رواية الحب الضائع الفصل الثامن
هدير بتفكير : هقولك هعمل ايه
سلمى : قولى
هدير : هروحله البيت
سلمى : انتى اتجننتى ، انتى ناسية انه مش طايقك، ده ممكن يقتلك فيها
هدير : يابنتى مش هيعمل حاجة ده بردو كان بيحبنى، بس اللى هعمله هيرجعه تانى
سلمى : والله انتى هبلة وماتعرفيش بقا محمد كويس
هدير : هنشوف
______________________________________________________________________________
حسام بجدية : يااه فعلا دى قضية معقدة و كبيرة ولو الموضوع ده ماخلصش، اعتقد القضية دى هتبقى موضوع التليفزيون والاعلام
محمد : مش فاهم ازاى يعنى
حسام بجدية : يعنى الناس الكبيرة دى ليهم نفوذ هيطلعوا الموضوع على التليفزيون علشان كله بتشغل بيه ومحدش ينتبه ليهم حتى احنا
محمد بجدية : يابنى ده جمال طلع معاهم ، ده موضوع شكله كبير
حسام : بص ركز على اللى قولت عليه ولو عايز مساعدة او مراقبة والكلام ده انا هعمله وهبقى معاك فى القضية دى بس المهم ركز مع يارا ، ممكن يكون وراها اسرار كتير
محمد : لا انا اتأكدت مية فى المية انها مالهاش علاقة بالقضية والدليل انهم كانوا عايزين يخطفوها
______________________________________________________________________________
يارا : برضو مصرة احكيلك؟؟؟؟
ملك : ايوة طبعا
يارا وتذكرت شئ وقررت عدم مصارحة ملك : بصى انا كنت بتضايق منه علشان شغله مع سامح وكدا وكنت خايفة وفاكرة رامى ده صاحب سوء وكدا
ملك بأستغراب : وبعدين
يارا : بس
ملك : بس ايه
يارا : هى دى الحكاية
ملك بشك : لا والله وانا هبلة وبريالة علشان اصدق اللى بتقوليه ده
يارا بحزن : يا ملك !!
ملك : لا ده شكله موضوع كبير ، هتحكى ولا لا يا يويا يا عسل
يارا : دلوقتى عسل ، ماشى ياستى
بدأت يارا الكلام ولكنها لم تلحق ان تقول شئ فقد رن جرس الفيلا
يارا : مين !!!
ملك بأستغراب : معرفش
تعالى معايا نفتح
ملك تفتح الباب ويارا وراها ويفتحان الباب وبتفاجئوا ب سيدة جميلة جدا وفى العشرينات من عمرها
هدير بإبتسامة : اهلا
ملك بأستغراب : هدير !!!
هدير : هو انا جيت فى وقت مش مناسب ولا ايه
ملك بأستغراب : لا بس برضو ايه اللى جابك
يارا بعدم فهم : انا مش فاهمة حاجة، مين دى يا ملك
هدير بإبتسامة : انا خطيبة الرائد محمد
يأتى محمد فى هذه اللحظة
محمد بعصبية : كااان
هدير : ودلوقتى يا حبيبى
محمد بعصبية : ايه اللى جابك ، عايزة ايه !!!
