رواية ممنوعة من الحب الفصل الثالث عشر
من ممنوعه من الحب
خلود واقفه مع فارس
نور" ده بقا الأستاذ فارس إللي عامل نفسه فيها الشيخ فارس.. طب ماهو واقف أهو مع بنت
ولا هو بيقف مع إللي عاوزه وبس
يااه أنا أتخدعت جامد
بس أنا المفروض مظنش فيه ظن وحش يمكن تكون أخته، أنا هروح للمحاضره ماليش دعوة
تستعد نور للذهاب للمحاضره فتستوقفها أحدي الفتيات.
" لو سمحتي ،مشوفتيش فين خلود إللي كانت بتعلن عن الرحله
نور" وآقفه هناك مع أخوها .
الطالبه بتعجب" أخوها ،خلود معندهاش أخوات .. طيب عموما هي فين
نور " معرفش كانو وآقفين هنا ، معلش أنا لازم أمشي سلام.
أصبح شك نور يقين هل حقاً هو يقف مع فتاه ليست من المحارم ومالذي جعل فارس يقف معها
هل هو ممن يزعمون الأللتزام
تستمر نور ف السير للذهاب للمحاضره فتستوقفها مره اخري طالبه ، ولكن فـ تللك المره هي خلود
خلود" نور صح؟؟
نور" اها
خلود" معلش أتأخرت عليكـي بس كنت بكلم فارس مشرف الرحله ، ها إيه رأيك فـ الرحله
نور"متأسفه جداً مش بروح رحله فيها أختلاط .. معلش أنا أستئذن انا
خلود" أختلاط!! ومين قال كده فارس عامل أتوبيس بنات وأتوبيس ولاد وهناك بيبقي فـ حدود جامده
أنتي بس علشان متعرفيش فارس كويس.
نور" ومش عاوزه أعرفه أصلاُ عن أذن حضرتك ياأستاذه خلود
تستكمل نور طريقها وهي حزينه ومن داخلها ضيق شديد فلقد أصبحت مخدوعه بذالك الشاب
تذهب نور للمحاضره ولا تستطيع أن تركز فـ كل مايقال من الدكتور كل تركيزها فـ ماحدث وماظهر من فارس
هل معقول أنها كانت مخدوعه بشكله ، هل هناك أشخاص يرتدون عباءه الدين للتخفي وراء عيوبهم
اللهم لك الحمد إن عرفتني حقيقة ذالك الشخص .
تنتهي المحاضره وهي لم تستوعب كلمة واحده من كل ما قال فيها، فقد كان
كل مايشغل بالها هو فارس وخلود.
بعد الأنتهاء وأستعداد الطلاب فـ مغادره المدرج ، فجاءه يستوقفهم فارس
" ممكن بس اخد من وقتكم خمس دقائق ، عاوزكم ضروري.
بصو ياشباب وياصبايا فـ رحلة طالعه وبتكاليف بسيطه أوي للترفيه عن الطلاب
أنا عارف انكم خارجين من ثانويه عامه، وياعيني طالع عنيكم ..
وأي بنت عاوزه تعرف تفاصيل تتفضل تسأل خلود ، هتبقي هي المسؤله عن البنات
تقف نور فـ وسط المحاضره قائله" وهـو حضرتك مش عاوز تختلط ببنات
فجبتلنا الأستاذه خلود كمحرم .
ينظر فارس للأرض ولا يجيب علي كلام نور ،ولكن ترد خلود مبتسمه"
اه يانور أنا محرم... يابنات نسيت أعرفكم بنفسي انا خلود إبراهيم أبقي خالت فارس
هو اه صحيح اكبر منيِ ، بس والله هو بن اختي ..أنا قلت كده بس علشان لو حد الشيطان لعب فـ دماغه
يمسك فارس الميك قائلا" هذه بتلك. لقد ظننت باأحدي الفتيات ظن سئ . فجاء اليوم الذي تظ بِ أحدي الفتيات ظن سئ
تجلس نور وهي لا تستطيع حتي ان تنظر فـ وجهة أي طالبه
وتريد أن تنشق الأرض أو تتخبي من خلود وفارس ، مالذي فعلته نور؟؟
وكيف تجرئت علي هذا ، ومالذي جعلها تفعل هكذا .
