رواية احببت سيدي الفصل الثاني
نور رجعت تبيع المناديل وبتلف ع العربيات وفاجاه شهقت وبفرحه ولهفه..اي دااااا ؟!
وسابت كل حاجه من ايديها ووقعت ع الارض وطلعت تجري ع عربيه واقفه بعيد شويه.. نور وهي بتجري وبتعدي الطريق كان ف عربيه هتخبطها لكن الحمدلله عديت ع خير وخرج راجل من العربيه وزعق ليها انت ازاي تجري بالطريقه الهمجيه دي .. يعني انت مش عارفه انك كده هتتاذي
نور بتنهج :اسفه.. اسفه والله ي عمو مش هعمل كده تاني.. والراجل سابها ومشى.. وهي طلعت تجري بس كانت العربيه مشيت..
نور :لا لا انا شوفته ايوه والله انا شوفت عمو احمد بس مش لحقته.. ونفخت بزعل.. وبعدها شهقت:المناديل فين ؟!!
ورجعت جابت المناديل من مكان ما كانت سيباهم وكملت شغل..
_________
ف شركه من شركات الرفاعي..
قدام الشركه وصلت عربيه فخمه من احدث الموديلات ونزل منها رجلين كبار (حامد والد احمد.. و اسماعيل جد احمد)و الكل كان ف استقبالهم
ووصلت وراها عربيه فخمه جداا ونزل منها سيده(حميد والدة احمد) وكانت الصحافه ف استقبالها
وبعدها اجيت عربيه ونزل منها شاب (احمد)
وبعدها اجيت عربيات كتير نزل منها رجال اعمال ومواظفين وناس كتير جداا
الصحافه بدات تصور والكل كان بيرحب بيهم جداا
احمد و حامد واسماعيل وحميده دخلوا مع بعض الشركه .. وبعدها كل الضيوف والصحافه و رجال الاعمال دخلوا
حامد طلع ع المنصه ورحب بكل الموجودين
وبعدها اسماعيل طلع وبداو يتكلموا عن المشروع الجديد وعن افتتاح شركه جديد من شركات الرفاعي..
وبعدها حميده طلعت و اتكلمت ع المشروع الجديد وهو بناء فنادق جديده ف اماكن راقيه والصحافه كانت بتصور والكل بيصقف بحفاوه وتشجيع كتير
حامد نزل من ع المنصه و مسك ايد احمد وقاله : اي ي احمد مطلعتش ليه تتكلم عن المشروع مش ده مشروعگ اصلا
احمد :ابدا ي بابا .. بس انا لقيت ان حضرتك انت وجدي وامي احسن ناس ممكن توصل فكرة المشروع والتغيرات اللي ف الفنادق اللي هيتم بناءها بطريقه افضل للكل..
حامد :كلام اي ده ي ابني تعالى اشرح فكرة مشروعك للكل وانا واثق ان الكل هيدعمك لانگ بجد ابهرتني ف اخر مشروع لينا.. انا بجد فخور بيگ
احمد : ربنا يباركلنا فيك ي حج
حامد : يارب .. ومسك احمد من ايده وطلع بيه ع المنصه واحمد بدا يتكلم عن التغيرات اللي ناوي يعملها ف الفنادق الجديده واكبر رجال الاعمال اعجبوا جدا بطريقة تفكير احمد اللي هو اصلا اي شاب ف سنه مش هيفكر ف اي شغل بل هيفكر ف اللعب والخروج والسهر (ما احنا قولنا ان احمد شاب وهو عنده 20 سنه)
وبعد كده اسماعيل قال لاحمد انت اللي هتقص الشريط
احمد : لا طبعا حضرتگ ليك الحق الاكبر ف ده
حامد من وراهم ايوه احمد معاه حق
حميده واقفه بعيده وسامعه الحوار و بتطلع شرار علشان محدش قالها قصي الشريط
اسماعيل رفع راسه وشاف نظراتها وهز راسه
اسماعيل : حميده..
حميده راحت لعنده بغرور وثقه ف ماشيتها وواثقه انه هيقولها تعالي انت قصي الشريط
وراحت لعنده ومتكلمتش..
اسماعيل :احم.. احمد وحامد بيقولوا ان انا اللي اقص الشريط اي رايك
حميده كانت بتطلع نار من الغيظ وردت بتمثيل الابتسامه :ايوهه فعلا فعلا معاهم حق فكره حلوهه اووي انا كنت لسه هقول كده اصلا
اسماعيل هز راسه : خلاص ماشي يلا علشان الكل مستني نقص الشريط
اسماعيل وحامد راحو عند الشريط وطبعا كل ده ف حضور الصحافه واكبر رجال الاعمال.. واحمد قدم لجده المقص وقصوا الشريط وبعد كده الكل بارك وهنا و كله مشى و راح ع بيته
عند نور...خ
الساعه 5 مساء..
نور خلصت كل الشغل وراحه ع البيت علشان تشوف ابوها
نور دخلت البيت جري..
نور :ست محاسن.. ست محاسن
محاسن من جوا : اجيتي ياللي تنشكي.. بعتي كل المناديل ؟!
نور هزت راسها :ايوه.. ايوه
ومسحتي عربيات ي بت اوعي تكوني بتضحكي عليا ده انا اقتلك وامنع عن المحروس الاكل والشرب والعلاج..
