رواية الحب الضائع الفصل الثالث
محمد بجدية : والورق ده فين
يارا لسة هتتكلم تلاقى الموبايل بيرن
وترد
يارا : الو ايوة ، اييييييييه
وتبدأ تعيط جامد وتصوت بصوت عالى
ومحمد يقوم مخضوض علشان يفهم فيه ايه
يارا تقفل وتبدأ فى الانهيار والعياط
محمد بحزن : ممكن تهدى وتقولى حصل ايه
يارا بعياط : ماما وبابا
وتعيط جامد
محمد بعصبية : ممكن تهدى وتفهمينى فيه ايةه
يارا بعياط وانهيار : العربية اللى رايحة بماما وبابا المطار اتقلبت
ويغم عليها
محمد بخضة : انسة يارا ، فوقى
ويقول بسرعة : جمااال عربية اسعاف بسرعة
__________________________________________________________
تفوق يارا فى المستشفى وتلاقى محمد قاعد معاها رغم انه ظابط شرطة
محمد بحزن : حمدالله على سلامتك
يارا بعياط : ماما وبابا فين
محمد بحزن : انسة يارا ممكن بس تهدى
يارا بانهيار : اهدى ازاى وماما وبابا ماتوا فى يوم واحد ، اقرب حد ليا وهم اللى باقينلى ، وهم اللى بيهونوا عليا حياتى بعد اللى حصل ، انا دلوقتى بقيت وحيدة ، وهتحرم من حنان الام والاب فى نفس الوقت وتقولى اهدى ، ازاى ، محدش بيحس بالنار غير اللى بيتحرق بيها وانت مش حاسس باللى انا فيه يا حضرة الظابط ، فهمت بقا
محمد بحزن : انا مقدر كلامك ، بس اللى ماتعرفهوش ان والدتى متوفية وكانت اقرب حد ليا ، وحسيت باللى انتى فيه دلوقتى واكتر كمان ، بس الحياة عمرها ما هتقف ولازم تبقى اقوى، احم انا اسف انى بكلمك كدا ، انا اطمنت عليكى ولازم امشى علشان ورايا شغل ، وبعد العزاء ممكن تشرفينى فى مكتبى و الورق يكون معاكى
سلام
يمشى محمد وتقعد يارا تعيط جامد و قررت انها لازم تقوم علشان تاخد العزاء
__________________________________________________________
جمال بأستغراب : مالك يا فندم ، فيه حاجة شغلاك ؟؟
محمد بشك : مش عارف ، شاكك فى حاجة كدا بس لو طلعت صح تبقى مصيبة
جمال : حاجة ايه يا باشا
محمد بحيرة : لو موت ابو وام يارا ده له علاقة بالقضية
جمال : مش فاهم سعادتك قصدك ايه
محمد : مش ممكن يكون موتهم مش قضاء وقدر ويكون حد لعب فى الفرامل او اى حاجة علشان يموتوا وبعدين يقرص على يارا علشان تجيب الورق
جمال بحيرة : طب سعادتك هم هيعرفوا منين ان الورق معاها
محمد : انت ناسى انهم قتلوه فى شقته ، وكمان اكيد دوروا وشافوا الجوابات بتاعة يارا عن الورق
جمال : طب سعادتك مين الناس ديه وايه الورق ده وفيه ايه
محمد بتفكير : هو ده اللى مطير النوم من عينى ، بس مسيرى هعرف ، والناس دى شكلها واصلة اوى
__________________________________________________________
ملك بحزن : البقاء لله يا يارا ، انا مش عارفة بجد ايه المصايب اللى بتيجى مرة واحدة دى
يارا بعياط : خلاص يا ملك مابقاش ليا حد فى الدنيا اتسند عليه
انا عايزة اموت ، انا هنتحر بقا واستريح
ملك بخضة : بعد الشر عليكى ، وايه اللى بتقوليه ده ، يارا العاقلة المؤمنة تقول الكلام ده ؟
يارا بحزن : اعمل ايه ، انا خلاص مابقتش يارا بتاعة الاول،
الحزن عرف طريق ليا ، ياااارب اموووت بقا واستريح
ملك بحزن : بعد الشر عنك يا يارا امال انا فين، ما دام مالكيش حد، معلش ، هى محنة وهتعدى
يارا بعياط : هتعدى بعد ما خدت اقرب الناس ليا
ملك تاخدها بالحضن و تقولها معلش ان شاء الله هتعدى وهتبقى كويسة
__________________________________________________________
- : عملت اللى قولت عليه
