رواية ممنوعة من الحب الفصل الحادي عشر
وبعد وصول نور للمنزل ظلت تبكـي ، هي كانت تعلم أن الجامعه مليئه بالأختلاط
والمخالفات الشرعيه ، ولكنها لم تكن تتوقع إلي ذالك الحد
فـ ظل بكاءها يدخل خالد شقيقها الأكبر
خالد بعطف ولهفه" نور انتي بتعيطي ليه؟؟؟؟ مش المفروض النهارده اول يوم ليكي فـ الجامعه
نور بنبره حزينه" خالد أنا مش هروح الجامعه التاني.. أنا مش ضامنه نفسي ، أنا كنت مخدوعه فـ نفسي
بقول دايماً أنا قدها أنا الفتن مالهاش فـ قلبي مكان...بس إظاهر أن لأ وأن قلبي مش هيتحمل كمية الفتن
إللي بشوفها
أنا مش عاوزه أروح أنا خايفه خايفه أوي
خالد مبتسماً" أهلا بالكتكوته .أنتي من أول يوم وقلتي كده؟؟
طب اهدي كده وأسمعي كويس الكلام ده وأعي تنسيه أبداً
ممكن البنت تكون قبل الجامعه محترمه وعارفه كويسه ان الكلام مع الشباب
حرام وغير جائز شرعاً
وأول ماتدخل الجامعه تقول أنا بس هقوله فين الجدول
أنا بس هسأله عن معاد المحاضره
وبتبتدي بنظره بعدها باأبتسامه وبعدين سلام وكلام
وفـ الأخر بتوصل لمرحله أعوذ بالله مش كويسه
ده النوع الأؤل النوع التاني أنها أصلا بنت عادي بالنسبه ليها انها تكلم شاب
أو تتعامل معاه وضحك ولعب وسلام بالأيد
وبتوصل لأنها تروح ليه البيت بتاعه وهو يكلمها قدام أبوها وامها عادي
النوع التالت بقا دي بنت ملتزمه جداً
بس بتقول إيه أنا مش عاوزه أبقي معقده ، يعني عادي إني اكلم ولاد وأذكرهم بالله
أصلهم عاوزين حد ينصحهم.. ودي كلها مدخل من مداخل الشيطان
أخد رقمه أرن عليه الفجر وكده .. انا بقول عليهم التزام أستايل
النوع الأخير ده وهو أتمني إنك تبقي زيهم
دي بنات لابسه وش الخشب قدام الشباب
يعني إيه؟؟
يعني مفيش حاجه أسمها إزيك؟؟؟
مفيش حاجه أسمها أسأل ولد عن معاد محاضره طول ماعندي أصحابي بنات
أول مابتروح الجامعه بتكون شله هي وأصحابها بنات زيها
وبيبقي معروف عنهم كده دول البنات المحترمه إللي ف الكليه
الشباب طبعا مش هيسبوهم فـ حالهم إزاي مش بيتكلمو معانا ، هو إيه؟؟
وده حصل مع بنت معاي فـ الكليه
من يوم وهي مش بتتكلم مع حد فيهم
وعـ طول وشها فـ الأرض ومن المحضره للمحضره للبيت
تقريباً محدش يعرف عنها حاجه غير أسمها
ولاد من صاحبي راح يكلمها طبعا مشيت وسابته
ولد تاني لو سمحتي ولسه مكملش .. وشها فـ الأرض ومدتهوش فرصه يكمل
طلعو عليها أشاعه إنها معقده نفسياً وإنها محتاجه تتعالج
وكلام كتير أوي
عارفه لما الولاد عرفو إن مفيش مفر وإنها فعلاً مش هتكلم ولاد
مفيش ولد فـ الدفعه يانور غير وراح أتقدملها فـ بيتها
عارفه يعني إيه .. يعني الولاد هما بس بيبقو عاوزين يتكلمو مع البنت
وأول ما يتكلمو ويبقي فـ فرصه ‘نسي أنه يعبرها ولا يروح يتقدملها
نور" طب وزملتك دي أتخطبت لحد فيهم ياخالد؟؟
خالد" لأ... أصل شكلها كانت معجبه بيه ومستنياني أروح انا أصل أنا إللي فيهمانتي عارفه اخوكي مقطع السمكه
نور" انت جاي تهزر بقا ... بس أنا لو مكانها مكنتش هقبل باردو
إزاي ولد كلام بنات كتير كده
وفـ الأخر عاوز يجي يتقدملي.. يعني أفضل محافظه علي نفسي علشان ولد
