوتر / ربنا يستر من كريم لو سألني 
مش عارفة هقؤله ايه 

مراد باعجاب /تعرفي انك حلوة اوي في الفستان ده يا روڤان بجد زي القمر 

روڤان بصتله ولسة هترد شافت عمر واقف وراه فبلعت ريقها بخوف ومتكلمتش 

نيرة بفضول /طب يلا نطلع بقي عندي فضول اشوف العروسة 

روڤان بتوتر /اه اه يلا اتفضلو ودخل مراد ونيرة وروڤان بصت لعمر اللي كان باصصلها بغضب واتجاهلته ودخلت وراهم وهما طلعو وقبل ما تطلع السلم كان عمر ماسكها من ايديها وشدها ليه بحركة جريئة منه فشهقت بخضة ولفتله  

روڤان بغضب ممزوج بخجل / عمر انت ازاي تعمل كدة ابعد ععيب كدة 

عمر بغيرة / مين ده اللي كان واقف بيمدح في جمالك يا روڤان 

روڤان سرحت في عيونه /اول مرة ترفع عينك في عيني وتبصلي ايه مبقتش تكر*هني خلاص

عمر بتوتر وهو بيسيبها /ومين اللي فهمك اني بكر*هك يا روڤان 

روڤان بدموع / وتفسر بأيه كل ما تشوفني تتجاهلني وتعاملني وحش وتزعقلي هه ايوة وانا هاجي ايه جمب حنين حبيبتك 

عمر بغضب / انتي مش فاهمة حاجة يا روڤان 

روڤان بحزن /لا انا فاهمة كل حاجة انت بتكر*هني وبتحاول تتحكم فيا زي كريم بس انت مش اخويا وانا مقربلكش عشان تسألني ده مين وبيقؤلي كدة ليه انت فاهم 

عمر باندفاع /صح مقربلكيش وانا هاجي جمبك ايه انتي واحدة متعلمة تعليم عالي انما انا ولا حاجة مش كدة  

روڤان بصتله بحزن وزقته وطلعت عالسلم بسرعة وهيا بتمسح دموعها اما عمر فاتنهد بغضب وطلع هو كمان وراها 

......................................... 

بعد الفرح كان واقف هشام وواخد فريدة في حضنه وهيا بتعيط 

فريدة /اوعدني انك هترجع بسرعة 

هشام بحزن /اوعدك يا قلب ابوكي ادعيلي انتي بس وانا ان شاء الله هرجع 

سناء بشفقة /ان شاء الله يا حبيبتي ابوكي هيقوم بالسلامة ويرجعلك تاني 

هشام بخوف / فريدة امانه يا كريم يابني خد بالك عليها واوعي تزعلها 

كريم بابتسامة /فريدة في عنيه يا هشام بيه 

وبعد هشام ما مشي قرب كريم من فريدة ومسك ايديها فاترمت في حضنه وبقت تعيط بشحتفة وهو بقي يطبطب عليها ويطمنها

................................... 

بعد اسبوع من الاحداث اللي فاتت كانت فريدة بتنام مع روڤان في اوضتها وبقو صحاب جدا وسناء كمان حبت فريدة اوي لما قربت منها وفريدة كمان حبتها وحبت حنانها وطيبتها وانها عوضتها عن امها الله يرحها حتي كريم فريدة اتعودت عليه وكل مدي كانت بتحس انها بتعجب بيه اكتر 

روڤان وهيا بتفتح باب البيت /يا اهل البيت انا جييت 

خرجت فريدة علي صوت روڤان وابتسمت وهيا رايحة ناحية صوتها 

روڤان /فري القمر وحشتيني 

فريدة بحب / مع انهم كام ساعة بس والله كنت زهقانة اوي من غيرك وحاولت اساعد ماما للاسف معرفتش 

سناء وهيا خارجة من المطبخ / كفاية حسك معايا يا فريدة والله مونساني وواخدة بحسي والبت الهبلة دي مش هنا 

روڤان بحزن مصطنع / بقي ده حنان الام ده انتي بتعامليني ولا كأنك مرات ابويا ماشي يا ست الكل 

 فريدة بتوتر / روڤان هيا الساعة كام 

روڤان بخبث /اممم وبتسألي ليه 

فريدة بتوتر /ها لا مفيش اصل في مسلسل حلو بحب اسمعه في الوقت دا 

روڤان بصت لامها وضحكت بخبث / اها طيب هيا الساعة 5 بس هو مش جاي 

فريدة باحراج /احم هو مين ده 

روڤان وهيا بتقرب منها / البطل بتاع المسلسل اصله كلمني وقالي انه هيتأخر شوية عشان البنت القمر بنت الراجل اللي شغال عندهم عندها مشوار وهتتأخر 

فريدة اضايقت وكشرت فضحكت روڤان وسناء ابتسمت وفرحت ان فريدة معجبة بكريم وحاولت تغير الموضوع 

سناء / روڤان غيري هدومك وتعالي ساعديني عشان اخوكي زمانه جاي 

روڤان بابتسامة /حاضر يا ماما 












فريدة سابتهم ورجعت اوضتها بحزن وهيا بتفكر وبتقول 

فريدة /طب مكلمنيش ليه وقالي انه هيتأخر ومين البنت دي اووف 

........................................ 

