رواية المهندسة نور الفصل الخامس والعشرون 25 بقلم وفاء الغرباوي

 

رواية المهندسة نور الفصل الخامس والعشرون بقلم وفاء الغرباوي 

اخاف فى وجودك واموت خوفا لأنك لست معى

انت لاتدرك ولكنها

معادلة صعبة طرفاها غير متساويان،  ولكن اكبر من او يساوي..لايسودها التساوى فقط ولكن فى منطقة ما سيحدث..

وماذا بعد؟؟

لست غائبا ابدا ولكنك حاضرا بالروح  

*****

ياسمين بتسمع كلام عمر ومركزه معاه اوى اوى، لدرجة انها عايزاه يفضل يتكلم وبس مش مهم بيقول اى، بس صوته مصدر راحة ليها ..

كانت عنيها فى عنيه وقتها قالها

:انا اسف انى ماخدتكيش من اول مرة شفتك فيها وسمعت كلامك..

كان لازم اخدك واحميك من الدنيا كلها..مش كلامك اللى خلانى عايزك ، انا معرفش اى اللى حصل وقتها يمكن مكنش سمعت نص الكلام اللى قولتيه مع نور 

انت بريئة جدا على كل اللى بيحصل لك دا 

يارتنى كنت اقدر اخبيك جوايا 

كل كلمة كان بيقولها عمر كانت صادقه ومن قلبه بجد عشان كده كانت بتوصل لقلب ياسمين علطول، بتدق بابه وبينبض بفرحة اوى.. بس للاسف هى تعتبر فى عالم الأحلام، لسه مرجعتش لارض الواقع والحقيقة المره..بس حاسه بأمان 

الباب خبط وكانت الدكتورة النفسية أسماء ومعاها كريم

وصلت أسماء جنب ياسمين وبابتسامة  هادية كلمتها

:عاملة ايه دلوقت 

ياسمين مش بترد  ولا حتى بتحرك عنيها عن عمر .. وهو كمان عنيه فى عنيها 

كانهم بيتكلموا

أسماء بدأت بالراحة تتكلم 

:ياسمين انا  مش عاوزك تتكلمى 

ممكن تحركى راسك او ايديك او حتى عنيك .. مش هتعبك او اضغط عليكى 

  بس ياسمين  زي ما تكون خائفه ان الكلام يخرج او صوتها يخرج ..هى مفقدتش النطق بس احساس جواها رافض حركة لسانها ..السكوت دلوقت راحة ليها 

الدكتوره أسماء  بصت ناحية  عمر وقالت له

: ممكن تخرج  بره خمس دقائق بس وبعدين ترجع تدخل ثاني

عمر مكانش عايز يخرج بس 

كريم طبطب على كتفه  وعمر بص ناحيته  وقاله بهدوء 

:يلا معايا عشان الدكتوره تطمئن عليها وبعدين ترجع تدخل ثاني 

على مضض  بدا يتحرك  عشان يخرج بس عينه كانت على ياسمين اللى عنيها بقت كلها دموع وبتنزل من جنب عنيها حتى انها مش بتغمضها وملامحها كانت كلها غضب وفزع ، وايدها ضغط على السرير بحركات غضب ، نفسها حتى انها تصرخ وتقوله خليك متمشيش

عمر شاف دا كله ووقف مكانه ، وعلطول راح وقف جنبها ومرضيش يمشى وبص للدكتورة وكريم 

: انا مش هاخرج هاستنى هنا اللي عايزه تقوليه قوليه وانا موجود وجنبها

 وقتها غير وجه ناحيتة ياسمين وبصلها بابتسامه وهي على طول حاولت تبتسم هي كمان والدموع وقفت من عينيها.

 الدكتوره اسماء ضحكت وقالت له :

انا مش هاعمل لها حاجه انا بس كنت هتكلم معها

رد عمر بهدوء 

:وانا حاسمعك معها وما تقلقيش اهم حاجه صحة ياسمين 

اسماء عشان شافت انفعالات ياسمين وقت خروج عمر، تفهمت وجوده ، وحاسه انه وجوده هيبقى دافع لها انها تتكلم في الوقت ده كله.

