السيرة النبوية الجزء التاسع
متصدقهوووووش !!!
ده كاذب !!
ده مجنون !!
متخلهوش يبعدكم عن دين آباءكم وأجدادكم!!
أنا من أهله ، وأنا أعلم الناس به !!
= مين دة اللي بيقول كدة !!!؟
أبو لهب ..😈
أبو لهب قال كدة لما النبي ﷺ لما طلع على جبل الصفا وقعد ينادي أهل مكة الناس ويقول لهم إنه رسول من عند الله ،،
فأبو لهب بص لسيدنا محمد ﷺ وقاله " تباً لك " !!!!
هتخسر وهتموت يا محمد !!
فطبعاً أبو لهب بما إنه جبان وخايف من أهل مكة ،، ففضل يدعو الناس ويقولهم متصدقوش محمد ،، دة كاذب ،، دة مجنون ،، دة عايز يخليكم تبعدوا عن دين آباءكم !!!
و النبي ﷺ ميردش ،،
فربنا أنزل الآيات :
"تبَّتْ يَدَا أَبِي لَهَبٍ وَتَبَّ ،، مَا أَغْنَى عَنْهُ مَالُهُ وَمَا كَسَبَ ،، سَيَصْلَى نَارًا ذَاتَ لَهَبٍ" ..
" أبو لهب هو اللي هيخسر وهيموت ، وهيموت كافر كمان وهيدخل النار " ..
أبو لهب كان عنده ولدين واحد إسمه عتبة ،، والتاني إسمه عُتَيبة ،،
وكانوا متزوجين من بنات النبي ﷺ ،،
واحد متزوج رقية ،،
والتاني متزوج أم كلثوم ،،
لما سمع أبو لهب الآيات إللي نزلت فيه راح لأولاده الإثنين ،،
راح وقالهم :
انتوا لو مطلقتوش بنات محمد لا أعرفكم ولا تعرفوني!!!
هما الإثنين طلقوا بنات رسول الله ﷺ ،،
مرات أبو لهب بقي ، هي كمان كانت شبه أبو لهب كدة 😈 اسمها " أم جميل " ،،
اول ما عرفت بالآيات بتقول علي أبو لهب هو اللي هيخسر ويدخل النار ،،
راحت جابت طوبة كبيرة اوي وعايزة ترميها علي النبي ﷺ
سيدنا محمد كان قاعد عند الكعبة مع " سيدنا أبو بكر " ،،
جت مرات أبو لهب ،، بتدور علي النبي ﷺ عشان تحدفه بالطوب ،،
سيدنا أبو بكر كان قلقان علي النبي ﷺ
لكن النبي ﷺ طمنه و قاله متخافش ربنا هيحفظنا ويحمينا ،،
مرات أبو لهب راحت عند سيدنا أبو بكر قالتله :
فين محمد ..!!!! فين محمد !!!!
سيدنا أبو بكر استغرب اوي ..! ماهو النبي ﷺ قاعد جنبه ،،
فربنا أنزل الآيات :
"وَامْرَأَتُهُ حَمَّالَةَ الْحَطَبِ۩فِي جِيدِهَا حَبْلٌ مِّن مَّسَد"
كمل النبي ﷺ دعوته إلي الله ،،
ربنا أمر رسوله بحاجتين:
"فَاصْدَعْ بِمَا تُؤْمَرُ وَأَعْرِضْ عَنِ الْمُشْرِكِينَ"
ربنا أمر النبي ﷺ إنه يبلغ الدعوة ،، وفي نفس الوقت لا يقاتل ولا يحارب ولا يهتم باللي المشركين هيعملوه ..
كان فيه ناس بقي بتعبد الأصنام ،، سمعوا كلام النبي ﷺ وصدقوه ، وأسلموا ،،
لكن باقي أهل مكة بقوا متضايقين اوي !!!
لأن فيه ناس بتصدق كلام النبي ﷺ ،،
لكن طبعاً محدش كان يقدر يقرب للنبي ﷺ ولا يقتله لأنه كان في حماية عمه أبو طالب ،،
لأن أبو طالب شخص قوي ،، والناس بتحترمه و بتعمل له ألف حساب،،
المشركين في مكة مش قادرين يوقفوا رسول الله ﷺ عن الدعوة،،
وهو مستمر في الدعوة برضو ليل ونهار ،،
فقعدوا يفكروا في خطط عشان يقضوا علي الدين ،،
قعدوا يفكروا يعملوا إيه ،، يعملوا إيه ،،
ماهو كدة الناس هتيجي كمان من برة مكة وتصدق كلام النبي ﷺ
ف واحد منهم قال : أنا عندي فكرة ،،
إحنا نروح للي بينصر النبي ﷺ وبيدافع عنه ،، ونخليه يوقف عن دفاعه وحمايته له ،،
فكلهم وافقوا علي الفكرة ،،
فاجتمعوا ناس من المشركين وراحوا لأبو طالب قالوله :
شوف يا أبو طالب لو محمد بن عبدالله عايز يعبد ربه ، خلاص يروح يعبده بعيد عننا ،، بلاش يأذينا في الأماكن اللي بنتجمع فيها !!
