 |
رواية صدمتي في احب الناس الي قلبي (كامله جميع الفصول) بقلم peachالحماة بعصبية انتي ازاي يا بت انتي تنكدي على ابني وتخرجيه زعلان مش كفايا هو مستحملك يا ارض بور انتي , رهف بوجع بس انا معملتلوش حاجة , الحماة بغيظ يعيني صعبتي عليا امشي يا بت غوري على المطبخ وشوفي هتعملي ايه واعمليه وكملت لنفسها بحقد اصبري عليا يا بت انتي ان ما خليته يرميكي رمية الكلاب مكنش انا , واول مرجع ابنها بدات تمثل البكاء , هاني مالك يا ماما , الحماة ببكاء مصطنع شفت مراتك الجايبها بتعمل فيا ايه , هاني بترقب بتعمل ايه , الحماة بخبث دفين بتخليني اعمل شغل البيت كله ولو اعترضت بتقولي هخلي ابنك يرميكي في دار مسنين اصله بقى خاتم في صباعي , هاني بغضب هي قالت كده , الحماة ايوة حتى بتقعد على الفون طول الوقت مفيش غير انهردة , هاني بتحليل علشان انا قاعد , الحماة بغيظ مكتوم انا قلتلك من البداية اتجوز سهر بنت خالتك بتحبك من زمان بس دماغك ناشفة , هاني بتبرير القلب وما يريد انا داخلها يا امي , الحماة بانتصار طيب يا ابني وفكر في سهر هي بتحبك ومفيش غيرها هتصونك , هاني بهدوئ اليريحك يا امي اعمليه ودخل الاوضة , دخلت الحماة المطبخ وابتسمت بنصر وخبث ايامك معدودة يا يا ست رهف ههههههههه , هاني بغضب ومسك رهف من دراعها جامد بتشغلي امي خدامة يا بت انتي , رهف بعدم فهم اشغل مين انت بتقول ايه اصلا , هاني بحدة بطلي تمثيل انتي مبتتعبيش , رهف ببكاء انا فعلا مش فاهمة انت بتقول ايه هو في ايه , هاني بقوة انتي بتعملي ايه طول النهار , رهف بعمل كل المامتك تطلبه مني , هاني طيب روحي جهزي الاكل على ماجي , رهف بايجاب حاضر , هاني لنفسه متصدقهاش هي كذابة امك مش هتتبلى عليها يعني , رهف يلا تعالى , هاني بغموض يلا , خرج وبداو ياكلو , هاني بالم انتي حاطة شطة في الاكل , الحماة بعصبية عايزة تموتي ابني الوحيد انتي ايه مش كفايا مستحمل انك ارض بور , رهف بدموع لالا انا محطتش شطة , هاني بغضب امال مين الحطها , رهف بهستيرية معرفش صدقني ، هاني ببرود بصي يا بنت الناس انا اتجوزتك لاني بحبك واستحملت انك مبتخلفيش لكن لحد امتة هستحمل كده , رهف والدموع اتحجرت في عنيها يعني ايه , هاني ببرود هتجوز وهتكون سهر بنت خالتي , رهف بحزن يعني ايه , الحماة بخبث الفهمتيه يا حلوة وكملت بابتسامة شماتة كده اتطمن عليك , هاني بابتسامة اتطمني يا امي عليا وانتي شوفي هتعملي ايه يلا , راحت رهف تشوف هتعمل ايه والدموع عاملة زي النهر على خدها , رهف بالم لالا هاني بيحبني ومستحيل يوجع قلبي بالشكل دا , سهر بانتصار بجد يا خالتو يعني هو مش هيرجع في كلامه , خالتها بفرحة عيب عليكي يا بت لما تشككي في قدرات خالتك بعد العمر دا كله , سهر بحقد باقي اخلص من البومة الفي حياتنا دي , خالتها بمكر العبي لعبتك بقى , سهر بغرور هخليها تطلع من حياته للابد , خالتها متستسلميش , سهر بتكبر انا البعوزه