 |
رواية بينا معاد الفصل الثاني 2 بقلم منه محمدالبارت الثاني بينا معاد @الجميع ✿ قصص منه محمد كاتب ✿ في غرفه جنه ناره رمت جسمها ع المرتبه السوست: الله السرير حقيقي طري ومريح جنه ببتسامه لطيفه: خدي راحتك,,.واتعاملي معايا عادي يعني شيلي الكلفه بينا ناره بسخريه لاذعه: اما انك هبله,, ليه هو انا هقولك جنه هانم جنه بصدمه لان مش ده قصدها: طيب هطلعلك بيجامه تنامي فيها جنه راحت وفتحت الدولاب وطلعت بيجامه بالكيسه ومدتهالها ناره رمتها ومدت ايدها ع بيجامه لجنه: انا هاخد دي جنه بتعجب: بس الي ادتهالك جديده ،وغير كدا فروتها اكتر، وبدفي عن دي ناره كشرت: مش عجباني... ولا انتي مش عايزني البس الاغلي انا شايفه الي جواكي جنه: ناره تقدري تلبسي الي يعجبك ،من هدومي وبراحتك ناره شهقت بفرحه: بجد!!! جنه: ايوه بجد ،ويله غيري عشان ننزل نتغداء ناره لبست البيجامه لكن ع جنه اجمل واحلي وجنه انتظرتها وسحبتها من ايدها لتحت وأأعدوا هما الخمسه ع السفره هاله : مراد حبيبي كول وقولي رايك؟! مراد ببتسامه واسعه: من قبل ما ادوق شكله يفتح النفس ,,يله ياولاد بسم الله ناره مسكت المعلقه وبدئت تاكل وتطلع صوت مقرف وامها قاعده محروجه وندهت عليها: ناره كلي كويس مراد بصلها وقالها : سبيها ع راحتها جنه بمحبه: ناره !دوقي الكابوريا دي هتعجبك ناره مسحت بؤها بضهر ايديها وفتحت الكابوريا الميه كلها طارت ع وش مراد ناره : انا اسفه مراد: انا كويس مفيش حاجه جنه مسكت مناديل وقامت تمسح وش وهدوم ابوها مراد ابتسملها: انا تمام يا جنه ،خلاص يا بابا ،محصلش حاجه مخلص رفع كوبايه عصير يشربها وبياخد اخر بوق فيها بيرجع بالكرسي لوري وقع ع ضهره وهاله بقت من كثر الكسوف والاحراج تخبي وشها مراد قام بخضه: هو الي الي خلاه يقع هاله : معرفش ،يمكن الكرسي مش ملزوق كويس مراد قومه: قوم يا مخلص حصلك حاجه ناره طلعت تجري ع الحمام وجنه طلعت عشان تاخد شور وبعد وقت طلعت ناره ماسكه بطنها وبتتألم: يظهر تقلت في الاكل جنه دخلت بعدها ووقفت قدام المرايا في الحمام تجفف شعرها.. لقت الباب بيخبط عليها فكرتها ناره فتحت لقته مخلص بيزقها ،واتقئ في قاعده الحمام ،ولما خلص بصلها بنظره مرعبه وجنه خافت وطلعت تجري ع برا ،وبعد وقت من المذاكره كبس عليها النوم ودخلت في سريرها واتغطت ونامت لكن هيهات فيه صوت شخير قلق نومها من الطريقه المزعجه ،فكرتها ناره وولعت نور الاباجوره ، لكن اتفاجئت لما لقته مخلص نايم جنب اخته معاهم في نفس الغرفه جنه لفت نفسها في اللحاف لكن النوم جفاها وقامت تنزل لتحت في الرسبشن ترقد ع الكنبه للصبح ،وهي ع السلم شافت ابوها شايل هاله ع درعاته زي البيبي، اتخبت بسرعه قبل ما يلمحوها هاله اتعلقت في رقبته بدلع: نزلني يامراد .....