إنت قوله إنه ميجيش عندنا ويبعد عننا!!
فراح أبو طالب للنبي ﷺ وقاله:
إن قومك اشتكوا منك ،، وبيقولوا إنك بتروح مجالسهم وبتؤذيهم ،،
فبلاش تروح عندهم ،،
فالنبي ﷺ قال : شايفين الشمس؟
فكل الموجودين قالوا : أه
فقال ﷺ :
"ما أنا بأقدر أن أدع ذلك منكم أن تشعلوا منها شعلة"..
زي ما انتم كدة متقدروش تشعلوا من الشمس شعلة أنا كمان مقدرش أسيب الدين ده ،، ومقدرش مدعوش لدين الله ،،
فأبو طالب اتأثر أوي بكلام النبي ﷺ وراح قايل لهم:
والله محمد لا يكذب أبدا،، و أنا هفضل أدافع عنه،،
فكدة الخطة فشلت 🤭
فقالوا خلاص إحنا نفكر في فكرة تانية ،،
فواحد منهم قال خلاص إحنا نتكلم معاه يمكن نقنعه ،،
فوافقوا كلهم علي الفكرة ،،
واختاروا عتبة بن ربيعة عشان يتكلم رسول الله ﷺ
لأنه سيد من سادات مكة ..
قاله: يا محمد !
إنت عارف مكانتك إيه بيننا ، ونسبك إيه في مكة، وإنت جيت بأمر عظيم فرقت به بيننا ،
وسبيت في آلهتنا وديننا وكفّرت آباءنا وأجدادنا،،
ف لو إنت عامل القلق ده كله عشان محتاج فلوس ،
قول واحنا هنجمع لك فلوس لحد ما تكون إنت أكثر الناس مالا،،
ولو إنت عايز شرف هنخليك سيد مكة،،
ومش هناخد قرار غير لما نرجع لك،،
ولو إنت عايز مُلك ،،
هنخليك ملك مكة تحكم زي مانت عايز ،،
ولو اللي بيجيلك ده من الجن و هو إللي بيخليك تقول الكلام ده ،، هنجيب لك أحسن الأطباء حتى لو دفعنا كل ما نملك لحد ما تخف،،
النبي ﷺ فضل ساكت ساكت ساكت وبعدين بدأ يقرأ القرآن :..
"حم ،،تَنْزِيلٌ مِنَ الرَّحْمَنِ الرَّحِيمِ ،،كِتَابٌ فُصِّلَتْ آيَاتُهُ قُرْآنًا عَرَبِيًّا لِقَوْمٍ يَعْلَمُونَ ،، بَشِيرًا وَنَذِيرًا فَأَعْرَضَ أَكْثَرُهُمْ فَهُمْ لَا يَسْمَعُونَ " ..
أول ما وصل النبي ﷺ عند آية:
"فَإِنْ أَعْرَضُوا فَقُلْ أَنْذَرْتُكُمْ صَاعِقَةً مِثْلَ صَاعِقَةِ عَادٍ وَثَمُودَ "،،
راح عتبة حط إيده على فم النبي ﷺ وقاله اييييييه يا تري !؟
❤️❤️❤️❤️❤️صلوا على النبي ❤️❤️❤️❤️❤️
أنا سمعت كلام عمري ما سمعت زيه في حياتي أبداً !!
والله ماهو كلام شعر ،،
ولا هو كلام سحر ،،
ولا كهانة ،،
= امال هو إيه !؟
هو القرآن ❤️
عتبة ابن ربيعة بعد ما راح للنبي ﷺ وعرض عليه شوية عروض في مقابل إنه يسيب الدعوة إلى الإسلام ،،
فالنبي ﷺ قرأ عليه القرآن من سورة فصلت ،،
وأول ما وصل النبي ﷺ الايات دي 👇
"فَإِنْ أَعْرَضُوا أَنْذَرْتُكُمْ صَاعِقَةً مِثْلَ صَاعِقَةِ عَادٍ وَثَمُودَ "..
ف عتبة قام حاطط إيده على فم رسول الله ﷺ وقاله :
ناشدتك الله والرحم ..ناشدتك الله والرّحم..
