رواية الحب الضائع الجزء الثاني الفصل السابع عشر
حسام : فيه حاجة غريبة
محمد : حاجة ايه
حسام : انا قتلت ناس اكتر منك
محمد : خش كدا جوا عد اللى مقتول وبعدين اتكلم
رامى : ايه يا جدعان ده منظر ظباط ، بتعدوا مين قتل اكتر
محمد : اخرس انت خالص علشان اكرم هرب منك
حسام : اكرم هرب !!!!
محمد : تقريبا
حسام : وهنعمل ايه ده عهدة يابنى !!
محمد : ماتقلقش ، اكرم مش هيهرب ، هيجى
حسام : مين طلع رئيس المنظمة
محمد : حسن ، خال يارا
رامى : نعم !! ، ايه ميتين ام الرخامة دى ، هو كل اللى نعرفهم مع المنظمة كدا
محمد : ده انا والفانز شاكين فيك
رامى : ايوة انا مع المنظمة ، انا شرير
حسام : هههههههه
محمد : لولا انى اعرف انك فرخة بلدى كنت اتأكدت
رامى : ياعم اجرى ، من غير تفاخر اللى قدامك ده يقدر يمشى منظمتين ومافيا
حسام : وسعت منك دى يا رامى
محمد : ايوة يا حسام سكته والنبى عقبال ما اروح اطمن على يارا
كان المكان ملئ بالشرطة وعربات الاسعاف التى تنقل الجثث
محمد : وحشتينى اوى
يارا : وانت اوى
احتضنها محمد وهو يقول : بحبك
يارا : محمد
محمد : امممم
يارا : مين طلع رئيس المنظمة
محمد : لما نرجع بقا
ملك : فين رامى
محمد : مات فى المعركة
ملك بصدمة : ايييه !!
رامى : ماتصدقيش الرخم ده ، انا انقذته من الموت مرتين
محمد : وانا انقذتك كام مرة يا حبيبى !!
رامى : بس بس
محمد : دا اخرك ، بس بس
ملك : باااااس ، اييييه انتوا مش بيحلالكم اليوم غير لما تتخانقوا
جاء اكرم من وسط الاشخاص
اكرم : انا اهو يا محمد
محمد : شكيت انك هربت ، كنت فين !!
اكرم بضعف : كان فيه رجالة منهم هناك روحت اضرب عليهم نار وقتلتهم بس
ويمسك جانبه الذى كان ينزف دماء ويتألم
محمد : ايه ده ، انت اتصابت !!
اكرم بألم : خدت رصاصة
محمد بصوت عالى : اسعاف هنا
جاءت الاسعاف وركب اكرم مع حراسة وتحركت
محمد : رامى خد ملك ويارا روحهم ، انا هروح اخلص الاجراءات وهرجع على طول
رامى : طيب
____________________________
فارس بسعادة : مبروك يا محمد ، الوزارة سعيدة جدا بشغلك ، مبروك ااترقيت يا سيادة المقدم
محمد بفرحة : حضرتك بتتكلم بجد !!
فارس : ايوة قرار الترقية اهو ، مبروك ، و اجازتك هتاخدها ، الاسبوع بتاع الجواز اللى قطعته
محمد بفرحة : شكرا اوى يا فندم
خرج محمد من مكتب اللواء فارس وهو فى غاية السعادة فقد اصبح مقدم بدلا من رائد وقرر ان يفاجئهم فى المنزل ، ركب محمد سيارته واتجه الى الفيلا ودخل وهو يمثل الحزن
رامى : مالك مبوز كدا ليه
محمد : مفيش
قامت يارا وجلست بجانبه واحتضنته وقالت : مالك يا حبيبى
رامى : ايه يا سيادة الرائد
محمد وهو يقوم بفرحة : مبقاش رائد بقا مقدم
ملك ويارا بفرحة : بجد ، اترقيت
رامى : مبروك يابن الايه طب مفيش تعين ليا فى الشرطة ، ده انا ساهمت النهاردة
محمد : بس ياض
ملك : مبروك يا مودى
محمد : الله يبارك فيكى يا موزة
رامى : انت هتعاكس مراتى قدامى ولا ايه
محمد : اخرس خالص
رامى : حاضر يا باشا
ملك : قوله
محمد : فيه ايه
رامى : كنت عايز يعنى
محمد : عايز ايه !!!
رامى : ا....ا ...اروح انا وملك دلوقتى علشان نجهز الحاجة ونجيب حاجات البيت وكمان نختار الفستان وكده
محمد : علشان جدعنتك معايا النهاردة موافق
رامى : بتتكلم جد
محمد : ايوة
رامى : طيب يلا قومى البسى يلا يا ملك
ملك : حاضر
يارا : مبروك يا قلبى
محمد : الله يبارك فيكى يا روحى ، مش يلا نطلع بقا عشان وحشتينى اوى
يارا بكسوف : ماشى
صعدوا الى الغرفة
محمد : انتى خرجتى من ورا الحرس ليه يا يارا
يارا : علشان الرسالة دى
محمد : ايه ده يا ولاد الكلب ، انتى اي حد يقولك حاجة تصدقيه
يارا : مانا لما هددونى بيك كنت عايزة افديك بروحى
محمد : ياااااه ، طب يلا بقا تعالى هنا علشان وحشاااانى مووووت
_________________________________________________
رامى : مش مصدق ان اخوكى وافق كدا بالسرعة دى
ملك : محمد طيب بس بيخاف عليا
رامى بغمزة : هو انا يتخاف منى ولا ايه !!
