.jpeg)
رواية يلا بينا نعرف نبينا الفصل الثامن و الثمانين
يلا صلوا على النبى :)
#هجرة_النبى_ﷺ_من_مكة_إلى_المدينة (ج12)
" و أشرقت المدينة بمجئ محمد رسول الله ❤ "
الصحابة " المهاجرين من مكة للمدينة " و أهل المدينة " الأنصار" فى حزن شديد و بكاء قلقانين على رسول الله لأنه أتأخر أوى فى الطريق .. و فى اليوم ال 14 الرسول عليه الصلاة و السلام بدأ يقرب للمدينة ووصل لمكان أسمه " الثنية " .. فكان فى واحد من أهل المدينة طالع على نخلة بيشوف
القوافل بتاعت التجارة وصلت ولا لأ .. فيقدر ربنا أنه يشوف رسول الله .. فالراجل ده بيحكى و بيقول : " رأيت ثلاث يمشون فى السراب ويلبسون البياض فناديت يا معشر العرب جاء الذى تنتظرون .. جاء الذى تنتظرون " ..
وبيحكى و بيقول فرتجف بدنى ( أترعش أوى ) وسقطت على الأرض " .. و أول ما الناس عرفت خبر مجئ رسول الله .. عليت أصوات التكبير .. الله أكبر .. الله أكبر .. و الأرض بقت تترج من صوت الناس .. اللى بيضحك واللى بيبكى و الكل بيقول : " جاء رسول الله .. جاء رسول الله " .. يابختهم ♡ ^_^ اللهم صل على الحبيب .. ويقول واحد من أحبار اليهود ( رجل دين يهودى ) أسمه عبد الله بن سلام : " والله إن رأيته لعرفته " ( أصل اليهود عندهم وصف رسول الله فى كتابهم ) ، فقام عبد الله و جرى عشان يشوف النبى على أبواب المدينة ، فبمجرد أنه شاف رسول الله و نظر فى وجهه .. قام قايل : " أشهد أن لا إله إلا الله وأنك رسول الله " ..
و أشرقت المدينة بقدوم رسول الله .. و الناس فرحانة إن النبى واقف قدامهم و بدأوا ينشدوا الشعر .. أنس بن مالك بيقول ( وده حيبقى خادم رسول الله صلى الله عليه وسلم ) : " دخل الرسول المدينة يوم الأثنين فأنار منها كل شيء ومات يوم الأثنين فأظلم منها كل شيء ♡ " .. و يدخل النبى المدينة و يوصل لمكان أسمه " قباء " وكل الصحابة يتلموا حواليه و بدأ النبى بالكلام وكانت أول كلمات للنبى .. قال صلى الله عليه و سلم : " أيها الناس أفشوا السلام ، وأطعموا الطعام ، وصلوا بالليل والناس نيام ، تدخلوا الجنة بسلام " دول 3 جمل ، كلام سياسى و إجتماعى و دينى ..
عامل سياسى : أفشوا السلام حتتوقف الحروب .. وأطعموا الطعام : وده عامل إجتماعى عشان ميكنش فى فقر فى المجتمع .. وصلوا بالليل : وده عامل دينى روحانى .. و ينهى كلامه بعامل تحفيزى ووعد من الله سبحانه وتعالى بالجنة .. فلا يوجد قائد فى العالم يأتى بكل هذه العناصر فى جملة إلا محمد عليه الصلاة و السلام .. اللهم صل و سلم و بارك على من أوتى جوامع الكلم ♡ .. طيب إيه أول عمل حيقوم به النبى صَلِّى الله عليه وسلم ؟ ..
بناء مسجد .. طيب يا سيدنا النبى .. حضرتك بقالك 14 يوم لا نوم كويس ولا راحة و أرض صعبة و طريق متكسر وأكل قليل و تقرر تبنى مسجد ؟! تعبت كتيييير أوى عشانه يا رسول الله ♡ .. أصل المسجد يا جماعة ده أساس المجتمع الإسلامي .. و ده حيبقى مسجد قباء اللى ربنا عز وجل قال عنه : { لَّمَسْجِدٌ أُسِّسَ عَلَى التَّقْوَىٰ مِنْ أَوَّلِ يَوْمٍ أَحَقُّ أَن تَقُومَ فِيهِ فِيهِ رِجَالٌ يُحِبُّونَ أَن يَتَطَهَّرُوا وَاللَّهُ يُحِبُّ الْمُطَّهِّرِين } ، و قال صلى الله عليه و سلم : " من توضأ فى بيته وأتى قباء فصلى به ركعتان كانت له عمرة تامة تامة تامة " .. ويبدأ الرسول فى بناء المسجد النبوى ..
فيمسك النبى بأول طوبة والصحابة يبدأوا يقلدوه .. أصل النبى عايز يرسخ مبدأ إنى القائد أه لكن إيدى بإيدكم فى بناء المجتمع و أنى مش قائد متكبر .. لأ .. أنا متواضع مثلى مثلكم وهذا نهج و طريق النبى حتى وفاته صَلِّى الله عليه وسلم .. فالصحابة يقولون له : " ألا تستريح يا رسول الله ؟ " .. فيقول لهم : " دعونى أعمل ولكن أعملوا مثلى " .. فيحمل أبو بكر طوبة ثم عمر بن الخطاب ثم عثمان .. فيقول النبى : " هؤلاء أولات الأمر من بعدى " و فعلاً دول الخلفاء الراشدين بترتيبهم من بعد وفاته صلى الله عليه و سلم ..
و يجى عمار بن ياسر ( فكرينه .. اللى أتعذب جامد .. و أمه سمية اللى عذبها أبو جهل و قتلها عشان أسلمت ) و يجى عمار عايز يفرح النبى عليه الصلاة و السلام .. فيشيل طوبتين فى مرة واحدة .. فيضحك النبى ^_^ ( يااا شايفين جمال الفرج بعد الصبر ، و الثبات على طاعة الله و على دين الله .. قال تعالى : { سَيَجْعَلُ اللَّهُ بَعْدَ عُسْرٍ يُسْرًا ♡ } سبحان الله ) ..
و الصحابة فرحانين فيبدأوا يقولوا شعر عشان يحمسوا نفسهم .. فيقولوا بيت شعر جميل أوى : " لأن قعدنا والرسول يعمل ... ما ذاك منا إلا العمل المضلل " .. ويرددوا البيت ، فيرد النبى عليه الصلاة والسلام ويقول : " اللهم لا عيش إلا عيش الآخرة فأرحم الأنصار و المهاجرة " ( يقصد الأنصار أهل المدينة .. و بالمهاجرة يقصد الصحابة اللى هاجروا من مكة ♡ ) ..
بدل ماتدور وتبحث علي الروايات خليها علي تليفونك وحمل تطبيقنا