استحلفك بالله وبصلة الرحم إللي بينا متخليش ربنا يعمل فينا زي ما عمل في قوم عاد وثمود.!
فالنبي ﷺ كمل قراءة باقي السورة لحد ما وصل لأية السجدة وسجد ،،
وقال لعتبة: هذا ما عندي..
فقام عتبة ورجع لأصحابه عشان يبلغهم باللي حصل ،،
صحابه أول ماشافوه جاي عليهم لقوا وشه متغير!!
فسألوه إيه اللي حصل !!؟
قالهم أنا سمعت كلام عمري ما سمعت زيه في حياتي أبداً !!
والله ماهو كلام شعر ،،
ولا هو كلام سحر ،،
ولا كهانة ،،
طبعاً انتوا عارفين ان محمدا لو قال شيئا فهو لم يكذب ،، فوالله أنا خفت أن ينزل بكم العذاب ،،
فاسمعوا كلامي ،، سيبوا محمد يدعو الناس ومتقفوش في طريقه،،
ولو حصل والعرب قتلوه خلاص يبقى همّ كفوكم شره وخلصنا منه،،
ولو ظهر عليهم وانتصر فملكه ملكُكم ..لأنه من قريش وعزه عزكم،،
طبعاً أهل قريش معجبهمش الكلام دة !!
فقالوله والله محمد سحرك بكلامه يا أبا الوليد ،،
" أبا الوليد " دة كنية عتبة بن ربيعة ،،
= يعني علي كدة عتبة بن ربيعة دخل الإسلام !؟
لأ ،، على الرغم من إن عتبة عارف إن النبي ﷺ على حق لكنه برضو لم يؤمن به !!
فالخطة دى كمان فشلت 🤭
قالوا خلاص احنا لازم نشوف خطة تانية بقي بدل الاتنين اللي فشلوا ،،
قعدوا يفكروا نعمل ايه،، نعمل ايه 🤔
فواحد منهم قال بس ،، انا عندي فكرة ..
إحنا نشوة صورة محمد أصلا قدام الناس كلها ،، وساعتها محدش هيصدقه ،،،
إحنا هنقول إنه كاهن ،، ومجنون ،، وساحر ،،
اتفقنا ،،
اتفقنا طبعاً ،،
فكان قاعد معاهم ميين بقي !؟
" الوليد بن المغيرة " ..
فسألوه إيه رأيك يا أبا عبد شمس !؟
" أبا عبد شمس " كنية الوليد بن المغيرة..
قالهم انتوا عايزين رأيي !؟
أنا رأيي إن لقوله لحلاوة ..وإن عليه لطلاوة وإن أعلاه لمثمر وإن أسفله لمغدق وإنه ليعلُو ولا يُعلى عليه ،،
=ايه ،ازاي دة !!!!!
هو إنت في صفه ولا في صفنا!!!
هو أصلا الوليد بن المغيرة كان آمن بالنبي ﷺ !؟
لأ ،،
لكن الوليد بن المغيرة قبل كدة سمع النبي ﷺ وهو يتلو القرآن ،،
فهو مقدرش يمسك نفسه من إنه يقول إللي حس بيه،،
فهو بيقول إن القرآن بيجذب النفوس،، وبترتاح له الأرواح،،
فهو عارف دلوقتي إن القرآن ده فعلا مش من قول البشر،،
فأي كلام هيتقال ضد النبي ﷺ، الناس هتعرف إنه غير صحيح،،
"إِنَّهُ فَكَّرَ وَقَدَّرَ ،، فَقُتِلَ كَيْفَ قَدَّرَ ،، ثُمَّ قُتِلَ كَيْفَ قَدَّرَ ،، ثُمَّ نَظَرَ ،، ثُمَّ عَبَسَ وَبَسَرَ ،، ثُمَّ أَدْبَرَ وَاسْتَكْبَرَ ،،
فَقَالَ إِنْ هَذَا إِلَّا سِحْرٌ يُؤْثَرُ ،، إنْ هَذَا إِلَّا قَوْلُ الْبَشَرِ"..
=طب والعمل !؟
فقالهم أحسن حاجة نقول إنه ساحر ،،
فالكفار بقوا يقعدوا في الطريق واللي يدخل مكة يقولوله اوعي تكلم محمد !!
محمد دة ساحر ..
عايزكم تسيبوا الأصنام !!