 بليل دخل كريم وكانو كلهم قاعدين بيتكلمو مع بعض 

كريم بابتسامة / مساء الخير 

سناء وروڤان /مساء النور يا حبيبي وفريدة مردتش عليه وكانت متجاهلاه فبصلها باستغراب 

سناء بحب /ايه حبيبي اتأخرت ليه كدة انهاردة 

كريم وهو بيقعد / مفيش كان عندي شغل ذيادة وبعدين منا مكلم روڤان تبلغكم قال كدة وهو بيبص لفريدة اللي قامت بهدوء 

فريدة /بعد اذنكم انا هدخل انام وسابتهم ومدت ايدها عشان تتفادي الترابيزة ودخلت اوضتها 

كريم بقلق / هيا فريدة مالها زعلانة من حاجة 

سناء ضر*بت راس روڤان / كله من الهبلة اختك 
قومي يا بت خشي اتكلمي معاها كدة عشان متنامش زعلانة 

روڤان بخوف من كريم / انا بقؤل اقوم فعلا بعد اذنكم وسابتهم وجريت 

كريم بقلق / خير يا امي مالها فريدة 

سناء بتنهيدة / هو سؤال يا كريم وتجاوبني بصراحة انت بتحب فريدة 

كريم بتوتر / وايه لازمته السؤال ده يا امي ما انتي عارفة انا اتجوزتها ليه 

سناء بغموض/ عارفة يا كريم بس انا عايزة اسمع منك انت حبتها ولا لا

كريم بتردد / انا منكرش اني معجب بيها بس مش لدرجة الحب يعني 

سناء بابتسامة /كدة انت ريحت قلبي قوم بقي ادخل لفريدة صالحها عشان انت اتأخرت عليها وهيا كانت قلقانة عليك وزعلت انك كلمت روڤان ومكلمتهاش 

كريم بابتسامة /امم بقي كدة وقام وقال ماشي يا امي انا داخلها واه صحيح عم عصام جارنا كلمني وقالي انه عايز يخطب روڤان لابنه عماد 

سناء باستغراب/ عماد اخو حنين اللي هياخدها عمر 

كريم وهو بيحرك راسه /اه هو انا قولتله هاخد رأيها وارد عليه يلا انا داخل لفريدة 

................................... 

كانت مرفت قاعدة في النادي وبتتكلم في التلفون 

ميرفت بلهفة / ها عرفت هشام عمل العملية ولا لا 

مجهول /اه يا ميرفت هانم والعملية نجحت وهو حاليا في الرعاية 

مرفت براحة بس مبينتش / طيب تمام لو في اي جديد تكلمني وقفلت السكة وهي في صراع بين قلبها وعقلها 

عقلها/ ايه يا مرڤت مالك كأنك كنتي خايفة عليه 

قلبها / مش اخويا برضه رغم كل حاجة حتي لو مكنتش بطيق مراته وبنته دول بس هشام لا 

عقلها / بس هشام لو مات انتي سعتها هتعرفي ترجعي حقك في ورث ابوكي 

قلبها / هشام لو مات هتحسي بالذنب طول عمرك انتي ناسية ان هو اللي رباكي وصرف علي تعليمك ومن فلوسه هو مش من نصيبك وكمان جوزك لراجل كويس وكان بيحبك وشاريكي ومسبكيش الا لما اطمن عليكي هشام ميستاهلش منك كدة 

ميرڤت كانت مخنوقة وقامت وهيا بتلبس نضارتها ومشيت وهي لسة في صراع ومش عارفة انهي فيهم اللي هيكسب 

.................................... 

دخل كريم بعد ما خبط /احم ممكن ادخل 

فريدة مردتش وروڤان هي اللي ردت / اتفضل يا كيمو دي زي اوضتك 

كريم دخل وبص لروڤان /طب يلا اطلعي كلمي ماما عشان عايز فريدة في كلمتين 

روڤان بخبث / ماشي يا عم الله يسهلو انا خارجة اهو مش هبقي عزول 

فريدة ابتسمت علي كلام روڤان وهيا خارجة ولما حست بكريم بيقعد قدامها كشرت تاني 

كريم بابتسامة/ هتفضلي زعلانة مني ومش بتكلميني 

فريدة بهدوء / ومين قالك اني زعلانة انا عادي مش زعلانة خالص 

كريم بضحك / لا ماهو واضح ده انتي اول حد بيرد عليا السلام لما بدخل وانهاردة متكلمتيش خالص ممكن اعرف ليه

