 |
رواية عشق طفولتي الفصل السابع بقلم ايه عز#عشق طفولتي البارت السابع خرجت وشوفته هو بس بملامح بهتانة شخص مطفي مش متعودة عليه كدة بس لا مش هضعف ابدا قدام واحد رماني ورا ضهره وكمل _اهلا بحضرتك عايز ايه يامستر احمد : تسمعيني _مفيش حاجة حضرتك تقولها اصلا ولا في كلام بينا انت مجرد مديري وانا مجرد واحدة لا راحت ولا جت كانت بتشتغل عندك وقدمت استقالتي اظن مفيش اي كلام بينا بعد كدة واتفض.. كلامي وقف لما سمعته بيقول : نور انا مفيش لحظة ف حياتي مكنتش بفكر فيكي فيها ولا مرة روحتي عن بالي دورت كتير وف كل حتة وروحت سألت مديرة الملجأ عن اهلك وساكنين فين ادتني عنوانكم روحت عليه طلعتوا عزلتوا منه من زمان ميأستش ودورت تاني وكنت لسة بدور ولا يوم املي قل بأني الاقيكي والله صدقيني ولو على انا وصلت هنا ازاي انا لما عيلة اتبنتي كانوا على قد حالهم علموني لحد ماكبرت وفتحت شركة صغيرة على قدي وبعدها ماتوا ف حادثة زعلت وعافرت وياما وقعت لكن كل مرة كنتي بتيجي ف بالي بقوم من اول وجديد عشانك عشان لما اقابلك تاني اكون استحقك واعوضك عن اي حاجة ضايقتك او زعلتك ف غيابي سامحيني لو كلامي كان قاسي ف المكتب بس انا من اول يوم وانا حاسس اني مشدودلك لاني حاسك شبه نوري الطفلة الي كانت حب حياتي لكن كنت حاسس اني كدة بخون وعدي وثقتك فيا لما انجذب لبنت تانية وهي انتي مكنتش اعرف انكم نفس الشخص سامحيني والله انا اسف ليكي عن اي حاجة بابا وماما فضلوا واقفين مش فاهمين اي حاجة وانا دموعي بتنزل بقى معقول انا استحق كل دا اد ايه ربنا بيعوض فعلا مطلعش ناسيني عمري ماروحت من باله انا حاسة اني هموت من الفرحة _ان انا مش عارفة اقول ايه ه هو انت بجد : هههه ايوة ياستي بجد ومتقوليش اي حاجة غير انك موافقة _موافقة على ايه : تتجوزيني لا كدة بقى ومش هسكت وربنا هزغرط وارقص وماحد هيقدر يسكتني والي يعرف يكستني يفرجني😂 بصيت لبابا وماما مستنية اي رد فعل او اي كلام مهما كان انا بنتهم ولازم رأيهم قبل اي حاجة +يابنتي احنا طول عمرنا بنحبك وبنعتبرك بنتنا الي مقدرناش نخلفها لكن القرار دلوقتي قرارك انتي دي حياتك انتي يانو عيني كام كلمة من بابا ادوني احساس بالامان والراحة وهعمل ايه يعني بحبه ياجماعة مضطرة بقى اني اوافق وها هو يحدث الان اعظم انتصاراتي ياجماعة😂 بعد ماوافقت طبعا بعد ماتحايل عليا ايام وشهور احم لا ياجماعة انا اصلا ماصدقت نطق 😅وافقت وصمم اننا نكتب الكتاب علطول مع الخطوبة قال ايه عشان ياخد راحته معاية المش محترم دا وها قد اتى اليوم الموعد بارك الله لكما وبارك عليكما وجمع بينكما ف الخير طبعا انتو فاكرين اني هسيبه يحضني وكدة ابدا احنا بنات محترمات ياجودعان حضنت بابا وماما هما اهم حاجه ف حياتي سابونا بعدها لوحدنا : طب ايه _نعم عايز ايه : هكون عايز ايه غير انك تكوني بخير ياحبيبتي متعرفيش انا اد ايه مبسوط اخيرا بعد سنين طويلة اووي لقيتك لو اطول احكي للعالم كله عن حبي ليكي وفرحتي بيكي مش هقصر _انا كمان بحبك اووي يااحمد مكنتش قادرة اقولها قبل كدة اصل ف الحلال احلى طبعا يعني : لا دانا اخد حضن كتب الكتاب بقى مليش فيه _ وربنا لو قربت لضربك : نعم انا شكلي اتغشيت ياجماعة تعالي هنا يابت انتي _ وربنا ابدا خليك مكانك لزعلك قرب وحضني وسكت اصل هعمل ايه ياجدعان جوزي قرة عيني بقى وكان اكتر حضن فيه امان حسيته قررنا منعملش فرح وزيطة على الفاضي وناخد ذنوب ونروح بدالها نعمل عمرة وشهر عسل ف اي مكان اختاره ودول اكتر حاجات مفرحاني اكتر منا فرحانة بقربه اساسا بهزر وربنا دنا قتيلة الواد دا😂 واديني دلوقتي قاعدة قدامه بفطره قبل الشغل قرة عيني مينزلش من غير فطار ياجماعة عيب خرج هو شغله وانا قعدت الجو من غيره ممل جدا ثواني دا نسي تليفونه _احمد استنى ياحماااا اوبس ملحقش يلا اكيد هيبعت حد من عنده ياخده وطبعا كأي بنت عندها فضول فتحت تليفونه ثواني معلش ايه دا مين دي الي باعتاله ♡ انا بحبك خالص وهعمل الي تقوله بس متزعلش مني اييه دا