رواية حب من اول نظرة الفصل الخامس
روحت غادة البيت عشان ترتاح شوية وكانت ف منتهي العصبية عشان اتلعب بيها وبمشاعرها من شخص غريب.... واللي ضايقها أنها وأخيرا بعد فترة عدت ٣ سنين وحدة واكتئاب نتيجة علاقة فاشلة أنتهت بالخيانة أنها حبت الشاب دة من مجرد موقف بس هيا في حيرة ومش عارفة هو ليه بيعمل معاها كدة ولما هو مش ناوي عالحب ليه اقتحم حياتها بمواقفه دي.....
وفجأة تلفون غادة جاتله رسالة بس هيا مافتحتهاش لأنها متأكدة أنها مش منه عشان هيا حظرت رقمه....
غيرت لبسها ودخلت المطبخ عملت نسكافيه وخرجت وقفت ف البلكونة بس شد انتباهها حاجة غريبة...
فيه بوكيه ورد نازل من فوق العمارة مربوط بحبل وواقف بالضبط قدام بلكونة غادة...
غادة مسكت الكارت اللي علي بوكيه الورد وقرت الجملة المكتوبة عليه وكانت الجملة....بحبك..تتجوزيني
وفورا دخلت غادة جابت مقص وقصت الحبل بالبوكيه ومسكتهم وحدفتهم ف الشارع ودخلت اوضتها وقفلت باب البلكونة وشغلت الشاشة علي قناة روتانا كليب وكانت شغالة عليها اغنية جنات وكلماتها بتقول....
عايزة اقرب منك إنتا ليه...
عايزة اجرب حبك إنتا ليه....
اي اللي وصل قلبي للي فيه...
دايما علي دة الحاااال...
فضلت غادة تغني وتدندن مع جنات وكوبليه يجيب التاني وكليب يجيب كليب وعدي الوقت لحد ما غادة ابتدت تنعس فقفلت الشاشة وشغلت مكيف الهواء ونامت ٣ ساعات...
وصحيت علي رنة تلفونها ومريم اللي كانت بتتصل عليها......
ردت غادة بصوت ناعس وقالت..اي يا زفته بتصحيني ليه......
مريم..هو اي اللي بصحيكي ليه..انتي ناسية معاد السينما..يالا اخلصي بلاش كسل فاضل ساعتين عالفيلم....
وهنا غادة قامت بسرعه لبست واتمكيجت ونزلت خدت تاكس لحد وسط البلد....
وبعد عشر دقايق وصلت مريم وقالت مش معقول دة اى النشاط دة...لحقتي توصلي قبلي كمان......
وطبعا كان فاضل نص ساعة عالفيلم فقرر الاثنين يقعدوا ف كافيه قدام السينما....
وهنا مريم قالت....عايزة أعرف أنتي ليه عملتي كدة الصبح مع الشاب حتي لو انتي متأكدة أنه هو.....
عشان هو لعب بمشاعري يا مريم....وأنا فيا اللي مكفيني...
مريم قالت...برضه مش مبرر....
غادة قالت عايزة مبرر يليق باللي حصل...أنا معجبة بيه يا مريم من اول موقف...كان بيتعامل بأسلوب زي أمير كرارة كدة لما كان بيتخانق مع روجينا ف المسلسل....
مريم قالت...طب واللي تعجب بشخص تعمل اللي أنتي عملتيه دة.....
غادة قالت....لو انتي مكاني او حاسة باللي حسيت بيه هتعزريني ومش هتقولي كدة......
مريم قالت خلاص يا غادة ماتزعليش أنا مقدرة موقفك بس لازم تنسي اللي فات...موضوعك خلصان بقاله سنتين وزيادة.....
غادة قالت...مش عايزة اتكلم ف الموضوع دة يا مريم ممكن...ويالا بقي عشان فاضل خمس دقايق والناس بدأت تدخل.....
ودخلوا هما الاثنين القاعة وقعدوا مستنين العرض يبدأ..
وفعلا بعد دقايق ابتدا الفيلم .....
الدنيا ضلمة والكل مركز ف الرعب....
وفجأة غادة سمعت صوت حد بيقول..الفيلم دة فكسان والقاتل هيطلع بنت مختلة ف الاخر......قال يعني من قلتهم دة كفاية اللي قاعدة جمبي...........
وهنا غادة اتسمرت ف مكانها لأنها عارفة دة صوت مين وبتستعد عشان تخلع جزمتها وتنزل بيها علي دماغه وهو بيستظرف جمبها........
وفعلا نزلت بفردة الكاوتش علي دماغه بس المفاجأة ان مريم هيا اللي صرخت وقالت اةةةة انتي اتجننتي يا غادة......شيفاني صرصار ولا فأر بيجري جمبك ولا اي...وهنا غادة سكتت لما لقت مريم هيا اللي جمبها
فقالت باستغراب اي دة أنتي قاعدة جمبي يا مريم.....
مريم قالت..لا خيالي اللي قاعد جمبك مانا مرزوعة من الصبح جمبك.....آةةةةةةةة حرام عايكي يا غادة دماغي حصلها زلزال ...منك لله يا شيخة دانا بلعت نفوخي والاذن الوسطي🤣🤣🤣🤣🤣......