تاني عاش حياته يجي يطلب إيدي
خالد" بس كده أنا أطمنت عليكي .. دوري علي صحاب زيك
من نفس تفكيرك .. ولما تلاقي بنت فـ نفس أخلاقك دي بقا
عرفيني عليها أختبارها الأؤل
نور ضاحكه" تختبرها.!! . خالد انت جاي هنا غلط أنا الحق عليه
إني باخد بنصحتك قال اختبارها قال
خالد" أومال إيه مش لازم أعرف شكل أقصدي أخلاق البنت إللي هتبقي
صحبت أختي
نور" أسكت ياخالد.. طب ملقتش حد زي؟
خالد" يبقي كده حاجه حلوة جدا ..لأنك هتبقي اتني الوحيده إللي ف الكليه
بالخلاق دي وهتتعرفي باخلاقك وبنات كتير هتغير منك وهيبقي نفسهم يبقو زيك
ها......... لسه مصممه متروحيش الجامعه؟؟
نور" ياااه ياخالد بجد أنا أرتحت كتير .. ربنا يخليك ليا يااحلي خالد فـ حياتي
خالد" نعم؟؟!! هو ف ـ كلم خالد فـ حياتك علشان أنا ابقي احلي خالد فـ حياتك
نور" أحسن الظن ياخالد.. هما عشرين خالد انت أفضلهم شوفت أنا محترمه إزاي
خالد" ونعم التربيه ...
يقبل خالد رأس نور بعد ان أستمرو فـ الضحك والمزاح
ويدعو الله لها إن يجعلها سالمه من الفتن....
تسعد نور وتشعر بإنه جبل من الهموم إنزاح عنها
تذهب لتفتح موقع التواصل الأجتماعي
وتكتب
هكذا هو الأخ .. يحنو علي اخته فـ الوقت الذي تحتاج فيه الحنان
يشعر بها .. بعض الأوقات تشعر الفتاه بإن الأخ هو العدو الأكبر
ولا تحكي معه ولكنها تفهم خطاء
الأخ هو الحبيب هو أقرب لكـي من أي شخض
خذي برأيه .. خذي منه نصيحه
لا تترددي فـ إن تجعلي أخوكي هو حبيبك الأول
تتصل بها ساره علي هاتفها
نور" سلام عليكم
ساره" وعليكم السلام..إيه يانور انت مش قلتي إنك هتيجي تتمشي معاي
علشان أحكيلك علي إللي حصلي
نور" معلش ياساره .. هحاول انزل بكره إن شاء الله
ساره" ده حتي دنيا وندي قدامي وسألتهم عليكي قالولي منعرفش حاجه
نور" هي ندي ودنيا لوحدهم؟؟
ساره" لأ واقفين مع ولاد كتير كده
انا قلت ااكيد انتي مش معاهم .. بس قلت أسأل عليكي وخلاص...
بصي بقا بكره هتسناكي هتصل بيكي ونتقابل
نور" حاضر ياساره.. وانتي خلي بالك من نفسك إنتي فـ وقر الشيطان
تنتهي المكالمه مع ساره
وتذهب نور لتصلي وبعدها تذهب لفراش نومها
وهـي تدعو الله فـ سرها دائماً.. اللهم وفقني اللهم أكتب لي الخير
تقضي نور باقي يومها فـ كتابه النصائح لباقي أصدقائها
ف المرحله الأولي من الجامعه
تحذرهم من الوقع فـ الخطاء
تحذرهم من خطوات الشيطان ومن أن يتغير حالهن
كأنها تريد أن تمسك بأذن كل فتاه لتخبرها بما فـ قلبها
تريد ان تخبرهم بمدي الفتن التي نعيش فيها
وفـ التالي بعد ان اتصلت بها ساره
ليتقابلا معاً فـ الجامعه
نزلت نور من منزلها وذهبت للجامعه
وبمجرد ذهاب نور للجامعه
كان قلبها قد أزدادت دقاته
وجسمها قد أرتعش
ووجها بدء فـ التغير... فقد رأت فـ اليوم الثاني عدد من الطلاب اكبر
والفتيات ممن قال عنهم الرسول" كاسيات عاريات "
إما الشباب فقد أستهانو بحرمات الله
فهذا شاب يمسك بيد فتاه
وتلك فتاه تجري وراء شاب
وشاب اخر يمزح ويضحك إمام مجموعه من الفتيات
وبنت تجلس فـ الحديقه وتسمع للغناء مع باقي أصدقائها وترقص