باخده ومبيهمنيش حد , خالتها بخوف قليلا طالعة لخالتك يا بت , سهر بسخرية واسوء كمان اوعي لما اشوف ست الحسن والجمال عايزة ايه ودخلت لرهف , سهر بحب مصطنع في ايه يا بنتي , رهف بتماسك انتي فعلا هتتجوزي هاني , سهر بتمثل عدم الفهم هتجوزه ليه مهو متجوز , رهف بصخط على حالها هو قال كده بنفسه , سهر بدهاء اتلاقيه بيلفت نظرك لحاجة , رهف بسخرية هي خالتك اصلا مولعاها من اول مجيت , سهر بحنية مصطنعة معلش خالتو شديدة شوية , رهف بحنق شديدة تخرب على ابنها , هاني بحدة هي مبتخربش انتي البتخربي , حماتها ببكاء مصطنع شفت يا ابني هي بتتهمني اني بخرب عليكو امشي يعني علشان ترتاح , هاني بغضب انتي مش هتمشي وانتي يا بت اتعدلي احسنلك , رهف بتهكم تعالى اضربني قلمين احسن , هاني مدا الهيحصل ولسا هيضربها لوتله ايده , رهف بقوة المرة الجية هكسرهالك خالص المرة دي اكتفيت بلويها بس فوق انا مش رهف الضعيفة الكانت بتموت فيك ومستعدة تضحي بكل حاجة علشانك انت موتها بقهرك ليها وباهانتها كل لحظة القدامك دي رهف هتاخد حقها من كل شخص اذاها وكملت وقلبها يعتصر الما روح اتجوز خلينا نشوف هتقدر تتحمل طباعك وطباع امك المتصلطة دي , حماتها بغيظ ومالها امه بقى يا حبيبتي دمفيش حماة بتعمل مع مرات ابنها البعمله معاكي , رهف باستفزاز فعلا من ناحية مفيش حماة بتعمل البتعمليه معايا فدا حقيقي اصل مفيش وحدة بتعمل كده غير المريضة نفسيا او جواها حقد بتحاول تداريه , امشو بقى برة اوضتي عايزة انام , هاني بحدة نخرج منين انتي ناسية ان دا بيتي انا واعمل الانا عايزه فيه , رهف بسخرية انا هسيبهالك مخضرة اشبع بيها بقى انت واهلك , هاني ببرود وهتروحي فين بقى يا حلوة دانتي مقطوعة من شجرة , رهف بغضب وانت مالك بيا سيبني بقى , هاني بتوعد اتعدلي يا رهف علشان متندميش بعد كده , رهف بصمود حاضر سيبني انام بقى , هاني يلا يا جماعة وخرجو فعلا , رهف اهدي يا رهف هاني مش هيتجوز عليكي ولو فكر فسهر صاحبتك وعمرها مهتخدعك , هاني بغضب ايه المطلوب , سهر بمكر قصدك ايه , هاني بهدوئ مصطنع انا لازم اتجوز , والدته بعصبية مكتومة علشان تربيها يا خيبان انت هتفضل لامتة كده , هاني بصوت هادر في ايه ارحموني بقى , سهر بغيرة هنربيها بس يا هاني , هاني بعدم فهم مش انتو صحاب , سهر بخبث صحاب بس انت متعرفش رهف ومتعرفش هي اد ايه شيطانة , هاني بتفكير ممكن مراية الحب عامية زي مبيقولو وانا موافق روحي لخالتي واطلبي ايد سهر منها , والدته بفرحة بجد ربنا يسعدك يا ابني , خرج هاني وهو حاسس انه اتسرع , سهر بسعادة واخيرااااااا دالجبل نطق , خالتها بذكاء متفرحيش اوي كده انتي ناسية ان المخفية دي هنا وطول ما هي هنا هيفضل قلبه متعلق بيها , سهر بتخطيط متقلقيش هتغور اول منتجوز , خالتها بانصاط ازاي , سهر ببرود هي اهم حاجة عندها كرامتها وهنلعب على دي , خالتها بتاييد فكرة كويسة , سهر بعدم اكتراث ليها مش محتاجة