 |
رواية التقيته صدفه كامله جميع الفصول بقلم جانا مبروكالفصل الاول 1 لو سمحتي!:: @_____ "انت يا انسه لو سمحت ما ينفعش تفضلي قاعده هنا كده لوحدك دلوقتي الوقت اتاخر ممكن يحصل لك حاجه @كنت قاعده بعيط قدام البحر وحاطه دماغي بين ايديا رفعت وشي وقلت له @ابعد عني الله يخليك وسيبني في حالي لقيته قاعد جنبي وبص لي بهدوء وقالي :مالك يا انسه بتعيطي ليه احكي لي ما تخافيش ومدلي ايده بمنديل اخذته منه وانا باشكره @ شكرا ... انا انا هربت من البيت ومش هينفع ارجع تاني بصلي باستغراب : طب ليه وايه اللي يخلي بنت محترمه تسيب بيتها وتهرب بالليل كده انت عارفه انت ممكن يحصل لك ايه عياطي زاد جدا وقلتله بصوت متقطع انا انا اهلي صعايده لقيته ضحك بسخريه: كمان بصيتله بزعل من تريقته عليا وجيت اقوم من جنبه مسك ايدي فبصيت له فساب ايدي بسرعه وقاللي :انا اسف لو سمحت كملي قعدت تاني وحاولت اهدى وقلت له @انا اهلي صعايده وحاكمين لازم يجوزوني لابن عمي اللي في البلد وانا مش موافقه :طيب وليه مش موافقه @اولا لاني بحب واحد تاني وثانيا لان انا عايزه اخلص تعليمي :انت بتدرسي ايه @انا في ثانيه صيدله :طيب واللي بتحبيه ده راح فين دلوقتي ما جاش يخطبك ليه @قاللي انه مش جاهز دلوقتي وانه عايز شويه وقت :طيب انت كلمتيه الليله قلت له على اللي حصل لك @ايوه :وقال لك ايه عيطت جامد وانا باقول له قال @ انه ما ينفعش اللي عملته اللي لازم ارجع تاني وان هو مش مسؤول عن اللي انا بعمله ده :رغم ان ده مش كلام واحد بيحب واحده او خايفه عليها اصلا بس هو عنده حق انت لازم ترجعي @انا مش ممكن ارجع لو رجعت هيقتلوني وبدات اعيط جامد باقول لك اهلي صعايده :اتنهد وقام وقف وقالي طب تعالي معايا @بصيت له قلت له على فين :انا مش هاقول لك عند ماما واختي عشان ما اكذبش عليك بس انا عندي شقتي قريبه من هنا تعالي معي واقعدي فيها @ايه ده ايه اللي انت بتقوله ده لا طبعا ما ينفعش :طيب ما هو انا مش هينفع اسيبك قاعده هنا ما هو بصي بقى انت لو قعدت هنا ممكن يحصل لك حاجات وحشه وغصب عنك كمان @رديت بسخريه اه عشان كده اجي معاك ويبقى بمزاجي اتكل على الله لا يسيئك ضحك بزهول: ايه ده اكيد مش قصدي كده انا هقعد عند واحد صاحبي وانت اقعدي في الشقه اكيد مش هاسيبك هنا لوحدك بصيت له وانا خايفه شويه بس انا ما قداميش حل :بص لي يلا ما تخافيش صدقيني قمت معاه وفضلنا نتمشى شويه واحنا ساكتين وبعدين وقفنا تحت عماره وطلع مفاتيح من جيبه طلع منها مفتاح وعطهولي :اطلعي انت الدور الثاني الشقه اللي على اليمين مكتوب عليها دكتور يوسف عبد المجيد وانا هاروح ابات عند صاحبي الليله دي وهاجي لك الصبح @انت اسمك يوسف ابتسملي: اه وانت @انا مريم :اسمك جميل قوي يا مريم ابتسمت@ شكرا ومشيت دخلت العماره وقفني صوته لما قال :اقفلي الباب عليك كويس وابقي سيبي المفتاح في جوه عشان لو معايا نسخه ثانيه ولا حاجه وقام غمزلي @ابتسمت له بهدوء ما اعتقدش :ابتسم لي تصبحي على خير @وانت من اهله طلعت فوق ودخلت الشقه لقيتها منظمه ومترتبه وشقه جميله بس انا كنت تعبانه قوي فدخلت على طول على اوضه النوم ورميت نفسي على السرير بتاعه وغمضت عيني ونمت بعمق تاني يوم صحيت ثاني يوم على الساعه 9:00 قمت وغسلت وشي ودخلت المطبخ لقيت في اكل ومشروبات بس انا عملت كوبايه نسكافيه وطلعت قعدت في الصاله فلقيت ليه صوره متعلقه بحجم كبير كان شكلها حلو قوي دققت في ملامحه لاني مااخذتش بالي منه كويس امبارح هو شاب عادي جدا بشرته خمريه وعيونه عسلي ملامحه حاده وعنده غمازتين ضحكته حلوه كنت سرحانه في صورته وفجاه لقيت اللي بيخبط قمت بصيت من العين السحريه فلقيته هو ففتحت بسرعه :ايه انا صحيتك @لا انا اصلا صاحيه من شويه :طيب اتفضلي دول لقيته مد ايده ليا بكيس اخدته منه وبفتحه @ايه ده دي هدوم :اه انا جبتلكم فستان وطرحه وجزمه اكيد مش