هدير بإبتسامة وتروح تحوط باديها على رقبة محمد : بحبك والله لسة
تشعر يارا بأنها ليس لها علاقة بما يحدث وصعدت لأعلى وذهبت ورائها ملك
محمد بعصبية وهو يدفع يديها : غورى بقا ، ولو عتبتى هنا تانى اقسم بالله يا هدير ما هيحصلك كويس
شعرت هدير بالحزن وفى نفس الوقت شعرت بالغضب وقررت الرحيل
يدخل محمد ويلقى بنفسه على سريره الذى بغرفته وسند رأسه وهو يفكر ويقول لنفسه : عايزة منى ايه يا هدير ، فكرانى هرجعلك تانى ، لكن ده بعدك ، انا عمرى ما حبيت ولا هحب حد زى هايدى ، كانت كل حياتى وكل دنيتى وقلبى
ولما ماتت خدت معاها كل حاجة حلوة ، الله يرحمك يا هايدى
فى تلك اللحظة تدخل اخته ملك عليه
ملك مداعبه محمد : ايه مالك قاعد شبه المطلقين كدا ليه
محمد بنفاذ صبر : يارب ارحمنى ، ايه يا اختى يا حبيتى عايزة من اهلى ايه
ملك : انت بتعاملنى زى المتهمين كدا ليه محمحوتى
محمد : هو انا لما بعامل المجرمين بقولهم يا حبايبى يا هبلة وايه محموحتى دى، انتى قاعدة فى قناة ميكى
ملك : يوووه بلاش اهزر معاك
محمد : لا هزرى واقرفى اللى جابونى يا عيون محموحتك
ملك : اه صحيح ، هدير ايه اللى جابها وفكرها بيك دلوقتى
محمد : والله ما عارف ، رامية بلاها عليا اليومين دول ليه
ملك : بس شكلها بتحبك
محمد بعصبية : ملك بلاش سيرة هدير دى علشان بتنزرفنى
ملك : حاضر بس قولى عملت ايه فى العيال اللى اتهجموا علينا
محمد : افرجت عنهم
ملك بزعيق : نعمممممممم
محمد بعصبية : اترزعى وهفهمك كل حاجة يا رخمة بس نادى يارا الاول
ملك : حاااضر
محمد بجدية : تمام كدا وانتى يا انسة يارا لو حد كلمك ماترديش عليه وتجيبى ألرقم على طول
يارا بخوف : حاضر
ملك : يلا هنسيبك تستريح بقا وهندخل
محمد بجدية : معلش ماتقلقيش يا انسة يارا انا هبات النهاردة بس
يارا : لا حضرتك ده بيتك، انا اللى عملالكم مشاكل
محمد بجدية: مشاكل ايه، انا ظاابط، يلا روحوا يلا علشان ماتعصبش
ملك بهزار : يلا يابنتى احسن يقتلنا ، مجنون ويعملها
يارا تتكسف وتضحك وتقوم
__________________________________________________________________________
جمال : الرائد محمد مابينامش خالص الايام دى يا باشا، ده حتى كل شغله فى القضية ، وحاسس ان بيدور فى دماغه على حاجة
- حاجة ايه ؟
جمال : معرفش بس حاسس انه شك فيا
- لا لا مظنش ، هيشك فيك ليه يعنى
جمال : طب ويارا اللى عنده دى هنجيبها ازاى
- ههههههههههه مالكش دعوة، سيب الحكاية دى عليا بس اى حاجة جديدة بلغنى على طول
جمال : تمام يا باشا مصر
- ههههههه ماشى يا جمال هقبلها منك
___________________________________________________________________
ملك : يااااااه انا هموت وانام
يارا : وانا والله
ملك : يلا تصبحى على خير
يارا : وانتى من اهل الخير
ينام الجميع ويحل الهدوء على كل المكان ، الكل فى عالم اخر ، يستريح من يومه الشاق والمتعب ، ينتظرون الليل لكى يتمكنوا من الراحة والغط فى نوم عميق
مضى من الوقت ساعتان حتى حدث الاتى
قامت يارا وهى تصرخ وتبكى بشدة وافاقت كل من فى البيت
ملك بفزع : فى ايه يا يارا حصل ايه
يأتى محمد من غرفته سريعا
محمد بجدية : حصل ايه !!!!!!!!
يارا وهى تبكى : بابا سبتنى ليه انت وماما لوحدى ، سبتونى ليه ، انا وحيدة من غيركم ، انتوا اللى كنتوا بتهونوا عليا وكل اللى ليا
ملك : معلش يا يارا اكيد كابوس وانا عارفة انك اتصدمتى قبل كدا علشان كدا اكيد حلمتى بوالدك، صح؟
محمد يقف وقد هدأ روعه وبدأ يتحدث
محمد: انسة يارا ، كل ده مقدر واكيد بابا جايلك الحلم يطمن عليكى ، ماتعيطيش هم ماماتوش، هم جمبك بس اهم حاجة ايمانك يكون قوى علشان تعدى الازمة دى وصدقينى والله كل حاجة هتتحل وهتبقى تمام، بلاش عياط بقى
يارا وقد بدأت فى الهدوء : حاضر
فجأة يرن هاتف محمد برقم غريب
محمد : الو مين ؟
