رواية ممنوعة من الحب الفصل الثامن
" ليه بتقولي كده؟؟
_أصل النهارده فـ شاب راح يعاكس صحبتي ..وقالي كده
_مين الشاب ده؟؟ وإزاي أصلا يكلمك
_ياماما انا عارفه إني غلط لما رديت بس والله كان مجرد إني مش عارفه أعمل إيه
روحت قلتله ربنا يهديك وكده
_وصحبتك إيه رد فعلها؟؟
_عادي هي كمان مكنتش عارفه تعمل إيه
_نور .. مش عاوزه مشاكل ومالكيش دعوة بالبنت دي تاني ،، سامعه
ويلا شوفي لو هتبدي دروس جديده مع مدرسين وكده
_حاضر ياماما .. ساره صحبتي كانت قالتلي أنها هتبدي دروس هتصل بيها اسألها
_طيب يانور آيه أتصلت بيكـي وبتقولك أتصلى بيها لما ترجعي
تذهب نور لتتصل باأيه
نور" أيه وحشااني ومفتقداكي جدااا
أيه" فـ إيه مالك يانور صوتك مش عجبني
نور"أه علي إللي حصلي من بعدك ياأيه
أيه" خير يانور طمنينني عليكي..
نور" بجد فعلا مش عارفه أحكيلك إيه ولا إيه
، كل الحكايه إني عرفت بنت أسمها ساره
وعرفت معاها حاجات كتير مكنتش عارفها أصلا
بجد هو لسه فـ بنات كده؟؟
دي بتحب وتكلم اكتر من ولد فـ وقت واحد
بجد ياأيه أنا تعبت صحيح مش بقالي كتير أعرفها بس زهقت
دي هتجبلي حالة نفسيه
أيه" يانور البنات دي يابنتي بقت كتير اوي
واحنا بالنسبه ليهم بنات معقدين و من أيام السبعينات ومفكرنا متخلفين ومالناش لازمه ..المهم
مالكيش دعوة بيها اتعاملي معاها في حدود الدروس الدراسه وبس
نور" عاوزه أسألك سؤال وتجاوبيني بصراحه ممكن؟؟
أيه" إيه السؤال ده، وبعدين من أمتي واحنا في بينا كده
أحنا صدقتنا مبنيه علي الصراحه أصلا
نور" هو انا وحشه ياأيه.. شكلي يعني وحش؟؟
لدرجه أن يتقال عليه من شاب روحي شوفي نفسك فـ المرايه
أيه" إيه إللي انتي بتقوليه ده؟؟؟ ومين قالك كده؟؟
نور" جاوبي ياأيه بس بالله عليكي
أيه" طبعا قموره جداً وكفايه اخلاقك وحيائك وأسلوبك فـ الكلام والرقه بتاعتك
كفايه أبتسامتك إللي مش بتفارئك أبداً
عاوزه إيه أكتر من كده
خليكي واثقه فـ نفسك يانور مش كلمة تجيبك وتوديكي .. خليكي متأكده إنك حلوة وأميره كمان
باأخلاقك
نور" الله بقا ياأيه كنت محتاجه أسمع منك كده أوي بجد
تسلميلي يارب.. عاوزه أشوفك بقا من يوم ماتفرقنا ف الدراسه ومشوفناش بعض
أيه" ماشي هنتفق فـ يوم ونتقابل ... ويارب دايما يجعلك فـ قلوب الناس سكره مسكره
حلوة جميله ..
تنهي نور أتصالها مع أيه
وبعدها
تذهب لتتصل بساره
لتسألها عن المدرسين
نور.. سلام عليكم.. لو سمحتي ساره موجوده.... بجد؟؟ ،، خلاص ماشي ياطنط شكرا لما
تيجي قوليلها نور أتصلت بيكـــي
نور تفاجئت برد والدة ساره
فالولده قد أخبرت نور بأن ساره فـ درسها
هل بدئت ساره قبل أن تخبر نور
عجباً
فقد أخبرتها انها عندما تبدء أي درس ستخبرها
؟؟ شئ عجيب
ساره تتصل بنور بعد فترة من الوقت
نور" أيوة ياساره إزيك؟؟
ساره" كويسه الحمدلله
نور" مش أنتي ياساره قلتي أنك مش هتروحي دروس من غيري؟؟
ساره" يانور ..أنا مكنتش فـ درس أنا كنت بقابل إسلام
نور"إسلام مين ياساره
ساره" ده ولد عرفته من الفيس
نور" اهاا .. افتكرت إنك بدئتي ، عموما لو هتروحي أي درس قوليلي
لأني أحتمال مروحش المدرسه بكره
ساره" اه فـ درس عربي بكرة هيبتدي الساعه خمسه
نور" خلاص هبقي أتصل بيكي تقابليني فـ مكان معين لأن معرفش المكان
تنتهي المكالمه بين نور وساره
ولم توجه لساره خلال تلك المكالمه إي نقد
ولا أي تعليق
وكأن نور قد أبتدت أن تعتاد علي ماتفعله ساره
وفـ اليوم التالي تذهب نور لتقابل ساره علي موعد المحدد
تتفاجئ نور بمجموعه من الطلاب الشباب
نور" إيه ده ياساره احنا هيبقي معانا ولاد؟؟
ساره" اه وفيها إيه
؟؟
نور"لأ مفهاش ، بس انتي عارفه الولاد دول جيراني
ساره تنظر لنور وتسألها بلهفه شديده:" هو إللي لابس تيشرت
قحلي ده تعرفيه؟؟
نور" مش هينفع أبص ياساره طبعا ..
