Ads by Google X

رواية نفوس مريضة الفصل الحادى عشر 11 بقلم تسنيم حمدي



رواية نفوس مريضة الفصل الحادى عشر 11 بقلم تسنيم حمدي 






#11
معتز كان اقعد بيتغده في النادي 
وشاف لولا جايه عليه 
شدت كرسي واقعدت قصاده 
جي يقوم مسكت لولا ايده 
لولا :معتز انا عايزه اتكلم معاك 

معتز سحب ايده وبصلها بحقد :وانا مش عايز اتكلم ولا عايز اشوفك تاني فاهمه
قالها وهو بياخد مفاتيحه وبيقوم يمشي 

لولا ببكاء :مش عايز تشوفني طيب واللي حصل بنا امبارح دا كان ايه 

معتز بصلها بغضب :مافيش حاجه حصلت امبارح.. والتمثليه اللي بتعمليها دي مش عليا.... 

لولا بدموع :لا حصل انت اته.جمت عليا وعملت اللي انت عايزه وانا عشان بحبك سكت.. و دلوقتي انت بتتهرب مني وعايز تسبني.. ليه يا معتز 

معتز بصلها بحيره :انا ماقربتش منك

لولا : لا قربت.. انت ليه يعمل فيا كده انت ضيعت. ني.. وعايز تسبني لوحدي.. حرام عليك
قالتها لولا وهي بتعيط 

معتز بصلها بغضب وتمتم : انتي مصيب.ه انا بليت بيها نفسي.. 
قالها ومشي بسرعه
ابتسمت لولا وهي شايفه معتز بيبعد بغضب
وخرجت منديل من شنطتها مسحت بيه دموعها 
ومسكت الشوكة بتاعة معتز واكلت بيها وهي بتضحك :ولسه يامعتز 
........ 
دخلت نور أوضة عمر اللي ابتسم اول ما شافها 
عمر :نور شوفتي انا عملت ايه 

نور بابتسامه :عملت ايه يا عمر 

بصت نور على الترابيزه اللي جانب السرير ولقيت كيك وشمعه في نصها واكواب عصير 
عمر وهو واقف جانب الترابيزه :كل سنه وانت طيبه يا نور 

نور ابتسمت :وانت عرفت عيد ميلادي منين 

عمر :من سناء 

سناء :هو اللي سألني من اسبوع والنهارده طلب مني اجبله الكيكه والعصير عشان نتحتفل بيه..انا ماليش دعوه يا دكتوره 

عمر بص ل نور اللي عيونها دمعت :انت زعلتي مني 

نور ابتسمت :لا ابدا.. وشكرا على الحاجات الحلوه دي يا عمر 

عمر :انتي كده مبسوطه مني صح

نور هزت راسها بالايجاب 
عمر ابتسم ووقف قصادها :يبقى تتجوزيني 

نور بصدمه :افندم !! 

سناء ضحكت عليهم وعمر اتكلم بحزن :انتي مش موافقه .. انا والله مش هبقي رخم خالص وهحبك وهسمع كلامك.. وهتفضلي ملكه حتى لما نتجوز

نور بستغرب : ملكه لما نتجوز.. ايه اللي بتقوله دا

عمر : لما قولتي امبارح انك اتجوزتي..
انا سألت سناء يعني ايه اتجوزتي..
قالتلي ان الواحده مننا بتبقى عايشه سعيده ومبسوطه في بيت ابوها زي الملكه.. واكله شربه نايمه بمزاجها ..
تزهق وتقرر تلعب دور الجاريه
وتجيب واحد رخم ورذل يزهقها في عشتها.. 
اطبخي وامسحي وروقي وربي العيال واشتغالي 
.. وفي الاخر يقولها انتي بقيتي وحشه كده ليه ويدور على واحده غيرها فاضيه يرخم عليها من الاول 

نور بصت ل سناء :ليه كده يا سناء بطلعي عقدك على الراجل ليه يا سناء.. هو ناقص 

سناء :انا ماكنش قصدي كده يا دكتور انا بس 

نور :انا ايه ياسناء حرام عليكي.. انتي متعقده من جوزك دي بتاعتك.. بسببه خليتي الرجاله كلها وحشه كده 

سناء: يعني هو انا كذبت يا دكتوره .. ما كلهم زي بعض

عمر :لا مش زي بعض.. نور انا مش هعمل كده.. اتجوزيني.. وانا هعمل كل حاجه.. او نجيب سناء تعمل هي كل حاجه وتروق وتطبخ.. وكل الحاجات اللي قالتها دي

سناء :انا اللي اعمل.. بقى كده يا عمر 

عمر : ما هنخلصك من جوزك 

نور ضحكت : ماينفعش نتجوز يا عمر.. لأنك لسه عيان.. و انا اصلا مش هتجوز تمام كده 

عمر بغضب طفولي :ومعتز دا ايه. 

