.jpeg)
رواية يلا بينا نعرف نبينا الفصل الستون
يلا صلوا على النبى :)
هجرة المسلمين للحبشة (ج5)
النجاشي ملك الحبشة حب المسلمين من أخلاقهم و حب الإسلام لأن أجمل طريقة للدعوة إلى الله هى الدعوة بالأخلاق و فعلاً النجاشي أسلم فى السر و أتعلم الصلاة و بعت للنبى ﷺ رسالة وقال : " يا رسول الله إنى أسلمت فهل تقبل مني أن أخفي إسلامي ؟ " ، فقال رسول الله ﷺ : " أجل أقبل " .. و بعد كده فى ناس من حاشية النجاشى شكو فيه و سمعوه مرة و هوه بيصلى .. فيتقسم جيش النجاشى لنصفين نصف مع النجاشي و نصف ضده ، فيخاف النجاشي على الصحابة ..
و يبدأ يشتري سفن و يملاها أكل و مياه و فلوس و يقولهم : " أركبوا السفن و أذهبوا في عرض البحر و أبقوا ( أفضلوا ) هناك أسبوع بعيدا ، و بعد أسبوع أرسلوا لى ( أبعتولي ) مرسال لو عرفتم أنى قتل"ت أياكم أن ترجعوا ( أوعوا تيجوا ) الحبشة سيقتلو"كم ، و لو عرفتم إنى أنتصرت فأرجعوا سريعاً .. ستجدونى فى إنتظاركم ".. و فعلاً يركب الصحابة السفن و بيقولوا : " كنا ندعو للنجاشى ليلاً و نهاراً أن ينصره الله .. و بعد أسبوع أرسلنا المرسال فوجدناه أنتصر فرجعنا إلي الحبشة و والله ما فرحنا بشيئاً بعد فرحتنا برسول الله ﷺ كفرحتنا بإنتصار النجاشي " ..
بعد كده لما حينتصر النبي ﷺ في بدر ، حيبعت النبى للنجاشي جواب يقول فيه : " أيها الملك أبشرك إننا أنتصرنا في بدر " .. والنجاشى ساعتها لما أخذ الجواب رفض أنه يقرأ الجواب و هوه قاعد على العرش و باس خطاب النبي ♡ و نزل يقرأه و هوه قاعد على
الأرض إجلالا و توقيرآ لكلام النبي صلى الله عليه و سلم و لما قرأ النجاشى أن النبي ﷺ أنتصر ، سجد لله شاكرا و بشر الصحابة بنصر النبي ..
الصحابة حيعيشوا فى أمان فى الحبشة لمدة 12 سنة ، وفى السنة 7 هجريآ يعنى بعد 7 سنين من هجرة المسلمين مع النبى من مكة للمدينة حيبعت النبي ﷺ جواب للنجاشي يقول فيه : " أيها الملك جزاك الله خيرا رد علي أصحابي " ، فيفرح الصحابة جداً و يلموا حاجتهم .. أخيراً راجعين لحضن النبى عليه الصلاة و السلام ♡ .. و حيرجعوا فعلاً زى ما حنشوف بس هيبقوا مش عارفين يعني أيه أذان و لا يعني أيه مسجد ولا يعرفوا أن الصلوات بقت خمسة
فى اليوم ، طيب ليه مرجعوش فى وقت هجرة النبى ﷺ مع المسلمين من مكة للمدينة أو بعد الأنتصار في غزوة بدر مثلاً ؟ دول حيمشوا من الحبشة بعد غزوة خيبر يعني بعد 7 سنين من الهجرة من مكة إلى المدينة ، طيب ليه يا رسول الله ؟ ..
لأن لحد صلح الحديبية كان النبى خايف يحصل حر"ب و إبادة للمسلمين فى المدينة فكان عايز يبقى المكان فى الحبشة معانا إحتياطي عشان لو أنتهت المدينة فيكون في مكان تاني ينطلق منه الإسلام مرة تانية ، أما بعد صلح الحديبية النبى ﷺ بقى مطمن ، عامل معاهدة صلح مع قريش فخلاص مفيش لزوم يفضل ال 100 صحابى فى الحبشة .. وساعتها النبى حيبعت لهم عشان يجوا على المدينة ♡..
بس وسط الفرحة دى حيحصل شئ حزين أوى لما النبى حيبعت جواب للنجاشى يطلب منه أنه يرد الصحابة فيفرح الصحابة جداً و يلموا حاجتهم و أخيرآ هنرجع للنبى ﷺ .. بس للأسف النجاشى مش هيهاجر معاهم طيب ليه ؟ .. عشان يطمن علي الصحابة و يتأكد أنهم و صلوا المدينة أمنين و بعد ما يوصلوا هيهاجر .. فيمشي الصحابة و النجاشى يأمن لهم الطريق لحد ما يوصلوا ، و في الليلة دى يبات النجاشي حزين لفراق الصحابة و فجأة يموت ، و في الليلة دى نزل جبريل على رسول الله صلى الله عليه و سلم و يقول له : " يا رسول الله قم من نومك و أيقظ أصحابك .. مات أخاكم " أصحمة " مات النجاشي 😢 .. قوموا فصلوا على صاحبكم " ..
و يقوم النبي عليه الصلاة و السلام و يبكي 😢 و يصحي كل الصحابة من النوم و يصلوا علي النجاشى صلاة الغائب ، ملحقش النجاشى يكون صحابي لأن عشان تبقى صحابى لازم تشوف النبى ﷺ بعينيك ، ضحى النجاشى بإنه يكون صحابى عشان يحمي أصحاب رسول الله صلى الله عليه و سلم .. رضى الله عن النجاشى وأرضاه ❤
