السيرة النبوية الجزء الثامن
هاهاهاهاها ،،
شوف محمد بن عبدالله بيصلي إزاي !!! ،،
هاهاهاهاها ،،
بصوا إحنا هنتريق عليه ونستهزء بيه أول ما نشوفه ،تمام !؟
= تمام !!
بس طالما ماقربش من الآلهة بتاعتنا خلاص مش هنؤذيه ، تمام !؟
= تمام !!
أول ثلاث سنين من البعثة ،، كانت الدعوة سرية ،،
خلال الثلاث سنين دول ، أهل قريش كانوا بيشوفوا النبي ﷺ وهو بيصلي ،،
فيفضلوا يتغامزوا ويضحكوا ويسخروا منه !!
لانهم كانوا مفكرين إن النبي ﷺ ماشي علي نفس منهج ورقة بن نوفل ،، وأمية بن أبى الصلت ، وقص بن ساعده ،،
ماكنوش يعرفوا إن رسالة الإسلام دي ، رسالة جديدة ،،
فكان موقفهم الاستهزاء والسخرية ،،
لكن محدش كان يقدر يقرب للنبي ﷺ
ليه !؟
= لأنه طالما هو في حاله ومش بيتكلم علي الالهه بتاعتهم ،، ولا بيدعوا الناس إنهم يعبدوا إله غير الأصنام ، ف خلاص هو حر ومحدش هيجي جنبه ،،
فضل النبي ﷺ مستمر في الدعوة السرية ،،
وكل واحد دخل الإسلام ،، كان برضو بيدعو الناس القريبة منه ،، وطبعاً لازم يكون واثق فيه ،،
فأسلم على أيد كل واحد " جماعة من الصحابة " ،،
ودول اللي ربنا عزوجل قال إنهم من الاوائل السابقين الأولين ،،
{والسابقون الأَولون مِن المهاجرين والأنصار والذين اتبعوهم بإحسان رضي الله عنهم ورضُوا عنه} التوبة
الدايرة كبرت ،، مبقوش واحد ولا اتنين اللي دخلوا الإسلام ،،
فكدة النبي ﷺ محتاج مكان يعلم فيه المسلمين الإسلام،،
بس برضو مينفعش يجهر بالدعوة ،،
أولا لسه ربنا مأمرهوش بجهر الدعوة ،،
وثانياً مش هينفع يطلع يقعد وسط أهل مكة كده ويعلمهم،
المسلمين كده هيتعرفوا!!
وممكن يقتلوهم !!
فلازم يختار مكان ويعلم المسلمين الإسلام في السر ،،
ويكون المكان دة ،، هو المكان اللي هيتجمعوا فيه دايما ،،
طبعاً النبي ﷺ كان حكيم جداً وذكي ،،
فإختار بيت أنسب واحد ينفع إنه يعلم فيه المسلمين من غير ما أهل مكة يشكوا فيه ابداً ،،
ميييين بقي !؟
= الأرقم ،،
الأرقم هو بن أبي الأرقم إللي أسلم على يد سيدنا أبي بكر الصديق ،،
طب اشمعني الأرقم اللي النبي ﷺ اختاره !؟
عشان كذا سبب :
= أولاً : الأرقم كان عنده ١٣ سنة ،، يعني صغير جداً !!
ماهو أصل مين دة اللي يفكر إن النبي ﷺ وأصحابه مجتمعين في بيت طفل 🤭
= ثانياً : إن بيت الأرقم كان بعيد عن مكة ،، فمحدش هياخد باله من اللي داخل وخارج !
= ثالثاً : الأرقم كان من قبيلة بني مخزوم ،،
والقبيلة دي كانت منافسة مع بني هاشم ،،
اللي هي قبيلة النبي ﷺ
فمستحيل يخطر علي بالهم إن محمد بن عبدالله يكون في بيت واحد من بني مخزوم!!!
= طب ليه الدعوة مكنتش في بيت النبي ﷺ نفسه !؟
مينفعش طبعاً ،، دة مجرد ما أهل مكة يعرفوا إنه النبي وكمان بيدعوا في بيته ،، فهيكون سهل جداً عليهم إنهم يقتلوه !
