رواية الحب الضائع الفصل السابع
- بص يا باشا انا هقولك على كل حاجة
محمد : استنوا بقا علشان اللى هتقولوه هيتسجل
يلا بقا اتكلموا
- بص يا باشا ، جمال بيه جالنا الزنزانة باليل و و
محمد بجدية : كمل ماتخافش
- و هددنا لو نطقنا بكلمة قدام حضرتك هيقتلنا و قالنا مانقولش ان هو جالنا الزنزانة ولا ننطق بكلمة
محمد بصدمة واستغراب : ليه !!!!!!
- علشان يا باشا جمال بيه شغال معاهم
محمد : اييييه !!!!!!!!!!
______________________________________________________________________________
تنزل ملك وتسلم على رامى وتنزل يارا وراها
ملك : هعرفك بقا على صاحبتى يا رخم واوعى ترخم عليها
رامى : هى فين دى
ملك : اهى نازلة اهى
رامى يشوفها وشه يتقلب 100 لون وبعد كدا يبتسم
يارا بصدمة : رامى !!!!!!
رامى بأبتسامة : يارا !!!!
ملك بأستغراب : ايه يا جماعة انتوا تعرفوا بعض !
يارا لسة هتتكلم يقطعها رامى ويقول بإبتسامة: طبعا اعرف يارا دى خطيبة صاحبى بردو
يارا بتبص بصة كلها شر
ملك بأستغراب : رامى انا مش فاهمة اى حاجة، عيد كدا تانى
رامى : يابنتى بقولك سامح يبقى صاحبى
ملك بأستغراب : كدا يعنى انا فهمت
رامى بنفاذ صبر : انتى اصلا حمااارة مابتفهميش
ملك : يابنى ازاى صاحبه واحنا اصلا فى كلية واحدة وهو كان معانا فى الكلية وانت مخلص كلية السنة اللى فاتت وانت مش معانا فى الكلية ازاى بقا انت صاحبه، انا مش فاهمة فهمنى هاااا فهمنى
رامى بزهق : يالهوى على رغيك ،، ياستى سامح كان صاحبى كنا بنشتغل مع بعض واتصاحبنا وكنا اكتر من صحاب كمان وكنت بشوف يارا معاه وهو كلمنى عنها واعرفها
يارا تبص له بقرف وتطلع من غير ما تقول حاجة
ملك بأستغراب ؛ هى مالها ، في ايه يا رامى مخليها شايطة منك كدا
رامى : ياستى سيبيها تلاقيها افتكرت سامح
ملك بعدم فهم : اممممم
رامى بفرح : اه صحيح كنت هنسى اقولك ، انا كلمت عمى ووافق اننا نتجوز والخطوبة بعد امتحاناتك
ملك بفرحة : بجد !!
رامى بفرح : ايوة بجد ، يلا بقا انا ورايا شغل كدا
ملك بإبتسامة : ماشى
______________________________________________________________________________
- زى ما بقولك كدا يا باشا ، جمال بيه شغال معاهم
محمد بصدمة : خلاص خلاص ، وانا عند وعدى بردو انى هخليكم شاهد فى القضية بس ليا شرط واحد بس
- اتفضل يا باشا
محمد بذكاء وتفكير : مش عايز جمال ولا اى حد يعرف انكم قولتولى انه شغال معاهم خالص ، انا عارف هعمل ايه
- تمام يا باشا اللى تؤمر بيه
محمد : جمال !!!! جمال
جمال : ايوة يا باشا
محمد بجدية : خدهم على الحجز
جمال بأستغراب : تمام يا فندم
جمال يوديهم ويرجع تانى
جمال بأستغراب : ها يا محمد بيه قالوا ايه العيال دى
محمد بجدية : مش راضيين يعترفوا بحاجة ، انا بفكر احبسهم بتهمة التهجم على يارا وفى نفس الوقت عايز اديهم افراج
جمال يرد بسرعة : افرج عنهم يا باشا مش هيفيدونا بحاجة
محمد بجدية : انت شايف كدا
جمال : ايوة يا باشا
