رواية بيت العيلة الفصل التاسع عشر 19 بقلم هايدي البنا

سليم و ميرنا راحو ل مركز الشرطة

سليم : انا هقدم بلاغ عن واحدة قتلت و معايا الدليل

الظابط : فين الدليل

سليم : اتفضل

سليم أداه الدليل التسجيل و الفيديو و حكاله كل حاجة

الظابط ب جدية : الموضوع كبير انا هحولك على  سيادة العقيد تقولو كل حاجة

سليم: تمام بس بسرعه من فضلك

سليم و هو مستني لقى سماح بعتاله  صور و هي قدام المستشفى و قالت: لو مطلعتش انت عارف انا هعمل ايه كويس 

سليم :يا نهار ابيض بصي  يا ميرنا 

و وراها صورها وهي قدام المستشفى 

سليم : هنعمل ايه 

ميرنا: هقولها انك مش في مركز الشرطة و ان انا ال جوا و هخرج لما تتصل عليا و ب كدة   لو هي حاطة حد يراقب من قدام مركز الشرطة هيمشي معايا و يقولها اني خرجت و كدة

سليم بقلق مسك الفون بتاعه و قالها: انا في الشغل اصلا مع اني مش عارف انتي عرفتي ازاااي بس متعمليش حاجة ميرنا كانت هتقول كل حاجة بس انا هرن عليها و اقولها تخرج و متقولش حاجة تمام

سماح : انت كدة فكرت كويس تمام

و بعد كدة ميرنا خرجت و فعلا كان فيه شخص ماشي وراها بيراقبها

سليم دخل للعقيد و حكاله كل حاجة و وراه الدليل كامل و قالوا على مكان سماح ال هو قدام باب المستشفى

العقيد : متقلقش من حاجة احنا هنقبض عليها فورا 

سليم : يا فندم بابا تعبان و أهلي كلهم هناك و هي خطر عليهم هي اصلا كانت بتهددني لو سمحت اتصرفوا بسرعه 

العقيد : يا حضرة الظابط

الظابط : اتفضل يا فندم 

العقيد:اتواصل مع المستشفى بسرعه و قولهم يخلي الأمن يقبض عليها بسرعه و ابعت لاقرب مركز شرطة قريب من المستشفى يبعت قوات تمسكها فورا لحد ما نوصل على المستشفى 

الظابط:تمام يا فندم 

سماح اتمسكت من أمن المستشفى قبل ما ياخدوا الفون منها بعتت ل سليم و قالتله: انت ال هتتندم 

سليم حس ب قلق على ميرنا كلمها مكنتش بترد و بعد كدة ردت 

ميرنا : سليم في حد ورايا يا سليم شكله غريب اوي انا ماشية وسط الناس بس علشان اروح المستشفى في شارع مفهوش ناس 

سليم : قوليلي انتي فين بالظبط و انا جاي حالا

ميرنا : ده بيقرب يا سليم انا في شارع (........) 

سليم : متخافيش انا جاي فورا خليكي معايا على التليفون 

ميرنا بصوت عالي : انت ماشي ورايا ليه 

الشخص المجهول : هتعرفي دلوقتي و كان ماسك سكينة  

و اول ما حس ان الناس خدت بالها منه جري بسرعه  بعيد 

ميرنا قعدت علي الرصيف ال في الشارع بإرتياج انها خلصت من الشخص ال كان ماشي وراها 

ميرنا : الو يا سليم خلصت منه اخيرا 

سليم : كويس و بردوا انا جاي اهو 

ميرنا : انت بتنهج ليه

سليم : علشان بجري انا خلاص في أول الشارع 

سليم كان قرب خلاص من ميرنا و لاكن بيبص لقى حد موجه ناحيتها المسدس 

سليم : ميرنا خلي بالك 

ميرنا و هي بتلف الطلقة جت فيها ولاكن في دراعها

سليم : لا مش كل مرة بقا و جري على الشخص ده و كان بيضرب فيه ولاكن الشخص ده ضربه بالمسدس في دماغه سليم داخ شوية و الشخص قدر انه يهرب 

سليم جري على ميرنا شالها و جري بيها على المستشفى 

____________________

في المستشفى..... 

سليم دخل لقى آن في أمن ماسك سماح ولكن مركزش 

سليم : يا دكتور الحقني لسه مضروب عليها نار 

الدكتور : حطها على السرير بسرعه كل حاجة هتكون بخير متقلقش

سليم : انقذها يا دكتور ارجوك 

دخلت ميرنا غرفة العمليات ........... 

بعد شوية الدكتور : احنا عايزين دم ضروري هي فقدت دم كتير 

سليم : طب اجيبه منين 

الدكتور : فصيلة الدم بتاعتها A روح بنك الدم بسرعه شوف متبرع بس بسرعه 

سليم :بس انا فصيلة دمى A

الدكتور : طيب روح اتبرع بسرعة 

سليم : حاضر يا دكتور فورا 

سليم وهو رايح غرفة التبرع بالدم اتصل ب عمر و قالو: انزل بسرعه انت و سلمي  تعالو لي انا في الدور ال في غرف العمليات

عمر و سلمي نزلو : فيه ايه 

سليم : انا هتبرع بالدم ل ميرنا 

سلمي : يالهوي فيه اي ايه الحصلها

سليم : حكالهم وسط ما الدكتور بتسحب الدم منه و كمل : بس كدة خليكي جمبي يا سلمى و معلش يا عمر روح أقف قدام غرفة العمليات يمكن يحتاجه حاجة

عمر : اكيد اكيد خلي بالك من نفسك 

راح عمر قدام غرفة العمليات و بعد شوية كان سليم خلص سحب الدم و راح و هو ساند على سلمي و فضل قاعد قدام غرفة العمليات ل حد ما خرجت 

الدكتور خرج : العمليه نجحت 

سليم بتنهيدة راحة: الحمد لله طب هي هتفوق امتى 

الدكتور : ممكن تفوق انهاردة و بالكتير اوي بكرة الصبح 

سلمي : شكرا يا دكتور 

سليم : انا بقيت كويس اطلعوا انتو عند بابا و انا هفضل هنا جمب ميرنا لحد ما تفوق 

سلمي : طيب تمام يلا يا عمر 

عمر و سلمي طلعوا و حكوا كل الحصل ل باقي العيلة 

ياسمين : يالهوي كل ده حصل و احنا مش حاسين ب حاجة 

سلمي : كدة حرفيا كل العيلة اتأذت منها

ياسمين : و ميرنا عاملة ايه 

سلمي : خرجت من اوضة العمليات و الدكتور قال ان هي هتفوق انهاردة او بكرة 

يسرا : احمد خد اختك و مراتك و روحوا و تعالو بكرة 

احمد : ليه يا ماما كدة روحي انتي و ياسمين و سلمي و انا و عمر هنبات مع بابا 

عمر : احمد ماما معاها حق روح انت و ياسمين و سلمي و بكرة ابقوا تعالواا

احمد: طيب تمام 

احمد و ياسمين و سلمي روحوا 

____________________________

و كان في حد ماشي وراهم و ماسك مسدس احمد بص وراه:لقي....... 

______________________________

             الفصل العشرون من هنا