ملك : بس بقا خلينا نشوف هنجيب ايه
رامى : ماشى ، ايه رأيك فى البدلة دى ، هتكون حلوة عليا !!
ملك : لا
رامى : طب براحة يا ستى ، انتى هتضربينى
ملك : بص دى احسن
رامى : انتى عبيطة يابت انتى ، عيزانى البس بدلة لونها احمر !!!
ملك : هيبقى شكلك مسخرة فيها على فكرة
رامى : لا والله ، طب منا عارف
ملك : طب ايه رأيك فى دى
رامى : انتى بتشترى بدلة لميكى ماوس ، ايه يابنتى مالك
ملك : ههههههههه خلاص خلاص
___________________________________________________
يارا : ماقولتليش يا محمد ، مين طلع صاحب المنظمة
محمد : ما بلاش احسن
يارا : لا قول
محمد : هتفرق معاكى !!
يارا : عادى ، هعرف بس
محمد : خالك
يارا : ماله خالى
محمد : هو ايه اللى ماله ، خالك طلع رئيس المنظمة
يارا بصدمة : اييييه خالى !!!!
محمد : ايوة
يارا : وعملت ايه معاه !!
محمد : قتلته يا يارا
يارا بدموع وغضب : قتلت خالى ، اللى ماليش حد من قرايبى غيره يا محمد ، ليييه ، انت لييه انانى
محمد بعصبية : لا اسيبه يقتلنى ويقتلك ، صح ، ما تردى خرستى ليه
يارا : كلمنى عدل مش كفاية قتلت خالى
محمد بصوت عالى : خالك خالك خالك ، خالك كان عايز يقتلك انتى شخصيا ، انتى غبية !!!
يارا بدموع : لا مش غبية وخالى مكانش عايز يموتنى ، انت اللى بتقول كدا علشان تبرر موقفك
محمد بعصبية وصوت عالى : ايوة انا بتلكك وببرر موقفى علشان قتلته افترااا ، دى عيشة تقرف
يارا : انت اللى انانى ، وتقول عيشة تقرف
محمد : اسكتى بدل ما اسكتك
يارا : هتضربنى !!!
محمد : ايوة ، وانتى اللى غلطانة ، يعنى من حقى اضربك
يارا بدموع : ماشى ماشى ، مش قاعدة معاك تانى ، هروح اقعد مع ملك
محمد : غورى
دخل رامى وملك على صوت الزعيق بين محمد ويارا
رامى : ايييه يابنى صوتك جايب لأخر الشارع
محمد : اسكت والنبى علشان مش طايق نفسى
ملك : حصل ايه بس
محمد : اسأليها
ذهبت يارا الى غرفة ملك وذهبت ملك ورائها
رامى : فيه ايه يابنى ، اهدى كدا ، حصل ايه لكل ده
محمد : ركبها عفريت لما قولتلها ان خالها رئيس المنظمة وقتلته علشان كان عايز يقتلنى ويقتلها
رامى : اهدى بس ، ده خالها بردو وده يعتبر اخر حد من قرايبها ، يعنى ماينفعش عصبيتك دى
محمد : بتقولى قتلته افترا
رامى : معلش بردو مصدومة ، تكلمها بهدوء ، انت لحقت يا جدع، دى كانت مخطوفة ولسة راجعة النهاردة
محمد : اللى حصل بقا
......................
ملك : حصل ايه يابنتى لكل ده
يارا بدموع : قتل خالى يا ملك
ملك : لييه !!!
يارا ببكاء : كان رئيس المنظمة ، ومحمد قتله ، بيقول كان عايز يموتنى ويموته
ملك : كلامه صح ، لانه خطفك وبعدين كان عايز يقتل محمد وكمان خالك رئيس المنظمة اللى كانت السبب فى اللى بيحصل ده كله والسبب فى موت سامح و بابا واخرهم مي ، صح ولا لا يا يارا
يارا : كلامك صح
ملك : انتى اللى غلطانة ولازم تصالحيه
يارا : اصالحه ازاى طيب
ملك : محمد على اد ما هو عصبى بس قلبه قلب خصايه ، كلمتين حلوين قلبه هيرق
يارا بحزن : طيب
..................
رامى : هااا ماشى
محمد : ماشى
رامى : يلا بقا سلام علشان هروح اخلص كام حاجة كدا فى الشركة وهعدى على الفيلا اشوف فاضلها اد ايه
محمد : طيب ، تعالى باليل علشان ماتش الاهلى والوداد اللى فى المغرب
رامى : ده اكيد ، يلا سلام
محمد : سلام
___________________________________________________
طارق : ها حاولت تخترق حاجة !!!!
تامر : لا لسة
طارق : ولا انا
تامر :الحق ، يا نهار اسود !!!!!!!
_________________________________________________________________________