افرض حد من العيال شافنا مراد باس خدها وطالع بيها السلم: وفيها ايه....انا شايل مراتي وفي بيتي هاله: تحب اعملك ايه ع الفطار الصبح مراد: اي حاجه من ايدك زي الشهد جنه ابتسمت ان ابوها سعيد في حياته ومش مهم اي حاجه بعد كدا!!! تاني يوم جنه جهزت للمدرسه وابوها ناولها الشنطه وميل ربطلها حزام الامان وجنه باسته من خده مراد بص لناره: يله بما انه اول يوم ليكي ،هوصلك ( بص لهاله) فين مخلص مخلص ظهر ورافع الشنطه ع كتفه وفات من جنبهم بدون اي كلام هاله: انت مش هتركب مخلص طنشهم وكمل جري هاله بأسف: انا اسفه بس لما يرجع يومه مش معدي مراد: سبيه براحته لحد ما يتعود هاله: حاضر بس ياريت ترجع بدري مراد باس خدها: حاضر هرجع بدري_ بص للبنات: يله يا اميرات ننطلق مراد حرك العربيه وقابل مخلص في الطريق كلمه بحنان: مخلص تعال اوصلك مخلص مردش عليه وكمل مشي وجنه طبطبت ع ايده ............قصص منه محمد كاتب............... في المدرسه الانترنشونال ناره مسكتها بحده: بقولك متقوليش لحد ان انا عايشه معاكي في بيت واحد ،هو مش موضوع تتباهي بيه جنه: اوكيه انا اصلا مكنتش هقول غير ان احنا اخوات وبس! ناره: اتفاقنا داخل الفصل الميس بدئت تعرف البنات ع ناره انها اخت لجنه الي دائما تطلع الاولي ع المدرسه وناره الغيره شعللت جواها وقررت تكسرها قدام زملائها وتسحب الانظار منها بس بعد اليوم الدراسي,, وبالفعل جمعت البنات وكدبت ان جنه هي الي راحت عاشت معاهم بعد ما اابو جنه اتجوز ، من امها المذيعه المشهوره طالبه ما: انتم اخوات ونفس السنه بس ليه مش شكل بعض طالبه ما بتحقد ع جنه: لهو انتي متعرفيش الاخبار المداريه ,,ام جنه يظهر عندها عيال ومخبياهم لانهم من اب تاني طالبه: وبيقولوا ان جنه عانت كتير طالبه: معقول جنه تعاني ،بس مش باين عليها ناره ضحكت: مقدرش اقولكم لان دي خصوصيه لجنه ،وكل واحد لازم ميخبيش ويتباهي بأصله جنه بعصبيه: ناااره ناره: ايه رايكم قبل ما نروح نروح ناكل البنات: فكره حلوه ناره: وانا هعزمكم ع حسابي ،ها تحبوا تاكلو ايه البنات :ناكل اندومي ناره بغرور وكبر:بجد متواضعين اوي ،ايه رايكم في بيتزا البنات: هيه يله جنه رفضت تطلع وراهم ولمت شنطتها وطلعت لكن وقفت لان الدنيا مطرت جامد ناره: محدش فيكم معاه شمسيه طالبه: لاء محنا منعرفش ان المطر هينزل بالشكل ده ناره: خلاص نستني لما تبطل مطره وهم واقفين عربيه احدث موديل قربت ع المدرسه ونزل منها هشام والسواق نزل وراه وحط مظله فوق دماغه طالبه بأعجاب: ايه القمر ده! ناره اتكت ع شفتها: فعلا قمر هشام وقف بعيد عنهم بشويه وبصلهم وابتسم لهم كدا كمجامله.. لحد ما لمح جنه طالعه ابتسملها ابتسامه واسعه وقرب منها بسرعه وحط ايده على كتافها جنه: هشام هشام طلع منديل قماش ومسك دقنها ومسحلها الميه من اثار المطر: اتبليتي ..