رواية الحب الضائع الفصل الخامس عشر
محمد بعصبية : عملية ايه
ادهم : فاكرنى هقولك يعنى!
محمد بجدية : بابا تعالى معايا نتكلم جوا احسن
دخل محمد وادهم للداخل ولاحظت يارا ان شئ ما يحدث لكن لم تعطى اهتمام لذلك واسرت التحدث مع ملك
محمد : بابا فيها ايه لو ساعدتنى من غير ما هما يعرفوا واهو تكون خلصت ذنبك من اللى عملته قبل كدا وفى نفس الوقت تساعد ابنك وتحمى بلدك ، انا عارف انى مش من حقى اقولك تعمل ايه وماتعملش ايه بس لما الاقيك ماشى فى طريق غلط ليا الحق انصحك وارشدك للصح
ادهم : هساعدك يا ادهم وهقولك اى حاجة توصلى ، بس لو جرالى حاجة خلى بالك من اختك
محمد : بعد الشر عليك يا بابا انا عمرى ما هسمح لحد انه يأذيك
ادهم مازحا ومغير للموضوع : بس يارا حلوة وجميلة وتستاهلك ، عرفت تختار
ادهم : ايه يا حاج ما تتجوزها انت احسن ، انت هتعاكسها وانا واقف
ادهم : هههههههههه ربنا يخليكم لبعض
محمد : اه صحيح مفيش وقت، ايه فك الشفرة التالتة
ادهم : مكتوب خد رقمين من الاول ويبقى ده سور
محمد : سور اية
ادهم : يعنى قنبلة ب اللغة اللى ما بينا
محمد بأستغراب : فين دى
ادهم : فى عربية ظابط
محمد بقلق : مين
ادهم : مش مكتوب غير كدا والمفروض القنبلة هتنفجر بعد ساعة من وصول الرسالة
نظر محمد الى ساعته وقال : يا نهار اسود ده فاضل ساعة الا ربع ، بس القنبلة دى فى عربية مين بس
ادهم بتردد : ممكن عربيتك علشان انت اللى ماسك القضية
محمد : انا طالع اشوف
خرج محمد واتجه الى سيارته وفتحها وظل يبحث عن اى قنبلة لكن لم يجد شئ فأتصل بحسام وقال له ان يرسل قوة ومعها خبير مفرقعات وبالفعل وصلت القوة و خبراء المفرقات ليبحثوا عن اى قنبلة فى سيارة محمد ووصل حسام اثناء بحثهم وانتظر هو ومحمد ولكن لم يجدوا شئ فى سيارة محمد
محمد بقلق : هتكون فين بس
حسام : هى ايه انا مش فاهم حاجة
محمد : فك الشفرة ان فيه قنبلة هتنفجر فى عربية ظابط
حسام : امتى
نظر محمد الى ساعته وهو قلق وقال : فاضل خمس دقايق
توتر محمد وحسام وفجأة
محمد : ليه مايكونش كلنا مقصودين
حسام : ايه، قصدك ايه
محمد بصوت عالى : عربيتك يا حسااام
وامر خبراء المفرقعات بسرعة التوجه لسيارة حسام وظلوا يبحثون حتى وجدوا قنبلة والمؤقت يدل على ان باقى من الوقت دقيقة واحدة
ظلت المحاولة لايقاف القنبلة ومتابعة محمد و حسام بقلق
حتى تمكن الخبراء فى ابطال القنبلة بنجاح
محمد : هووووووف
حسام : هى وصلت ل كدا ، يا ولاد .........
