رواية حب من اول نظرة الفصل الرابع
فضلت غادة تاكل ف طبق الجاتوه اللي قدامها وكأن مروان مش قاعد.. ومروان مندهش من طريقتها الطفولية ف الأكل....
بعد ما خلصت غادة...مروان قال ماشاء الله بالهنا والشفا تحبي اجيبلك تورتايه كمان عشان تحلي بيها.....
غادة بصتله وقالت إنتا بتتريق..دة حتي صحتي مبقتش زي الأول واكلتي ضعيفة.....
مروان ضحك وقال...ضعيفة اة أومال لو شديدة كان حصل اي كنتي هتقومي تاكلي الأطفال دول......
غادة قالتله حضرتك بتتريق....
مروان قالها..لا العفو أنا أقدر اتكلم..دانتى كنتي تاكليني أنا كمان.....بقولك ايه دقيقة وراجع....
وعدت دقايق والعيد ميلاد خلص وصاحبنا فص ملح وداب وجت مريم لقت غادة قاعدة عمالة تقشر ف الترابيزه بالسكينة...فقالت اي يا غادة مالك في اي....
غادة قالت أنا لو شوفته هقتله......
تاني يوم مريم اتصلت بغادة وقالت اعملي حسابك هنروح مطعم انهاردة في المهندسين عشان هنقابل واحدة قريبتي لسة جاية من كندا وجايبالي هدايا.....
غادة قالت حاضر هقوم اجهز نفسي....
ونزلت غادة وقابلت مريم وراحوا المطعم وهنا غادة لمحت بعينيها حاجه....
الشاب او مروان قاعد علي آخر ترابيزة فالمطعم بس شكله غريب...لبسه شياكة..قدامه لاب توب كمان..وبيشرب قهوة بطريقة رجال الأعمال ومريم بقالها ساعة بتكلم غادة وصاحبتنا مش ف الدنيا وف الآخر مريم شخطت فيها وقالت...غااااادة أنتي سرحانة في اي
بقالي ساعة بكلمك...اي يا مريم ف حاجه ولا اي.....
مريم قالت أنتي اللي في حاجه..مالك مركزة معاه لي كدة.....
غادة قالت...ما هو دة اللي عمال ينطلي ف كل حتة اروحها زي العفاريت وطريقته المستفزة دي مخلياني عايزة اقتله وقامت وسابتها....
مريم قالت غادة أنتي راحة فين يا مجنونة أنتي تعالى هنا....
غادة راحت قدام الشاب إللي قاعد وقالتله...أنا عايزة أعرف حاجه...إنتا مجنون يعني ولا قاصد تستفزني وتحرق دمي وبعدين إنتا إزاي بتعرف طريقي والاماكن إللي بروحها...عموما مش مهم بس أنا جاية أقولك كلمتين تحطهم حلق ف ودنك...إياك توريني وشك تاني ف أي مكان ولو بالصدفة.....
الشاب بصلها وقالها باللهجة السورية...عفوا ايستاذة انتي بتعرفيني ولا شو......
غادة قالتله بقولك ايه هتعملي نفسك وائل كفوري وتعيش ف الدور عليا لا....دانا من الشرابية ماتعملهمش عليا يالا.....
الشاب بصلها وقالها أنا مابفهم أي كلمي شو ها الحكي عفوا يا زلمي شو هي هالفتاة وايش بدها مني..تعا وخدها من هون......
وهنا غادة طلعت الشرشوحة إللي جواها وقالت وحياة أمك..هو مين دة إللي يجي ياخدني...دانا إللي هاخد روحك لو شوفتك ف اي مكان برا.....
وراحت غادة خدت مريم ومشيت...وهيا متعصبة وقالت لمريم وهما ماشيين...هو يا مريم والله هو...أنا عارفاه وأقدر اطلعه من وسط مليون شاب......
مريم قالت لغادة....طب وأنتي أي اللي خلاكي متأكدة أوي كدة أنه هو.....
غادة قالت عشان البيه غلط ونسي حاجه مهمة قبل ما يعمل نفسه انه سوري مش مصري....
مريم قالت واي هيا الحاجة دي....
غادة قالت....حاطط نفس البرفان إللي كنت شماه منه ف الكافيه وعيد ميلاد ابن خالتك.......
مريم غلطت وقالت...آه يا غبي......
غادة قالت نعم...هو مين دة إللي غبي.....
مريم قالت...هاه لا ياقلبي دة واحد خبطني انهاردة وأنا نازلة من البيت بالتوكتوك...فضهري واجعني......
غادة قالت هاه هنعمل ايه انهاردة بليل......
مريم قالت اي رأيك ندخل سينما فيه فيلم رعب جامد اوي هيعجبك......
