 |
رواية قصة حياة الفصل الثاني عشر 12 والفصل الثالث عشر 13 بقلم ملاكال12,13 أسر: اي يابني اتكلم عاوز تقول اي حمزة : أنا فكرت كتير اجي اتكلم معاك ولا لا بس لقيت اني مينفعش اسكت اكتر من كدا أسر: في أي انت من بعد ماخرجت من المستشفي وانت متغير ي حمزة اتكلم في أي . حمزة: ...... قاطعهم رنة تليفون أسر اللي سكته مرة واتنين والفون مازال بيرن حمزة: رد خلاص عادي نتكلم بعدين اسر بزهق: دي شهد الو .؟ شهد : ايوا ي أسر عامل اي الحمدلله شهد: مش بترد ليه عليا معلش كنت عاوز افصل لوحدي كدا شهد: أسر ادينا فرصة نحاول فيها تاني مع بعض، أنا استاهل منك فرصة تانية عشان خاطري سكت أسر وبص ل اخوه اللي غصب عنه سامعها بسبب صوتها العالي كان في عيونه نظرة لوم وعتاب علي اخوه سكت أسر وفكر للحظات في حياة لما تعرف وقاطع تفكيره صوت شهد: أسر أنا بحبك متسبنيش اسر بتعب : حاضر ي شهد نحاول تاني وللمرة مش عارفه الكام حمزة يستغرب اخوه ........ قفل اسر مع شهد وبص للحمزة : قول عاوز تقول اي . حمزة : ولا حاجة وقام خرج من اوضته حتي لما أسر نادي عليه تجاهله...... دخل اوضته ومسك موبايله وتلقائيا رن عليها . حياة كانت في بيتها بتذاكر وبتحاول تتطلع من المود ده ولفت نظرها موبايلها السايلنت اللي بيرن الو ... حمزة بابتسامة: اجمل الو سمعتها ف الدنيا بطل بكش زي اخوك غالبا العيلة كلها كدا ضحك حمزة: لا بس اال مختلف يست .اهل كلمة ست دي في حد ذاتها تثبتلي انك مش مختلف ولا حاجة حمزة: طب ماعلينا المهم طمنيني عليكي عاملة اي الألم عامل اي وبتروحي للدكتور ولا لا * الحمدلله كويسة بس الالم مبهدلني بروح للدكتور وكل حاجه بس تعبانة حمزة بزعل عليها : مش عارف اقولك اي بس لحد دلوقتي بجد أنا مش فاهم اي يخليكي تتنازلي وتعملي كل ده حياة بابتسامة : حُبي ل آسر اللي خلاني اعمل كدا أنا اهون عليا أتألم وهو لا انت مش فاهم أنا حبيته ازاي صعبت عليه ومش متخيل رد فعلها لما تعرف أن أسر هيرجع لشهد سكت ومردش ، انتي جميلة ي حياة ربنا يحفظك، أنا كنت بطمن عليكي بس يلا عاوزة حاجة حياة : تسلملي ربنا يديم وجودك ي لطيف وقفلت حياة .... وبعد مدة قصيرة أسر اخيرا فك عن عزلته ورن علي حياة ابتسمت حياة بفرحة وفتحت علطول وب ابتسامة مليانة حب وعيون فيها لمعة جميلة : أسر اسر: عاملة اي حياة بشوق ولهفة: أنا كويسة المهم انت طمني عليك أسر:أنا بخير يقمر . حياة أنا عاوز اقولك حاجة حياة بقلق: قول سامعاك أسر: أنا يعني هرجع. حياة سكتت للحظات وبضحكة مليانة دموع وبتحاول تكدب احساسها: ترجع فين أو لمين مش فاهمة اسر : ل شهد هي كلمتني وطلبت مني نحاول تاني وتديلها فرصة وصعبت عليا اظلمها معايا فوافقت حياة حست كأن كل حاجه عملتها اختفت ومبقتش موجودة الدموع اتجمعت في عينيها وابتسمت ابتسمت اكتر من مرة ب وجع ضحكت: اها اها طب كويس والله ربنا يوفقك معاها اسر: مش زعلانة .! حياة بضحكة مليانة وجع وبتحاول تخبي دموعها وكرهت ضعفها قدامه: لا اكيد لا المهم انت تكون مبسوط وكويس.... هما بينادو عليا هقوم اشوفهم أسر: حياة استني متتهربيش عاوزه تقفلي ليه ...! حياة واخيرا سابت دموعها تنزل وبدموع: عاوزه اقفل ليه .! انت بجد بتسأل انت عاوزني افضل ليه..؟ مستني اقولك قد اي أنا موجوعه اقولك للمرة الكام كسرت قلبي ؟؟؟؟ اقولك قد اي حسستني اني ولا حاجة طب اقول ليه وده باين عليا !! عاوزني افضل عشان تلاقي بصة اللوم في عنيا ليك ...! عاوزني افضل عشان تشوفني وانا ضعيفة عاوزني افضل واكلمك اوصلك أنه مش فارق معايا ومجرد ماتبص لعيني هتشوف قد اي بقولك لييه!! عيني اللي مازالت بتنطق ب حبك انت بس!!!! عاوزني افضل ليه عمال توجع في قلبي ليه وبدموع وصرخة مليانة وجع لييييه ليه حرام عليك عاوز توصلني لي اي مش كفاية كل اللي انا فيه اي بتستمتع ب اذيتي للدرجة !! انت ليه بتعاقبني علي حاجة أنا مليش ذنب فيها ها اتكلم ليييه وبدأت حياة تصرخ وتمسك كل حاجه جمبها تكسرها .ومش سامعة ولا شايفة أسر اللي بيحاول يهديها هي مش شايفة غير كل مرة هو وجعها فيها وكسر قلبها مش شايفة غير كل مرة كان بيحكي فيها حاجة تجرح في قلبها مش شايفة غير نفسها اللي بتمنعها من كل حاجه عشانه وهو عايش حياته ومحستش ب اختها اللي دخلت تهديها واتصدمت من شكلها فضلت تصرخ وتصرخ تصرخ ورمت الفون بعيد واخدت جزء من الازاز اللي اتكسر وتلقائيا جرحت بيه نفسها ووقعت حياة فاقدة الوعي ....وشذا صرخت .............................. البارت ال12,13 من رواية قصة حياة.. بقلم مَلاك ..♥️ الفصل الرابع عشر من هنا |
تعليقات
