 |
رواية جنيه الفنار الفصل الثاني 2 بقلم امير القراجي#جنيه_الفنار🌑☣️ الجزء الثاني وكانت المفاجاه لما شاف يونس دارين وشاف الجرح الي في رجليها ، شغل يونس الكشاف وكان مصدوم من الي شافه ، بنت شعرها اصفر واصل لكعب رجليها وعيونها زرقه بلون البحر ووشها ابيض زي المرجان ، لدرجه ان يونس كان سرحان مع عيون دارين ونسي انها مجروحه لحد ما قطع تفكيره صوت الي كان مع دارين وهوا بيقوله يلا بسرعه مفيش وقت القمر قرب ينزل علي الارض ولو نزل هتموت ، وبالفعل بدأ يونس يطلع الشاش والقطن ويطهر الجرح ، وكان الجرح عميق ودا الي خلاها تنزف دم كتير جدا ، المهم بدأ يونس يخيط في الجرح ومكنش معاه بنج ، وطلب من دارين تستحمل الابره ، والغريب انها مكنتش بتتالم من ابره الخياطه ولا بتتوجع ، بس يونس قال يمكن بسبب التعب أغمي عليا ومش حاسه بسبب كدا ، المهم خيط يونس الجرح وحط شاش وقطن ولف رجليها كويس وغطاها بالجاكيت بتاعه لأنها كانت بتترعش من البرد ، وكان الوقت اتاخر وقتها والساعه كانت حوالي 3 الفجر وفجاه حس يونس بالشخص المجهول الي جمبه بيحط أيده علي رأسه من ورا ، وحس بكهربه خفيفه بعدها حس أنه فقد الوعي ، فاق يونس الصبح من الاغماء على صوت أبوه بيصحيه ، وبيقوله انت بتعمل اي هنا يا يونس واي الي جابك هنا انا بدور عليك من الصبح وامك فكرتك في الكليه ، قام يونس وهوا مش مركز وحاسس أن حد ضربه علي رأسه وحاسس أن رأسه منمله ، لقي أبوه جمبه ولقي الجاكيت بتاعه محطوط عليه وملقاش اي اثر للدم ولا لادوات الجراحه والشاش القطن ، وبدأ يفكر أنه كان بيحلم ، وقال لابوه أنه جه بدري يقعد ف الفنار شويه وراحه عليه نومه من غير ما يحس ، طبعا مرداش يقوله الي حصل معاه عشان مكنش هيسدقه وكان هيقوله أنه مجنون ، وحس يونس وقتها أنه ممكن يكون بيحلم أو يكون كل دا كابوس ، المهم قام يونس مع أبوه عشان يروح البيت وطول الطريق كان بيفكر في الي حصل معاه وهل دا حلم ولا لا ، وصل يونس البيت ودخل الأوضه بتاعته وكان متفاجأ لما لقي كل حاجته تمام البالطو بتاعه مكوي ومحطوط في مكانه في الدولاب ، وبص علي شنطه الاسعافات بتاعته لقاها برده في مكانها الي كان موجوده فيه ، بدأ وقتها يونس يفكر إن كان دا كله خيال وحلم بجد ، وراح يقعد علي المكتب بتاعه عشان يذاكر بس وهوا بيزاكر دماغه مكنتش مع المذاكره ، كانت مع الي حصل معاه في الفنار ، وافتكر وقتها أنه خيط لدارين رجليها وقال يتأكد من الخيط الي ف شطنه الاسعافات وكانت المفاجاه لما فتح الشنطه وملقاش الخيط ولا لقي معظم الشاش والقطن بعدها بدأ يونس يشك تاني أن الي حصل دا كان حقيقي مكنش كدب، أو ممكن يكون الخيط ضاع من الشنطه والشاش والقطن كانوا اصلا شويه، وبطل يونس يروح الفنار من بعدها وبطل بروح يقعد علي البحر لمده شهر كامل ، لحد ما في يوم كان نايم وحلم بدارين وكان الحلم في الفنار برده ، وكانت بتقوله عاوزه اشوفك ضروري يا يونس انت مبقتش بتيجي الفنار ليه ، قام يونس من الحلم ، وبص ف ساعه التليفون لقي أنه نفس الوقت الي راح فيه الفنار بالليل المره الي فاتت، قام يونس وقرر يروح ويكدب دماغه أن مفيش حاجه من دي حصلت وان كل الي شافه في الفنار كان حلم ، لبس يونس ونزل من البيت وكان وقتها مفيش شتاء ومفيش اي مايه في الشارع ، وكان الشارع هادي ومكنش حد علي الطريق الا هو ، وصل يونس الفنار وفتح الباب وطلع فوق خالص بس ملقاش حد في الفنار قعد يونس شويه وهوا بيبص لمنظر البحر الوسع الجميل ، وبعدين قرر يرجع تاني البيت ، ولسه يونس هيلف وشه شاف البحر عامل دوامه كبيره والموج مفتوح كأنه عامل طريق في المايه للشاطي وشاف حاجه علي الشاطئ طالعه من البحر وبتنور وهيا ماشيه فضل يبص يونس وعينه عليها لحد ما اختفت من قدامه لف يونس وشه عشان ينزل تحت يشوف اي الي شافه ، بس ملحقش ولقي الي شافه واقف في وشه ، اتخض يونس وكان الجو ضلمه وقاله انت مين ، رد عليه صوت ناعم وجميل بيقوله متخفش يا يونس انا دارين ، يونس:- قالها دارين !!!! هوا انتي بحد مش حلم انا فكرت اني كنت بحلم ، دارين:- ايوا انا بجد مش حلم ، يونس :- انتي مين وعاوزه مني اي ، دارين متخفش انا مش هضرك انا هنا بطمن عليك ، يونس تطمني عليا ليه ، دارين: عشان مشفتكمش من يوم ما كنا ف الفنار ، يونس :- ايوا انا خيطلك الجرح بتاعك فعلا بس انتي كان اي الي عمل فيكي كدا وتطمني عليا ليه ، دارين :- كان بقالك اسبوع مجتش بسبب الشتاء وكنت لازم اطمن عليك بس البحر كان موجه عالي وقتها ووقعت عليا حجره جرحتني ، يونس :- تطمني عليا !! هوا انتي كنتي بتشوفيني كل يوم ، دارين :- كنت بشوفك كل يوم وانت بتبص للبحر لحد ما بطلت تيجي بسبب الشتاء واديك بطلت تيجي تاني من يوم ما شفتي هنا في الفنار ، يونس:- ايوا فعلا انتي كنتي بتراقبيني ليه اصلا وانتي مين ، دارين :- انا من حوريات البحر وبطمن عليك بأمر من ملكه الاعماق ، يونس :- حوريه اي ملكه مين وبتطمن عليا ليه انا مش فاهم حاجه انتي مين ، وكانت المفاجاه لما قالته مين هيا الملكه وبتطمن عليه ليه ،،،،،،،، الفصل الثالث من هنا |
تعليقات
