رواية الحب الضائع الفصل العشرون
عبدالغفار : دخلت الزنزانة لقيته منتحر
حسام : ايه !!!!!!
عبدالغفار : لقيته مشنوق يا فندم فى سقف الزنزانة
اسرع حسام الى الزنزانة وبالفعل دل ووجد المسجون مشنوق وتحته كرسى صغير وهذا يدل على انه انتحر
شعر حسام بالحزن ودخل الى مكتبه وهو يخبط بقدمه بالارض ويفكر بكل هذا ولكنه قرر الذهاب الى محمد فى المستشفى
خبط حسام على الباب ليأذن له محمد بالدخول فخرجت يارا
حسام : حمدالله على السلامة يا بطل
محمد : الله يسلمك ، ايه الاخبار مامسكتوش حد من العيال دى
حسام : مسكنا واحد والباقى هرب واللى ضرب نار عليك هرب
محمد : حلو اوى، الواحد ده هو اللى هيعرفنا بقا مين دول
حسام : لا مش هيعرفنا
محمد بأستغراب : ليه
حسام : علشان انتحر
محمد : انتحر !!!! انتحر ازاى
حسام : دخلت الزنزانة لقيته منتحر ومشنوق
محمد : اتقتل بقا مش انتحر
حسام : الكرسى اللى بيبقى فى الزنزانة كان تحته يعنى هو اللى انتحر
محمد : والحبل اللى اتشنق بيه اشتراه وهو داخل ، ما تفتح دماغك يا حسام
حسام : قصدك ان الناس اللى معاه قتلوه علشان مايعترفش !!
محمد : ده اكيد
حسام : وازاى وصلوا للزنزانة فى القسم وسط الحراسة دى
محمد : ههههههه مش كل شوية افرق يا حسام ان ليهم حد فى الشرطة بيساعدهم
حسام : كدا الامل اننا نعرف مين اللى اتهجموا عليك كدا ضاع
محمد : لا ماضاعش انا هجبهملك واحد واحد
حسام : انت تعرفهم
محمد : كانوا مغطيين وشهم بس قولى مكانش معاه بطاقة ولا اي حاجة اللى انتحر او اللى اتقتل ده !!
حسام : لا دورت معاه مالقتش اى حاجة تدل على شخصيته
محمد : امممممم، انا مش هقعد هنا ، لازم اقوم ادور واباشر بنفسى
حسام : تقوم ايه انت لسة مطلع الرصاصة باليل ، لازم اقل حاجة تستريح يومين
محمد : مش هستريح اما اجيب العيال دى واخلص من ام القضية دى كمان
حسام : طب ريح النهاردة بس علشان الجرح بس
محمد : حاضر ولو حصل حاجة بلغنى
حسام : حاضر
___________________________________________________
كريم : مش قولتلك ماتقلقش على كيمو ياض
خالد : لا ده انت عالى اوى
كريم : امال لو عرفت الكبيرة
خالد : كبيرة ايه
كريم : لا ماينفعش خليك كدا ، بس ايه رأيك
خالد : عرفت تقتله فى السجن ازاى
كريم : حبايبنا كتير ، Don't worry
خالد : لا انا كنت فاكرك بتتكلم وخلاص ، بس دلوقتى صدقت
كريم : يلا خليه بقا راقد فى المستشفى كدا
__________________
كان فى غرفة المستشفى التى يوجد بها محمد، يارا وملك ورامى يجلسون ويمزحون ويتحدثون الى ان دخلت هدير
هدير : ايه يا مودى ، الف سلامة عليك
محمد بضيق : الله يسلمك
هدير : قلقت عليك والله اوى وخضيتنى عليك
محمد وهو يمثل التعب ويتتاوب وكأنه يريد النوم : اااه انا تعبان اوى مش قادر ، انا هنام
يارا وقد ادركت انه يفعل ذلك لكى ترحل هدير : نام يا حبيبى الف سلامة
هدير : طب خد الورد ده ، استأذن انا بقا
رامى : فى داهية
هدير : ايه
رامى : بقول توصلى بالسلامة
هدير : اه ماشى سلام
ضحكت يارا وملك من رامى واكملوا الحديث
____________________
كان ادهم جالس على مكتبه الى ان وصلت له رسالة من نفس المنظمة ولكن تلك المرة لم تكن حل شفرة وانما تهديد بعدم الغدر بهم لانهم سوف يقتلونه فور ذلك
ضحك ادهم من نص الرسالة المضحك وتذكر اول مرة عرف فيها تلك المنظمة
حينما كان رجل اعمال مبتدأ وليس لديه سيولة لتمويل مشروعاته وتعرف عليهم عن طريق الانترنت وارسلوا له رصيد فى البنوك بعد ان ارسل اليهم شيكات عليه ووعدوه ان يقطعوا تلك الشيكات فى حال مساعدتهم وبالفعل كبر ادهم السيوفى وعمل له اسم فى السوق ولكن تلك المنظمة ظلت ورائه وتطلب منه فعل الكثير حتى ولو كانت جرائم وكان ادهم يضطر فعل ذلك بسبب الشيكات التى معهم وايضا لانهم كانوا يهددوه بالقتل