نور :لا والله انا بعت مناديل ومسحت عربيات وكل الفلوس اهي
محاسن :ماشي.. والله الفلوس اللي بتجبيها مش عجباني بس اهو يلا.. خدي الاكل عندك ع الطربيزه كلي انت وابوكي..
نور : حاضر ي ست محاسن.. حاضر
محاسن قاعده بتعد الفلوس اللي نور جابتها.. ونور دخلت ع ابوها وحطت الاكل ع الكرسي وطلعت ع السرير وساعدة عبدالله انه يقعد ونزلت من ع السرير و دخلت الحمام غسلت ايديها ووشها ورجعت عند ابوها وجابت صنية الاكل وبدات تاكل وتاكل ابوها.. وبعدت ما خلصت اكل شالت الصنيه وجابت العلاج لابوها و كانت اخر برشامه.. وبعد كده ساعدت عبدالله انه يرجع ينام تاني وحطت راسها ع دراعه ونامت ف حضنه وبتفكر هتجيب العلاج تاني ازاي لحد ما راحت ف النوم ..
_______ بقلم /Princess M
بعد اسبوعين...
طبعا نور كالعاده بتصحى من النوم تصلي وتنزل ع الشغل ع طول وكانت محاسن تخلي عبدالله ياخد العلاج بس مش باستمرار وده زاد من تعبه اكتر..
احمد بدا ف مشروعه وهو كان بيشرف عليه بنافسه وكان الشغل اخد كل اهتمامه..
حميده كانت مضايقه جداا ان احمد معملهاش شريكه ليه ف المشروع..
حامد واسماعيل بيدعموا احمد جداا ع مشروعه..
____
ف صباح يوم جديد..
نور قامت من النوم قبل ما محاسن تيجي تصحيها وراحت قاعدت جنبه ابوها اللي بقا تعبان جداا وحتي مش بيقوم خالص من السرير ولا حتى بيتكلم
نور باست عبدالله من خده و خايفه ع باباها لانه تعبان جداا..
نور :بابا صباح الخير.. انا الوقتي هنزل اشتغل بسرعه وكتير وهجيبلك العلاج وهاجي ناكل مع بعض و انام ف حضنگ ماشي وباسته من خده ونزلت من ع السرير وراحت تصلي.. نور خلصت صلاه ومحاسن داخله تزعق كالعاده علشان تصحيها بس شافت نور واقفه وبتحط سجادة الصلاه ع الكرسي..
محاسن : يلا انزلي اشتغلي ولو لقيتك بتلعبي ولا بتضحكي عليا ي مقصوفة الرقبه هقتلك..
نور : حاضر والله ..حاضر
ونور نزلت تشتغل..
عند احمد ف اسكندريه..
احمد ماشي ومعاه المهندسين والمحامي ومعاه خالد صحبه.. ماشي يتكلم مع المهندسين عن الفندق والبناء
المهندس سعيد : تمام ي استاذ .. ان شاء الله كل شئ هيتم زي ما انت عايز واكتر كمان
احمد :وانا واثق من ده ي رجاله
مهندس ابراهيم :هنبدا شغل من امتى؟!
احمد :من بكرا ان شاء الله يكون استاذ ادهم (المحامي) خلص كل الاوراق علشان نبدا ف المشروع و ميكونش ف مشاكل
كلهم :ان شاء الله
كل واحد راح ع عربيته علشان يرجعوا تاني القاهره..
احمد ركب وجنبه خالد صحبه..
احمد ساق..
خالد :اي ي عم مطنشنا اليومين دول يعني
احمد :والله ي خالد غصب عني بجد انا مش لاقي وقت اقعد مع عيلتي ولا حتى مع نفسي بس ان شاء الله هي فترة ضغط شغل وهتعدي..
خالد :ان شاء الله.. بقولك اي ي حموده ..
احمد :اهااا حموده.. ارغيي
خالد :هههه .. اه ي فهمني انت ي فهمني..
احمد: اخلص..
خالد :تعالي ننزل نروح اي مطعم ناكل وبعد كده نرجع
احمد : بص ف الساعه.. تمام ف هنا مطعم قريب تعالي ناكل ع السريع ونرجع بسرعه..
خالد :ي ساتر عليك ي اخي..
احمد :بتقول حاجه..
خالد :بقول ربنا يخليك ي حبيب والديك
احمد :هههه .. طب امشى قدامي يلا..
_____
عند نور ..
نور خلصت شغل ورجعت البيت و محاسن اخدت الفلوس ونور راحت جري عند ابوها وجابت الاكل وساعدت ابوها انه يقعد وبداو يتغدوا
عبدالله اتكلم بتعب : نو.ر ي بنتي.. كح كح..
نور قامت بسرعه وجابت مايه وساعدته يشرب
عبدالله :كح..كح.. بصي ي بنتي..اء.انا عايز اقولك انا اسف
نور :بابا انت اسف ع ايه
عبدالله كمل بتعب :اسف ي نور ي بنتي..ان انا خليتك تشتغلي وانت صغيره بس والله..كح..غصب عني وخليتك تتعبي من وانت صغيره واتجوزت واحده متستهلش نظره من عيونك بس ي بنتي انا بجد اسف
نور بدموع :لا ي بابا مش تقول كده
عبدالله : سمحيني ي بنتي .. وبعدها عبدالله راسه رجعت لورا و غمض عنيه
نور بعياط :باااااااباااا...
_______
بدل ماتدور وتبحث علي الروايات خليها علي تليفونك وحمل تطبيقنا
