 |
رواية للخذلان وجه اخر(كامله جميع الفصول) بقلم منيدول تلت حكايات ل تلت بنات كل واحدة هتحكي مشكلتها للدكتورة ولما يخلصو التلاتة هنكمل معاهم ويبقي بين تلت قصص دمج للخذلان وجة اخر الحكايه الاولي ( خذلني مرتين ) البارت الاول .... دخلت المكان و انا متوترة و حسه اني مش قد الخطوة اللي خدتها دي حاولت ادي نفسي شوية ثقة بصيت حواليا لاقيت تلت بنات في أعمار مختلفة ابتسمت لحد منهم اعرفو و طردت خوفي من جوايا و دخلت هما كمان كانو متوترين اوي التلاتة نظراتهم ل بعض كانت خوف و رهبه و قلق سلمت عليهم و بدأت انا الكلام مني ... صباح الخير .. انا مني محمود مدربة تنمية بشرية و احنا هنا في سيشن علاج جماعي من شعور معين جمعكم سوا انتم التلاتة دونا عن غيركم ... وهو الخذلان .. مبدئيا ياريت تنسو انكم في سيشن علاج و تعتبرو نفسكم بس بتفضفضو بكلام صعب حد من المحيطين بيكم يسمعه كدة هنعرف نتكلم اسهل واسرع ... حد عندة اي استفسار ؟ أو حابب يقول حاجة قبل ما نبدء _ بصتلهم و هما بهدوء هزو رأسهم ب لا ف كملت انا كلام مني ... طيب قبل ما كل واحدة تاخد فرصتها و تحكي لازم نتعرف علي بعض الاول بما اني عرفت عن نفسي ف نكمل بيكم .... انا ميرنا شاكر ٣٠ سنة بشتغل محاسبة في شركة استيراد وتصدير مطلقة و عندي ابن سليم ..... انا احم ا اسمي نرمين محمد عندي عندي ٢٨ سنة ( ابتسمت بسخريه ) أرملة و عندي ولد و حديثا مطلقة كمان مش بشتغل .... انا اسمي سمية ابراهيم عندي ٢٤ سنة و حالتي الاجتماعيه معقدة شوية و يمكن هي سبب وجودي هنا دلوقتي كلهم بصولها ب فضول مني ... طيب تحبو مين يبدء ؟ سمية ... ممكن انا ابدء ؟ مني ... تمام احكيلنا يا سمية انتي هنا ليه و مين خذلك ل درجة انك مش قادرة تعدي المرحله دي من حياتك ؟ وليه حالتك الاجتماعيه هي سبب وجودك هنا ؟ سمية بدأت تحكي ٠٠٠٠٠ سمية ... احكيلك من الاخر لأن للأسف اللي في الاول انا مش فاكراه مني ... احكي سمية ... انا فوقت في يوم لاقتني في اوضه غريبه ديكورها كله اسود في اسود دراعي متجبس و دماغي مربوطة كنت حسه ب صداع فظيع حاولت اقوم مقدرتش فجأة الباب اتفتح و دخل راجل وهو مبتسم اوي ... اخيرا فوقتي حمدالله على السلامه سمية ... انا فين ؟ اية ال حصل ؟ ... والله معرفش ال حصل بالظبط بس من شكلك لما لاقيتك أنها حادثة بصراحة خفت اوديكي مستشفي و ادخل في سين و جيم ف جبتك هنا بيتي و طلبتك دكتور قام باللازم كله وطمني عليكي .. بالمناسبة انا دياب عزيز وانتي ؟ _ مكنتش مرتحالو و حسيت أنة بيكذب بس اول ما سألني علي اسمي اتصدمت سمية كشرت ... ا اسمي ؟؟ دياب ... اه اسمك انا لما لاقيتك مكنش معاكي اي إثبات شخصية مفيش غير سلسلة دي كانت واقعه جمبك و عليها أسم سمية _ ومد أيدية و اداني السلسلة حسيت اني عارفاها بس مش فاكرة دياب ... يا انسه سرحتي في ايه ؟؟ سمية ... انا اا انا مش فاكرة اسمي دياب باستغراب ... مش فاكرة اسمك ازاي ؟ سمية ببكاء ... معرفش معرفش انا مش فاكرة حاجة مش فاكرة اي حاجة دياب ... طيب اهدي لو سمحتي انا هتصل بالدكتور واشوف رأيه ايه ثواني و هجيلك تاني _ وبعد ما جة الدكتور و طلب اني لازم اتنقل مستشفي و اعمل اشعه علي المخ و عملتها و كشف تاني وسألني تاني قال ال كنت خايفة أنه يطلع صح دكتور ماهر ... للاسف حضرتك حصلك فقدان ذاكرة ومن الاشعه اللي قدامي ان مش فقدان جزئي دا كلي دياب ... يعني ايه يا دكتور ماهر .. فقدان الذاكرة الجزئي دا المريض بيفقد ذاكرتة ف فترة زمنيه محددة لكن ما قبلها بيكون فاكره كويس جدا لكن الآنسة هنا فقدت ذاكرتها كلها دياب ... والحل ايه ؟ مفيش اي علاج ؟ مهما كانت المصاريف ماهر ... انا هكتبلها علي شوية ادويه تساعد المخ أنه ينشط و مهم أنها متحاولش تضغط علي نفسها انها تفتكر كل ما هتريح ذهنها كل ما هتفتكر أن شاء الله اسرع دياب ... شكرا يا دكتور ماهر ... العفو عن ازنكم سمية بحزن ... يعني ايه الكلام اللي قاله دا هه انا انا هفضل كدة مش عارفه انا مين؟ لا لا اكيد في حل تاني انا دماغي وجعاني اوي دياب بقلق ... ممكن تهدي الدكتور بيقول غلط تضغطي علي نفسك سمية ... انا هعمل ايه دلوقتي دياب ... متقلقيش انا معاكي مش هسيبك ابدا _ معرفش ليه جملتة دي خوفتني اوي عندي احساس واحد مسيطر عليا اني ابعد عنة وان في حاجة غلط فوقت من سرحاني علي صوت حد .... ايه السرحان دا كله بقالي شوية بسالك عاملة ايه دلوقتي ؟ سمية ...انتي مين ؟ ... انا صفية دكتورة نفسية هنا في المستشفي دكتور ماهر بعتني اتكلم شوية معاكي سمية ... هنتكلم في ايه حضرتك انا مش فاكرة اي حاجة صفيه ... يا ستي اعتبريني جايه اسليكي سمية ... انا مش عايزة اتسلي انا عايزة اعرف انا مين ؟ و مفروض اعمل ايه دلوقتي ؟ صفيه ... المفروض تهدي خالص بصي بما أن السلسله كان عليها اسم سمية تعالي نفرض أن دا اسمك لانه لو مش اسمك اكيد هيكون اسم حد عزيز عليكي صح ؟ سميه ... بيتهيالي اه صفيه ... خلاص نقول انك سمية مؤقت لحد ما أن شاء الله ذاكرتك ترجع و بالنسبه هتعملي ايه زي ما قلتلك مهم تهدي خالص أي توتر غلط عليكي سمية ... انا ممكن اطلب منك طلب ؟ صفيه ببتسامة ... اامري سمية ... الامر لله انا أنا يعني صفيه ... في اي يا بنتي اتكلمي علي طول سمية ... انا مش عايزة ارجع مع ال شخص اللي جبني هنا مش مرتحالو ومش عايزة اكون معاه صفية .... ممممممم ماشي انا هتصرف اديني ساعه زمن و هرجعلك تاني تمام سمية ... شكرا صفيه ... مش لما اعمل حاجة تبقي تشكريني اية الشكر المقدم دا سمية ... كفايه انك هتحاولي صفيه ... متقلقيش هرجعلك علي طول _علي عكس احساسي ناحيه اللي اسمة دياب كنت مرتاحة جدا ل صفيه و من غير ما احس طلبت مساعدتها و فعلا معداش نص ساعه لاقتيها قدامي صفيه ببتسامة .. خلاص يا ستي حلينا مشكلة مرواحك مع الجدع ال برة دا سمية ... ازاي ؟ صفيه ... هتروحي معايا انا البيت متقلقيش انا عايشة انا واخويا لوحدنا في بيت صغنن كدة وهو لما حكتلة ظروفك واني عايزاكي تيجي معايا وافق من غير تردد و هو هيقعد في الشقة اللي قصادنا مع عم محسن سمية ... ازاي بس يعني عشان انا اجي معاكي اخوكي يطلع من بيتة كدة لا طبعا ميصحش صفيه ... بقولك ايه بلاش كلام ملوش لازمة هو هيروح فين يعني ماهو هيكون في الشقة اللي قصدانا علي طول سمية ... هو عم محسن دا عمكم يعني ؟ صفيه ... لا عم محسن دا جارنا و كان صاحب بابا الله يرحمه جدا راجل طيب وحتة سكرة هتحبية اوي والله احنا عيلة كيوت في نفسينا اصلا سمية ابتسمت صفية ... ايوة كدة فكيها وكل حاجه هتكون كويسة أن شاء الله سمية ... مش قادرة ابطل تفكير طب اهلي تفتكري زمانهم بيدورو عليا ؟ ولا صفية قاطعتها .. اتفقنا نريح عقلنا شوية ادي فرصة للمخ يرتاح وارجعي فكري براحتك ممكن ؟ سمية ... ممكن صفيه ... هسيبك ترتاحي شوية ولما تصحي هننزل علي طول _ لسه هرد عليها الباب خبط و دخل دياب دياب ... عامله ايه دلوقتي؟ سمية .. كويسه دياب ... طيب يا دكتور هنقدر نمشي امتي ؟ سميه باستغراب ... مين ال هيمشي ؟ دياب ... احنا سمية ... احنا مين دياب ... مالك يا انسه ما طبيعي جايه معايا تروحي معايا سمية ... ليه أن شاء الله ساحب بنت اختك ؟ ثم انا فقدت الذاكرة لكن متشلتش يعني صفيه بهدوء ... سمية هتيجي معايا دياب كشر و بحدة خفيفة ... انتي اسمك سمية ؟ افتكرتي يعني؟ سمية ... لا متفتكرتش ولا حاجة بس السلسله اللي ادتهاني عليها اسم سمية و الدكتورة قالتلي أن غالبا دا يا اسمي يا اسم حد عزيز عليا ف هتندهلي بيه دياب ... اااه طيب يا دكتورة سمية هتيجي معاكي فين ؟ سمية ... وانت مالك ؟ انت كل ال ليك عندي شكرااااا وان جميلك في رقبتي ولو علي ثمن الاشعه. و الجبس و المستشفي ياسيدي هاخد رقمك و وعد هردهم والله دياب .. اية اللي بتقوليه دا فلوس ايه انا دياب عزيز اشتري اد المستشفى دي عشرة انا بتكلم لىمصحلتك انتي تعرفيها منين عشان تروحي معاها هه سمية ... يعني انا عارفاك اوي زيك زيها وانا موافقه اروح معاها انت ايه مشكلتك بقا مش فاهمه صفية... سمية ممكن تهدي الانفعال غلط عشانك وحضرتك فعلا ايه مشكلتك طالما صاحبت الشأن موافقه دياب ... صاحبة الشأن مش عارفه مصلحتها كويس سمية بسخريه ... لا يا راجل وانت بقا اللي عارفها دياب ... اكيد انا لو شخص وحش كنت سيبتك غرقانة في دمك ومشيت سمية ... وقلت لى حضرتك الف الف الف شكر اعمل ايه تاني دياب بغضب ... تيجي معاياااا البيت من غير نقاش مفهوووووووم _ اول ما زعق كدة جسمي كله ارتعش و قلبي انقبض و خصوصا كلمة مفهوم اللي قالها ىبغضب و صوت عالي و لاقتني بسمع صوت شخص تاني في دماغي بيقولي اللي اقولو يمشي مفهووووووم محستش بنفسي غير وانا بصوت و صفيه بتديني حقنة في المحلول اللي كان متعلقلي وهي بتزعق في دياب اللي كان باين علي ملامحة القلق و الخوف ورحت في ظلام مش سامعه منة غير صوت شخص بيرعبني وهو بيقولي اللي اقولو يتنفذ مش عاصم اللي يكرر كلامة مرتين مفهووووووووم يتبع .... الفصل الثاني من هنا |
تعليقات