 كريم واقف  يبص لهم وسال نفسه يا ترى فيه رابط روحي للدرجه دي،  ان شخص يحس بالامان في وجود شخص ثاني ..هل ممكن هو ونور يبقى عندهم نفس رابط الروح ده؟

 هو حاسه في نور وياسمين وعادي ان هم بنات واصحاب كمان رغم فارق السن لكن هل يا ترى في رابط روحي من وحده  وواحد حتى لسه ما اتخطبوش، وكمان  ما تجوزوش 

غمض عينه واتمنى انه تكون بينهم العلاقه دي هو ونور .. وخرج كريم برا 

********

بره غرفه الطوارئ

 كانت سعاد مامت ياسمين اواللى  المفروض مامتها  كانت بتعيط وماسكه بنتها ملك ..

صلاح كان قاعد باين عليه التعب اوى  ونور قاعدة جنبه،  بس مش واخده بالها منه ،  بتسال نفسها يا ترى باباها عارف  ان  ياسمين مش بنتهم فعلا  وعشان كذا كان بيساعدهم.. طب هو يعرف اهلها الحقيقيين.

 اسئله كثير بتدور جواها وما لهاش اجابه..

صعبت عليها ياسمين واتوجعت عشانها اوى 

 لحظه خروج كريم  ، قامت جري عليه وبلهفة سألته

:  كريم  طمئني ياسمين عامله ايه ؟

فضل عينه فى  عينيها شويه ، شايف فيهم لهفة وخوف بجد ، ياترى ممكن يشوفهم عشانه فى يوم :

ياسمين كويسه يا نور

 وبدون اراده اتكلم وهمس 

: روحها متعلقه في عمر

 استغربت نور الكلام لكن هو كمل كلامه :

الدكتوره حاولت تخرج عمر عشان تتكلم معها ، ياسمين ما تكلمتش بس عينيها راحت كلها دموع وانفعالاتها كلهابترفض ،  زي ما يكونوا مربوطين ببعض وما يعرفوا بعض من وقت كثير

 ردت نور عليه  بتلقائيةوقالت له 

:ولا عمرهم شافوا بعض ،  اول مره كانوا يتقابلوا  حتى ياسمين بالذات ، اول مرة تشوفه يوم الكافتيريا..  بس هو انسان كويس ومحترم  جدا 

كلامها عن عمر خلى  الغيره  دبت فى قلبه واتضايق وظهر على وجهه.

ع نور لاحظت دا  وابتسمت  من جواها وكملت كلامها بجد

: عمر مش اكثر من زميل عمل  وخطيب ياسمين ، تاكد يا كريم انا عمري ما كان لي علاقه لا بزميل ده من بعيد ولا من قريب كله كان شغل وخلاص اول مرة حتى انى اقف اتكلم مع حد كده او أقرب منه ..اطمن يا كريم 

كريم من جواه فرح بكلامها جدا جدا وبقى نفسه يكمل كلام معاها لانها لاحظت تغيره المفاجى حتى من غير ما يتكلم 

لكن صلاح الوقت دا كان ميعاد علاجه ومن استعجالهم والضغط اللى حصل الوقت اللى فات نسى مل حاجة والتعب أتمكن منه ، كريم لاحظ دا وجرى عليه 