هاتي شنطتك ويله بينا ناره واقفه عيونها بتبخ غيره وحقد ونار لما لقت هشام رفع شنطتها ع كتفه وحاوطها بأيده وبيهزر ويضحك معاها وماشي جميل السواق وراهم ،بالشمسيه لحد العربيه جنه وقفت: ناره يله نروح سوي ناره بغل: مش جايه هاكل بيتزا ومشت بخطوات متعصبه ،والبنات كلهم راحوا وراها ...........قصص منه محمد كاتب.......... هشام طلب من السواق جميل يوقف العربيه وفتح الشنطه ونزل منها عجله واخد جنه تركب وراه وانطلقوا، تحت المطر وهما بيصرخوا وبقوا يفردوا ايديهم زي العصافير الي طايره في الجو لحد ما اختل توازنهم ووقعوا ،،وهشام وقع فوقيها ورفع نفسه وبصلها وقرب ياخد بوسته الاولي وجنه غمضت عيونها بكسوف وخجل ...وبعدين فتحت لما هو اتردد وابتسم وقام نفض هدومه هشام مدلها ايده: قومي جنه من غيظها انه وقعها ضربت ايده هشام رفع حاجب: كدا ،تمام خليكي كدا( سايبها وماشي) جنه بشخط: هشام هشام رجعلها ومدلها ايده: طب قومي جنه شدت ايده جامد هشام مثل ان كتفه وجعه وجنه ضربته في كتفه : كدا توقعني يا متخلف هشام: تصدقي طلعتي قويه _مسك وشها ) بس من امتي بتلبسي برا جنه: هشاام هشام ضحك اوي: جنه انا غيرتلك كفولتك ،وانتي في اللفه ،وشوفت كل حاجه جنه: احترم نفسك هشام: وبالاماره عندك حسنه ع صدرك الشمال ..ولازم اشوفها كبرت ولا لسه صغيره جنه جريت منه ,ااعدت مقرفصه عالارض وهو أأعد وراها وضمها لحضنه وباس جيبنها في منتهي العشق واخدها وركبوا العجله وطلعوا يجروا زي الاطفال لحد العربيه ،واخدها لحد البيت هشام جاب علبه كبيره وقدمهالها: عايز بكره اشوفه عليكي جنه: شكرا يا هشام ،وانا كمان عندي ليك حاجه كدا عملتها بأيدي بس يارب تعجبك( فتحت الشنطه وطلعت كيسه ومدتهاله هشام: امممم هديه ياتري ايه هي هشام فتحها لقاها طاقيه كروشيه حمره : انتي الي اشتغلتيها بنفسك جنه: ايوه واخدت فيها شهر كامل ،بس حلوه بصحيح هشام ابتسم وهز دماغه : اكيد ,,واكيد كانت صعب عليكي جنه: انت عارف انا طول عمري بحب اصمم هشام: وانا واثق قدام هتبقي اكبر فاشون ديزانير زي كوكو شانيل عندك ابتكار وانبهار جنه: طب اتفضل البسها اشوفها عليك هشام لبسها وبص في مرايا العربيه: لاء حلوه ودافيه ,,لاء وكمان عملهالي باللون الاحمر الي بحبه جنه بكسوف: لاني عارفه انه لونك المفضل هشام اتك ع ايديها بحنيه: شكرا يا جنه جنه فتحت الباب: يله خد بالك من نفسك هشام :الاول طمنيني عامله ايه دلوقت احسن جنه ضمت حواجبها: الحمد لله احسن بس ، من ايه؟! هشام: يعني ،اصل انا قرئت في روايا سندريلا زوجه الاب قاسيه فعلا جنه بصدق:لاء انا بحبها هشام بمغزي :وياتري بتحبي مدرستك كمان جنه دارت دموعها عنه بسرعه لما افتكرت اهانتها قدام الطلاب وردت بصوت مرح :اه يعني انت جيت النهارده عشان تقولي انك حاسس بالموقف الي انحطيت فيه مش كدا ؟ هشام هز دماغه ببتسامه:يعني حاجه زي كدا ، متنسيش انا الساحر جنه ابتسمت في وشه وقالت :لا اطمن يا ساحر مهما حصل هفضل احبها هشام مسك ايدها لانه حاسس بيها ده يعتبر كبرت قدامه يوم بيوم ولحظه بلحظه فاحفظها لما تكون موجوعه وقال :هانت مده قصيره وتخلصي السنه دي ،، ونسافر انا وانتي نكمل درستنا برا ،عشان كدا اتحملي حتي لو الفتره دي صعبه ،يله ادخلي غيري هدومك لتبردي ويجيلك زكام جنه :وانت كمان تروح تغير هدومك هشام نزل وراها والسواق جميل موصلها بالعلبه لحد الباب ورنت الجرس هاله :مين جنه: انا جنه يا طنط هشام شاور لجنه لحد ما دخلت والسواق رجعله يفتحله باب العربيه هشام ابتسم : شكلي غريب بالاحمر صح جميل كتم ضحكته: اطلاقا هشام ابتسم احلى ابتسامة: حتي لو ,,هلبسها دي من ايد جنتي ..... ناره واقفه وري الشباك وشافت هشام لما وصلها وجنه معاها علبه وطلعت حطتها ع المكتب الخاص بيها ودخلت الحمام تاخد شور وتغير هدومها ناره راحت بسرعه البرق فتحت العلبه لقت جواها فستان شيك ومعاه كارت مكتوب عليه ( البسيه بكره في اول يوم امتحان عايز اشوفه عليكي)ناره مسكت الفستان وبنبهار: واو جميل اوي جنه فتحت الباب ،وناره حست بيها رجعته للعلبه بسرعه وراحت أأعدت مكانها وفي دماغها فكره من الشيطان الصبح جنه صحيت بدري تلبس الفستان ملقتهوش في العلبه ،لبست بنطلون كارجو رصاصي ع تي شيرت اسود وجريت علي المدرسه دخلت الفصل لقت ناره لبساه والبنات حواليها منبهرين بيه وهي مبسوطه جدا من مدح البنات فيها ناره شافتها بغرور:جيتي ليه متاخره جنه رئكشن وشها كله اتغير : تعالي نتكلم البنات بيسالوها:هو فيه ايه؟؟ ليه عامله كدا ناره :وسعوا ،لما اروح اشوف مالها جنه اخدتها وطلعت بيها ع السطوح ،عشان متحرجهاش قدام الطلبه وقالت لها: مش ع الاقل كان لازم تقوليلي، لان الي اخرني ،اني كنت بدور عليه ناره :انا بجد مبقتش قادره اتحملك جنه :افندم ناره : يعني جيباني هنا عشاني تقوليلي كدا جنه بهدوء:يعني شايفه الي عملتيه امر بسيط ناره بحقد ونفسنه:عارفه انتي ولا حاجه ,,ولا اي حاجه انتي واحده فاضيه من جوه ،ومن برا اه جميله وجذابه ،والكل يفكرك بنت يما هنا وهناك وطيبه ,,بس انا بخاف من وشك المبتسم ,, قوليها انك مضايقه من جواكي اني اخدت هديه جايه ليكي ،ع الاقل مش هتقفي تتكلمي بالهدوء ده جنه: امال المفروض اكلمك ازاي ناره: اقلها هتشديني من شعري ،وتتكلمي قدام البنات جنه :انا مش كدا لاننا مش غرب حاليا ناره :بس احنا دمنا مش واحد، ولا حتي فيه نقطه مشتركه جنه :اللجنه هتبدء في خلال دقايق ،وبجد مش عايزه اجادل معاكي ،بس الفستان مميز بالنسبه لي ،معنديش مانع تلبسيه بس