نور بصت ل سناء :كمان قولتيلوا اسمه... 
ولفت ل عمر :دا يبقي مشروع تخرج يا حبيبي 

عمر : مشروع تخرج 

نور :اه هناكل الكيكه ولا امشي اشوف اللي ورايا 

عمر :لا هنحتفل الأول.. وانا مش بحبك ها

... ....
خلصت نور متابعة الحالات اللي عندها وهي مشي عدت على غرفة حنين بعد ما غيرها جاسر بغرفه كلها شبابيك مفتوحه عشان النور يدخلها من كل حته  

دخلت عندها كانت نايمه ومتقيده في السرير والمحاليل معلقه باديها 
وجنبها ممرضه 

نور : هو فين دكتور جاسر 

الممرضه :من ساعة ما خرج الصبح مارجعش 

نور :تمام
قالتها نور وخرجت من الغرفه ومن المستشفى وروحت على البيت بعد ما جابت عشا

دخلت الشقه هو بتنادي على جاك 

رد معتز :احنا في المطبخ 

دخلت نور المطبخ ولقيت معتز قاعد على الأرض ومقابل لي جاك وبياكله

نور بستغرب :انتم قاعدين كده ليه 

معتز :مافيش كان جعان 
قالها معتز وقام يدخل الاوضه 

نور حطت العشا على السفره ودخلت وره الاوضه بعد ما خبطت على الباب 

معتز :عايزه ايه يانور
قالها معتز وهو بيدخن 

نور: كنت هتعشا تحب تتعشا معايا 

معتز :لا  

نور بتردد :انت كويس 

معتز :مخنوق شويه وعايز اقعد لوحدي 
طفي سجارته و ولع التانيه 

نور قربت منه وشددت السجاره من بين شفايفه: كده غلط انت بتتعب نفسك على الفاضي..لو فيه مشكله حرق السجاير مش هيفيدك ب حاجه 

معتز بعصبيه: ماتدخلش انتي فاهمه.. فاكره نفسك مين انتي عشان تدخلي في حاجه تخصني.. اتعب ولا ماتعبش دي حاجه بتاعتي انا 

نور طفت السجاره بهدوء : وعصبيتك دي بردو مش هتحل مشكلتك 

معتز :بطلي تتدخلي في حاجه ماتخصكيش 
قالها وهو بيولع واحده غيرها 

نور شدتها منه تاني :ممكن تتكلم في اللي مزعلك وانا هسمعك 
وهنلقيله حل سوا..من غير عصبيه 
بس لما تتعب من السجاره دي تعابها مالوش علاج أو حل  

معتز : هو انتي شايفاني من المجانين بتواعك

نور :انا غلطانه.. انت عاقل وادري بمصلحتك 
.. تحب انزل اجبلك علبه غير دي

معتز :لا ماحبش وخاليك في حالك افضل.. واحب انك تبعدي من قدامي دلوقتي  

نور : حاضر هبعد ولو حبيت تتكلم.. انا ممكن اسمعك 

قالتها نور وخرجت من الاوضه وسابته 
عدا ساعتين معتز بيدخن فيهم وهو بيفكر بصمت 
حس بعطش وخرج من الاوضه 
شاف نور نايمه على الكنبه 
قرب منها
معتز :نور.. نور قومي نامي على السرير 
مرادتش عليه وعملت نفسها نايمه 
معتز اتنهد وقرب منها شالها 

شهقت نور بخوف لفت اديها حولين رقبته 
وفتحت عينها :انت بتعمل ايه 

معتز :هنيامك جوه بمأنك مش سامعه 

نور بغضب :لا سامعه وانا عايزه انام هنا نزلني

معتز :لا 
قالها ودخل بيها الاوضه وهي بتحاول بتحرك رجليها بعشوائيه وعايزه تنزل 
زهق معتز من حركتها ورمها على السرير 
نور مسكت ظهرها بألم: ااااه انت بترمي شول بطاطس ما براحه 

معتز :تصبحي على خير 
قالها معتز وخرج وقفل الباب وراه 

نور :ومعترض على المجانين وهو اجنهم.. اااه ياضهري
قالتها وهي بتحضن المخده وبتنام 

..... 
فات يومين بنفس الشكل مابين نور في المستشفى 
ومعتز مش بينزل من الشقه 
حابس نفسه فيها 
و بيدخن وقافل تلفوانه مش عايز يكلم حد 

.. قعد على الكنبه وهو ماسك قهوه في ايده وسجاره في الايد التانيه 
و بيحاول يفتكر اللي حصل 
اليوم اللي طلع فيه عند لولا 
مش عارف هو فعلا قرب منها ولا هي بتكدب 
كل اللي فاكره انهم اكلوا سوا في جو رومانسي
ونام صحي من النوم لقى نفسه نايم في سريرها وهي جانبه 
ومجرد صور بتظهر في عقله مش واضحه بينهم 

فضل يتنهد اكتر من مره وهو بيضغط على دماغه 
وبيسأل نفسه.. هو لو حصل حاجه بينا فعلا.. انا المفروض اعمل ايه 
....... 
خالد كان واقف بيخبط على باب شقة جاسر اللي بقاله يومين ماجش المستشفى ومابيردش على تلفوانه 
فضل يخبط كتير مابيردش 
نادي على البواب اللي طلع علطول 
خالد: هو دكتور جاسر مش موجود 
.. لا موجود من اول امبارح ماخرجش من الشقه 
خالد استغرب وخبط اكتر بس مافيش فايده 
قلق يكون حصله حاجه 
خالد :احنا لازم نكسر الباب دا 
.. بس يابيه ممكن يحصل مشكله 
خالد :مشكلة ايه ما انت بتقول انه جوه ومابيردش اكيد في حاجه اكسر الباب معايا 

زقه الباب مره والتانيه اتكسر ودخل خالد يدور على جاسر في الشقه 
ووقف قدام باب غرفته.. جااسر
........ 

الفصل الثاني عشر من هنا 

 

بدل ماتدور وتبحث علي الروايات خليها علي تليفونك وحمل تطبيقنا

تحميل تطبيق سكيرهوم
تعليقات



حجم الخط
+
16
-
تباعد السطور
+
2
-