= : ايوة تمام بس الاهم تفتكر الورق كدا هناخده بسهولة
- : ايوة طبعا بس اهم حاجة الظابط اللى معاها ده
= : ما تكلم حد من حبايبك يا باشا ينقلوه مكان تانى
- : لا لا مش عايزين العيون تبقى علينا
= : امال هنسيبه كدا
- : لا بس لو اتدخل جامد انا هشوف صرفة معاه
= : تمام
__________________________________________________________
محمد بتفكير : جمال عايزك تراقب يارا وتجبلى عنها كل حاجة ، مش عايزها تغفل عن عنيك ، ماشى
جمال : تمام سعادتك ، بس المراقبة دى هتجيب ايه يعنى
محمد : اذا كانت بريئة يبقى ادينا ماشين وراها وفى نفس الوقت لو حد من الناس دي وصلولها او كلموها ، نعرف مين ومين وراه
جمال : تمام يا فندم
__________________________________________________________
رامى : ايوة يا بابا ، يعنى هترجع انت وماما النهاردة
خالد : ايوة اجهز بقا علشان نروح الشركة مع بعض علشان افهمك الشغل هنا
رامى : حاضر يا حاج ، ترجعوا بالسلامة
يقفل رامى مع والده ويتصل ب محمد
رامى بعصبية : اخيرا رديت يا علق انت
محمد بعصبية : اللهم طولك ياروح ، عايز ايه يا رامى انا مش فاضيلك
رامى بضحك : خلاص يا عم اهدى بس ، عملت ايه فى القضية اللى انت ماسكها
محمد بجدية : نحس ، من ساعة ما انت جيت معايا والقضية بتتطور وبتنحس
رامى بضحك : الله يسامحك
محمد بعصبية : الله يسامحك ايه يابنى هو انا شتمتك
رامى : ايوة
محمد بعصبية : لخص يا رامى انا مش فاضيلك ، عايز ايه
رامى بتردد : بص انا عايزك فى موضوع
محمد : ما تنطق يابنى عايز ايه
رامى بتردد : بص نتقابل واقولك احسن
محمد بنفاذ صبر : خلاص هخلص وهعدى بالعربية اخدك ونروح اى حتة وتحكيلى ، ماشى يا سيدى
رامى بإبتسامة : ماشى
__________________________________________________________
ادهم : ايوة يا نسرين فيه حاجة
نسرين : لا يا ادهم بيه بس شركة عاصم الحسينى قدرت تاخد الصفقة بتاعة الموبايلات اللى انت كنت هتشتريها و اللى احنا متفقين معاهم قطعوا العقد معانا
ادهم بعصبية : ناديلى ياسر بسرعة ، هو لعب عيال ، وعاصم الحسينى ده مش هيجيبها البر ابدا ، ده شكله حاططنى فى دماغه ولازم احط حد
نسرين : حاضر يا فندم
__________________________________________________________
يارا بحزن : ماتيجى يا ملك معايا النهاردة
ملك بأستغراب : فين ؟؟!
يارا : الظابط عايزنى ، موضوع سامح ، وعرف موضوع الورق
ملك بخضة : عرف موضوع الورق
يارا بحزن : ايوة
ملك : وهتديهوله ؟
يارا : طبعا لا ، انا هستنى لما اى حد من العصابة دي يكلمونى و بصى هفهمك بعدين بس هتيجى معايا ولا ايه
ملك : طبعا جاية معاكى ومش هسيبك
يارا بإبتسامة : ربنا يخليكى ليا يا ملوكة
ملك بأبتسامة : هو انا ليا غيرك ، يلا غيرى هدومك ويلا
وفجأة تقولها استنى
يارا بأستغراب : فى ايه ؟
ملك : انا ازاى نسيت ، يابنتى انا اخويا ظابط وهكلمه يكلم الظابط ده ويفهمه ويبقى معاكى
يارا : لا لا بلاش خليها لما نحتاجه
ملك : براحتك ، طب يلا خشى غيرى
يارا : حاضر
__________________________________________________________
- عايزك تخلص
= اخلص عليه ؟
- ايوة لانه بقى خطر علينا وخسارة لينا كمان
= حاضر
- مش عايز اى غلطات او اى مشكلة ، مش عايز اسمى يتلوث ، فاااهم ؟
= تمام
- يلا خلص انت وبلغنى
= تمام يا باشا
