Ads by Google X

رواية المهندسة نور الفصل السادس والعشرون 26 بقلم وفاء الغرباوي

 


رواية المهندسة نور الفصل السادس والعشرون بقلم وفاء الغرباوي 




مابين هذا وذاك انا الحائر بين قلب منهك وعقل مشتت ..
انا العاشق الفائز والمعشوق الخاسر
انا انت ولو تملك القلوب سلطانها ستكون جنتى حياتك
******
وقفت سعاد مش مصدقة بعد العمر دا كله وتشوفه واقف قدامها ، بسرعة قلبت فى البوك بتاعها وطلعت صورة قديمة حاولت تخفيها،  وبصت لها وبصت للراجل اللى قدامها
نفس الملامح صحيح بس الشكل متغير شويه ، بس دى صورة من اكتر من عشرين  سنه، دلوقت الشعر اتغير من الاسمر للابيض وبعض علامات الشيب والكبر ، لكنه هو 
لكن احتفظت بتعبيراتها لنفسها..
فى نفس الوقت اللى محمود اتاخرت خطوته وفضل ماشى بالراحة، كانه بيرجع السنين اللي فاتت والذاكرة كلها..الماضى اللى كان بيدور عليه لقاه واقف قدامه ..
ليه كل حاجة جت فوق دماغة مرة واحدة ، بكرة خيط واتفردت مبقاش عارف يوقفها.. الحساب أوانه جه ومش هيقف..











صلاح  من بعيد بينقل بصره بينهم ..ويقرر  مع نفسه ان  فعلا كل حاجة باوان وربنا كاتب ليها وقت تظهر فيه 

نور وكريم كانوا خلاص وصلوا لغرفة ياسمين، هما ماشين ساكتين وحتى مش مركزين حواليهم..نور خبطت عشان تدخل وسمح عمر ليهم بالدخول
:اتفضل يا باشمهندسه 

نور دخلت وخطواتها بطيئه جدا، عنيها كلها دموع 
اول مرة تشوف ياسمين كده، صحيح هى دايما بتشوف دموعها لكن اول مرة تشوفها مستشفي ومش بتتحرك
كريم كمان دخل يراقب موشرتها الحيويه على الشاشة..
بص على نور لقاها جامدة ، حاول يهزر معاهم 
:مالك يا نور..انت مش عايزة تكلمى زغلول
هتفضلى واقفة كده
عمر اللى سأل :
مين زغلول؟

ضحك كريم وقاله:
دى حكاية طويلة ، انسة ياسمين تحكيها لك ..صح يا نور 

ياسمين حاولت تحرك ايدها وعنيها كلها دموع 
وبالعافية شاورت لنور، عشان تيجى عليها وتعضها
زى ما بتعمل وهى متضايقه..
نور جرت عليها وحضنتها
:الف مليون سلامه عليكي يا حبيبتي 
كده يا زغلول ..تعملى فيا كده ، تاخدى روحى منى
هتخاتق مع مين ومين يرد عليا .. مين هيقولى
الدكتور كان عنده حق يسميك بكيزة
قومى ياسمين افرحى وفرحينى 
ليه تبقى كده وقت ما الفرح دق بابنا   
ياسمين هزت دماغها بتعب وارهاق، عايزة تقولها انت متعرفيش حاجة.
ونور فهمتها بس مش عايزة تتكلم قدام عمر وكريم..
لفت  وشها ناحية عمر وكريم 
:ينفع تخرجوا وتسبونا لوحدنا شويه 

عمر مكنش عايز يخرج ، بس ياسمين ابتسمت له وطمنته انه يخرج ..كريم قبل ما يخرج 
:حاولوا تجهزوا عشان تخرجى من المستشفى دلوقت 
مفيش داعى لوجودك هنا انت بقيت كويسة
نور ردت عليه 
:خلاص عشر دقايق ونخرج
وبالفعل خرج كريم وعمر اللى عينه متعلقه بياسمن وكانه بيسيب روحه معاه ولولا ابتسامتها مكنش خرج ابدا ، لأنه عارف ومتاكد ان نور أقرب شخص ليها ، واتمنى انه يجى الوقت ويكون أقرب لها من نور

*******
بره غرفة ياسمين 
سعاد ومحمود  نظراتهم  غنية عن اى سوال ،  كل واحد فيهم محتار يبدأ السوال الاول  ..السوال اللى هيكون شرارة الماضى 
بس للاسف فيه حلقة مفقودة عند عند محمود واللى عارفها بس هو صلاح

الحج عبدالحميد لاحظ نظرتهم دى وفهم انه فيه سر بينهم، هو راجل كبير وعاقل ووجوده مانعهم يتكلموا وقتها قرر ان يمشى وياخد ملك معاه  ..اتكلم مع ملك
:تعالى يا ملك معايا نجيب عصير نشربه وكمان نجيب لياسمين 
مش أنت بتحبيها
ملك هزت دماغها
ملك بصت لمامتها سعاد وردت عليها
:روحى يا ملك 
ولسه هيمشى لقى عمر وكريم خارجين
إللى شافوا الثلاثة واقفين قدام بعض ،نادى عبدالحميد على ابنه عمر 
:تعالى يا عمر معانا وعشان تطمنى على ياسمين كمان
عمر  وكريم اتعجبوا من وقفتهم بس عمر نفذ امر والده واتحرك 
كريم فضل مكانه 
ولانه صعب عليه كل اللى هيسمعه ..قرر صلاح ان يبعده ومش هينفع يتكلموا اصلا فى المستشفي وقتها

صلاح سأل كريم 
:هى ياسمين هتخرج امته
كريم رد بهدوء وكانه فهم حاجة غريبة:
هتخرج كمان شويه هتجهز بس ونور معاها