راي حد , خالتها بعصبية مالك يا بت , سهر بوقاحة بقولك ايه يا خالتي متعليش صوتك عليا علشان متندميش , خالتها بحدة بتهدديني يا بت , سهر اتداركت الامر سريعا وقالت باسف مصطنع ما كانش يا خالتو اليهددك بس انا مضغوطة شوية , خالتها بعدم تصديق ماشي يا سهر ويا ريت متتقررش تاني ومتنسيش ان جوازتك بايدي , سهر جزت على سنانها وقالت بغيظ ماشي يا خالتو انا همشي بقى وكملت لنفسها بتوعد بقى تهدديني يا خرفانة انتي بس اتجوز ابنك بس وانا هوريكي شغل مراتات الابن على اصوله , عند رهف , رهف بغيظ بقولك يا سالي هيتجوز عليا , سالي بسخط انتي اتهبلتي يا بت ايه مبرره , رهف بزعل اني مبخلفش , سالي بعصبية تصدقي انتي خسارة في الواد دا طيب هيتجوز مين , رهف بدموع هو قال انه هيتجوز سهر , سالي هيتجوز العقربة دي , رهف متقوليش عليها كده دي طيوبة اوي , سالي بغيظ دانتي الطيوبة انتي ناسية الكانت بتعمله في الخطوبة , رهف هي اتغيرت , سالي بسخرية ماظنش المهم انك سيبتيله البيت , رهف بخوف من جنون صاحبتها لا , سالي بصوت عالي انتي يا بت ايه هو الحب طير كرامتك ولا ايه , رهف بوجع متضغطيش عليا كفايا الانا فيه عمركو مهتحسو بالنار الجوايا بقى جوزي وحبيبي وعشرة عمري يتجوز كده انا هنت عليه انا بموت بالبطيء يا سالي مش قادرة اتخيله مع غيري , سالي بحزن ربنا يهديه يا قلبي , هاني بعصبية اكتب عليها انهردة ليه , والدته بعصبية مماثلة دا اخر كلام عدي هتتجوزها انهردة , هاني بحدة هو سلق بيض دا جواز , سهر بمسكنة مصطنعة خلاص بقى وافق , هاني بتنهيدة طيب خلونا نشوف اخر القرف دا ايه , سهر بدموع مصطنعة جوازك مني بقى قرف , هاني بجمود ماقصدش , وفعلا اتجوزو , رهف حست بقبضة قوية في قلبها وسمعت صوت ناس وكانهم بيوصلو عرسان , رهف يا ترى في حد هيتجوز يا رب ميكنش الفي بالي , خرجت واتصنمت مكانها من هول الصدمة , رهف بتلعثم هو فيه ايه , حماتها بشماتة باركي لجوزك وسهر اتجوزو , رهف بذهول ازاي , حماتها زي الناس , رهف كانت بتترجاه بعيونها المتغرقة بالدموع انه يكذب كلام حماتها , رهف بصدمة قول اي حاجة وانا هصدقك وانتي يا صحبة عمري تعملي فيا كده , زقتها سهر وقالت بعنف هاني دا بتاعي انا وانتي السرقتيه مني يعني مسمعش نفس , رهف بحزن اشبعي بيه طلقني , هاني ببرود مفيش حاجة في قاموسي اسمها طلاق , رهف بتحدي تمام انا كنت باقية على العشرة الكانت بيننا وكنت بقول هتطلقني بالمعروف لكن ازاي بص بقى ان مطلقتنيش هرفع قضية خلع , حماتها بصوت عالي مالك يا بت انتي شايفة نفسك على ايه دانتي متسويش حاجة , رهف بسخرية متدخليش , هاني مفيش طلاق ووريني اخرك امشي على المطبخ جهزي العشا انتي مش شايفة اننا عرسان جداد , رهف باستفزاز مش شايفة عرسان ولا حاجة روح اكشف على عنيك , سهر بغضب انا جعانة اخلصي , رهف ببرود انتي عارفة كل شبر في البيت دا روحي اعملي لنفسك انا داخلة انام , رهف بانهيار الحقيني , سالي بقلق فيه ايه يا بنتي , رهف ببكاء هاني اتجوز سهر , سالي بعدم استيعاب يعني ايه قصدك اتجوز العقربة دي طيب هتعملي ايه , رهف بكسرة طلبت منه الطلاق بس هو رافض فهددته بالخلع وشكله مش هيخرجني , سالي بغضب الواد دا شكله مجنون وكملت بلوم انا قلتلك بلاش دا بس انتي الصممتي , رهف بالم واديني بتحمل نتيجة اختياري , سالي بتفكير واليخلعك منه , رهف ازاي , سالي بتصميم سيبي كل حاجة على الله وتوكلي عليه وانا هعرف باذن الله اتصرف وهما بقى مع بعض ملناش دعوة حتى لو ولعو في بعض , رهف بهدوئ مميت تمام وانا فانتظار تخلصيني منه , سالي اقفلي انا جايالك , رهف بحزن تمام , سهر بعصبية هي ازاي متسمعش كلامك وتعمل التقولها عليه قالت كده على دخلة سالي , سالي بغضب وهي تعمله الهو عايزه ليه وانتي موجودة يا عقربة انتي , هاني بتوتر انتي جاية ليه يا سالي , سالي ببرود استفزه وانت مالك جاية لصاحبتي فيه حاجة , والدته بغضب متحترمي نفسك يا بت بقى انتي ناسية ان دا بيته , سالي باشمئزاز بلاش يا طنط تديني نصيحة انتي عايزاها , سهر بغيظ هو انتي طايحة في الكل وكان البيت بيتكو مثلا , سالي بسخرية وهي بتسفق برافو مبقاش فيه غير العقارب البيتكلمو الله يرحم لما كنتي متقدريش ترفعي وشك قبل كده , دخلت وسابت الجو مشحون , سهر بغيظ بقى بت زي دي تقولي الكلام دا , هاني بخوف اكيد هي جاية تاخد رهف ودا المش هسمح بيه ابدا , والدته بجنون هو دا الهمك يا موكوس , هاني بهوس انا مش هقدر اعيش من غيرها يا امي , عند رهف ارتمت في حضن رفيقتها تبكي بمرارة الالم والخذلان , رهف بشهقات تقطع نياط القلب هو انا وحشة هو ليه عمل فيا كده انا بحبه قوليلي اني بحلم , انهمرت العبرات على وجنتيها حزنا على رفيقتها , سالي بحزم فوقي بقى يا رهف لازم تاخدي حقك منهم كلهم , رهف ازاي , سالي بصوت منخفض انتي هتمثلي انك مغلوبة على امرك وهتكملي معاه وانا هتصرف في الباقي علشان ميشكوش فيكي , رهف والانتقام ينهش في قلبها موافقة مع ان صعب امثل عليهم الحب , سالي استحملي يا قلبي همشي بقى , وفي الصباح , هاني بحماس الله الله على ريحة الاكل التجنن , رهف بدلال شفت انا بحاول ارضيك بكل الطرق , هاني بغرور انتي تموتي من غيري , سهر بغيرة انت ناسي انك عريس جديد ومحتاج ترتاح , هاني بلطف حاضر اسبقيني بس , سهر بغيظ رجلي على رجلك , رهف بقرف بقولكم ايه اخرجو برة انا صدعت , هاني بمكر بتغيري يا روحي , رهف بعصبية مكتومة لا ابدا اصل دا حقها بردو , غضب هاني بشدة هو كان بيفرح لما تغير عليه خرج وهو شايط اما سهر خرجت وهي بتتوعد لرهف وللكل , رهف بتهجم انا ازاي حبيت واحد اناني وطماع بالشكل دا انا كنت مخدوعة فيه بس على مين هو هيندم لوحده لما يشوف الفرق البيننا , بعد مرور بعض الايام وصل لهاني طرد من المحكمة ان رهف رافعة عليه قضية خلع , هاني بصوت جهوري رههههههف , رهف بارتجاف نعم , هاني بهدوء ما قبل