السيرة النبوية الجزء السابع
عايز الناس تحبك !؟
يبقي لازم يكون عندك حُسن الخُلق ،،
لأن أكثر حاجة تجذب الناس ليك هو حسن الخلق ،،
ابتسامة ووجه بشوش بيضحك ، مع كلام طيب جميل ❤️
حُب الخير لغيرك ،، وخوفك عليه بجد من قلبك ،،
وطبعا مش هتقدر توصّل للناس الإحساس ده غير لما يكون فعلا طالع من قلبك ..
لأن إللي بيطلع من القلب بيوصل للقلب بسرعة ،،
وهو ده بقي إللي كان بيعمله رسول الله ﷺ ❤️
النبي ﷺ بعد ما سيدنا جبريل عليه السلام بلغه أمر ربنا فلازم ينفذ كلام ربنا فوراً ،،
ويوصل الرسالة لكل الناس ،،
المشكلة بقى إن النبي ﷺ كان عايش في بلد كل أهلها بيعبدوا الأصنام ،،
طبعا مكنوش بيؤمنوا بحاجة اسمها إن في يوم قيامة ولا جنة ولا نار ،،
هما عايشين بس حياتهم الدنيا ملهمش دعوة بالآخرة
..
ويعملوا إللي هما عايزينه ويموتوا وخلاص شكراً انتهى الموضوع ،،
مجتمع كله شرك وكفر و فاسد !!
فالنبي ﷺ دلوقتي مطلوب منه إنه يوصل الرسالة في المجتمع الفاسد اللي كله كفر وشرك دة !!
النبي ﷺ كان لوحده ،، مش معاه اي حد نهائي ،،
فمينفعش كده فجأة يطلع لمجتمع كافر كله و يقول يا ناس أنا رسول !!
طبيعي محدش هيصدقه ،، وهيسخروا منه ،، وهيشوفوه مجنون ،، وهيؤذوه جداً !
تخيل كدة لما واحد بيتكلم في الدين والحلال والحرام في وسط ناس لا يفقهوا حاجة في الدين بيتعمل فيه إيه ،،
دة بيحسسوه إنه من الكفار وبينزلوا تريقة عليه ويشتموه ودة شخص معقد وووووو ،، مع أن هو اللي معاه الحق !
و دة كدة في زماننا إحنا ،،
يبقي في زمن النبي ﷺ كان هيحصل إيه !؟
فالنبي ﷺ كان لازم عشان يوصل رسالته للناس كلها ،، يختار الاول أشخاص بيثق فيهم ،، وهما كمان بيثقوا فيه ،،
عشان لما يقولهم إنه رسول هيصدقوه ،،
عشان يكلمهم في أمر الإسلام،، فيساعدوه ويقفوا جنبه ،،
مين بقى الأشخاص دووول !؟
أول واحدة زوجته " السيدة خديجة " اللي كانت دايما بتعينه على فعل الخير ..
فراح النبي ﷺ و قالها إن هو رسول من رب العالمين ،، أرسله للناس عشان يدعوهم لعبادة الله وحده ،،
وإنهم يتركوا عبادة الأصنام ،،
فالسيدة خديجة صدقته و آمنت به على طول!
وكان فيه طفل صغير عمره عشر سنوات اسمه " علي " ،،
كان بيحب سيدنا محمد ﷺ ،،
لأنه تربي علي يد رسول الله ﷺ ،، فشاف من أخلاقه إللي خلاه يحبه حب أكثر من حبه لأبيه،،
علي كان عايش مع رسول الله ﷺ في بيته ،، وده كان بسبب إن أبوه راجل فقير ،، فأخده النبي ﷺ عشان يخفف عن أبوه ويربي علي ويعيش معاه ،،
" علي دة يبقي "سيدنا علي بن ابي طالب رضي الله عنه ، إبن عم الرسول ﷺ ،،
وكان أول من آمن بالنبي ﷺ من الصبيان ،، سيدنا علي بن أبي طالب ،،
في شخص تاني عايش مع رسول الله ﷺ في بيته ،،
هو " زيد بن حارثة "،،
النبي ﷺ اتبناه بعد ما كان من العبيد ،،
زيد بن حارثة كان بيحب رسول الله ﷺ وكان بيثق فيه ،،
فأول ما النبي ﷺ وقاله قاله انه رسول من رب العالمين ،،
فآمن بيه زيد بن حارثة علي طول ،،
وكان عمره أربعة وثلاثين سنة ،،
سيدنا محمد كان ليه واحد صاحبه بيحبه اوي اوي اسمه " عبد الله بن عثمان " أو " عبد الله بن أبي قحافة " أو
أبو بكر الصديق " رضي الله عنه.