بتخوني من اولها يااحمد هو دا الي بيحبني وعافر عشاني وايه دي كانت بتعافر معاه يعني ولا اييه عياط طول اليوم ومستنية البيه يشرف عشان نشوف عافرت معاه كويس ولا ايه سمعت صوت الباب بيتفتح متحركتش من مكاني : حبيبتي انتي فين مردتش عليه مش قادرة ازاي قادر يكدب كدة : فيكى ايه يانوري مالك حطيت الفون قدامه _ مين دي يااحمد بقى هو دا الي عايش على حبي : اهدي بس وهفهمك دي... الجاي احتمال كبير يبقى الاخير ياجدعان تفاعل حلو زيكم بقى عشان انزله بدري وشكرا لاي حد يبتابعني #قصص مي#عشق طفولتي البارت السادس :الي ف الصورة دا يبقى انا بتسألي عليه ليه كدة _اييه انت طب ازاي وبقيت كدة. ازاي : ايه كل الاسئلة دي انتي مين اساسا عشان اجاوبك على كل دة _انا نور يااحمد : ايوة نور الي بتشتغلي عندي مش فاهم بردو مالك وعايزة ايه _الي بشتغل عندك اه فعلا انا هي معلش اسفه على كل الازعاج دا : طيب متتكررش مقدرتش اسكت اكتر من كدة _ انت ايه كل دا ومش فاكرني انا نور يااحمد لدرجادي كنت كداب زمان وبتضحك على العيلة الهبلة لدرجادي مش فاكرني ولا جيت ف بالك حتى ولا يوم وانا الي عايشة على ذكراك وبوهم نفسي انك فاكرني حقيقي طلعت هبلة اوي ازاي اصلا بعد مابقيت ف المكانة الكبيرة دي هتفتكر العيلة العبيطة اليتيمة الي ولا تسوى حاجة فعلا انت عندك حق انا مجرد نور الي بتشتغل عندك انا اسفة جدا على كل الكلام والازعاج دا واعتبر استقالتي اتقدمت عن اذنك : نور ثواني يانور استني اسمعيني انا بجد مكنتش اقصد الي فهمتيه انا _ بس حضرتك مش محتاج تبرر اي حاجه عن اذنك خرجت وهو بيحاول ينادي عليا ويوقفني بس مقدرتش ارد عليه ولا سامعة منه حاجة اصلا روحت البيت وقفلت الاوضة على نفسي ودموعي اعلنت تمردها عليا ونزلت بغزارة مش قادرة استوعب اني كنت عايشة ف وهم انه فاكرني وبيدور عليا وعايش على ذكرياتنا سوا زي منا عايشة على الامل الي هشوفه فيه ف يوم من الايام قلبي بينزف من الوجع ممكن يبان للناس عادي لكن انا لا دا كان امل حياتي كلها وذكريات طفولتي كلها فضلت على الحال دا تلت ايام رافضة اخرج من اوضتي حتى اهلي مش قادرين يخرجوني من حالتي لانهم مش فاهمين اصلا مالي وقافلة الفون مش عايزة ارد على اي حد يوم جديد قررت فيه ان مينفعش اقضي يوم واحد زيادة زعلانة على واحد مش فاكرني اساسا خرجت _صباح الخير ياجماعة ÷ صباح الورد يابنتي الحمدلله انك خرجتي اخيرا والله كنت هموت من القلق عليكي فيكي ايه بس _ مفيش حاجه ياماما والله كان مجرد ارهاق من الشغل + طب وعلى ايه بس كل دا يبنتي منا قايلك من اولها لو هيتعبك سبيه انتي عارفة ان عمري مااقصر معاكي ابدا _ عارفه يابابا وانا فعلا هسيبه مش عارفة انسقه مع المذاكرة تسلميلي ياحبيبي ويديمك ليا _ ياروح قلب بابا انتي متخليش اي حاجه ف الدنيا تزعلك انتي بنتنا الوحيدة الي منقدرش نشوفها مضايقة ولا في حاجة مزعلاها ابدا _ ربنا يديمكم ليا يارب انا مليش غيركم اصلا + ياروح قلبي انتي اساسا عمرنا كله ÷ طب بمناسبة انك خرجتي من اوضتك اخيرا بقى انا هعملك فطار تاكلي صوابعك وراه ياعمري _ ياقمر انتي اه فعلا اصلا الواحد هيموت من جوعه ÷ ياروحي انتي ماعاش الجوع عشر دقايق والاكل يكون جاهز + تعالي ياحبيبة بابا اقعدي معاية على مامامتك تخلص الاكل _ حاضر قعدت معاهم وفطرنا وحقيقي كنت غبية اني عزلت نفسي عنهم وهما قادرين يخرجوني من اي مود وحش ازاي كنت سايبة الحنية والطيبة دي ومحاوطة نفسي بذكريات واحد نساني وقررت اني هبدأ من جديد وهمحي اي ذكرة ليه من حياتي قضيت اليوم معاهم وعلى الساعة ٧بليل سمعنا الباب بيخبط بابا قام فتح مع الاستغراب من مين ممكن يجي دلوقتي وف العادة محدش بيجي عندنا ف الوقت دا وانا قاعدة جوا مع ماما مستنين نعرف مين جه من بابا سمعت صوت اخر حد كنت اتمنى اسمعه لبست اي حاجة جت قدامي وخرجت وشوفت... شكرا لاي حد بيتفاعل مع الرواية حقيقي ممتنة ليكم واسفة لو البارت قصير بس تعبانة الايام دي بس متقلقوش هستمر فيها #قصص مي جمعة |
