 |
رواية كل ممنوع مرغوب كامله جميع الفصول بقلم ريناد احمدكل ممنوع مرغوب "اسكريبت" محمد : ايه اللبس ده ، البنت رجلها كلها باينه يا عائشة لبسيها شراب طويل عائشة : البنت عندها سنتين يا محمد ، هو ايه اللي البسها شراب طويل محمد : لبسيها شراب طويل يا عائشة من غير نقاش عائشة : البنت هتطلع معقدة على فكره حرام عليك محمد : هتطلع معقده عشان بنحافظ عليها ؟ عائشة : ابقى حافظ عليها لما تكبر مش لما يبقى عندها سنتين محمد : لبسيها بس عشان متتعبش كمان عائشة : لا حول ولا قوة الا بالله ، حاضر محمد : البنت بقى عندها ١١ سنة لازم تتحجب عائشة : تتحجب ايه يا محمد البت لسه صغيرة محمد : مليش دعوه انا ، خدييييجة خديجة : نعم يا بابا محمد : بكرا ان شاء الله هتنزلي مع مامتك وتجيبي كذا خمار ب كذا لون عشان تتحجبي عائشة وخديجة : خمار !!! محمد : اه مالكوا في ايه خديجة نظرت لعائشة وعيونها مليئة بالدموع ودخلت غرفتها وظلت تبكي عائشة : معلش يا حبيبتي حقك عليا ، انا اسفالك خديجة : ماما ، انا لسه عندي ١١ سنة ولسه صغيره اتحجب ليه دلوقتي وكمان ألبس خمار !!! عائشة : معلش ، هو ده الصح بعد مرور عدة سنوات خديجة : ازيك يا ماما عائشة : ايه ده فين خمارك خديجة : مش عايزه البسه يا ماما انا لسه صغيرة وكل صحابي بيلبسوا طرح عادية اشمعنا انا محمد دخل الغرفة : اشمعنا انت ! ، من امتى وانت بتقولي كده يا خديجة من امتى وانت بتبصي لغيرك ؟ خديجة : يا بابا انا عايزه البس زي صحابي محمد : مفيش حاجه اسمها كده ومش هتنزلي من غير الخمار خديجة : يا بـ …. محمد : بقولك ايه ، مفيش خروج خالص ، ادخلي اوضتك خديجة : يا بابا لا بقى انا …. محمد : ادخلي اوضتك خديجة : لا خلاص هلبسه وهنزل خديجة نزلت لدروسها عائشة : يا محمد ، مش كل حاجه بالاجبار هتكرهك كده محمد : هتكرهني عشان خايف عليها وبحميها من عيون الناس عائشة : لما هي تكون مقتنعة بالخمار هتلبسه من غير نقاش براحه ، وحاول تقنعها بيه بهدوء مش بالاجبار محمد : مليش دعوة بالكلام ده كله دي تربيتنا والعيله كلها متربيه على كده عائشة : مفيش فايدة وانسحبت عائشة من النقاش مع محمد …. رحمة : ايه ده مش قولتي انك هتنزلي النهارده بالطرحة مش بالخمار خديجة : نفسي انزل من غيره بس اعمل ايه حظي اني اتولدت في عيلة مش بتتعامل غير بالاجبار رحمة : ربنا يهديهم ، بس حاولي تقتنعي بالخمار يا خديجة مفيش غير كده خديجة : مش متقبلاه ، خانقني يا رحمة ، الحاجه لما تبقى بالاجبار بتبقى اوحش حاجه في الدنيا ، انا من ساعة ما اتولدت يا رحمة وانا ممنوع البس حتى زي الاطفال ، بابا كان بيلبسني دريسات ب كُم في عز الحر ولما ماما تجبلي دريس قصير كان بيلبسني كولون او شراب طويل ومكنتش بنزل بحاجة قصيرة او مفتوحة ، لأمتى هعيش بالكبت والخنقه دي لأمتى هفضل اتناقش مع بابا انه يسيبني براحتي ويقولي ع الصح والغلط وانا هتجه للصح من نفسي ، لأمتى هيبقى نفسي البس زي مانا عايزه باحترامي ، هو لو بس سابني براحتي انا عارفه حدودي واكيد مش هتخطاها ، بس الحمدلله طبعا بس اللي نفسي اوصله لبابا ان التربيه عمرها ما هتكون صح لو بالاجبار رحمة : انا اسفالك على كل اللي مريتي بيه خديجة : هيفرح يعني لما اعمل حاجات من وراه غلط ؟ ، هيفرح لما يكرهني في الحجاب ويخليني محترمش حجابي ! رحمة : هو اكيد طبعه وتربيته كده خديجة : مفيش حاجه اسمها كده ، انا مليش دعوة بطبعه ولا تربيته ، انا اتربى ع حسب الزمن ده مش زي تربية زمان ! ، انا ممنوعه من كل حاجه ، حتى اني اتعرف ع الولاد زمايلي ، ده بابا لو عرف اني بكلم احمد مش بعيد يموتني رحمة بتوتر : خلاص يا خديجة خديجة : خلاص ايه انا تعبت ، وانا قررت اني اقلع الخمار ومش بعيد اقلع الطرحة من الاساس رحمة : خدييييجة خديجة : في ايه يا رحمة محمد من خلف خديجة : ها كملي يا حبيبتي خديجة نظرت لرحمة بخوف : د، ده ، ده بابا ؟ رحمة اشارت لها بالايجابية محمد : ورايا خديجة : رحمة … ااا محمد : تعالي ورايا بسرعة خديجة ذهبت خلفه وركبوا السيارة ظل محمد صامتا حتى وصلوا بيتهم خديجة : ماما ، الحقيني محمد : لو ساعدتيها ولا دافعتي عنها هتشوفي وشي التاني يا عائشة عائشة : طب فهمني ايه اللي حصل محمد سحب خديجة على غرفتها واغلق الباب بالمفتاح عائشة : محمد ، افتح الباب ارجوك متعملهاش حاجة محمد : ايه بقى اللي قولتيه لصاحبتك ده ! خديجة : ق ق قولت ايه ؟ محمد صف.عها على وجهها بقوة خديجة ببكاء : اااه محمد : مين احمد ده ياللي متربتيش خديجة : استنى بس وهفهمك محمد : اخلصي انطقيييي خديجة : بكلمه في حدود زمالة مش اكتر محمد : والله ، مش انا قولتلك ممنوووووووع خديجة : كل ممنوع مرغوب يا بابا ، انت لما تمنعني من حاجه لازم تقولي سبب المنع ده ، انا كرهت العيشة معاك ، كرهتني في كل حاجه ، حرام عليك بقى سيبني في حالي نفسي اعيش حياتي بدل ما اموت وانا ممنوعه من كل حاجه كده ، سيبني اجرب ، سيبني اخوض التجربة مره قبل ما اموت محمد : تخوضي التجربة اه ، لو القت.ل مكنش حرام كان زماني خلصت منك وغسلت العار خديجة : وانا هنفذلك امنيتك ومسكت سك.ين وكان بالقرب من شرايينها محمد : سيبي السكينة ، سيبي السكينة عائشة : سكينة ! ، خديجة ، انت كويسه افتحي الباب يا حبيبتي ، خديجة ، يا خديجة عائشة جرحت يدها وفقدت وعيها محمد : خديييييييجة عائشة : ايه اللي حصل يا محمد ، افتح البااااااب محمد فتح الباب وحمل خديجة عائشة بصدمة : خديجة ، بنتي ، منك لله يا محمد منك لله وذهبوا للمشفى الطبيب : لو كانت نزفت اكتر من كده كان ممكن منلحقهاش ، الحمدلله انكوا جيتوا في الوقت المناسب ، تعدت مرحلة الخطر عائشة : الحمدلله ، الف حمد وشكر ليك يارب ، شكرا يا دكتور وذهبت ناحية محمد عائشة : طلقني محمد نظر لعائشة بحزن عائشة ، انت سمعت انا قولت ايه ؟ محمد : انا اسف عائشة : يااااه ، دمرت حياتي انا وبنتي وفي الاخر تقول اسف ! ، منك لله يا شيخ ، انت ملكش حق عليها اصلا ، ابوها بس اللي له حق عليها يتبع الفصل الثاني من هنا |
تعليقات