سيدنا أبو بكر أصغر من رسول الله ﷺ بسنتين ونص تقريبا،،
ومكنش بيعبد الأصنام زي قومه ،،
هو كان دائماً بيقعد ويتفكر في الكون ،،
إزاي حجارة لا تسمع ولا ترى تكون إله ،، فمكنش مقتنع بها أصلا ،،
فأبو بكر لم يسجد لصنم أبداً ،،
سيدنا أبو بكر عارف طبعاً إن سيدنا محمد ﷺ " الصادق الأمين " ،، لأنه كان صاحب عمره ،،
وطبعا كان بيحبه لأنه كان شبهه ،،
يعني هم الإثنين مكنوش بيعبدوا الأصنام ،، ومكنوش بيشربوا الخمر ،، كانوا كرماء ،،
كان بينهم توافق كبير جدا ،،
طبعاً سيدنا أبو بكر عارف إن سيدنا محمد ﷺ عمره ما قال غير الصدق ،،
فأول ما النبي ﷺ قالوا إنه رسول ،، فآمن به علي طول ،،
آمن من غير ما يسأله عن اي تفاصيل ولا حتى أي حاجة ..
أنا رسول ..أنت رسول علي طول كدة ،،
ماهو مش لسه هيعرفه النهاردة ،، ده طول عمرهم مع بعض وهم الإثنين فاهمين بعض كويس ،،
فكان أول راجل يآمن بسيدنا محمد ﷺ ..
أبو بكر الصديق أول ما آمن بالنبي ﷺ. وأسلم عمل حاجة غريبة جداً !!!!
ياتري عمل ايه !؟
❤️❤️❤️❤️❤️صلوا على النبي ❤️❤️❤️❤️❤️
تفتكر إنت عندك معلومات في الدين أكتر !؟
ولا أبو بكر الصديق أول ما أسلم معلوماته عن الدين كانت أكتر ؟؟!
= أكيد أبو بكر الصديق طبعاً !!!!!
لأ مش أبو بكر الصديق بقي ،،
أحب أقولك انك انت اللي معلوماتك أكتر 😊
أبو بكر الصديق رضي الله عنه وأرضاه ،،
لما دخل الإسلام مكنش يعرف أي حاجة عن الدين ،،
مكنش يعرف أي حاجة نهااااائي !! بمعني الكلمة ،،
لكن أول ما النبي ﷺ عرض عليه إنه يدخل الإسلام :
من غير تفكير ،، ولا تردد ،، وبكل إيمان قال :
أشهد أن لا إله إلا الله ،! وأشهد أنك رسول الله ،،
وقعد مع النبي ﷺ أسبوع واحد بس! ، يتعلم حاجات عن الإسلام ،،
اتعلم إن في جنة ،، وفي نار ،، وفي يوم القيامة ،، !
هي دي كل معلوماته عن الدين تخيل !! 😊
شوفت بقي إن معلوماتك أكتر من معلوماته !!
= طب انت ليه مش زي أبو بكر ؟؟
لأن معلوماتك اللي عندك دي كلها انت مش حاسسها !
لكن أبو بكر الصديق كان حاسسها ومؤمن بيها وبيعمل بيها ،،
دة من كتر إحساسه وإيمانه وحبه للدين ،، في أول أسبوع ليه في الإسلام ،،!
