 |
رواية نفوس مريضة الفصل التاسع والعشرون 29 بقلم تسنيم حمدي#نفوس مريضه ياسين: طلع ورق الوصيه الحقيقي والغي كل دا يا استاذ مكرم ارجوك انا كنت غلط وسيب صلاح وادم منهم ل بعض فتحت نور باب المكتب وشافوها مكرم وياسين وسكتوا نور بتعب: كملوا كلام سكتوا ليه ياسين : نور انتي هنا من امته وبتعملي ايه وليه شكلك معيطه كده قال ياسين كلامه وهو بيبصلها بستغرب شكلها المبعثر وعيونها الحمره المخنتقه بالدموع نور تجاهلت اسألته واتكلمت بهدوء : يعني ايه يطلع ورق الوصيه الحقيقي.. واللي سمعته دا معناه ايه مكرم : اقعدي يا نور وانا هفهمك معني اللي سمعتيه ياسين: استاذ مكرم مكرم: مش كنت شايف انه ظلم ليها سبها هي تقرر مصيرها قعدت نور مقابل ل ياسين و رجع ياسين قاعد مكانه وقصدهم قاعد مكرم علي مكتبه ياسين: نور ارجوكي تسامحيني علي اللي هتسمعيه وتعرفي ان ابوكي اللي اضطرنا نعمل كده نور بهدوء: احب اسمع الاول وبعدين نشوف الموضوع ده اتفضلوا فهموني مكرم : بصي يا نور انا عارف ان ماكيش ذنب بكل اللي بيدور دا بس نور: ممكن تتكلم من غير مقدمات يا استاذ مكرم مكرم: حاضر يا نور.. الوصيه اللي عرضتها عليكم ماكنتش اللي وصي بيها جدك نور: دا انا فهمته ايه بقي الوصيه الاصليه وليه عملتوا كده مكرم: جدك كان مقسم كل املاكه بين ابوكي وعمك بالنص من زمان حتي الشركه كل واحد فيهم لي خمسين بالميه من الاسهم والارباح وصيته كانت بس ان كل واخد يفضل في منصبه صلاح رئيس مجلس الاداره وادم النائب لي وياسين المدير المالي للشركه نور: تمام لما هو كده ليه دا ماتمش وكل واحد خد حقه من الاول وايه لزمة اللي حصل دا مكرم: الوصيه دي محدش كان يعرف عنها حاجه و قبل ما يتوفي جدك بالفتره الاخيره اتعرضت الشركه ل خساره كبيره والصفقه اللي عمك وابوكي وياسين كانوا شغلين عليها اتسربت المعلومات عنها ل صالح شركه جديده مجهولة وبداء كل شغل يقوم بيه عمك صلاح يحصل فيه تلاعب لحد ما كانت الشركه كانت هتقع و الاسهم بتاعتها بالفعل انخفاض في البرصه بصوره غير منطقيه كل دا كان هيبقي عادي لحد ما ياسين عرف مين اللي بيسرب معلومات شغلهم للشركه الجديده وللاسف دا كان ابوكي يا نور نور بصدمه: انت بتقول ايه.. مستحيل بابا يعمل كده ياسين: هو فعلا عمل كده يا نور وكمان عرفنا انه داخل شريك في الشركه دي من الباطن.. والورق اللي يثبت دا موجود مع مكرم نور: وليه يعمل كده ياسين: عشان يظهر ان صلاح مستهتر ويكسب ثقة جدي ويوصله ان هو اللي يستحق يبقي مكان ابويا. ودا بالفعل عمله ادم اكتر من مره وفاتح جدي فيه. انه يقدر ينقذ الشركه مقابل يبقي هو الاعلي وصلاح نائب لي نور: وبعدين ايه اللي حصل مكرم كمل: ياسين لما عرف خاف يبلغ صلاح تكبر المشكله اكتر و بلغ جدك باللي حصل واللي ماكنش قادر يتخيل ان ابنه اللي يعمل في كده وكلمني واجتمعنا انا وياسين و صادق بيه ندور علي حل في المشكله دي وازاي نقدر نوقف ادم ونرجع الشركه زي ما كانت لحد ما اقترح ياسين دا ..... فلاش باك ياسين: المشكله يا جدي ان عمي ادم يعرف كل حاجه عن شغلنا وكمان لو حلينا المشكله دي ورجعنا الصفقه الاخيره..