رواية الحب الضائع الفصل الواحد والعشرون
________________
هدير : علشان كريم بيحب يارا وهو اللى قتل سامح
سلمى : ايه !!!!!
هدير : امال ايه يا سوسو
سلمى: بس على اللى اعرفه ان كريم يبقى صاحب خطيبها القديم
هدير : امممم وخطيبها مات و اللى محدش يعرفه بقا ان كريم اللى قتله
سلمى : يالهوى على دماغك بس يقتل صاحبه ليه، مش معقول علشان يارا
هدير : معرفش ممكن يارا وممكن اسباب تانية i don't know
____________
اصبح اليوم التالى وفاقت ملك ويارا فى المستشفى واطمأنوا على محمد واتجهوا الى الجامعة
اما عن محمد فقام وذراعه معلق على رقبته بسبب الاصابة ووصل رامى
رامى : ايه الصحة دى كلها ، مضروب بالنار وقايم فايق كدا وعايز تروح الشغل كمان
محمد : اعوذ بالله
رامى : مش بحسد يا عم
محمد : طب انت هتروح الشركة ولا ايه
رامى : مش عارف
محمد : يعنى صاحب شغل فاشل وانا اجوز اختى لواحد مجتهد فى شغله مش فاااشل
رامى : لا رايح ياعم انت عارف انا بهزر
محمد : ماشى يلا اتكل وانا ماشى
رامى : هوصلك علشان كتفك مش هتعرف تسوق
محمد : هسوق بدراع واحد يابنى
رامى : وافرض كنت هتعمل حادثة ، مش هتعرف تتصرف بدراع واحد
محمد : اعوذ بالله خلاص تعالى
رامى : كان من بدرى
______________________
كريم : عملتى ايه فى الامتحان يا يارا
يارا : الحمدلله
ملك : يااااه مش مصدقة خلاص كلها اسبوع ونتخرج بقا
كريم : مش لو نجحتى
ملك : احيه ، انت بتخوفنى ليه ياعم كريم
ايمان : ربنا يستر يا جدعان ماتقلقوناش
كريم : يارا ممكن اكلمك لوحدنا
يارا : اشمعنا !!
كريم : عايزك فى موضوع كدا
يارا : حاضر
جلس كريم ويارا فى الكافيتيريا الخاصة بالجامعة
كريم : هو انتى صحيح مخطوبة للرائد محمد ادهم
يارا : ايوة
كريم : من امتى
يارا : مايكملش اسبوع
كريم : بتحبيه ؟
يارا : ايه يا كريم انت بتحقق معايا ولا ايه
كريم : لا يا يارا مابحققش بدردش معاكى عادى
يارا : اوك ، ايوة بحبه
كريم : وثقتى فيه بسرعة كدا ازاى !!
يارا بحزن: هو اللى عوضنى عن موت سامح وماما وبابا ، هو اللى وقف جمبى وساعدنى وكان سندى
كريم : اممممم ، اوك
يارا : بتسأل ليه !!
كريم : مفيش اصلك صعبانة عليا اوى
يارا بأستغراب : انا صعبانة عليك ؟
كريم : ايوة
يارا : من ايه ؟
كريم : محمد مابيحبش حد ، ظابط همه منصبه ووقاره بس حتى هايدى اللى كان هيتجوزها مكانش بيحبها ، بيعرف اى واحدة وبعد فترة يرميها ومش بعيد يكون هو اللى قتل هايدى كمان علشان يخلص منها
يارا : انت بتقول ايه ، انت شكلك اتهبلت
كريم : هتشوفى يا يارا ، هيرميكى وهتيجى تقولى انت عندك صح
يارا : وانت بتقولى كدا ليه
كريم : علشان تهمينى والسبب الاهم انى بحبك
يارا بصدمة : بتحبنى !!!!!
