.jpeg)
رواية لانك معي الفصل الرابع
ايناس بصويت وعياط: إلحقنى بسرعة يا يوسف ابوك بيموت وانا مش عارفة اعمل ايه ولا اتصرف ازاى؟!
يوسف : اهدى يا ماما وخليكى مكانك انا جاى حالا قفل معاها وقال لساجدة: يالا يا ساجدة تعالى معايا
ساجدة بخوف: لا يا يوسف انا مش عاوزة اروح هناك
يوسف بص فى عيونها بثبات وقال : انتى معايا صح ينفع تخافى!
ساجدة حركت رأسها بمعنى لا فأكمل يوسف: يبقى يالا تعالى معايا من سكات
بالفعل نزلوا ويوسف اتصل ع عمر عشان يحصله ع هناك بعربيته عشان يودى ابوه للمستشفى وبالفعل وصلوا وعمر ويوسف شالوا فتحى وحطوه بالعربية وبعد ما وصلوا
ايناس بشر: ايه جاب البت دى معاك مشيها من هنا انا مش طايقة ابص فى وشها كانت ماتت هى كمان مع ابوها وامها وخلصنا من قرفها واذاها
ساجدة بعياط: حرام عليكى يا طنط انا عملت ايه لكل ده؟!
ايناس بغل: انتى اللى فرقتى ابنى عنى وعن ابوه انتى اللى بعدتيه عننا يا بومة
يوسف جه من وراهم : ماما لو سمحتى ملكيش دعوة بساجدة وبلاش كلامك اللى بيوجع ده لان بيقطع فى قلبى انا قبل منها وبدل لومك ليها ع حاجة هى ملهاش ذنب فيها اصلا كنتى خديها فى حضنك واعتبريها بنتك
ايناس بقرف: عمرها ما هتبقى بنتى ولا زيها
يوسف: وهى ليها رب احن عليها منك ومنى ومن الدنيا كلها
عمر بحدة: ما خلاص با جماعة بقى بطلوا كلام فى الموضوع ده لا وقته ولا مكانه خلونا نطمن ع عمى الاول
يوسف خد ساجدة فى حضنه وبعد عن امه فى جانب وبعد فترة خرج الدكتور ....ايناس: طمنى يا دكتور جوزى ماله ؟!
الدكتور : والله يا حاجة مكدبش عليكى هو مش فى احسن حال وانا عندى شك فى حاجة مش هقولها دلوقتى الا لما اتأكد منها عشان كده لازم يعمل شويه تحاليك واشاعة كمان
يوسف: وهيتكلفوا اد ايه؟!
الدكتور: ٣ الاف جنيه
يوسف: تمام حضرتك اعملهم وانا هنزل ادفع فى الحسابات واجيب لحضرتك الوصل
الدكتور: تمام
ايناس: هتجيب الفلوس دى منين دلوقتى؟
يوسف : من خير عمى وساجدة عليا يا امى من المرتب اللى باخده من الشركة بتاعتها عن اذنك
اخد يوسف ساجدة ونزل دفع الفلوس وبعد مرور تلات ساعات خرج الدكتور وقال: للاسف يا جماعة شكى طلع فى محله والمريض عنده كانسر فى الرئة
صدمة ع وش يوسف وعمر فسألت ايناس الدكتور: يعنى ايه ده يا اخويا
الدكتور: يعنى سرطان فى الرئة وده سببه التدخين المفرط
ايناس: يالهوى يانى طب طب والحل ايه؟
الدكتور: والله يا حاجة مفيش بايدنا حاجة لانه فى المرحلة الاخيرة وحاليا الموضوع فى ايد ربنا
اخد يوسف الدكتور ع جنب: طب يا دكتور مينفعش يعمل عملية؟
الدكتور: صدقنى لو ينفع انا مش هنكر بس العملية مش هتنجح اصلا انا مرضتش اقول ادام الحاجة بس حيات المريض مسألة وقت
يوسف عيونه دمعت فطبطب الدكتور ع كتفه وقال: شد حيلك
يوسف راح قعد ع الكرسى وبدأ يعيط جه عمر وحضنه وساجدة ماسكة فى ايده وبتعيط عشانه وايناس من الصدمة قاعدة مبتنطقش لحد ما خرجت الممرضة : مين ساجدة ويوسف!
يوسف بخنقة: انا يوسف ودى ساجدة
الممرضة: طب يا حبيبتى الحاج اللى جوة عاوز يشوفك انت وهى ومصمم ع كده مع انه الكلام غلط عليه
ساجدة بخوف : لا يا يوسف والنبى مش عاوزة ادخل عشان خاطرى انا خايفة منه
يوسف: متخافيش انا معاكى وبعدين ليه خايفة ده عمك وتعبان كمان
ساجدة باستسلام: حاضر
بعد ما لبسوا اللبس الخاص واتعقموا دخلوا ع فتحى اللى محطوط ع اجهزة القلب والاكسجين المركز
فتحى بتعب وخفوت: تعالى يا ساجدة قربى
ساجدة كانت بتقرب بخوف وخطوات ثقيلة: نعم
فتحى بابتسامة تعب: سامحينى يا بنت الغالى انا ظلمتك وربنا بيحاسبنى عليك ابوكى امنى وانا مكنتش اد الامانة يمكن متفهميش كلامى بس عشان خاطرى قوليلى سامحتك يا عمو
ساجدة: سامحتك يا عمو
ابتسم فتحى وبص ليوسف : انت طلعت ارجل من ابوك يا يوسف وواثق ان ربنا هيعطيك من وسع بس لما اموت افتكرنى بدعواتك متنسنيش
يوسف قرب منه والدموع فى عيونه باس ايده وبص ليه جامد: متقولش كده ان شاء الله هتكون بخير
فتحى: خلى بالك من امك واختك يا يوسف هما ملهمش بعد ربنا حد غيرك
يوسف: يا حاج بالله عليك كفاية كلام دلوقتى واللى انت عاوزه انا هعمله ليك بس عشان خاطرى ارتاح انت دلوقتى
فتحى برضا: انا فعلا دلوقتى بقيت مستريح يالا اخرج برة بقى
يوسف حس ان ده الوداع حضن ابوه بقوة وقعد يبوس فى ايده ودماغه وفتحى باس ايده هو وساجدة وبعدها خرجوا دقيقتين ودخلت الممرضة ولقت الجهاز بيصفر خرجت بسرعة
الممرضة: يا دكتور تعالى بسرعة
دخل الدكتور مع الممرضة وحاولوا انعاش قلب فتحى لكنه اتوقف تماما وهنا خرج الدكتور وقال: البقاء لله يا جماعة انا هخلص تصريح الدفن على ما تدفعوا حساب المستشفى
فجأة ايناس قعدت تصوت ويوسف جرى عليها حضنها وقعد يهديها لحد ما هدى اما عمر فكان ماسك ساجدة وبيطبطب عليها وهى بتعيط لانها مستوعبة ان عمها مات خلاص ......تعدى سنة ايناس صممت تفضل فى شقتها ورفضت ان ساجدة تروح تعيش معاها فكان يوسف بيودها ع طول لوحده والنهاردة اهم يوم فى حيات يوسف فرحه هو ومريم وووو..........
بدل ماتدور وتبحث علي الروايات خليها علي تليفونك وحمل تطبيقنا