ايه اللي يمنع عمي انه يعيد اللي عمله دا تاني صادق بحزن : انا عمري ماتخيلت في يوم انب اقاعد افكر.. ازاي ابعد شـ.ر ابني عني ياسين: يا جدي اللي حصل حصل المهم.. ليه عمي ادم بيعمل كده مكرم: الغيره يا ياسين تعمل اكتر من كده.. ادم من زمان وهو عايز يبقي مكان ابوك.. واللي هيوقفه انه يوصل ل كرسي رئيس الاداره بدله عشان يحس انه احسن ياسين: اممم طيب ما يبقي مكانه لو دا اللي هيحل المشكله صادق: انت بتقول ايه يا ياسين!! ياسين بتفكير : دا الحل يا جدي لو عمي ادم عرف انه بعد عمرا طويل ل حضرتك الشركه هتكون لي هو لوحده وان فعلا صلاح مستهتر ومايستحقش دا هيبقي حقق اللي عاوزه ويهدي شويه واحنا نتعامل من وراه صادق: قصدك ايه يا ياسين ياسين: يعني لو في احتمال ان الشركه هتكون ملك لي عمي لوحده..وهيبعد ابويا عنها.. هل دا هيخليه يعرضها للخساره صادق: اكيد لا ياسين: صح وهو فعلا عرض عليك المساعده و هيحب يظهر بدور البطل لما تلجأله ياجدي وتشتكيله من صلاح لان دا هدفه وساعتها عمي هيقدر يحل المشكله اللي وقعين فيها بسهوله لانه سببها وهيحب ان الشغل يكبر اكتر ويشتغل احسن كمان مكرم: وبعدين ياسين: انت هتطلب من عمي المساعده وهتوصله بطريقه غير مباشره انك عايز تكتب وصيتك ومنها عمي ادم فضوله هيخليه يروح ل مكرم عشان يعرف ايه هو محتوي الوصيه دي مكرم: ما جدك فعلا كاتب كل حاجه مابنهم ياسين: ما دا اللي اعرف انا وانت وجدي.. بس عمي وابويا مايعرفهوش صادق: وايه الوصيه اللي عايزني اكتبها تخلي ادم يتعشم بان الشركه هتكون لي لوحده ياسين: نور ومعتز يتجوزه والورث يتوزع بعد سنه واللي ينهي العلاقه الاول او يرفض يبقي متنازل عن حقه للتاني وطبعا عمي عارف..قد ايه ابويا مابيقدرش يسيطر علي معتز وسهل عمي ينفذ دا صادق برفض: انت عايز تجوز نور ل معتز اخوك.. دا يبقي ظلم ليها يابني ياسين: ليه بتقول كده ياجدي معتز مش وحش..انا فعلا بتمني انه يتجوز من نور يمكن تعقلوه .. هي بس مشكلته الشله السوء اللي حوليه و بتجره للي هو فيه.. وهو عندي ودماغه ناشفه اهو بيعند مع صلاح من باب العند وخلاص..