رواية حب من اول نظرة الفصل الثالث
صحيت غادة من النوم اللى كان متقطع طول فترات الليل وبدأت تلبس أشيك فستان محجبات عندها ووقفت قدام المرايا وقبل ما تحط ميكاب افتكرت الرسالة اللي كتبلها فيها مابحبش كتر الميكاب...
فقررت تنزل من غير ما تحط حاجه غير روج بسيط
ونزلت بسرعه وراحت علي المكان اللي اتقابلوا فيه وفضلت مستنية لكن خمس دقايق تعدي وربع ساعة تعدي وساعة وساعتين وهنا غادة غضبت بشدة قالت أنا اللي غلطانة عشان بسمع كلام واحد قليل الزوق وقررت تمشي وهيا غضبانة بس قبل ما تمشي قابلت مريم صاحبتها...
مريم قالتها اي يا غادة مالك مين مزعلك واي اللي موقفك كدة ف الشمس دة..تعالي ندخل نشرب حاجه جوا الكافيه دة....
غادة قالت..لا مستحيل ادخل الكافيه دة تاني..هنروح واحد غيره وفعلا ركبوا تاكسي وراحوا كافية تاني....
دخلوا وطلبوا عصير جوافة وحكت غادة لمريم عن الرسالة اللي جت بليل وأنها نزلت عشان تشوفه وحصل اللي حصل....
مريم انفجرت من الضحك لدرجة كل اللي قاعدين بقول يبصوا عليها ويقولوا هيا المجنونة دي بتضحك علي اي...
غادة بصت لمريم وقالت لها لو مابطلتيش ضحك هكب العصير عليكي..وهنا مريم عارفة جنان غادة ف المواقف دي فسكتت وقالت..ماهو يا غادة أنا مستغرباكي بجد ازاي واحد عمل معاكي موقف بقي شاغلك اوي كدة..وبعدين استني أنتي ناسية حاجه مهمة.....
غادة قالت اي بقي اللي ناسياه ياست المنتبهة....
مريم قالت...هو جاب رقمك منين أصلا يا فالحة.....
وهنا غادة سكتت وقالت اة صح..أنا ازاي ماستغربتش من النقطة دي وفاتتني.....
مريم قالت... أنا هدخل الحمام وراجعالك...
بعد ما قامت مريم بدقيقة كانت غادة قاعدة بتفكر وفجأة ومن غير مناسبة لقته قعد مكان مريم....
وهنا غادة قالت...إنتا اي اللي جابك وعايز اي أنتا إنسان مش كويس عشان تقولي استني وتخليني اقف ساعة استناك وماتجيش ودلوقتي امشي من قدامي مش عايزة اشوفك تاني ولو حاولت تتعرضلي هعملك محضر...وفجأة قالها بصوت عالي اسكتي بقي أنتي اي مابتفصليش رغي فصلتيني يا شيخة...اهدي..أنا آسف وعلي فكره أنا مراقبك من الصبح من ساعة ما صاحبتك الرخمة دي قابلتك....
غادة قالتله لوسمحت ماتجبش سيرة صاحبتي بأي إساءة...
الشاب قالها حاضر...وعموما أنا حبيت اعملك مفاجأة وجبتلك هدية.....
غادة قالت بجد..هيا فين.....
الشاب قالها طب غمضي عينك وماتفتحيش غير لما اقولك.....
غمضت غادة عنيها بس الوقت طول ولما فتحت لقت مريم قدامها فعملت حركة خضتها بيها..بخخخخخخ...
غادة اتخضت وقالت يخربيتك وقعتي قلبي....
مريم قالت أنتي اتجننتي يا غادة... أنتي مغمضة عنيكي ليه....غادة قالت...الشاب كان قاعد هنا دلوقتي مكانك وفضلت غادة تبص يمين وشمال وبتقول هو راح فين.....
مريم قالت...طب هو عرف منين ان أنتي هنا..واضح انه مراقبك عالاخر.....
غادة قالت فعلآ هو قالي انه مراقبني من الصبح من وقت ما قابلت صاحبتي الرخمة.....
مريم قالت مين صاحبتك دي....
غادة قالت هاه لا لا مفيش..يلا نروح عشان أنا مخنوقة.....
غادة دخلت اوضتها وهيا بتحلف أنها مش هتكلم الشخص دة تاني بعد اللي عمله وفتحت تلفونها عشان تعمله حظر لقت رسالة من الشاب بتقول...معلش نسيت الهدية ف جيب الجاكيت التاني....
غادة قالت...أنا مش عارفة أنا مركزة معاك ليه أصلا وبسمع كلامك ليه....وعملت حظر.....
بعد شوية مريم اتصلت بغادة وقالت لها يلا البسي عشان عيد ميلاد اية بنت خالتي ومش هنطفي الشمع غير لما تيجي...
قامت غادة ولبست وراحت....
وبعد ما طفوا الشمع وقطعوا التورته بدأت فقرات الأطفال من رسوم متحركة لساحر لرقص.....
غادة خدت طبق الجاتوه بتاعها وقعدت علي ترابيزة وفضلت تاكل تاكل وفجأة لقت حد حطلها منديل علي مناخيرها وقالها أنتي بتاكلي بسنانك ولا بوشك مش فاهم انا..اي الظروته دي واي اللي علي مناخيرك دة امسحى امسحي بلاش قرف.... مش عارف أنا أي اللي عملته ف نفسي دة.. بقي دة شكل واحدة تعرف تفتح بيت.......
وهنا غادة بصت له وهيا مكسوفة وعايزة تضحك وكاتمة الضحكة لكن ماقدرتش وانفجرت من الضحك
وقالتله بقولك اي قوم هاتلي حتتين جاتوه تاني.....
الشاب قالها...دانتي عايزة توكيل مونجينيز عشان يكفيكي...🤣🤣🤣🤣🤣