وصوتهن أصبح مسموع بشده وأصوات الضحك ترتفع
كل هذا تراه نور وهي لا تستطيع أن تتحمل
نور " انا مش هسمح لنفسي أفضل فـ مكان يعصي فيه الله
أنا مش عاوزه أفضل هنا.. أنا عاوزه أمشي
لكن سرعان ما تتذكر كلام خالد فتهدئ قليلاً
ساره تلوح لنور وتنادي عليها
ساره" إيه يانور واقفه مالك..حاسه إنك تايهه ليه؟؟؟
نور" مش عارفه ياساره تعبانه أوي
ساره" طب اهدي كده وتعالي نقعد ونشرب حاجه
نور" انتي لوحدك ياساره؟؟
ساره" لأ أتعرفت علي كام ولد من الكليه كنت قاعده معاهم ..بس سبتهم
علشان طبعا انتي مش هينفع تقعدي معاهم
نور" ساره عاوزه أسألك حاجه ؟؟
ساره" أتفضلي؟؟
نور" هو أنتي كده خلاص مش هتوبي ؟؟ يعني هتفضلي كده عـ طول؟؟
ساره" نور أنا تعبت والله يابنتي أنا أتخطبت غصب عني لوحد مش بحبه
بس الحمدلله سبته .. أنتي عارفه إني مش قادره أنسي أحمد
نور" أحمد بتاع أبتداءي؟؟؟
ساره" شوفتي بقا أحمد بتاع الأبتدائي والأعدادى
...... ممكن بقا أسألك سؤال انا
نور" اها قولي..
ساره"أنتي إزاي بقا مستحمله حياتك كده؟؟
إزاي عايشه حايتك من غير حُب ؟؟؟
عارفه هيجي عليكي يوم وتتخنقي.. فـ البلاد الأوربيه لما بيلاقو بنت
وصلت لمرحلة معينه من غير بوي فريند
بتروح لدكتور نفساني.. يعني أنتي دلوقتي مريضه بالنسبه ليهم
انتي بجد معقدها ع نفسك فكيها شويه
نور مبتسمه" ياااااه ياساره.أنتي إللي صعبانه عليه أوي
أيوه والله بجد صعابنه عليه...... أنتي فاكره إن متعه الحياه
موجوده فـ الكلام مع الشباب وبس!!
فاكره إني معقدها علي نفسي...
بالعكس أنا بعمل كل ده وفرحانه أأأأأوي
بقول الحمدلله
لأجلك ربي
أنا معنديش أستعداد ربنا ينظر إلي لو ثانيه
وانا بعمل معصيه
معنديش أستعداد أقلل من كرامتي
عارفه بعمل كل ده وانا فرحانه أوي
إني لسه علي العهد
ساعات لما بلاقي الفتن كترت قدامي بقول لنفسي
اصبري ، فطريق الجنة مليء بالصعوبات، فاثبتي واستعيني بالله،
بحس براحه أوي
ساره" بس أنتي فاهمه الدين غلط يانور ولله ..الدين يسر مش عسر
نور" بصي ياساره هقولك رد سمعته من الشيخ عجبني أوي
.دين الله جاء ليَحكم لا ليُحكم، وما كان الدين أبداً جاء ليُرضي أهواء الناس
، فقد نُصبت الجنة للطائعين الموحدين، وبرزت الجحيم للغاوين،
ونحن على يقين أن من يدخل الإسلام ويذوق طعم الإيمان يرى الدين أيسر ما يكون، فـ ذاق طعم الإيمان من
رضي بالله وبا وبالإسلام دينا وبـ محمدٍ -صلى الله عليه وسلم- نبياً ورسولا، فلا تنظري للأحكام والتكاليف الشرعية من منظور غير مسلم، ولكن ادخل دين الله الحق وآمن برسوله وجميع الرسل والأنبياء تنجو من الخلود في النار، فـ من عرف الله خافه، ومن خاف الله اتقاه، ومن اتقى الله دخل الجنة.
ساره" انا عاوزه أقولك من كل ده حاجه... شايفه أنتي مقتنعه إزاي باإللي انتي فيه
.أنا بقا مقتنعه بإإللي انا بعمله فهمتي يانور
نور" طب مالكافر شايف نفسه صح مقتنع بإللي بيعمله معني كده أنه صح؟؟!!
ساره فكـري شويه وبلاش تخلي للشطان مكانه
ساره وكأنها تريد ان تتهرب " ربنا يهديني يارب
وفجاءه ساره لنور" ألحقــــي يانور بصي مين هناك؟؟
