رواية حب من اول نظرة الفصل الثاني
انتهت غادة من تناول كأس الموز باللبن وبعدها قالت..
لو سمحت الحساب...
جالها شاب وقالها يافندم حساب حضرتك مدفوع...
اندهشت غادة من كلام الويتر وقالتله يعني اي مدفوع ومين اللي دفعلي وبمناسبة اي....
رد عليها الشاب الويتر وقال دة مروان زميلنا بعد ماخلص الشيفت بتاعه جيه عند الكاشير ودفع الحساب بتاعك ومشي وعلي فكرة هو لسة خارج من خمس دقايق لو مديتي شوية هتلحقيه....نورتي يافندم....
غادة قامت بسرعه وخرجت من الكافيه وفضلت تبص يمين وشمال وهيا بتدور علي الشاب الغامض اللي اقتحم حياتها من أول اليوم ولغبط لها كل ترتيباتها ورغم كدة هيا مبسوطة بس للاسف الشاب اختفي من الشارع...
وقفت غادة وخرجت تلفونها وطلبت عربية من أوبر عشان توصلها وسط البلد وبعد دقايق وصل السواق وركبت غادة ووصلت وسط البلد....
وبعد عشر دقايق وصلت صاحبتها مريم وقعدوا مع بعض ف مطعم وحكت غادة اللي حصلها من الصبح لمريم....
مريم قالت..متأكدة أنها مش تهيؤات..أصل مبقاش في شاب بيعمل كدة دلوقتي مع مراته حتي وممكن يسيبها تنحني ف الشارع عادي.....
غادة قالت...بصراحة هو كبر ف نظري بعد اللي عمله بس مش لاقية مبرر لتصرفاته الغريبة دة.....
تلفون غادة رن وكانت رسالة اس ام اس ومحتواها كالآتي...علي فكرة ماينفعش تحطي ميكاب كتير وأنتي خارجة لاني مابحبش كدة وياريت ت
قللي خروجاتك الكتيرة دي وكلمتي لازم تتسمع.....
غادة بصت للتلفون بذهول وهيا مش مصدقة وكانت فاكرة أنها رسالة بالغلط بس كان اخر محتوي الرسالة..
قدامك شهر وهنتجوز يا غادة.....
غادة حاولت تتصل بالرقم اللي بعتلها الرسالة بس كان مغلق...وهنا غادة حست بخنقة كأنها كان نفسها تلاقي الرقم مفتوح وتعرف مين دة لأن قلبها حس ان الرسالة دي من الشاب إياه ودة كان باين من محتواها وطريقة الكلام والاسلوب خلاها اتأكدت أنه هو.....
روحت غادة البيت ودخلت اتعشت مع مامتها واخوها واختها الصغيرة...وبعد كدة دخلت اوضتها وكل تفكيرها
ف مروان او الشاب اللي خلاها ف قمة الحيرة من أول اليوم...وقطع تفكيرها صوت رسالة تانية وهنا غادة مسكت تلفونها بسرعة وفتحته وهيا بتتمني ان الرسالة تكون من الشاب دة وفعلا احساسها طلع صح وكان محتوي الرسالة كالآتي..
متحاوليش تدوري عليا عشان مش هتلاقيني غير بمزاجي بس لكن لو حابة تشوفيني هستناكي بكرة علي نفس المحطة اللي قدام الكافيه اللي بشتغل فيه....