ويمكن نور تقدر تغيره بجد صادق: مافيش حد بيتغير عشان حد يا ياسين .. ولو حصل بيبقي تغير لحظي وبس ومع الوقت بيرجع للي هو فيه.. ونور ماتستحقش دا ابدا هي تستاهل واحد يحبها ويقدرها .. غير انه مستحيل ابوك يرضي عنها.. وانت عارف السبب كويس ياسين: ماشي ياجدي عموما انا قصدي انها مجرد لعبه هنعملها علي عمي ادم عشان نقدر نكسب وقت.. وهو بيحاول يثبت نفسه ليك واحنا نواجهه الشركه الجديده وكمان نحول كل المعلومات اللي يعرفها ادم وتبقي ملهاش لزمه وبعدها تقدر حضرتك تتكلم معا وتفهم من ليه بيعمل كده صادق ابتسم ل ياسين بفخر: سمعت يا مكرم.. انا موافق ابداء من بكره.. عفارم عليك يابني الغالي ..... مكرم: بس يانور وفعلا بدائنا نعمل كده وادم عرف الوصيه وفي الوقت دا قدر ياسين وجدك يوصله لي معلومات غلط وقعت الشركه التانيه مع شوية شغل من ياسين وعشان هي شركه جديده ومالهاش اسم ضربها كان سهل بس جدك اتوفاه قبل ما احوال الشركته تتعدل.. وجيه وقت فتح الوصيه.. ياسين جالي المكتب وطلب مني نكمل دا ويمكن علاقة النسب دي تقرب بين ادم وصلاح وكمان خوفا من ابوكي يعمل حاجه مش مستعدين ليها في الوقت الحالي ياسين: جدك يا نور كان رافض جوازك من معتز .. بس ادم اللي اضطرنا ل دا.. مكرم: انتي كده عرفتي كل حاجه يانور.. وحقيقه الورث ان كل واحد لي النص.. جدك حتي ملحقش يعاتب ادم في اللي عملوا نور: يعني بابا عمل كل دا. ياسين: ابوكي عمل اكتر من كده بكتير يا نور مع ابويا نور:وانت حبيت تاخد حقكم مني انا ياسين: ابدا.. انا بس حبيت اقرب بين الاخوات والشركه اللي تعبنا فيها كلنا ماتتهدش فوق دما.غنا بسبب الغيره وحسيت انها فرصه ل اخويا في حياه سويا.. وكنت عارف قد ايه انتي طيبه وذكيه و هتقدري تغيره وتعدلي منه وتبعديه عن الصحبه الضاله بتاعته نور بغضب: يعني فشل ابوك وامك في تربية اخوك في 26سنه.. كنت مستني مني انا اربيه ياسين بغضب: نور مسمحلكيش تغلطي .. وافهمي الكلام اللي بقوليه نور: لا مش فاهمه يا ياسين .. انت مين اداك الحق انك تلعب بحياتي كده .. حتي لو ادم غلط انا مالي انتم مش طبعيني..انتم مرضه كلكم مرضه ياسين: نور الشركه دلوقتي لسه شغاله واحسن من الاول عشان كل واحد فيهم بيسعي تبقي لي لوحده.. وانت ومعتز علاقتك نور: ما فيش علاقه وماتجمعش اسمي باسم اخوك تاني.. عارف يا ياسين انتم عملتوا ايه..بلاش اغلط روح روح يا ياسين الحق اخوك وجوزه للي كان عايز يتجوزها هم شبه بعض وياريت يبقي بسرعه قبل مايجي للدنيا عيل ملوش ذنب من غير اب وخطط ليها كويس انت ممتاز في دا.. ياسين: عيل مين. ومين دي اللي معتز عايز يتجوزهاو معتز بيحبك انتي يا نور نور: انت مش مستوعب اخوك هيبقي اب.. روح بركله انا مش عايزه اشوف وشكم تاني واخوك يبعتلي ورقة طلاقي ومشكلكم دي كلها تحلوها بعيد عني فاهم يا ياسين.. خرجت نور من المكتب وهي هتتجنن كل حاجه حوليها مجرد كدب كله بيكدب علي بعضه وعشان ايه.. ابوها وصلاح وياسين ومعتز حتي جدها كده كتير اكتر من احتمالها ........... الفصل الثلاثون من هنا |
بدل ماتدور وتبحث علي الروايات خليها علي تليفونك وحمل تطبيقنا