أسلم علي أيده ستة من العشر المبشرين بالجنة ،،❤
= مين هما !؟
أبو عبيدة بن الجراح ،،
طلحة بن عبيد الله ،،
الزبير بن العوام ،،
سعد بن أبي وقاص ،،
عثمان بن عفان ،،
عبد الرحمن بن عوف ،،
هو مجرد ما عرف الصح اتحرك على طول وكأن رسالة الإسلام دي بتاعته هو ،،
كان له أصحاب بيحبهم وبيحبوه وبيثق فيهم ،،
راح لهم وقالهم على رسالة الإسلام وقعد يدعوهم لحد ما أسلموا ،،
هو كان بيسارع إنه يكون سبب في هداية الناس ، كان زي ما بيحب الخير لنفسه يحبه لأصحابه ،،
ومش بس أصحابه ،، لأ وكمان أهل بيته ،،
أول ما أسلم دعا زوجته أم رومان للإسلام ،، فأسلمت وأسلم كل أبناء أبو بكر الصديق ما عدا ابنه الكبير عبد الرحمن ،، ودة هيدخل الإسلام لكن مؤخراً ،،
= طب هو بيخليهم يدخلوا الإسلام كدة من غير ما يوديهم للرسول ﷺ !؟
كان بيأخذهم لرسول الله ﷺ بعد ما هو يدعوهم للإسلام ،، عشان النبي ﷺ يعرفهم بقي أكثر على الإسلام ،،
= وازاي هما كانوا بيقتنعوا بكلام أبو بكر بسرعة !؟
لأن أبو بكر كان لين و بسيط وسهل وأسلوبه مُقنع ،،
كان تاجر أخلاقه عالية جداً ،، و صادق وكريم ورحيم ،،
كان بيديهم أكثر ما بياخد منهم ،،
عمره ما طعن في نسب حد من الناس ،،
متواضع وعمره ما اتكبر على حد ،،
ودة اللي قالوا طلحة بن عبيد الله 👆 ،،
طبيعي جداً واحد بالاخلاق دي الناس تحبه وتثق فيه جداً كمان ،،
بدأ النبي ﷺ يدعو الناس للإسلام في السر ،،
من أول يوم من البعثة بعد فتور الوحي ونزول سورة المدثر ، نزلت أول آيات سورة المزمل ،،
عشان تأمر رسول الله ﷺ بالصلاة:
"يَا أَيُّهَا الْمُزَّمِّلُ. قُمِ اللَّيْلَ إِلاَّ قَلِيلا. نِصْفَهُ أَوِ انقُصْ مِنْهُ قَلِيلا. أَوْ زِدْ عَلَيْهِ وَرَتِّلِ الْقُرْآنَ تَرْتِيلا"
فالنبي ﷺ اختار ناس معينة وكان بيقولهم:
إن الكون ده له إله واحد هو الخالق ،، وهو الرازق ،، والمحيي والمميت ليس له شريك ،،
وهو أرسلني عشان أوضح لكم إزاي تعبدوه ،،
اللي بيأمركم بالصلاة والزكاة والصيام وصلة الأرحام والصدق والعفاف ،،
وفي أول سنة من البعثة كانت صلاة الليل فرض ،،
يعني كانوا بيصلوا قيام الليل ركعتين قبل طلوع الشمس ،،
و بيصلوا ركعتين قبل غروب الشمس ،،
" وَسَبِّحْ بِحَمْدِ رَبِّكَ قَبْلَ طُلُوعِ الشَّمْسِ وَقَبْلَ الْغُرُوبِ"
طبعاً الصلاة كانت مختلفة عن الصلاة بتاعتنا دلوقتي!!
فكان أي بيدخل الاسلام في السنة الأولى كان يجب عليه الصلاة فوراً ،،
وفضل النبي ﷺ يدعو هو وأصحابه بين أهل مكة في السر لمدة ثلاث سنين ،،
= طب مين دخل الإسلام خلال الثلاث سنوات من البعثة !؟
أسلم حوالي ستون رجل وامرأة ،،
كان من إللي أسلموا بقي :
بلال بن رباح ،،
وسمية ،،
وزوجها ياسر بن عامر ،،
وابنهما عماربن ياسر ،،
خلال الثلاث سنوات دول بقي أهل مكة شافوا رسول الله ﷺ وهو بيصلي ،، وشافوا المسلمين كمان وهما بيصلوا ،،
ياتري هيعملوا ايه !!؟
💢 💢 💢 💢 💢 💢 💢 💢 💢 💢 💢 💢
