.jpeg)
رواية خفايا العاشقين الفصل الاول
-ايه الكلام اللى سمعته ده يا ماما بجد انتى وعمتو بتتفقوا تجوزونى لتميم ابنها وانا اخر من يعلم؟
=طيب يا ست جورى واديكى عرفتى اهو روحى بقى جهزى نفسك
جورى: اروح اجهز لنفسى لايه انتم اكيد بتهزروا وازاى توافقى اصلا ع حاجة زى دى؟!
عائشة: ليه ان شاء الله انتى عاوزة ترفضى ده تميم زى القمر والف واحدة تتمناه
جورى: انا مطلعتش فيه عيب وعندك حق فعلا الف واحدة تتمناه لكن انا بقى مش من ضمن الالف دول
عائشة بغضب: ليه ان شاء الله؟
جورى: ماما انتى كنتى عارفة بعلاقة تميم وهديل بنت عمى واد ايه كانوا بيحبوا بعض وهديل بالنسبة ليا مش بنت عمى وبس دى صاحبتى وانا مستحيل اوجعها
عائشة: انتى قولتى بنفسك كانوا بيحبوا بعض
جورى: طب ما هى عمتى السبب واللى وقفت فى وش جوازهم يعنى من الاخر تميم ابن امه ومش بعيد تعصيه عليا زى ما كرهتوا فى هديل
كف نزل ع وش جورى بغضب من والدتها اللى قالت: انتى بترفعى صوتك عليا والله عال اوى يا ست جورى اسمعى انا هقولك كلمتين لو رفضتى تميم لا انتى بنتى ولا اعرفك
سابتها عائشة وسط صدمتها كانت اول مرة امها ترفع ايدها عليها دخلت ع اوضتها ومسكت فونها وكلمت تميم
جورى: الو تميم لازم نتكلم ضرورى
تميم: فى حاجة ولا ايه؟
جورى: مش هينفع ع الفون لازم اقابلك انت فى السنتر مش كده
تميم: ايوة عندى حصة دلوقتى فى ايه يا بنتى؟
جورى: على ما تخلص حصتك اكون انا لبست وجيت وهتفهم كل حاجة
قفلت معاه ودخلت لبست دريس ابيض فى اسود ولفت حجابها ونزلت راحت ع السنتر فضلت قاعدة لحد ما الطلاب خرجوا من عنده
تميم: تعالى يا جورى .. نظر للسكرتير وقال: اعتذر من المجموعة اللى جاية دلوقتى يا كريم
دخل ع غرفة الدرس وشاف جورى قاعدة بتهز رجلها بعصبية فقعد قصادها وقال: فى ايه يا جورى؟
جورى: امى وامك بيخططوا عشان يجوزونا لبعض
تميم: عارف
جورى بصدمة: وانت ايه رأيك؟
تميم: انا اللى طلبت من امى تعرف امك انى عاوز اخطبك
جورى بزعيق: اييييييه ليه عملت كده؟
تميم: عشان انا عايز اكمل نص دينى
جورى بزعيق: وحيات امك انت بتستعبط يالا ولا ايه طب وهديل
تميم: هديل اتخطبت امبارح يا جورى
جورى: اااااه فهمت انت بقى جاى تخطبنى عشان تعاندها بيا بس معليش والله يا استاذ انا مش موافقه ع المهزلة دى واسمع روح قول لعمتى تصرف نظر عن الموضوع انا بقولك اهو
كانت هتخرج لكنها اتفاجأت بيه شدها من ايدها عليه فبقت عند صدره بالظبط رفعت عيونها لمستواه لانه اطول منها بكتير وهو بص فى عيونها بثبات وابتدى يمشى بيها وهى ترجع لورا لحد ما خبطها بالحيطة واتكلم بفحيح افاعى جنب ودنها: بس انتى بتحبينى وهتموتى عليا
ابتعد عنها وهى بصاله بصدمة ميل ع شفايفها والتهمها بشغف فطالت القبلة بينهم انتبهت جورى للوضع وزقته بكل قوته ورزعته قلم من قوته عمل صدى صوت ووووو............
