 |
رواية للخذلان وجه اخر الفصل الثاني 2 بقلم منيحكايه خذلني مرتين البارت الثاني .... _ اول ما زعق كدة جسمي كله ارتعش و قلبي انقبض و خصوصا كلمة مفهوم اللي قالها ىبغضب و صوت عالي و لاقتني بسمع صوت شخص تاني في دماغي بيقولي اللي اقولو يمشي مفهووووووم محستش بنفسي غير وانا بصوت و صفيه بتديني حقنة في المحلول اللي كان متعلقلي وهي بتزعق في دياب اللي كان باين علي ملامحة القلق و الخوف ورحت في ظلام مش سامعه منة غير صوت شخص بيرعبني وهو بيقولي اللي اقولو يتنفذ مش عاصم اللي يكرر كلامة مرتين مفهووووووووم _ معرفش فوقت بعد اد ايه فتحت عيني لاقيت صفيه جمبي صفيه بلهفه ... سمية اخيرا فوقتي حسه بايه طمنيني سمية وهي مغمضة عينها ... صداع كل ما افتح عيني احس بصداع جامد صفيه .. طيب ثواني اندة دكتور ماهر و اجيلك سمية بخوف ... لا لا متسبنيش لوحدي ل يدخل يزعقلي تاني مستبنيش والنبي صفيه باستغراب ... حبيبتي اهدي انا طلبت منة يمشي من المستشفي كلها وبعدين اية كل الخوف دا ما انتي دخلتي فيه شمال ليه اول ما صوتة علي حصلك كدة سمية هزت راسها بنفي .. معرفش معرفش انا انا خفت اوي صفيه بحنان ... طيب خلاص اهدي هو مشي خالص وانا اتاكدت من الأمن أنه خرج من المستشفى كلها اطمني بقا و سبيني اندة ل دكتور ماهر ممكن ؟ _ هزيت راسي من غير كلام انا نفسي مكنتش عارفه انا خايفة ليه ؟ مكنش عندي اي اجابه وبعد وقت بسيط خرجت من المستشفى مع صفية في طريقنا لبيتها و احنا في الطريق صفيه حاولت تتكلم معايا في اي مواضيع عشان ابطل تفكير شوية لحد ما سكتت مرة واحدة وبان علي ملامحها الضيق سمية ... مالك يا صفيه صفية ... انا حسه أن في عربية ماشية ورانا من اول ما خرجنا من المستشفى سمية ... ازاي دا ؟ انتي متأكدة ؟ صفية ... مش عارفه .. بصي احنا اصلا وصلنا خلاص يلا بقا وربنا يستر _ نزلت معاها و انا حسة أن ال بيراقبنا دا دياب ليه حسيت كدة مش عارفه زي ما يكون احساسي بس اللي بيشتغل و دماغي واقفة و فاضية تماما ... دخلنا عمارة و طلعنا شقة كانت مريحة جدا الاثاث والألوان بسيط و مريح صفيه ... نوريتني يا سمية تعالي اتفضلي سمية ... شكرا انا اسفة مرة تانيه علي القلق اللي سببتهولك صفية ... مش اتفقنا مفيش بينا الكلام دا .. تحبي تريحي شوية علي ما اعمل الغدا ؟ سمية. .. لا انا ريحت كتير اوي ممكن اساعدك ؟ صفية ... ياسلام ممكن طبعا تعالي يلا لحسن سيف بيرجع من الشغل ميت من الجوع ولو ملقاش اكل ممكن يطين عيشتي سمية ... سيف دا اخوكي ؟ صفيه ... اها اخويا و صحبي وابويا هو كل حاجة ليا في الدنيا دي كتير بخاف ل يحب و يتجوز و العلاقة بينا تتغير بس برجع اطرد الافكار دي من دماغي واتمناله السعادة اللي في الدنيا كلها سمية ... ربنا يخليكم لبعض ديما صفية ... اللهم امين ... بصي بما أن اتاخرت انهاردة ف هنجز واعمل مكرونة و بانية وسلطة و السلطة عليكي بقا الحاجات اهي سمية ... ايه يا بنتي دا هساعدك اني اعمل سلطة ؟ صفيه ... طبعا اصل سيف بيحبها اوي وانا مليش خلق للتقطيع دا كلو يلا بس و أن شاء الله نص ساعه وكلة يكون جاهز انا مجهزة حاجات قبل ما انزل سمية ... حاضر زي ما تحبي صفية ... حطي فلفل كتير عشان البية بيحبها حامية _ لسه هرد عليها لاقيت جرس الباب بيرن صفيه ... اهو وصل اهو استني افتحلو واجيلك _ هزيت راسي ببتسامة و سكت و سرحت ياتري انا كمان ليا اخوات و مرتبيطن ببعض كدة ولا بعاد عن بعض ؟ ولا انا وحيدة؟ فقت علي صوت صفيه صفيه ... تعالي يا سيف اعرفك علي سمية .. سمية دا سيف اخويا سيف ببتسامة ... اهلا وسهلا نورتينا يا سميه سمية بخجل ... شكرا واسفة علي اللخبطة اللي سببتهلكم دي سيف ... متقوليش كدة مفيش لخبطة ولا حاجة صفيه ... سيبك منها هي من وقت ما شافتني وهي يا بتقولي اسفة يا بتقولي شكرا مفيش غيرهم لما شكلي هضربها واخلص سيف ... دا انا اللي شكلي هرزعك قفا يلزقك في الحيطة انتي بتعملي مكرونة و بانية بردوووو 😡 صفية 😂 ... اهي يا وحش ف ايه ما انا لسة راجعه من شوية صغيرة اعمل ايه يعني سيف 🤨 ... يابت انا مبقتش اكل غيرهم زهقت يخربيت كدة انزل الجيم احرق ايه انا حتتين بانيه صفيه ... خليهم تلاتة 😂 سيف .... هتغابي عليكي والله صفيه ... خلاص بقا برستيجي بقا ف الارض يوم الإجازة هعوضك سيف ... زي الإجازة ال فاتت لما قلتي تعبانة و طلبتلنا بيتزا صح صفيه ... لا لا عيب عليك الإجازة دي هعوضك سيف بص ل سمية ... يرضيكي اللي بتعملو فيا دا ؟ سمية ببتسامة ... لا ميرضيينش بصراحة صفية ... بت انا اللي صحبتك هه ركزي جالك تشوش ولا ايه سمية ... مركزة اهو صفية ... طيب بتتفقو عليا خلاص كل واحد حتتين بانيه بس مفيش زيادة وانا هاخد اربعه الضعف سيف 🤨... نعم ؟ صفيه ... هديك الطبق كله يا كبير واحنا هناكل مكرونة و سلطة مرضي ؟ سيف ... اسمها تااااكلي انتي لوحدك مكرونة وسلطة وانا وسمية ال هناكل البانيه ها ؟ صفيه ... حكم القوي ماشي ماشي وماله _ معرفش ازاي الوقت عدي معاهم من غير ما افكر في اي حاجة كانو بيضحكوني كتير سيف كان طويل وعريض ووسيم بس ليه هيبة كدة بيشتغل مهندس في مكتب بتاعه هو و مجموعة صحابة ... و بعد كام يوم سيف اقترح عليا يدورو في المستشفيات علي اي حوداث حصلت نفس اليوم اللي دياب لاقاني فيه و في الاقسام علي اي مفقودين في نفس اليوم و فعلا صفيه اتولت المستشفيات و هو اتولي الاقسام وانا بقيت اضيع وقتي في البيت بين التفكير في بكرة وبين المطبخ اللي اكتشف اني شاطرة فية جدااا _ وعدي شهرين محصلش فيهم اي جديد غير اني اتعلقت بيهم جدا و اتعرفت علي عم محسن كان راجل طيب اوي عندة مكتبة في وسط البلد وفي يوم قررت اني افاتحهم في الحاجة اللي بتلح عليا سمية ... صفية انا عايزة اتكلم معاكي ف حاجة كدة صفية ... ومالك جد كدة في ايه ؟ سمية ... بصراحة كدة انا عايزة اشتغل صفية ... تشتغلي ازاي يعني هو احنا ضايقناكي في اي حاجة سمية ... لا والله ابدا انا بس مش حبة قعدتي كدة من غير شغل زهقت وبعدين انتي ع طول تقوليلي ريحي مخك من التفكير طب ما انا فاضية وعندي وقت فراغ ف طبيعي افكر يبقي مفروض اشغل الوقت دا صح ولا ايه ؟ صفية بحيرة ... هو صح بس بردو هتشتغلي ايه ؟ انتي معكيش اي ورق إثبات يا سمية سمية ... ما انا دروت و بحثت ولاقيت اني ينفع اطلع ورق مؤقت بالتقرير بتاعي الي خدتة من المستشفي قبل ما أخرج صفية ... ازاي دا ؟ سمية ... صدقيني ينفع ها بقا صفية ... هنسال سيف و نشوف الورق دا نظامة ايه وبعدها نشوف حوار الشغل دا اتفقنا ؟ سمية بحماس ... اتفقنا _ كنت متحمسة اوي فكرت كتير في حياتي الي فاتت لحد ما تعبت من التفكير وقررت اسيب كل حاجة و زي ما تيجي اكيد ربنا هيدبرلي الاحسن وفعلا لما جة سيف وقلتله قالي أنه هيسال في حوار الورق دا ويرد عليا في اقرب وقت و بعدها يا هنزل الشغل مع عم محسن في المكتبة يا معاه هو في المكتب ومعرفش ليه فرحت ومليت اكتر اني انزل معاه هو و ابتمستي زدات وانا بتخيل نفسي يوميا معاه في البيت والشغل لكني فوقت علي سؤال بساله لنفسي ياتري انا كنت بحب قبل ما أفقد الذاكرة ؟ اليوم دا فكرت كتير اوي ف السؤال دا و نمت بعد ما حسيت بصداع جامد كان بقاله فترة مجاليش _ تاني يوم هما نزلو وأنا بدأت اروق البيت و احضر الغدا وبعد ساعتين لاقيت جرس الباب بيرن سمية ... ايوة حاضر .... اانت ؟ دياب ببتسامة ... وحشتني سمية 😳 .... نعم ؟ ا انت عرفت مكاني ازاي ؟ دياب ... انتي مغبتيش عن عيني لحظة واحدة يا سميه سمية بضيق ... هو في ايه بالظبط ؟ انت عايز مني ايه ؟ دياب ... عايزك انتي كلك علي بعضك تخصيني سمية بغضب ... لا انت زودتها اوي بقا اتفضل امشي وياريت مشفش وشك تاني ابدا _ جيت اقفل الباب لاقيتة زقة و دخل دياب ... مش همشي غير وانتي معايا انا اانا مش مصدق اني خدت فرصه تانيه مش مصدق انك معايا مرة تانيه عايزة تحرميني منك ليه يا نهي عايزة تبعدي تاني ليه ؟ سمية وهي بترجع لورا بخوف ... فرصه تانيه ازاي ؟ هو انت تعرفني ؟ انت مش قلت لاقتني مرمية علي الطريق؟ ونهي مين ؟ دياب ... تعالي نروح بيتنا وهناك هفهمك علي كل حاجة يلا تعالي معايا يا حبيبتي متخافيش _ لسه هرد عليه سمعت صوت عم محسن محسن ... تيجي معاك فين ؟ وانت مين. اصلا ؟ دياب كشر ... ملكش دعوة يا راجل انت سمية بخوف ... الحقني يا عمو ا انا مش عارفه هو عايز مني ايه الحقني متسبنيش محسن ... متخافيش هو هيمشي بهدوء دلوقتي دياب 🤨... علي أساس خفت منك وكدة ؟ محسن ... لا علي أساس أن قبل ما ادخل بعت البواب يجيب رجاله لما شكيت أن في حاجة مش مظبوطة و زمانهم طالعين دلوقتي _ دياب ضم ايديه بغضب و رجع بصلي دياب ... انا همشي دلوقتي بس المرة الجايه اللي هيجيلك فيها هتيجي معايا غصب عنك و مفيش حد هيقدر يمنعني سامعه مهما كان سلام يا حبيبتى _ اول ما خرج انهرت في العياط و عم محسن لما فشل يهديني اتصل علي صفية و سيف و في خلال مدة صغيرة كانو هما الاتنين جمبي صفية ... خدي يا حبيبتي اشربي الليمون دا يهدي اعصابك شوية سيف ... انتي ازاي تفتحي كدة من غير ما تقولي مين ولا تبصي في ام العين السحريه دي ولا هي ملهاش لازمة في الباب صفيه ... براحة يا سيف هي مش ناقصة سيف بغضب ... براحة ايه و زفت ايه دا لولا هو صدق الكدبة بتاعت عم محسن ومشي الله اعلم كان حصل ايه واهو ادية قالها هرجع تاني سمية ببكاء ... انا اسفة ا انا همشي و سيف ... سمية متعصبنيش زيادة فوق ما انا متعصب منك تمشي تروحي فين انتي مش هتخرجي من هنا صفية ... سيف اهدي بقا انت بتخوفها زيادة سيف خد نفس و اتكلم بصوت اهدي ... متزعليش انا بس خفت عليكي حقك عليا سمية 😔... مش زعلانة سيف 😏... ماهو واضح محسن ... خلاص بقا ربنا ستر المهم ال جاي هتعمل ايه يا سيف ؟ سيف بتنهيدة ... انا ليا واحد من صحابي في المكتب ابن خالتو ظابط و كنت مخليه يسألو في حكاية الورق دي هكلمو دلوقتي و اخليه يعرف لنا حكايه ال اسمة دياب دا بس لازم اسمة بالكامل سمية ... انا معرفش غير أنه اسمة دياب وبس صفيه ... انا اقدر اجيب اسمة كامل من المستشفي سيف ... تمام يلا اتصلي هاتي الاسم بسرعه انا عايز اعرف كل حاجة بالكتير علي بكرة الصبح _ وفعلا في نفس اليوم كان سيف عرف اسمة بالكامل و قالة ل صاحبه وشدد عليه أنه محتاج المعلومات دي ضروري بكرة و صحبه وعدة هيعمل ال يقدر عليه _ وتاني يوم صحبه كلمة وقاله أن ابن خالتو طالب يشوفو بنفسه وسيف نزل يقابلة و بقيت انا وصفيه قاعدين منتظرين علي نار وبعد تلت ساعات من الانتظار و الخوف والقلق جة سيف و ملامح وشة متبشرش بخير ابدا من شكلة مقدرتش انطق ولا اسالوا صفيه ... ايه الاخبار يا سيف طمنا ارجوك سيف .... لا رد سمية ببكاء ... س سيف اوعي تقول اني اعرفو أو ليا صفة بيه سيف ... ممكن تهدي و تبطلي عياط انا لسه منطقتش حرف ع العياط دا صفيه ... طب ما تتكلم وتفهمنا حرام عليك سيف ... اطمني يا سمية ملكيش علاقه بيه سمية ... بجد اكيد يعني سيف ... اقعدو الاول لان الموضوع كبير و طويل و رغم انك ملكيش علاقه مباشرة بيه بس للاسف حياتك من يوم ما شافك بقت في خطر كبير سمية ... خطر ازاي مش فاهمه ! سيف ... لما قابلت خالد الظابط قريب محمد صحبي طلب مني احكيلو الاول انا بسال علي دياب ليه قلتله كل حاجة تخصك وأننا مش فاهمين هو عارفك فعلا ولا ايه بالظبط خالد وقتها سكت شوية كانو بيجمع افكارة وبعدين بدء يتكلم فلاش باك خالد ... بص يا سيف انا لولا أني عارف انك شخص موثوق فيه مكنتش اتكلم معاك في حاجة زي كدة وعشان اكون صريح معاك أنا شاكك في حاجة معينة لو طلعت صح احتمال اقدر استفيد من سمية و تبقي خدمت البلد خدمة كبيرة اوي سيف باستغراب ... انا مش فاهم حاجة خالد ... انا هفهمك ... احنا بقالنا سنة شاغلين علي قضية تهريب سلاح و غسيل اموال كبيرة والاسم الأساسي فيها هو دياب عزيز وكل ما نمسك طرف خيط للاسف يضيع مننا مرة نجند حد ويعرف هو يقتلة و مرة تقع في أيدينا اوراق مهمة وقبل ما نستلمها تختفي هي والشخص اللي كنا هنستلم منة سنة واحنا بنلف حوالين نفسنا بدون فايدة لانة شخص حريص جدا و زكي جدا سيف ... وبعدين ؟ خالد ... دياب كان متجوز من بنت عمة اسمها نهي كان بيعشقها و كانت نقطة ضعفه الوحيدة و من خمس سنين اتصابت بالسرطان وفضلت ست شهور تتعالج سفرها اكتر من بلد ومكنش في نتيجة المرض كان بينتشر في جسمها بسرعه وفي الشهر السابع اتوفت وقتها دياب اختفي شهرين كاملين محدش يعرف هو كان فين أو بيعمل ايه في كلام كتير أنه انهار و كان بيتعالج نفسيا في مصحات برة و كلام أنة بس مكتئب وقافل علي نفسة وبعد الشهرين دول رجع و مارس شغله تاني و من وقتها مفيش واحدة ست دخلت حياتة ولا حتي لليلة واحدة سيف بشك ... قصدك أن ؟ خالد بتأكيد قاطعة ... قصدي أن احتمال كبير اوي أن سمية تكون شبة نهي وعشان كدة لما لاقها موديهاش مستشفي و مش بعيد سمية في الحادثة دي يكون كان معاها حد و دياب اتخلص منة لكنة مكنش عامل حسابة انها تخرج من المستشفى مع اختك والاكيد أنه بيدبر ل حاجة كبيرة و محكومة كويس عشان ياخد سمية عندة من تاني باك سيف ... و طلب مني ف الآخر أنة يجي بكرة ويتكلم معاكي شخصيا يا سمية سمية .... يتبع .... الفصل الثالث من هنا |
تعليقات