كريم : ايوة
يارا : مش بقولك اتهبلت ، عن اذنك ، وقامت ورحلت
يارا : يلا يا ملك علشان نروح
ملك : يلا بينا
___________________
ذهب محمد الى القسم ليقابل حسام
حسام : حمدالله على سلامتك
محمد : الله يسلمك يا حسام
يدخل احمد
احمد : ساعدتك الرقم فتح والعنوان اهو
محمد بجدية : ومستنين ايه، يلا يا حسام وهات قوة ويلا بينا
حسام : بس دراعك مش هينفع يا محمد علشان لو حصل اشتباك
محمد : القضية دى بتاعتى يا حسام ولازم اتابعها بنفسى
حسام : ماشى بس لو حصل اشتباك ماتخرجش
محمد : نبقى نشوف الموضوع ده هناك
حسام : طب هنجيب اذن النيابة والقوة
محمد : مش هستنى اذن نيابة يلا بينا
انطلق محمد وحسام ومعهم قوة كبيرة وخصوصا انهم عرفوا ان هذا العنوان الذى يوجد فيه الرقم فى منطقة صحراوية وخالية ومن الممكن ان تكون المنطقة مؤمنة جيدا من قبل هؤلاء الاشخاص وكان محمد يفكر طوال الطريق هل سيجد شخص ام ااشخاص كثيرة وسيحدث اشتباك بينهم ، هل من الممكن ان يكون كمين ، لكن لا يمكن فلا يمكن ان يكون كمين لان الرقم كان مغلق ثم فتح ولكن ما كان يقلقه ايضا ان صاحب ذلك الرقم لم يكن مصريا بل اجنبيا وما الذى اتى به الى مصر وما علاقته بتلك القضية
كل هذا كان يدور فى عقل محمد وهم فى طريقهم وعلى الناحية الاخرى كان شخصان يتحدثان
-- The plan is going well
= Yes my friend, that stupid policeman does not know he is an ambush for them
- hhhhhhhhhh
______________________
وصل محمد ومعه حسام وقوة الشرطة الى المكان المحدد وكان المكان عبارة عن منزل فى الصحراء ولا يوجد مبانى حوله وكان المبنى قديم جدا فأمر محمد ان تتوجه مجموعة لتحاصر المنزل من الناحية الشمالية و مجموعة اخرى من الجهة المقابلة ومجموعة تتحرك معه للداخل فى المنزل
ولكن فى اثناء تقدمه لاحظ ان المبنى مهلك ولا يمكن ان احد يعيش فيه ونظر الى الداخل من الخارج الى احد الشبابيك ووجد ان المنزل قديم من الداخل ويملأه التراب
محمد : كله يرجع
حسام : فيه ايه يا محمد
محمد بصوت عالى : كله ينفذ الامر ويرجع ده كمين
رجعت القوات الى الخلف مسافة وبالفعل انفجر المنزل انفجار ضخم وانخفض كل الجنود ارضا حتى يتجنبوا الانفجار
وتحول المنزل الى تراب بفعل الانفجار الضخم
محمد بضحكة سخرية : كنا هنبقى تراب زى ده لو دخلنا ، دول حاطين كمية متفجرات تدمر بلد بحالها
حسام بعدم استيعاب : ايه ده ، انت عرفت منين انه كمين
محمد : البيت قديم جدا و فاضى من جوا ، مستحيل حد يعيش هنا وكمان حسيت ان ده كمين وانا جاى والمصيبة انى جيت واتأكدت بعينى
حسام : كنا زمانا ميتين كلنا دلوقتى
محمد : يلا بينا
_______________
شريف : ايه اللى حصل فى العملية ده
محمد : كمين يا فندم ولولا انى ظابط عمليات خاصة ماكنتش عرفت ان ده كمين
شريف : انت انقذت ظباط زمايلك كتير ، بحترم ذكاءك بس بردو كان لازم تبلغنى قبل ما تتحرك ل عملية زى دى
محمد : اسف يا فندم بس انا قولت التحرك اسرع
شريف : لازم ناخد بالنا الفترة دى ، الناس دى مش سهلة وواثقين اننا هنعرف نفك الشفرات والا مكانوش عملوا الكمين ده
محمد : فعلا ، اما نشوف بقية الشفرات ، ربنا يستر يا فندم
شريف : تقدر تتفضل ولتانى مرة ماتتصرفش من دماغك
محمد : تمام يا فندم
____________________
يارا : شوفتى كريم قالى ايه
ملك : ايه
قصت يارا على ملك كل ما قاله كريم
ملك : بصى كل اللى قاله هبل فى هبل علشان انا عارفة اخويا اكتر ما اعرف نفسى بس اللى يجنن فعلا انه بيحبك
يارا : محمد لو عرف انه قالى كدا مش بعيد ممكن يقتله
ملك : لا بلاش ، انتى عارفة محمد عصبى
يارا : ماتقلقيش طبعا مش هقوله
ملك : خلى بالك انا جعانة جدا ومش قادرة اعمل الاكل النهاردة وانتى عارفة مشينا الشغالة علشان نبقى لوحدنا
يارا : طب ايه رأيك هعمل الاكل انا يا ستى بس هتساعدينى
ملك : من عينيا
يارا : طب يلا
______________________________________
- This policeman is not stupid as we thought, he is smart and understands what we think
=Yes, but what will we do
- If the officer solved the following code, it would be a major problem
=The best solution is to kill him !!!
___________________________________________________________________________