ونور اتفزعت جدا جدا واخذوه دخلوا لمكتب كرين عشان يطمن عليه 

******

سعاد وهى بتعيط الحج عبدالحميد والد عمر قرب عليهم وسالها 

:اى اللى حصل لياسمين،  وباباها ليه مجاش معانا 

سعاد بكاها زاد اوى اوى  ومش بترد وهو كمل

: انا عارف ان هو مش بيعملها كويس بس مش لدرجه انه يجي يتطمئن على بنته

لسه سعاد بتعيط ومش عارفه ترد ، اتكلم بهدوء 

:لا حول ولا قوة الا بالله..ربنا يهدى 

على دخلة محمود مفزوع وبيدور على كريم 

فتح المكتب بسرعة 

:كريم فى اى ..صلاح كويس 

نزلت بسرعة وبرن عليك مش بترد 

طمنى يابنى 

صلاح فضل يبص له كتير اوى، هو فعلا قلقان عليه

هو فعلا اتغير كده 

نور اللى اتكلمت

:احنا جينا هنا عشان ياسمين صحبتى اللى تعبانه مش بابا يا عمى 

اخد نفس طويل وقعد على أقرب كرسى

:طيب الحمد لله انك بخير يا صلاح 

وقعت قلبى

الغريبة ان صلاح ساكت ومش بيرد عليه ، رغم انه كويس وكريم اطمن عليه

محمود لاحظ نظرته الطويله،  حتى كريم ونور كمان 

*****

جوه عند ياسمين 

الدكتورة بدأت تتكلم كلام عام وياسمين بتسمع وعمر كمان وسمح لنفسه يقرب من ياسمين ويضغط على ايدها ويطبطب عليها ويطمنها

اسماء بدأت تقولها:

ياسمين مش كل حاجه بتحصل في حياتنا لازم تاثر علينا، حتى لو اثرت لازم يبقى تاثيرها مش كبير، الموقف لازم ياخذ وقته ويعدي عشان نقدر نكمل حياتنا ،بصي لاي حاجه صغيره بتحصل في حياتك مع الوقت بتعدي وبتنتهي، وبتبداي في حاجه جديده دائما حاولي تركزي في فرحتك وبس ،الحاجه اللي هتزعلك ابعدي عنها ..

انا مقدره انك مش عايزه تتكلمي ودي حاجه براحتك الصوت ما هو الا التعبير عن حاجه جوانا انت مش قادره تخرجيها دلوقت هتخرج بعدين مش مشكله.

 المهم بلاش اي موقف يؤثر عليك بالسلب بصي لاكثر حاجه بتفرحك واعمليها

 تلقائي ياسمين بصت على عمر وهو اللي تكلم وقال للدكتوره:

 احنا فرحنا بكره ان شاء الله 

الدكتوره ابتسمت وبصت لهم

: الف الف مبروك ده خبر كويس جدا بعدين هاجي الوقت اللي هنتكلم فيه عن المشكله اللي انت فيها بس دلوقت خليك فرحانه بانك هتكوني اجمل عروسه وانا شايفه انك مع احد بيحبك ويقدرك اتمنى لكم حياه سعيده والوقت اللي انت هتقدري تتكلمي فيه انا في انتظارك .

وخرجت الدكتوره، وسابتهم مع بعض عينيهم هي اللي بتتكلم كل واحد جواه احساس ملخبط حتى قدره التعبير عنه مش عارفين

*******

صلاح اول ما شاف محمود كان نفسه يتكلم معاه،  بس مش عارف يفتح الكلام ازاي اه هو ملاحظ ان محمود اتغير بس يا ترى الموضوع زي اللي هيتكلم فيه ده هيقدر يتقبله ازاي..

 هو كان ناوي يعمل كده ويتكلم معه بس بعد فرح كريم ونور اكل للاسف الوقت ما اسعفوش بس لابد منه الكلام.

 نور اتكلمت وقالت

: انا هاروح اطمئن بقى علي ياسمين زمان الدكتوره خلصت معها 

كريم قال لها 

:هاجيء معك 

محمود قال 

:طب يلا ان كلنا نخرج بقى نطمن عليها عشان كمان صلاح يروح يرتاح

 صلاح شاف ان دي فرصه ان محمود يشوف ياسمين يمكن قلبي يقول له حاجه صلاح ما يقدرش يقولها وهم في التجاههم لهناك سعاد كانت مكانها لسه بتعيط وجنبها عبد الحميد ساكت..

سعاد رفعت راسها تشوفهم وهما جايين عليها ووقفت فجاة ومحمود كمان وقف زى الصنم ومقدرش يتحرك

                الفصل السادس والعشرون من هنا

بدل ماتدور وتبحث علي الروايات خليها علي تليفونك وحمل تطبيقنا

تعديل المقال