رجعيه زي ما هو ناره بستفزاز وحقد:انتي قولتي كل هدومك ملكي وانا اتصرفت ع الاساس ده ,,بس معرفش اني مش مسموحلي البس لبسك الي انت ملبستهوش قبل كدا ,,وكان قصدك البس الهدوم الي انتي لبستيها وشبعتي فيا لبس,, الهدوم الكتير المرميه في كل ركن في اوضتك، كان لازم تفهميني ده من بدري ،كنت وقتها قدرت افهم ،اصل البنات الي كبروا في الفقر زي ميفهموش لما تحطي علبه قداهم بشكل مهذب زي ده جنه : انتي فعلا عارفه وفاهمه ،مش ده الي اقصده ابدا ناره : هقلعه عشانك _فكت الزراير_ هقلعه عشان ترتاحي جنه: بتعملي ايه؟! ناره زقتها وصرخت في وشها :سبيني اقلعه هنا جنه بدهشه: تقلعيه فين ناره : هقلعه ،،عشان متزعليش واسفه لو اخدني العشم زياده عن اللزوم جنه :متعمليش كدا اوكيه ناره مشت خطوه ورجعت لفت وبصتلها :مترجعيش في كلامك ,,من النهارده هقسم كل حاجه ع اتنين ،ولو اعترضتي هقل منك وبدل الكلمتين هيبقوه الفين زقتها ومشت من قدامها وجنه واقفه مستغربه جرائتها ووقاحتها .......قصص منه محمد كاتب............. ناره رجعت البيت قلعت الفستان ورمته في وش جنه وجابت ازازه حبر وكبتها كلها ع الفستان وجنه شهقت ناره رفعت كتافها بلا مبالاه: اعمل ايه ؟وقع عليه الحبر غصب عني جنه بكل قهرتها زقتها ووقعتها علي الكرسي وبأمر: اعتذري ناره : ولو معتذرتش جنه زعقت: اعتذري ناره زقتها بغل عالسرير وضحكت تستفزها: هتعملي ايه لو معتذرتش تمنه كام ,,وانا ارمهولك ع الجزمه جنه صرخت فيها بأمر: قلت اعتذري ناره ضربتها بالقلم بغل: مش هعتذر ,,وقادره ادفعلك ثمنه ,,قولي ثمنه كام وانا ادفعهولك هاله دخلت عليهم وشافت الفستان ولناره: اعتذري حالا ناره رافضه تعتذر لجنه لانها عايزه تذلها وتكسر نفسها هاله رمت الفستان ع ناره: حضري شنطتك وامشي عند ابوكي,, لان عيب اوي تمدي ايدك ع حاجه غيرك ,, فلو صعبتي الحياه ع اختك مينفعش تفضلي معانا هنا ناره بدء سيل الدموع للتمثيل: امي انتي حتي مش عارفه التفاصيل، ليه تحكمي عليا بالشكل ده فستان جنه كان جميل اوي ,,عشان كدا جربته وبس قدام المرايا ,,بس غصب عني وقع عليه الحبر ,,بس هي متقبلتش اسفي ,,وطلبت مني ادفعلها حقه( رمت نفسها عالسرير تعيط) هاله بصت لجنه بتوعد الي مذهوله من الي بيحصل ومخلص واقف برا وسامع كل الحوار ...........قصص منه محمد كاتب............... مرت ايام وهاله بقت تخرج متعمده بالبنات تروح المول واشترت نفس الفستان الي باظ بالحبر لبنتها ناره لهدف في دماغها ,,,وجنه كل ما تقف ع استاند وتختار حاجه ناره تختار نفسها حتي لما يدخلوا يعملوا شعرهم عند البيوتي سنتر تطلب من الكوافيره تعملها نفس تسريحه جنه ,,لدرجه بقت عايزه تبقي شبها في كل حاجه ،وفي يوم رجعوا الاتنين من المدرسه بالشهاده بعد امتحانات اخر