العاصفة ايه دا , رهف بتمثيل القوة قضية خلع , هاني بغضب وليه ان شاء الله , رهف بهجوم وبتسال انت ايه يا اخي ايه الانانية دي مش كفايا استحملت انك تخوني اكتر من مرة كنت بعدي واقول لازم استحمل نتيجة اختياري بالرغم اني مقصرتش في حقك وتوصل تتجوز عليا ومين صاحبة عمري ايه الجحود دا خليك عادل ولو لمرة وطلقني , هاني ببرود خلصتي العندك مفيش طلاق , رهف باستفزاز متبقاش تزعل لما يقولو المخلوع اهو وضحكت بسخرية , خرج هاني وهو متنرفز , حماتها بغيظ بقى تخلعي ابني يا ناكرة الجميل , رهف بحدة ابنك اليستاهل انا قلتله يطلقني بكل ذوق لكنه رفض يبقى يستاهل الهيجراله , حماتها بغضب ايه يا بت مالك بتتقطمي على ايه امال لو معاكي حتة عيل هتعملي ايه محسساني انك الوحيدة الجوزها اتجوز عليها , رهف بسخرية متعمليش فيها الملاك البريء المفيش منه اتنين وبعدين يتجوز عليا ليه وانا قيضاله صوابعي العشرة شمع ولو بتتكلمي على الخلفة فدي حاجة بادين ربنا كفايا جهل وتخلف بقى الله يرضى عنكم , سهر امشي بقى وريحينا , رهف بنصر كنت همشي بس استلقي وعدك من هاني لما يجي ومشيت راحت بيت صاحبتها , اول مخرجت حست انها اتحررت واخيرا من سجن اتحبست فيه بارادتها الهواء كان منعش لدرجة انها كان نفسها اللحظة دي متنتهيش , عند هاني , هاني بغضب بقى انا اتخلع , صاحبه بهدوئ دا حقها يا ابني , هاني بعصبية مفرطة وحقها ليه انا مش اول راجل اتجوز على مراتي , صاحبه بنرفزة انت واخد في نفسك مقلب وهتفوق بعد فوات الاوان , هاني بهوس انا مش هسيبها تكون لغيري ابدا , صاحبه ربنا يبعدها عنك وعن شرك , هاني ومسك لياقة تشرته يبعدها عني ليه متكنش عايزها لانها لفت عليك بس في احلامك , نفض ايده عنه وقال بغلظة انت شكلك حيوان ومش عارف ولا مقدر الجوهرة المعاك غير لما تكون مع غيرك , هاني بجنون هقتلها قبل متفكر تعملها , صاحبه بايجاز خلصت العندك انت محتاج تتعالج من المرض العندك انا ماشي , سهر بفرحة واخيرا مشيت ياه انا كنت مستنية اللحظة دي من زمان , خالتها بسعادة المفروض تشكريني بقى علشان انا السبب الاساسي , سهر باستهزاء السبب في ايه انا العقل المدبر وانا الكنت بنفز انتي يا دوب ساعدتيني , خالتها بصخط يعني ايه يا بت بتنكري جميلي عليكي , سهر بدهاء بقولك ايه يا خلتو انتي اصلا مكنتيش طايقة رهف يعني متعمليش فيها انك كنتي مجبورة , خالتها بشر احسنلك متبقيش خصم ليا لانك هتخسري , سهر يا مامي خفت لالا يا حلوة انا مبخفش وخلينا نشوف مين هيخسر في الاخر , رجع هاني البيت وهو شايط لقى البيت متبهدل , هاني بصوت عالي انتو يا ناس الهنا , سهر بخوف نعم حبيبي , هاني بغضب ايه دا يا هانم , سهر بعدم فهم ايه , هاني بعصبية البيت عامل كده ليه , سهر بمسكنة ممامتك اهي , هاني بحدة وامي مالها , سهر بدلع انا تعبانة وبعدين المفروض تشتغل بلقمتها او توديها دار مسنين , خالتها بعصبية انتي اتجننتي يا بت دار مسنين