محمد : كلنا مستهدفين منهم
حسام : حليت الشفرة ازاى
محمد : هقولك بعدين، المهم يلا بينا على المديرية الاول
___________________________
يارا بقلق : ايه الشرطة اللى برا دى كلها
ملك : معرفش بس الظاهر حصل حاجة
يارا : ربنا يستر
خرج ادهم الذى كان يتابع المشهد من شباك الغرفة واتجه الى يارا
ادهم بإبتسامة : انتى بقا يارا
يارا : ايوة حضرتك انا يارا
ادهم : محمد حكالى كتير عنك وبيحبك جامد اوى
احمرت وجنتا يارا من الكسوف
ادهم : مبروك يابنتى ، ربنا يتمم لكم بخير
يارا بكسوف : الله يخليك يا انكل
____________________________
محمد بجدية: الناس دى عايزه تدمر البلد يا حسام ، فهمت الحكاية
حسام : امممممم فهمت
محمد : انا داخل للواء شريف احكيله على اللى حصل
حسام : ماشى
_________________________
انتهى اليوم وعاد محمد الى الفيلا بعد بحث شاق عن اى شئ عن الذى وضع القنبلة فى عربة حسام لكن دون جدوى
وصل ووجد ملك ويارا ثم جلس بعد ان سلم عليهم
يارا بخوف : هو حصل حاجة
محمد مطمأن يارا : لا ماحصلش الحمدلله ماتقلقيش ، ده انا الرائد محمد ادهم يابنتى
يارا : يا سلام
محمد: امال ايه ، المهم كنت عايز اكلمك فى حاجة
يارا : حاجة ايخ
محمد : قومى اعمليلى قهوة يابت يا ملك
ملك بعصبية : لا وماتوزعنيش ، يارا صاحبتى يا رخم
محمد : خلاص خليكى يا بومة قاعدة
محمد : انا عرفت ان ليكى خال عايش برا ، صح
يارا بحزن : ايوة
محمد : هو مايعرفش اللى حصل لوالدك ووالدتك!!
يارا : لا مارضتش ابلغه
محمد : امممممم ، طب انا هكلمه بكرا ينزل مصر
يارا بأستغراب : ليه
محمد : بما انه خالك اطلب ايدك منه واخطبك يا قلبى
يارا بفرحة وكسوف : بجد
محمد : ايوة بجد يا روحى
بالفعل فى اليوم التالى توصل محمد الى رقم خال يارا لانه ظابط ويعرف كل شئ واتصل به
محمد : ايوة حضرتك خال يارا وجدى
حسن بقلق : ايوة، هو حصل حاجة
محمد : بص هحكى لحضرتك كل حاجة
حكى محمد ل حسن كل ما حدث من وفاة سامح الى وفاة والد يارا واخته التى هى والدة مى وحكى له انه الظابط المسؤول عن القضية
حسن بحزن شديد : ومحدش بلغنى ساعتها ليه
محمد : صدقنى يارا كانت منهارة وكانت فى ظروف صعبة ودخلت المستشفى ، اكيد مافتكرتش خالص او ماجلهاش وقت
حسن : انا نازل مصر كمان يومين اطمن على يارا واقعد معاها يومين
محمد : كويس علشان عايز حضرتك فى موضوع مهم
حسن : موضوع ايه
محمد : لما تنزل مصر هقولك
حسن : خلاص ماشى يا محمد بيه ، مع السلامة
محمد : مع السلامة
____________________________________________
كريم : الامتحان كمان اسبوع
ملك : ياخى بتفكرنا لييييه
ايمان : انتوا عارفين ، مفيش مادة قلقانى اد مادة دكتور بلحة
ملك : ايوة ده بيقول بيحب يهزر فى امتحاناته يعنى هيسقطنا
يارا : يارب يولع بلحة ده
كريم : كفاية سيرة بلحة علشان السيرة دى بتجيب الفقر والله
_____________________________________________
رجاء : يا رامى هترجع مصر تانى
رامى : ايوة ياماما وهنقل شغلى لمصر علشان زهقت من الغربة والله
رجاء : طب استنى ابوك لما يصفى الشغل ونرجع مع بعض
رامى : بابا براحته بقا ، انا هرجع مصر بكرا وانتوا لما تخلصوا ارجعوا وانا هخلى هدى توضب الفيلا
رجاء : خلاص ماشى يابنى اللى تشوفه
____________________________________________
محمد : بابا هو انت اللى قتلت سامح وقتلت عاصم الحسينى !!!
ادهم : سامح مش انا اللى قتلته ، هما برا اللى بعتوا حد يقتله بس عاصم هما اللى ادولى امر انى اقتله واخد شركاته
محمد : امممممم ، بعت مين يقتله
ادهم : اشمعنى
محمد : عادى
ادهم : ياسر
محمد : اممممممممم، الموضوع معقد اوى ، الناس دى طول ما هى برا مصر مش هنعرف نعمل لهم اى حاجة
ادهم : ما دى المصيبة
قام محمد ووقف وقال : كل حاجة ولها مخرج وحل ، يلا سلام انا راجع البيت
ادهم : ماشى يا محمد
عاد محمد الى الفيلا وجلس فى حديقة الفيلا مع يارا وملك الا وان جاء أحد افراد الامن يبلغه بان امرأة تريد ان تدخل وتقابله
محمد : مين دى
هدير : انا يا روحى
محمد : هدير !!!!!
_________________________________________________