السنه مراد فتح شهاده ناره: ماشاء الله ناره جايبه درجات تفرح انتي الثالثه ع المدرسه هاله مسكت الشهاده وبفرحه: اه والله ده حقيقي ,, بس مش مستغربه هي كانت طول الوقت بتذاكر بجد ناره :ده لاني مش عايزه اخيب املكم فيا ,,وذاكرت ليل مع نهار ،والدرجات كلها بمجهودي هاله : مبروك ياحبيتي الف مبروك ،وانتي يا جنه وعادي لو كانت درجات عاليه او اقل بلاش تزعلي نفسك حتي لو هتدخلي اي حاجه ( شدت منها الشهاده) ناره بغرور: تقديرها كام يا ماما هاله فتحتها ووشها كله اتغير مراد اخد من ايدها الدرجات وبص فيها وصرخ بفرحه: انتي الاولي ع المدرسه هاله بقهره مداريه: كنت عارفه اصل جنه ماشاء الله عليها ...طالبه متفوقه وبجد فخوره بيكي مراد بفخر: طول عمرها بتطلع الاولي مبروك يا بنتي الف الف مبروك.... النهارده نعمل حفله كبيره مراد راح يشتري لوازم الحفله وهاله قاعده حرفيا مش طايقه نفسها ازاي بنتها تطلع الثالثه بعد جنه هاله بعصبيه وزعيق: عايزه افهم لما كنتي عايشه مع ابوكي في حته اوضه اد الحق كنتي يادوب بتنجحي ..وحجتك مفيش مكان يؤهل للمذاكره ,,ومفيش مدرس خصوصي معاكي ,,طيب لما جيتي هنا دخلتك مدرسه اعلي مستوي ,,ومفيش حاجه واحده ما قدمتهاش وجيبالي المركز الثالث ع المدرسه ناره راسها تحت في الارض مش باين ملامحها وخايفه من امها وجنه قالت تدخل قبل ما يتأزم الوضع جنه بهدوء : تقريبا ده حصل لانها غيرت المكان، وبعدين الامتحانات كانت صعبه جدا هاله بكره وحقد: اطلعي ع اوضتك جنه كملت ببتسامه : المهم انها هتدخل ثانويه عامه وتعوض بالكليه الي عايزها هاله بحزم: قلت اطلعي ع اوضتك جنه: ارجوكي اعذريها المره دي هاله بنبره ناشفه : هو انتي بتعملي دعايه لنفسك ,,عشان تظهري انك طيبه قدامي طبعا من حقك تتباهي انك بس الي قدرتي تطلعي الاولي ع المدرسه وبنتي اقل منك طالعه الثالثه جنه :مرات بابا انـ هاله من حقدها فاجئتها بكف على وشها وواحد وري الثاني: مرات بابا ,,ناديني كدا تاني انتي ,,ليه متكبره ورافضه تقوليلي ماما ( هزتها بأهانه) انتي بتحقري من بنتي ومخلص جواكي مش كدا طبعا شايفنا مش قد المقام وبتسخري منهم,,, عشان طلعوا فقراء معندهمش نفس الي عندك انتي متعجرفه للدرجه (لطشتها قلم اقوي وبصريخ فيها ) ردي قولي الحقيقه انتي بتستعري مني انا كمان مش كدا ,,طبعا مش نفس مستوي الهانم بنت الاكابر ,,وشايفه انه مضحك اوي اني اجي اعيش معاكي ومعايا ولادي ,,وطبعا لازم كلنا نبقي خدامين جنه هانم مش كدا طلعت شهقات من جنه وهي بتعيط اكتر ومن بين بكاءها كانت بتقول : لاء مش كدا هاله : ولما هو مش كدا، ليه مبتقوليش يا ماما ،عايشه مع ابوكي وبخاف ع راحته، وانتي مستكتره تقوليلي يا ماما جنه بتعيط وتشهق لانها مستحيل تقول لست تانيه كلمه ماما غير امها الحقيقه هاله بأمر: قوليها التلفون الارض رن وهاله زقتها لدرجه حدفتها عالكرسي وردت هي: الو....