ايه الاروحها , هاني خلاص اهدو انا مصدع وعايز انام ومش عايز اسمع صوت , مامته رد عليها الاول , هاني بعدم اهتمام لو متاقلمتوش مع بعض هوديكي دار مسنين , مامته بخذلان هنت عليك يا ابن بطني , هاني بعصبية خلاص بقى واسمعي كلام سهر مش ناقص نكد على الصبح وبعدين مش دي كانت اختيارك استحملي بقى , مامته بانكسار حاضر يا ابني وفعلا روقت البيت وجهزت الاكل بنفس مكسورة حسة ان البيت دا مبقاش بتاعها بعد مكانت هي الكل في الكل , سالي هتفضلي كده لامتة , رهف بقهر عايزاني اعمل ايه , سالي بحنان عايزاكي تخرجي تغيري جو وتنسي همومك , رهف بحزن الهموم مبتتنسيش , سالي بامل اتفاءلي يا رهف وارجعي عيشي حياتك تاني كان محصلش حاجة , رهف بخزلان كلهم خزلوني احساس صعب اوي صدقيني , سالي بهدوئ انا مش هقولك حاسة بيكي لاني هكون كذابة محدش هيحس بالالم ومرارة الخزلان غير المجرب بس هقولك قوي شخصيتك علشان نفسك على الاقل , رهف بانهيار صعب اوي انك تكوني بتحبي حد وهو يتجوز عليكي بالرغم انك متاكدة انه بيحبك , سالي بس دا وهم يا رهف هاني ممتلكك ومبيحبكيش فيه فرق كبير , رهف بس انا بحبه ومش قادرة استحمل يكون لغيري , سالي بعصبية انتي هبلة يا بت دا جا على كرامتك كتير وكنتي بتعديله وخانك اكتر من مرة وعديتيله واتجوز عليكي ويا عالم يعملها تاني ومش هيفرق معاه اصله اتطمن ان الممتلكها مش هتخرج من سجنه ابدا وهتستحمل اهانات امه المستمرة فوقي يا بنتي بقى من الوهم العايشة فيه , رهف بتوهان اعمل ايه طيب , سالي بتحفيز ارجعي شغلك السبتيه علشان ترضيه , رهف وهتقبل بعد الفترة دي كلها , سالي بتفاءل باذن الله هتاخدي فترة تدريب علشان تفتكري , رهف بهدوء هفكر , سالي بابتسامة هجهز الاكل علشان انا جعانة موت , رهف بضحك مفجوعة طول عمرك وكملت بحزن انا عارفة اني تقلت عليكي في مصاريف واكل وكل حاجة بس هتصرف كفايا عليكي لحد كده , سالي بغضب مكتوم شفتيني اشتكيتلك وقلتلك الحمل تقل عليا بطلي تقولي الكلام دا يا هبلة احنا اكتر من الاخوات انا لما قلتلك اشتغلي قلتلك علشان تعملي كيان خاص بيكي زي الاول ويمكن احسن كمان , رهف بحب انا مكنش قصدي ربنا يعلم انا بحبك اد ايه حاضر هدور على شغل , ابتسمت سالي بهدوء ودعت الله ان يعوض رهف بعد المرت بيه بالافضل , في الصباح هاني بصوت عالي فين الفطار , سهر بدلع مستعجل ليه يا روحي , هاني بحدة بقولك ايه يا بنت الناس انا مش طايق نفسي دلوقتي فاتقي شري وروحي اعملي الفطار خليني امشي , سهر بغيرة ومش طايق نفسك ليه يا اخويا ميكنش علشان المخفية خلاص بقت حرة ,هاني بعزم ما فيه ضربها قلم وقال بصوت جهوري صوتك دا ميعلاش عليا يا بت احسنلك , سهر بصدمة انت ضربتني فعلا , هاني باستهزاء علمت على وشك والمرة الجية لو عليتي صوتك تاني هدفنك مكانك , يتبع , توقعو سهر هترد بايه اسكربت صدمتي في احب الناس الى قلبي بقلمي peach الفصل الثاني من هنا |
تعليقات