هتقعدي بلبسك كده يومين @ابتسمت شكرا بجد :حط ايده على رقبته بحرج وقالي طب يالا عشان ننزل نفطر @حاضر 5دقايق اغير هدومي غيرت هدومي وطلعت لقيته واقف عند باب الشقه نزلنا قعدنا في مكان على البحر فطرنا وطلبنا قهوه وسرحت وانا بتفرج على البحر فوقت على صوته :شكلك بتحبي البحر قوي @ابتسمت جدا صاحبي الوحيد يعرف عني كل حاجه :طيب النهارده لازم ترجعي بيتك ولو عاوز اني اروح معاكي عند اهلك واشرح لهم الموقف انا ماعنديش مانع @ابتسمت بوجع انا لو رحت لاهلي هيقتلوني ومش بعيد يقتلوك انت كمان :استغرب امال انت ناويه تعملي ايه اتكلمت بتوتر @انا عارفه اني كده بنقل عليك بس لو تقدر تشوف لي شغل في اي مكان واي اوضه اقعد فيها اكون ممتنه جدا ليك :بصي يا مريم انا هساعدك بس صدقيني انا مش موافق على اللي انتي بتعمليه ده لان كده غلط @صدقني مقداميش حل تاني :تمام انا هحاول الاقيلك شغل في اي صيدليه وبالنسبه للبيت انتي هتفضلي قاعده في الشقه بتاعتي @لا طبعا مينفع...... :قاطعها هو ده اللي هيحصل ومتقلقيش عليا انا واخد على كده ويلا بقي اشربي قهوتك ابتسمت وشربنا القهوه وبعد شويه قالي هنحاسب ونمشي @ تمام هعمل مكالمه بره لحد ما تخلص طلعت بره واتصلت على محمود الشخص اللي انا بحبه &الو @الو ايوه يا محمود &ايوه يا مريم عايزه ايه @ايه عايزه ايه دي عايزاك تشوفلي حل في المصيبه اللي انا فيها دي &اتكلم بسخريه طب وانا مالي هوانا اللي قلتلك تهربي وتعملي كده @انت بتقول ايه مش انت بتحبني خلاص يلا نتجوز ونحط اهلي قدام الامر الواقع اتكلم بغضب& نعم يا اختي انت مجنونه يا بنتي الكلام ده انا ما وعدتكيش بحاجه قال اتجوزها قال انا ناقص بلاوي ههه لاقيته قفل السكه في وشي وقفت وانا مصدومه بقي هو ده محمود اللي انا حبيته 3سنين هو ده اللي انا ضيعت نفسي وعملت في اهلي كده عشانه وقفت مصدومه حتى الدموع ما رضيتش تنزل من عيني لقيت يوسف خرج وقال لي يلا عشان نروح وبصيتله @ تمام يلا لقيته بيسالني مالك في حاجه هزيت براسي بمعني لا وفضلنا نتمشى لحد ما وصلنا عند البيت وفضلنا واقفين تحت شويه لقيته بيقولي :انت كلمتيه @هزيت راسي بأه :وقال لك ايه وكاني كنت مستنياه احد يسالني السؤال ده لقيتني ببكي بقهر وقلت @ قال ان ما لوش دعوه ان هو ما وعدنيش باي حاجه وأنه مش ناقص بلاوي انا مش مصدقه ان هو ده الشخص اللي انا حبيته لقيته بيقرب واداني منديل وقال لي :اهدي انا قلتلك من الاول ان ده مش شخص المناسب عشان هو لو كان بيحبك وبيخاف عليك كان واقف جنبك وكان ناصحك انك ما تعمليش كده ما كانش سابك في الشارع في نص الليل وما سالش فيك المهم اطلعي انت ارتاحي دلوقتي واحنا وهنتكلم تاني طلعت فوق فضلت قاعده افتكر اللي كان بينا وشريط ذكرياتنا بيمر قدام عيني افتكرت قد ايه هو كان بني ادم اناني وما يهموش الا نفسه وبس لكن انا اللي ماكنتش شايفه ده بس حتى لما اكتشفته كان خلاص فات الاوان فضلت قاعده طول اليوم وانا سرحانه في اللي حصل لحد ما لقيت الباب بيخبط قمت لقيته يوسف لقيته بيقول لي انه لقي لي شغل في الصيدليه قريبه من البيت هنا واقدر انزل اشتغل من بكره فرحت جدا وقلت حاجه كويسه عشان اشغل وقتي بدات الايام تمر وانا قاعده في شقة يوسف وهو قاعد عند صاحبه وبشتغل وبنقضي طول الليل على البحر وقربنا من بعض جدا وبقينا اصحاب لدرجه ان خلاص يوم ما بقاش ينفع من غيره وفي يوم واحنا قاعدين على البحر فجاه لقيت اللي مسكنه من ضهرنا وحط ايده على بقنا جامد وساحبنا للعربيه ما كناش عارفين ايه اللي بيحصل لحد ما شفت ابويا واخويا واقفين وماسكين في ايديهم المسدسات واخويا بيقول هو ده اللي هي وطيت راسنا علشانه ودلوقتي لازم يموتوا هم الاثنين لازم اغسل عاري رفع المسدس وعمره ووجهه على دماغ يوسف لكن فجاه....... الفصل الثاني من هنا |
بدل ماتدور وتبحث علي الروايات خليها علي تليفونك وحمل تطبيقنا