وفجاءه تسمع نور صوت باب المدرج يطرق
فتنظر فإذاهي فتاه ترتدي عباءه واسعه وعليها نقاب وجونتي وكأنها بكامل حجابها
تستئذن الطالبه فـ الدخول
فارس"هو حضرتك معاهم هنا فرنساوي؟؟
الطالبه" نعم لقد أستخرت الله وقررت ذالك.
فارس يشير إلي تلك الطالبه بجلوس بجانب نور.
تتعجب نور لأمرين
الأمر الأول طريقة كلام الفتاه .. لماذا تتحدث بالعربيه الفصحي
الأمر الثاني" هو إن فارس أشار لتلك الفتاه أن تجلس بجانب نور تحديداً .
نور تستغل الفرصه فـ تلك الفتاه التي يبدو عليها الألتزام قائله" سلام عليكم..أانا نور وأنتي
الفتاه" وعليكم السلام، وأنا فاطمه وبيقولوي يازهره
نور" اهلا بيكي يازهره. بس هو حد يسيب قسم انجليش ويجي فرنساوي .أنا بحب النجليش اكتر
فاطممه" والله قضاء وقدر ..أسأل الله ان يجعلني صائبه فـ اختياري .
نور" معلش هو سؤال معرفش ينفع أسأله ولا لأ
فاطمه" تفضلي ياحببتي.
نور" هوانتي بتتكلمي لغة عربيه فصحي علي طول؟؟
فاطمه تبتسم" لأ لكنِ اختار يوم من أيام الأسبوع للتحدث بالغة اهل الجنه. وهذا هو اليوم
نور" الله فكرة حلوة أوي ،أنا هقول لأصحابي عليها لازم .. هو انا ينفع أبقي صحبتك
فاطمه" لأ
نور" أنا أسفه جداَ.أنا كل الحكاية إن كان نفسي فـ بنوته زيك من زمان ونبقي أصحاب بس عادي فرصه سعيد.
فاطمه"أنا قلت لأ لني مش هقبل اننا نبقي اصحاب...أحنا أخوات أكثر من أصحاب
نور مبتسمه" اللهم لك الحمد .. ياااه بقا ليه أخت ملتزمه وهنروح سوا سوا للجنه
فاطمه" يارب يارب يجعلنا من اهلها يارب.
نور" انتي هتروحي ولا هتخليكي ؟؟
فاطمه" لأ بنتظر أخي الأكبر ، فهو يمتلك سياره وهذا أفضل بكثير
نور" ربنا يخليكم لبعض .. خلاص هاتي رقمك ونبقي علي أتصال مع بعض وبجد انا فرحانه أوي إني أتعرفت عليكي
تغادر نور المدرج بعد ان أخذت رقم فاطمه وسيبقي علي اتصال .
نور فـ المنزل بمجرد دخولها تسرع إلي غرفة خالد وتطلب منه ان تحكي له عن ما حدث
خالد" قولي يانور عاملتي إيه؟؟
تحكي نور لخالد كل ماحدث.