ساره"يابنتي هو شعره بني كده وبشرته بيضه
وطويل
نور" انتي قصدك حسام؟؟ ياربـــــــــــــــــي
نفسي أشوف بنت بتقول علي حسام إنه وحش
يابنتي خدي بالك ده ولد مش محترم خالص
مفيش بنت شافها غير وأتكلم معاها وبيشوه سمعتها
ده أنا ساعات حتي بفتح أكونت الفيس بتاع اخويا
علشان بقراء حاجات لصفحات من العلماء وكده
بلاقيه منزل كلام وبنات كلها تعليقات
ساره" امممم.. وهو أسمه إيه علي الفيس بقا؟؟
تجيب نور بكل ثقه " تقريبا أتش حسام بالفرانكو
ساره" اها يلا مالناش دعوة.. طيب متعرفيش مين إللي جمبه ده؟؟
نور" يابنتي انا مش ببص عـ أولاد والله مش هينفع أقولك حاجه تاني، هو المستر اتأخر ليه
تسكت ساره لدقائق وتخرج الهاتف الخاص بها
فتتركها نور وتفتح مصحفها وتقرء به
ساره تضع الهاتف إمام نور قائله" نور نور.. ده حسام صح؟؟؟
نور" وجبتي الصورة دي منين؟؟؟
ساره" من الفيس أصل انا فتحت الفيس
نور" طيب وانتي بتبحثي عنه ليه؟؟؟
ساره" يابنتي عادي فضول والله مش أكترقلت أشوف كومنت البنات ده وكده
نور" اوعي ياساره تكلمي الولد ده أوحتي تبعتيله طلب صداقه
ده ولد مش محترم ،، واكيد طالما شافك صحبتي هيحاول أنه يكلمك أكتر
لأنه عاوز يعرف عني معلومات باأي طريقه بس الحمدلله
أنا مش زي أي بنت انا غيرهم بعفافي
ساره" لأ يانور طبعا متخفيش .. بس انتي عارفه ده عمال يبصلي
كل شويه ويضحكلي ، وانا بصراحه مش عارفه مضحكش أصله قمور أوي
نور" غضي بصرك ياساره مالناش دعوة.. ربنا يهديه يارب
هو وكل الشله بتاعته
ساره" طب يلا علشان شكل المستر دخل المكتب
فـ الدرس تجلس ساره أمام حسام
إما نور فتجلس بجانب بعيداً عن الأولاد عموما
ساره غير منتبه لشرح المدرس
علي عكس نور التي ظلت تركز جيداً
وبعد أنتهاء الدرس
ساره" انا مفهمتش حاجه خالص؟!!
نور" بالعكس أنا فهمت .. بس مش هاجي تاني
ساره" ليه بقا إن شاء الله؟؟؟
نور" مش هينفع يبقي معانا ولاد كتير كده
بجد كرهت نفسي
ساره" عـ فكرة حسام جاركو ده بقا زي العسل
يالهووووي علي ضحكتووووو يانور يالهوي
ولا طريقة كلامه
نور تنظر لساره قائله" هو مين بيعاكس مين؟؟
هو فين الحياء إللي يخليكي تبصي لولد
هو انتي مش بتحسي بأي ذنب وأنتي بتعملي كده؟؟
فين ضميرك ياساره
عادي كده تكلمي ولاد وتبصي لولاد ؟؟؟ ساره انا بجد بقعد بالساعات أفكر بس
هو انتي إزاي بتسمحي لنفسك تكلمي ولاد؟؟ وإزاي وإزاي ؟؟ انتي فيكي حاجات كتير أأأأوي
انا بحس نفسي فيها ‘ني هبله أو انتي إللي هبله مش عارفه
ساره تضحك أستهزاء بكلام نور وتضع يدها علي ضهر نور
قائله" يلا يانور يلا علشان منتاخرش
تظل ساره هكذا كل يوم تأتي لنور بحكايه جديده
وتحكي لها عن حب الشباب
وأعجابهم بها
ونور لا تبالي سوي أنها تدعي الله أن يهديها
إلي أن جاء يوم من الأيام
فـ الصباح وقبل بدء أي حصه
ساره مبتسمه " نور عاوزه أقولك علي حاجه بس مكسوفه
نور" خير ياساره قولي؟؟
ساره" مش هتزعلي طيب؟؟
نور" قولي ياساره فـ إيه؟؟