دة عايز يفرق بينا وبينكم ،، اوعوا حد يسمع كلامه دة هيسحركم ،،
فأنزل الله عزوجل الآيات على النبي ﷺ تعرّفه إيه إللي بيحصل بالضبط:
"ذَرْنِي وَمَنْ خَلَقْتُ وَحِيدًا ،، وَجَعَلْتُ لَهُ مَالًا مَمْدُودًا ،، وَبَنِينَ شُهُودًا ،، وَمَهَّدْتُ لَهُ تَمْهِيدًا ،،ثُمَّ يَطْمَعُ أَنْ أَزِيدَ ،، كَلَّا إِنَّهُ كَانَ لِآَيَاتِنَا عَنِيدًا ،، سَأُرْهِقُهُ صَعُودًا "..
كانت الناس بقي تسمع كلام الكفار من هنا ،، ويروحوا يتكلموا مع النبي ﷺ،، فيعرفوا انه النبي ..
وانه مش ساحر ولا كذاب ،، فيآمنوا بيه ،،
الكفار اتغاظوا اوي ،،
وقالوا خلاص هنعمل فكرة تانية ..
فقعدوا يقولوا الكلام إللي محمد بيقوله ده هو إللي مؤلفه بمساعدة ناس تانية !!
"وَقَالَ الَّذِينَ كَفَرُوا إِنْ هَٰذَا إِلَّا إِفْكٌ افْتَرَاهُ وَأَعَانَهُ عَلَيْهِ قَوْمٌ آخَرُونَ"
فبرضو الناس لسه بتآمن بالنبي ﷺ ،،
طب نعمل ايه !!؟
ف يقولوا ده بيقول أساطير !!
فبرضو الناس متصدقش ،، ليه !؟
لأن النبي ﷺ مكنش بيعرف لا يقرأ ولا يكتب ،، يبقي إزاي هيقول أساطير 🤔
"وقَالُوا أَسَاطِيرُ الْأَوَّلِينَ اكْتَتَبَهَا فَهِيَ تُمْلَىٰ عَلَيْهِ بُكْرَةً وَأَصِيلًا "
طب نعمل ايه تاني !!؟
قالوا خلاص إحنا نقول إن إللي بيعلم النبي ﷺ القرآن غلام نصراني،،
"وَلَقَدْ نَعْلَمُ أَنَّهُمْ يَقُولُونَ إِنَّمَا يُعَلِّمُهُ بَشَرٌ ۗ لِّسَانُ الَّذِي يُلْحِدُونَ إِلَيْهِ أَعْجَمِيٌّ وَهَٰذَا لِسَانٌ عَرَبِيٌّ مُّبِينٌ "
طبعاً مش كل الناس كانت بتصدق كلامهم ،،
في بيقتنعوا رغم كل الأدلة اللي بتقول إنهم كدابين وبيفتروا علي النبي ﷺ ،،
وفي مش بيقتنعوا ويروحوا يتكلموا مع النبي ﷺ ويآمنوا به ،،
الكفار اتغاظوا اوي برضو ،،
وقالوا خلاص نعمل خطط تانية ..
احنا هنفضل نضايق ف محمد ونشتمه !!!
ونشتم المؤمنين 😠
ونفضل نتريق عليهم لحد ما يعبدوا الأصنام تاني !!!
فبقوا أول ما يشوفوا حد مؤمن وفقير .. يفضلوا يتريقوا عليه عشان هو فقير !!
طبعاً النبي ﷺ كان بيضايق ويحزن جداً ..
فالله عزوجل أنزل الآيات 👇
وَلَقَدْ نَعْلَمُ أَنَّكَ يَضِيقُ صَدْرُكَ بِمَا يَقُولُونَ ،، فَسَبِّحْ بِحَمْدِ رَبِّكَ وَكُن مِّنَ السَّاجِدِينَ ،، وَاعْبُدْ رَبَّكَ حَتَّى يَأْتِيَكَ الْيَقِينُ ،،
يعني لما تضايق سبح ربنا وقول " سبحان الله ... سبحان الله "
واسجد لربنا وصلي ..
وهخلي كل الحزن يروح من قلبك .. وهخليك تنتصر عليهم ❤️
كانت خطط أهل قريش بتفشل ،، ومش عارفين يعملوا إيه تاني بقي عشان ميخلوش حد يدخل الإسلام ،، ويتبع دين جديد غير دين آباءهم !!
فواحد منهم قال أنا عندي فكرة فظيعة ،، هتخلي الناس تبعد عن النبي ﷺ ..
إحنا نخلي الناس متسمعش قرآن وتسمع أغاني 😈
وهو واحد بس اللي هيقدر يخلي الناس تسمع أغاني ،،
مين هو ياتري !!!!؟
💢 💢 💢 💢 💢 💢 💢 💢 💢 💢 💢 💢