_____________________________________________________________________________
ملك بجدية: ممكن بقا تقوليلى ايه غيرك كدا لما شوفتى رامى ابن عمى
يارا بتفكير : هاا لا مفيش اصل افتكرت سامح الله يرحمه
ملك بأستغراب : لا حاسة انك مخبية حاجة مش عارفة ليةه
يارا : هخبى ايه بس ، يلا نكمل مذاكرة
ملك بشك : يلا
______________________________________________________________________________
محمد بجدية : اسمعوا بقا اللى هقول عليه ، انتو شكلكم كدا رجالة وجدعان وهتساعدونى
- اتفضل يا باشا احنا مش هننسى اللى عملته معانا وانك هتخرجنا وجميلك ده فى رقبتنا طول العمر ولو طلبت ايه هنعمله
محمد بإبتسامة : كنت عارف انكم هتساعدوا ، بص بقا يا اشرف انت و عمر
ويبدأ يحكيلهم الخطة وهيعملو ايه ويتفقوا وبعد ما يخلص
محمد : ها تمام
اشرف وعمر : تمام يا باشا
محمد : اكتب يابنى ، قررنا نحن اخلاء سبيل المتهمين عمر احمد عبدالعال و اشرف صبرى منعم بضمان محل اقامتهم
محمد بإبتسامة : تقدروا تتفضلوا وزى ما اتفقنا ، تمام
عمر واشرف : تمام يا باشا
______________________________________________________________________________
موبايل محمد يرن ويرد
حسام بجدية : جرا ايه يا سعادة الباشا انت نسيت الميعاد ولا ايه
محمد بضحك : لا انا نازلك اهو
حسام : اشطا ، يلا مستنيك
ينزل محمد ويركب هو وحسام العربية ويروحوا كافيه ويقعدوا مع بعض
حسام : ماشى يا عم من ساعة ما اتنقلت وانت مابتسألش
محمد : والله يابنى عندى قضية مطلعة عينى
حسام بجدية : ايوة صحيح انت قولت هتحكيلى على القضية دى
محمد بجدية : عارف القواضى الرخمة اللى بيبقا بيدخل فيها رؤوس كبيرة وناس كبيرة فى البلد اللى بتيجى فى التلفزيون دى
حسام بجدية : اه بس ليه
محمد : القضية دى كدا بقا
حسام : استنى هطلب حاجة وتحكيلى بالظبط
محمد : اشطا
______________________________________________________________________________
يارا قاعدة مع ملك بتذاكر وسرحانة من ساعة ما شافت رامى
ملك : يارا !!! يارا ، ياااااارااااا
يارا : هاااا فى ايه
ملك : لا بقا انتى سرحانة خالص وعمرك ما بتسرحى غير وفيه حاجة كبيرة
يارا : لا مفيش
ملك بجدية : لا فيه ، حساكى متغيرة من ساعة مقابلة رامى ومش هسيبك غير بقا لما تقوليلى في ايه
يارا : يابنتى مفيش حاجة
ملك بجدية : هتقولى ولا لا
يارا : اووووف خلاص هقولك بس اوعدينى ماتجيبيش سيرة لحد حتى اخوكى
ملك بإبتسامة : اوعدك ، ارغى بقا
يارا : حاضر
______________________________________________________________________________
سلمى بإبتسامة : عندى ليكى خبر حلو يا هدير
هدير بأستغراب : خبر ايه ده
سلمى : جبتلك عنوان الظابط بتاعك وبيشتغل فين كمان
هدير بفرحة : بجد !!!!
سلمى بجدية : ايوة اهو
هدير بفرحة : ربنا يخليكى ليا يابت
سلمى : ماقولتليش بقا هتعملى ايه
هدير بتفكير : هقولك هعمل ايه
______________________________________________________________________
رأيكم فى هدير ، تفتكروا هدير هتعمل ايه ؟
وتوقعاتكم ايه
