قصص رعب قصيرة كاملة
بقول ليكم ايه انا دلوقتي بكلمكم من الحدث...
انا قاعدة انا وجوزي وولادي بقالي شهر ونص عند اخو جوزي لرعاية حماتي لأن ابنها مشغول وبيسافر...
لكن شقتو دي مش طبيعية فكرت اللي بيحصلي فيها ده معايا انا بس ...
بس اكتشفت ان حصل معاه شخصيا ومع ناس كتير دخلت الشقة دي.. اللي حصل اول مرة اني اول مرة نمت في الشقة دي شفت كوابيس...لدرجة اني كنت بقوم اصوت واتخض لدرجة جوزي قلق عليا...
الدنيا هديت بعدها بقيت اشوف زي دخان خفيف قلت يمكن عينيا...اتطور الموضوع بقيت اشوف كان شكل ولد صغير شفافففف جري قبلي للمطبخ ووقف عند المايكرويف....
موقف تاني...
ضربت ابني الصغير وكنت واقفة في المطبخ وعدلت ضهري اكمل تقطيع بصل...
حسيت بايد صغيرة بتمسك رجلي من ورا قلت يبقى ابني جي يصالحني كالعادة...ببص مالقتش حد ...
موقف تاني ..كنت بنيم ولادي ع السرير..ابني الكبير ٤ سنين قام اتفزع وبيصرخ ويقولي يا ماما الحقيني في دراجون في وشي...
طبعا اتفزعت لان اول مرة ابني يعمل كده...حاولت اني انام كاني غفلت...حسيت ان في ايد مسكت رجلي من عند ركبتي والمرة دي مسكت جامد فتحت عينيا حصلي زي شلل وبقيت ابص حواليا علشان افك التكتيفة اي حد يساعدني ركزت في ايه الكرسي فكيت لكن رجلي اقسم بالله فضلت واجعاني نص ساعة وانا حاسة بالم المسكة...دد
اخر حاجة كانت اول امبارح....اخت جوزي واقفة على باب الحمام بتميل تجيب حاجة واقعة ع الأرض وانا مدياها ضهري سمحت صوت شبه صوتها بس اقسم بالله واااضح جدا صوت بينده عليا بيقولي يا فلانه ...قلت لاخت جوزي..انتي ندهتيلي قالتلي لا وتحلف..بحكي لأخو جوزي بقى بيضحك ويقولي انتي مش اول مرة...أمال انا اعمل ايه كان في كائن عندي جوة في الاوضة وانا نايم دخل وسلم عليا ورديت عليه السلام وكان عايز يصحيني وقمت كلمته ورجعت نمت تاني...طبعا احوليييت..ولسه في قلب الحدث مستمرة.
بدل ماتدور وتبحث علي الروايات خليها علي تليفونك وحمل تطبيقنا