خالد يرد قائلا" نور بصي أنا مش هلوم عليكي ولا هقول إللي انتي عاملتيه ده غلط
بس ده لأنك أول مرة تتحطي فـ موقف زي ده واتصرفتي ببراءه وساذاجه ، كل الحكايه يانور
إنك طول عمرك بتشوفي ولاد تفاهين ومش ملتزمين . وأول ماشوفتي فارس
حاسيتي إن فيه من الصفات إللي طول عمرك بتحلمي ببيها
متدين وملتحي ومش بيكلم بنات و...,و وووو
فااتني قلتي هو ده وقلبك أتعلق بيه ،ولما حاسيتي إن الشخص إللي أعجبتي بيه
طلع أحساسك غلط وأنه مش متدين لما شوفتيه واقف مع خلود جالك أحساس إنك عاوزه تنتقمي منه
وتقوليه ماهو انت أهو مش ملتزم عاوزه تكرهي نفسك فيه بالعافيه
نور" خالد انت إزاي عرفت كل ده، أنت دخلت جوايا ولا ‘إيه
....... والله ياخالد أنا معرفش إيه خلاني اعمل كده وإزاي جاتلي الجرئه إني أعمل كده أنا مش متخيله نفسي كده
إزاي عملت كده تقولي يانور إزاي وقفتي وإزاي أصلا عرفتي تطلعي صوت أقولك معرفش بجد عندي أحساس
إني عاوزه أرجع تاني بالوقت وامسح إللي حصل ده..أكيد فارس هيفضل فاكرلي الموقف ده
خالد" نور ....اعتبري مفيش حاجه حاصلت.. وعـ فكرة الولد ده كده أنتي دخلتي فـ دماغه
بس هو علشان متدين عمره ماهيجي يكلمك .. سيبي الموضوع ولو ليكي خير فيه هيبقي زوجك
نور" زوجي؟!! كبيره عليه دي .....عارف ياخالد
أنا زمان كنت أقول لأصحابي مش هحب غير زوجي..انا ممنوعه من الحب الحرام
تفكر إني بكده خالفت العهد ده بإني حبيت
خالد"بصي طالما كان مجرد اعجاب بس خلاص مفيش حاجه
بس خدي بالك للأعجاب ده يكبر ويبقي حًب والحب يبقي نظرات وتفكير فيه وياخد كل وقتك
خلي بالك من الحدودو ، وأدعي ربنا لو فيه خير يكتبه من نصيبك
وأتركِ الأمر ومتفكريش فيه أصلا
لأنك متعرفيش الولد دده هيبقي من نصيبك ولا لأ
لأن طبيعة البنت لما بتحب مش بتنسي أبداً الشخص إللي حبته
لكن الولد العكس بيحكم عقله شويه ويقول لأ انا ممكن أفكر ف غيرها
مش معني كده أن الولد معندوش احساس لأ .. بس كل الحكايه إن البنت عاطفيه
زياده ..أستمري يانور علي شعارك إللي هو "ممنوعه من الحب" لحد ما يجي بن الحلال
وأعتبري فارس مجرد شخص عادي جداً حصل معاه موقف وانتي أتعملتي منه..الله أعلم مش يمكن ربنا بعته ليكي علشان
تعرفي بعد كده الصح من الغلط
نور" بجد ياخالد مش عارفه أقولك إيه
خالد" متقوليش حاجه..بس خدي بالك انا اتصرفت معاكي بحنيه لأني عارف إن دي حاجه اول مرة..لو أتكرر تاني
الموقف ده بجد يانور بجد يعني ،، هفهمك بحنيه باردو "أبتسامه "
نور" ربنا ميحرمنيش من حنيتك اخي الحبيب
خالد"أخي الحبيب .. احنا فـ حصة درس عربي
نور" نسيت أقولك..أتعرفت علي بنوته ملتزمه ومتدينه أسمها فاطمه وبتتكلم باللغه العربيه
خالد" طيب متصحبيهاش غير لما تختبربيها الأول وتعرفي إذا كانت فعلا ملتزمه ولا لأ
نور" ماشي ياخالد ... وبجد بقا انا مش عارفه لو مكنتش اخويا كنت هعمل إيه؟؟
خالد" كنتي هتموتي نفسكـ طبعا علشاان أبصلك بس ، كنتي هتقعدي تدعي ربنا إن أبقي من نصيبك
نور" علي فكرة بقاا انا مش هرد علشان دايما بتقفلني بردك ده ..يلا بقا من هنا
خالد"يلا ومن هنا،،أنتي أظاهر مش واخده بالك إن دي الأوضه بتاعتي وإظاهر كمان مش واخده بالك
إن انتي إللي قلتي عاوزاك ياخالد ضروروي..يلا يانور بدل ماوالله لشيلك احدفك بره
نور"وعـ إيه أنا هروح أصلي وأساعد ماما وانام بقا ورايا بكرة محاضره الصبح عاوزه ألحقها..يلا سلام
تذهب نور لغرفتها وتؤدي الصلاه وتدعو قائله
" اللهم إني سأترك حباً يغضبك لني لا أتحمل غضبك يارب..فاللهم أرضني وأرزقني حباً ترضاه لِ يارب ♥ ""
وبعد انتهائها تتفاجئ بهاتفها أحد يتصل بها