= طب و ليه النبي ﷺ مختارش صاحبه مثلاً أبو بكر الصديق !؟
لأن هيكون مشكوك فيه وهيتوقعوا بسرعة إن الدعوة تكون في بيته ماهو صاحبه بقي ،،
فكان دار الأرقم هو مدرسة النبوة الأولى ،،
ـ النبي ﷺ اتبع منهج فريد جداً فى بناء الصحابة اللي هيكونوا بعد كدة حاملين دعوة الإسلام ،،
فكان لازم الاول يصححلهم المفاهيم الخاطئة اللي عندهم ،،
عمل إيه!؟
صححلهم التصورات الخاطئة عن ربنا عزوجل ،، وعن الكون ،،وعن وظيفة كل واحد ربنا خلقه ،،
النبي ﷺ كان بيربي الصحابة على معرفة ربهم ومعبودهم الحق، ،
كان بيربيهم على معرفة أسمائه وصفاته،،
و على معرفة إيه هو حق الله عزوجل عليهم ،،
كيان بيربيهم علي إنهم يؤمنوا إن في حساب ،، وفي جزاء ،، وفي اليوم الآخر ،،
وفي جنة ونار ،،
وفي ملائكة والأنبياء والكتب ،،
لازم يؤمنوا بكل دة ،، كان بيربيهم وبيرسخ في عقولهم التوحيد ،،
النبي ﷺ كان بيربيهم على الفهم الصحيح بالقضاء والقدر وأثره فى القلب والنفس وحياة الأمة كلها بعد كدة ،،
رباهم على تعظيم أوامر ربنا عزوجل ،، وانهم يستجيبوا لأوامر ربنا فوراً،،،
فكان بيربيهم ويعرفهم إن الأصل فى الإنسان هو التوحيد والفطرة ،،
رباهم على تزكية أخلاقهم ،، وتأديب نفوسهم ،، وتطهير قلوبهم ،،
فكان تلاميذ مدرسة النبوة الأولى ،، في " دار الأرقم " ،،
هم أعظم رجال الإسلام،،
وبناء الأمة وحمايتها ،،
وصفوة المسلمين ،،
وخلاصة المؤمنين ،، ❤️
❤️❤️❤️❤️❤️صلوا على النبي ❤️❤️❤️❤️❤️
الدنيا مش بتقف على موت حد !
في ناس لما بيموت حد قريب منها ، تقعد تقول والعياذ بالله ،،
ليه يارب اديتهولي من الأول لما أنت هتاخده مني تاني!!
ليه يارب تعلقني بيه من البداية!!
ليه يارب يموت دلوقتي كنت سيبه معايا شوية !
ودة إسمه اعتراض وعدم رضا على قضاء الله ،،
النبي ﷺ كان من ابناؤه " القاسم " ،،
والقاسم مات وهو صغير ،،
وبعدها ربنا رزق سيدنا محمد ﷺ بزينب ،،ورقيه.. وأم كلثوم ،، ،، وفاطمة ،،
لما مات القاسم متبقاش غير البنات ،،
يقال إن النبي ﷺ ربنا رزقه في السنة الأولى من البعثة في الدعوة السرية بولد " وسماه عبد الله "..
** في علماء قالوا إنه اتولد قبل البعثة وعلماء قالوا اتولد بعد البعثة ! **
النبي ﷺ فرح أوي إنه رُزق بولد تاني من السيدة خديجة ،،
ومرت الأيام ومات عبد الله ،،
مات وهو صغير!!
النبي ﷺ لم يعترض علي قضاء الله ورضي ،، وكمّل حياته في الدعوة إلى الله ،،
ودي رسالة لينا من ربنا بيقول لنا :
إن النبي ﷺ بشر زينا وأولاده الصبيان بيموتوا وهما صغيرين ،،
كان بيزعل ويحزن زينا ،، لكن مكنش بيوقف حياته ،، كان بيقوم ويكمل دعوته إلي الله ،،
يعني الحياة بتمشي ،، مش نهاية الكون ،،
من حق الإنسان يحزن ،، لكن ميخليش الحزن ده يوقّف حياته 😊
فضل النبي ﷺ يدعو الناس إلى الله في السر ثلاث
سنين ،،
لحد ما جاله تاني سيدنا جبريل عليه السلام ،، وبلغه بأمر الجهر بالدعوة ،،
قاله لازم تعرف كل الناس انك النبي ،، لازم الكل يعرف ..