______________________
محمد : روحوا بقا علشان الامتحان اللى عليكم بكرا
يارا : لا احنا جبنا الكتب معانا وبنذاكر انا وملك وهنقوم الصبح نمشى على الامتحان
رامى : بس تصدق يا مودى انى قلقت عليك اوى مقلدا صوت هدير
محمد : هههههههه انت مصيبة يا رامى والله ، جسم راجل وعقل طفل
رامى : هنبدأ نغلط اهو ، يابنى اعمل حساب لرقدتك دى
محمد : حاضر ياخويا
رامى : بس عملوا معاك الجلاشة
محمد : وعد منى اقوم بس واجيبهم وارميك معاهم فى السجن
رامى : تصدق انا غلطان انى ضربتهم معاك ، كنت سيبتك وجريت احسن
محمد : مانت خدت ضربة على نفوخك حلوة الصراحة هههههههه
رامى : شوقتى يا ملك ادينى اتضربت علشان اخوكى اهو وكنت هموت
ملك : بعد الشر عنك يا رورو
رامى : ما بلاش والنبى رورو دى يا جدعان
محمد : هههههههه لا رورو لايق عليك
رامى : ماشى مانت مودى برضو
محمد : مودى احسن من رورو يا شقيق
رامى : خلاص بقا ياض
محمد : ساكتة ليه يا يويو
يارا : بذاكر علشان عليا بكرا مادة دكتور بلحة
رامى : انهى بلحة فيهم ، اصل فيه بلح كتير فى البلد
محمد : اخرس ياض انت ولا نسيت انى ظابط
رامى : اوبس لقد وقعنا فى الفخ
محمد : مين بقا دكتور بلحة دة
يارا : دكتور رخم كدا وحالف ليجيبلنا امتحان يسقطنا
محمد : يبقى مايعرفش انتى تبقي خطيبة مين
يارا : لا والله
محمد : اها ، قوليله بس انك تبعي ومالكيش دعوة
رامى : ده لو قالتله انها تبعك ممكن يسقطها اكتر ما كان هيسقطها
محمد : بس يا رخم
رامى : حاضر يا كبير
______________________________
هدير : مش هتساعدينى بقا فى خطتى
سلمى : خطة ايه يا بنتى
هدير : انى افرق بين محمد والبت بتاعته اللى اسمها يارا دى
سلمى : ازاى ، هتوقعى بينهم مثلا ولا ايه
هدير : حاجة زى كدا بس محتاجة مساعدتك
سلمى : فى ايه
هدير : بصى هعرض عليكى الخطة وتقولى تنفع تقضى خالص ولا افكر فى غيرها
سلمى : ماشى
______________________
احمد وهو يحاول معرفة الرقم الذى جلبه من الشفرة ، فجأة ظهر ان الرقم تم فتحه فى القاهرة وعرف العنوان ولكن عرف ان محمد فى المستشفى فقرر ابلاغه غدا وحفظ الموقع الذى يتواجد فيه صاحب الرقم
_____________________
Hello , Mr. ko-
= welcome my friend
___________________
رامى : يلا انا هروح بقا وهجيلك الصبح
محمد : انا همشى الصبح
رامى : يابنى لازم يومين، تمشى ايه
محمد : لا مش هقعد تانى، لازم اقوم علشان كدا القضية متنيلة واقفة وانا حاسس اللى حصل ده هيبين حاجات كتير
رامى : ماشى هجيلك بدرى بردو
محمد : ماشى ، هم يارا وملك ناموا
رامى : ايوة نايمين فى الاوضة اللى جمبك
محمد: طب خليهم يقفلوا على نفسهم من جوا
رامى : حصل ، ماتقلقش ، موت انت بس وانا هبقى راجل المواقف دى
محمد : غور يلا من هنا
رامى : ماشى ياعم ماتزوقش بس
_____________________________________
رشدى : اجهزى يا دولت علشان كمان يومين هنسافر مصر
دولت : خلاص جهزت كل حاجة يا حبيبى
رشدى : ايوة
مى : هنلوح مصل يا بابى
رشدى : ايوة يا مى وهنشوف كل اللى نعرفهم
مى : هى مصل حلوة زى باليس كدا
رشدى : مش اوى بس هى حلوة علشان فيها اهلنا يا ميوش
مى : ماثى يا بابى
_________________________________________
سلمى : طب وكريم دخله ايه
هدير يا غبية افهمى , كريم ده بردو عايز ينتقم من يارا ويبعدها عن محمد
سلمى : ازاى وهو صاحبها اصلا فى الكلية وليه اصلا
هدير : علشان كريم بيحب يارا وهو اللى قتل سامح
سلمى : ايه !!!!!