اه استني لحظه ( مدتلها السماعه) ردي ع المكالمه جنه من كتر الخوف والضرب وشها احمر جدا واتنفخ وناره ظهرت ع ملامحها السعاده هاله شخطت فيها بعصبية: ردي عليه جنه اخدت السماعه وردت: الو هشام: جنه يله نتزحلق انا وانتي...بتقولي ايه مش سامع الموسيقي عاليه جنه بتوتر: مش هقدر اجي معاك يا هشام هاله: قوليله انك هتخرجي جنه رفعت دماغها وبصتلها وهاله كررت: قوليله انك هتروحيله جنه: جايه يا هشام سلام هاله رمت عليها الفستان بالحبر وبتريقه: ليه متخرجيش تقابليه وانتي لابسه الفستان ده جنه دخلت بنوبة عياط اكتر وكانت تمسح دموعها بايدها ببراءة وبصت شافت ناره بتبصلها نظرة شماته .................قصص منه محمد كاتب............. في الملاهي هشام لمحها من ضهرها بالفستان جري عليها ولفها لقاها ناره هشام :انا اسف ،لان لبسك زي بنت اعرفها بجد اسف ناره بضحكه: انت هشام؟ اصلي شوفتك في الصوره انا ناره اخت جنه بنت مدام هاله هشام : اه اهلا وسهلا (بص للفستان ) ناره :انا اسفه بس جنه قالت لي ممكن البسه عادي هشام :وهي فين جنه؟ ناره :عندها دور برد بس ايه جامد ,,وطلبت مني اجي بدالها .. هشام وشه كشر بسبب قلقه عليها ناره:يظهر خاب املك مش كدا همشي انا هشام : ثانيه هي عندها ايه بالظبط؟ يعني بتتوجع اوي ناره اتغاظت من اهتمامه وقالت: لاء عادي مجرد سخونيه وهتروح مع العلاج هشام : إنا لازم ازورها حالا ناره : هشام انا هشام قطعها لما نده ع جميل السواق جميل قرب: امرك يا هشام بيه هشام: لازم اتحرك، اروح اطمن ع جنه حالا ناره خافت ليكتشف الي عملوه فيها وبرتباك: اهدي جنه مش موجوده في البيت ،اصلها راحت مع ماما المستشفي ممكن تفرجني ع الملاهي هشام اخدها هو وجميل لكنه ماشي حزين لان جنته مش معاه ناره بنبهار: الله بجد حلو المكان اوي وعمري ما اتزحلقت ع ارض مخصصه لكدا هشام حرفيا مش هضمها ولا بالعها بس عمال يبتسم مجامله عشان عمه وجنه ناره : هشام هي ممتعه هشام من غير نفس : اممم ناره طلبت منه تتزلج ع الارض وبقت مش عارفه تمشي لان الارض بتزحلق طلقائي كئن مكبوب عليها زيت,, وناره فضلت تصرخ وتسأله: المفروض اعمل ايه؟؟ ومره واحده وقعت ع مؤخرتها جامد وهشام ضحك ورحلها ومدلها ايده وناره قايمه اترمت في حضنه وهو كشر ناره بصتله ومثلت انه لو سابها هتقع: هشام الحقني هشام وهي بتشده ملحقش نفسه لانها وقعت واخدته فوقيها وهو اتألم جامد وهي اتعدلت وابتسمتله وهو بادلها ابتسامه من باب المجامله وجبر الخواطر واخدها وصلها بالعربيه لحد البيت عشان يطمن ع جنته!!! الفصل الثالث من هنا |
بدل ماتدور وتبحث علي الروايات خليها علي تليفونك وحمل تطبيقنا