صلاح اتكلم  بهدوء:
طيب روح مع عمر دلوقت 

كريم بيحترم صلاح جدا، محاولش يرفض لكن بص بنظره لباباه كده ، لقاه وشه فى الارض
فهم انه فيه حاجة كبيرة..بس هو اصلا معندوش استعداد  حاليا يعرف حاجة جديدة 
******
نور مع ياسمين 
اللى فجاة بدأت تعيط اوى اوى ونور تضمها وتطبطب عليها
فجاة صوتها طلع 
:انا عرفت هو بيعمل كده ليه.. عرفت ليه بيضربنى وبيهنى
مع كل كلمة نور بتضمها.. 
:انا مش بنته يا نور ..انا مش بنته
وبعد شويه ..نور بتسمع بس 
: الحمد لله انى مش بنته ..أنا مبسوطة اوى 
عارفة انا عمرى ما حسيت انه ابويا
باباكى بحبه اكتر منه ..حتى بحس انه بيحبنى اكتر 
بس انا مش عارفة هقول ل عمر اى 
نور ساكته ومش عارفة ترد 
خافت تقول لها أن عمر شبه سمع الكلام..لكن خافت تتعب تانى ..دى مصدقت انها اتكلمت 

ياسمين وهى موطية راسها 
:ينفع اجى البيت عندك لحد يعنى ما ...الفرح يجى
كانت مكسوفة جدا وهى بتقول كده
وكملت ..انا مش عايزة اخرج من بيته

نور حضنتها بحب 
:طبعا يا حبيبتي..وهتكون احلى عروسة

ضحكة غصب عن ياسمين خرجت منها
:عروسة مجهولة الهوية والنسب

تعرفى يا نور ...امى او اللى امى سعاد تعرفى الحقيقة كلها
بتقول انى بنت اختها واختها دى مات
انا النهاردة مش عايزة اعرف الحقيقة دى...
انا عايزة ارتاح منهم كلهم ..
يلا نخرج من هنا الاول 
*****











دورت عليكي كتير يا سامية الفترة اللى فاتت؟
قالها  محمود وهو بيقرب على سعاد ، اللى استغربت كلامه هو فاكراها سامية اختها.. 
سعاد وسامية كانوا اختين توأم..بس للدرجة دى مش عارف اللى كانت مراته 
محمود بيكمل كلامه 
دورت عشان أصلح اللى فات 
فين بنتى يا سامية؟؟

محمود قال الكلمة دى وهو بيقرب من سعاد ، اللى رجعت لورا اول ما بدا يقرب منها واتكلمت بسرعة 
انا سعاد مش سامية ..سامية مات 
مات يوم ماراحت تقولك انها ولدت وتترجاك تعلن جوازكم عشان خاطر بنتها اللى لسه جاية للدنيا...يدوبك عندها اسبوع

وكملت ببكاء ودموع
:قتلها يوم ما تجوزتها من غير علمنا وضيعت فرحة امى وفرحتنا 
وقتلتها يوم ما راحت تقولك انها ولدت البنت 
طردتها من عندك 
وهى راجعة عملت حادثة ومات ..
منك لله
   
أنت بتقولى أي 
میں اللي ماتت ... أمته حصل دا 
انا دورت عليكم كتير الايام اللى فاتت  دى فى بيتكم القديم بتاع مامتك 

صلاح اللي أتكلم وقتها .. أنا خليتهم يفضلوا جنبي
عشان أبقى مطمن عليهم..
محمود بص له بجدة وكأنه متعجب وقاله
أنت !!
أيوة أنا
محمود: كنت عارف أنها بنتى وتعرف انها ماتت
صلاح : أيوه كنت عارف..من ٢٠ سنه 

في يوم قررت أني أروح لـ بابا
الله يرحمه الفيلا عشان ماما وحشتنى وبابا كمان واستسمحهم 
ومكنش قادر أدخل ... لقيت واحدة
خارجة منها وبتعيط وأنت خارج
وراها ، أداريت منك وهي مشيت علطول، اناكنت  رايح وعارف انك مش هناك بس اتفاجات بوجودك..عشان كده مشيت
حاولت الحق الست دى معرفتش
فوجت الناس بتجرى على حادثة
ولقيت الست دي هى اللى واقعة ولازم  تروح مستشفى 

اخذناها لاقرب مستشفى والدكتور قاله حالتها حرجة وعرفنا انها لسه والدة 
استأذنت منه عشان ادخل لها وسألتها تعرفى محمود منين، هو عمل اى خلاكى تعيطى
ساعتها عرفت منها كل حاجة وعنوان أهلها  وبلغتهم باللى حصل وماتت ودفناها ..
سعاد اللى كملت :









كنت لسه عروسة بقالى شهر ومكنتش عارفة اعمل اى 
وضغطت على ابراهيم نكتب البنت باسمنا، كان رافض وهددنى بالطلاق مش هنتحمل مصاريف بنت
وقتها الاستاذ صلاح عرض انه هيتكفل بيها وكان صعب عليا بس كنت هعمل اى..

بس خرجت ياسمين  ونور سنداها، سكتوا خلاص 
وجريت عليها سعاد بس ياسمين مهتمش ومسكت جامد فى نور وقالت 
:عم صلاح..انا هاجى معاك البيت عندك
كلهم وقفوا ساكتين ....

بدل ماتدور وتبحث علي الروايات خليها علي تليفونك وحمل تطبيقنا

تحميل تطبيق سكيرهوم
تعليقات



حجم الخط
+
16
-
تباعد السطور
+
2
-