وطبعاً بداية الجهر بالدعوة لازم برضو تبتدي بالأهل والاقربين ،،
ليه !؟
لأن لو آمن الأهل هيكونوا سند له ويحموه من أي مخاطر ممكن يتعرض لها ،،
"وأنذر عشِيرتَك الأقربين" ،،
فسيدنا محمد ﷺ جمع كل قرايبه وأهله وقبل ما يتكلم قال :
"الحمد لله أحمده وأستعينه وأؤمن به وأتوكل عليه، وأشهد أن لا إله إلا الله وحده لا شريك له" ،،
قرايبه طبعاً قاعدين في ذهول !!! متنحين من الكلام 😳
وحده لا شريك له ،،
أمال فين اللات والعزى ومناة وباقي الآلهة !!!
فالنبي ﷺ كمل كلامه وقال:
"إن الرائد لا يكذب أهله ،، والله الذي لا إله إلا هو إني رسول الله إليكم خاصة وإلى الناس عامة ،، والله لتموتن كما تنامون ،، ولتُبعثن كما تستيقظون ،،
ولتحاسبُن بما تعملون ،، وإنها الجنة أبدا أو النار أبدا"..
يعني انتوا قرايبي واهلي وعارفين ان عمري ما قولت غير الصدق ،،
انا ربنا اختارني ان أكون النبي ، اللي هيعلمكم ويعلم كل الناس ..
وان ربنا وحده هو اللي خالقنا ..ومينفعش نعبد حد تاني غير ربنا ..
واللي هيعمل خير ويطيع ربنا ويسمع كلامه هيدخل الجنة ،، واللي هيعبد اى حاجة تانية هيدخل النار ..
وهتموتوا وهتُبعثوا ،،
وهتتحاسبوا على أعمالكم وعلى حسب أعمالكم يا إما جنة أبدا أو نار أبدا ،،
فأهله سكتوا وقعدوا يفكروا في كلامه ،، إلا واحد من اهل سيدنا محمد ...!!!
عمه ،، عمه أبو لهب 😈
أبو لهب قال للنبي ﷺ :
أنا بقول لك قصاد أعمامك وأولاد أعمامك، سيبك من الكلام إللي إنت بتقوله ده، احنا مش هنقدر نواجه الناس،،
محدش يسمع كلامه ولا يساعده !!
ولو حامتوه او ساعدتوه ، الناس كلها هتحاربكم وهتموتكم .!
فالنبي ﷺ سكت ومردش ،،
عمه التاني أبو طالب إللي كان مربي النبي ﷺ وبيحبه ،،
قال لأبو لهب :
.. لأ !!! انا هقف مع محمد وهساعده ومش هخلي اي حد يأذية او يضايقه .. وهدافع عنه طول ماانا عايش !
بس للاسف أبو طالب رغم إنه عرف إن محمد بقي نبي الله وعارف إنه صادق لكن برضو لم يؤمن به !!
ليه!!؟
لأن ميقدرش يسيب دين أباه !!
سيدنا محمد ﷺ كدة قال لأهله كلهم ،، بس لسه مقالش لأهل مكة ..
ففي يوم من الأيام خرج رسول الله ﷺ من بيته،،
وراح عند جبل الصفا وطلع عليه ،، ونادي علي الناس بأعلي صوته ،،
يااا بني فهر..
.يااا بني عدي..
.يااا بني هاشم..
فالناس كلها اللي في مكة اتجمعوا حوالين الجبل !!
أول ما الناس اتجمعت قالهم :
لو قلت لكم إن في جيش خلف الوادي ده جاي يهجم عليكم ...هل هتصدقوني؟
قالوا : طبعا أنت عايش طول عمرك معانا ،، احنا منعرفش عنك إلا الصدق وعمرك ما كذبت،،
فقال لهم :
ربنا اختارني أكون الرسول ، عشان أقول لكل الناس انهم يعبدوا ربنا وحده بس ..
واللي هيعبد ربنا هيدخل الجنة ،،
واللي هيعبد الأصنام اللي مش بتسمع ولا بتتكلم ولا بتفهم ، أو هيعبد اى حاجة تانية هيدخل النار ،،
الناس فضلوا يفكروا في كلام النبي ﷺ ،، إلا واحد بس !!!!
ياتري مين هو ؟؟