فريدة بحزن / ممكن اعرف ليه مكلمتنيش انهاردة زي كل يوم 

كريم بابتسامة / بقي هو ده السبب ماشي يا ستي بس انتي ظالماني انا رنيت عليكي مرتين مردتيش عليا وتقدري تخلي ماما تشوف التلفون وتتأكدي بنفسك 

فريدة وهيا بتعض علي شفايفها / بجد يعني انت رنيت عليا وانا مسمعتوش 

كريم بابتسامة /اه والله وبعدين انا اللي زعلان عشان حرمتيني من صوتك انهاردة 

فريدة ابتسمت بخجل وبعدين افتكرت كلام روڤان فكشرت تاني  

فريدة / كريم هو انت كنت مع بنت الراجل الحلوة دي 

كريم بصدمة / ايه مش فاهم 











فريدة بغيرة / لا انت فاهم كويس البنت اللي انت شغال عندها دي الحلوة 

كريم باستغراب /انتي مين اللي قالك الكلام ده 

فريدة بضيق / هتفرق يعني 

كريم بابتسامة /ايوة عشان انا شغال مع راجل يا حبيبتي مش مع بنات 

فريدة قليها دق لما قال حبيبتي فابتسمت بفرحة / بجد يا كريم 

كريم بخبث / ايوة طبعا بس مالك فرحتي ليه كدة اول ما قولتلك اني بشتغل مع رجالة 

فريدة بخجل /احم لا مفيش حاجة 

كريم / افهم من كدة انك خلاص مش زعلانة 

فريدة بابتسامة /تؤ تؤ مش زعلانة بس كريم طمني علي بابا انت قولتلي انه لسة مش هيعمل العملية الا الاسبوع الجاي بس طب مش بيكلمني ليه انا خايفة عليه اوي

كريم بابتسامة / ماهو ده بقي الخبر الحلو اللي كنت هقولهولك باشمهندس هشام عمل العمليه والحمد لله نجحت وهو بس في الرعاية كام يوم وهيخرج ان شاء الله 

فريدة ضحكت بفرحة ومن فرحتها قربت من كريم وحضنته وهيا بتقؤله بدموع

فريدة/ الحمد لله يارب انا كنت خايفة عليه اوي يا كريم 

كريم قلبه دق وبلع ريقه بتوتر ولقي نفسه بيحضنها هو كمان وبيحاوطها بايديه ومستمتع وهيا في حضنه 

بعد شوية فريدة حست باالي عملته فبعدت عنه بسرعة  

فريدة بخجل / انا اسفة اوي معرفش ازاي عملت كدة 

كريم وهو بيدقق في ملامحها / في واحدة تعتذر لجوزها عشان حضنته 

فريدة باندفاع / كريم هو لما بابا يرجع هطلقني 

كريم قلبه اتقبض وحس انها مستعجلة عشان تطلق منه وانها بتسأل عشان تطمن وقال في سره انها عندها حق هو في الاخر سواق انما هيا تبقي هانم اكيد مش هترضي بالعيشة دي لو بمزاجها فقام بهدوء 

كريم /اكيد متقلقيش لما يرجع بالسلامة كل حاجة هترجع لطبيعتها 

قال كدة وسابها وخرج وفريدة حطت ايديها علي وشها وعيطت لانها حبته وهو لسة شايف معاملتها ليه وبيكر*ها بسبب كدة 

........................................

تاني يوم  
عماد راح الورشة لعمر 

عمر بغضب / انت بتقؤل ايه 

عماد ببرود / زي ما بقؤلك انا طلبت ايد روڤان وهيا وافقت ولسة هاخد معاد مع كريم عشان نقرا الفاتحة انا بس حبيت اعرفك عشان متفتكرش اني كنت بعاكسها والجو ده لا يا عمر باشا انا راجل دوغري 

عمر مردش عليه وسابه ودخل الورشة وهو في قمة غضبه وعماد ابتسم ببرود ومشي شوية وعمر قام بغضب وخد بعضه ومشي بسرعة خرج من الحارة..... 

خرجت روڤان من الجامعة هيا وصحبتها نيرة واتصدمت لما لقت عمر واقف بعيد مستنيها 
وقلبها دق اول ما شافته........ يتبع

بشكركم علي تعلقياتكم اللي فرحتني 

تفاعل جامد بقي عشان الجزء الاخير من الاسكربت 

#عمياء_ولكني_عشقتها

#بقلمي_اسراء_ابراهيم

بدل ماتدور وتبحث علي الروايات خليها علي تليفونك وحمل تطبيقنا

تحميل تطبيق سكيرهوم
تعليقات



حجم الخط
+
16
-
تباعد السطور
+
2
-