 |
رواية عودة هيما الفصل الرابع 4 بقلم أسماء عبد الهاديعودة هيما 4 وصل ريان شركة عائلة المنياوي الشهيرة الصيت وقعد ع مكتبه وضغط ع الجرس ع مكتبه دخلت السكرتيرة وهي بتقول _حمدا لله ع سلامتك يا ريان بيه.. تحت امر حضرتك ريان_ الله يسلمك يا تسنيم ممكن معلش تجبيلي فنجان قهوة _حاضر يا ريان بيه حالا هتكون عند حضرتك بدأ ريان يقرأ ف الملفات قدامه وبعدين جت السكرتيرة _القهوة يا ريان بيه _شكرا يا تسنيم _ااا ريان بيه بصلها _نعم _مهران بيه عايز حضرتك في مكتبه حالا اتنهد ريان وقال بهدوء _تمام رايحله وفضل يشرب قهوته بهدوء ولما خلصها قام راح لمهران خبط ودخل واول ما شافه ماهران قال بسخرية _حمدا لله ع السلامة يا ابو قلب حنين ريان بهدوء _خير عايزني في ايه يا مهران _طب قول صباح الخير لأخوك الكبير حتى ولا خلاص مبقاش فيه احترام للي اكبر منك بس هقول ايه ما انت مصاحب رعاع فأكيد هتتعلم منهم . ريان بملل من تصرفات اخوه اللي هو مش راضي عنها _هتقول عايز مني ايه ولا ارجع مكتبي قام مهران من مكانه ومسك اخوه من هدومه _ولا اتعدل في الكلام معايا بدل ما اعدلك وانت عارفني عدل ريان هدومه وقال بهدوء _ماشي يا مهران عايز مني ايه انا ورايا شغل وعايز اخلصه رجع مهران مكانه وقعد ع الكرسي وقعد ريان هو كمان مهران _كنت عند ابن نحمده بتعمل ايه ؟ _اسمه هيما يا مهران هيما مهران قال بحدة _رد ع سؤالي _انت بتراقبني بقا وعارف تحركاتي ؟؟ _لا يا خفيف براقبه هو _سيبه ف حاله عايز منه ايه تاني .. ليه شاغل دماغك بيه _اسيبني من مين دا واد قاعدلي زي القضا المستعجل مش عارف طلعلي منين _اللي انا شايفه انه بعيد عنك وملوش اي علاقة بيك ولا حاطك ف دماغه ولا فاكرك اصلا فانساه انت كمان مهران اتغاظ وزعق _ريان اقطع علاقتك بهيما _مقدرش دا صاحبي قبل اي حاجة تانية _صحبوبية الندامة يا خويا جته الهم قام ريان وقف _مم تمام رسالتك وصلت وردي كمان وصلك فارجع أنا بقا ع مكتبي زعق مهران_ ريان متخلنيش ازعلك هنا جه عمران وهو بيقول _مسا مسا ع باشا مصر كلها... منور يا جوكر منور يا كبير مهران _اهلا يا عمران تعالى عمران باستفسار_ في ايه بتزعق ليه مين مزعلك..يا باشا مصر سكت شوية وقال _ممم خليني اخمن .. اكيد ابن عمي ريان كالعادة مضايقك بتصرفاته ولسه بيكلم اللي اسمه هيما دا ريان بملل _ممم اظن جالك اللي ع نفس دماغك اسيبكم بقا تمخمخوا مع بعض وامشي انا جه مهران يزعق لاخوه عمران قال _فكك منه ريان عقله طاقق وطول عمره ليه دماغ لوحده مش زينا مهران بضيق _خايف الواد دا يقدر يخليه ف صفه عمران _صف مين وانت باشا مصر دا انت بإشارة منك تطيره يا كبير ابتسم مهران بخبث_ معاك حق يا عمران لحظة اعرفكم ع أحفاد عيلة المنياوي عيلة عامر المنياوي واولاده" مهران... ريان.. نورين " ....طاهر المنياوي واولاده" ظافر المنياوي" ...مسعد المنياوي واولاده" زيدان .. وعمران." ...صفاء المنياوي واولادها" راكان وغفران وتالين شاور مهران لعمران_ اقعد بس كدا وركز معايا علشان عايزك عمران _انا جيت اشوفك بس ورايح انام اجيلك بقا ف السهرة لاني راجع من الجامعة وهلكان مهران بضيق _نفسي اعرف بتروحها ليه وانت اصلا مبتحضرش المحاضرات وزي قلتك هناك عمران_ بروح علشان التفاريح اللي هناك... في الجامعة يا ابن عمي شوية بنات لوووز اللوز ضحك مهران_ تقدر تلاقيهم في اي مكان تاني مش شرط الجاامعة عمران _يا سيدي اوامر اخويا زيدان لو معملتش اني بروح الجامعة هيبهدلني ضحك مهران _هو لسه بيعاملك بنفس الطريقة عمران بضيق _ولا عمره هيتغير سيبك منه انا بأخده ع قد عقله في الوقت دا دخلت نورين اخت مهران بكامل تبرجها وملابسها اللي بتكشف اكتر ما بتستر وريحة البرفيوم بتاعها مغرق الشركة كلها _هاي عليكم عمران وهو بيبص باعجاب على نورين ودا لانه عينه زايغة _هاي على الجمال اللي حل علينا وخطف قلوب الشباب كلها.. ازيك يا قمر ابتسمت نورين _عمروي وحشتني اوي ع فكرة عمران _تصدقي وانتي اكتر يا قلبي.. ها ايه رأيك نخرج سوا الليلة نورين _واي نوت نخرج ونخربها بقا عمران_ ديل يا قلبي هستناكي بالليل ع احر من الجمر كل دا قدام مهران اللي مكانش منتبه ليهم ولا يهمه بيعملوا ايه اصلا نورين قربت من اخوها وباسته _جوكروا يا كبير عامل ايه مهران بملل _اه انتي لسه فاكرة اخوكي دلوقتي بس نورين ضحكت _معلش بقا يا جوكروا.. عمروي ثبتني بكلامه العسل اللي زيه ما انت عارفه مهران بصلها بهدوء _ها عايزة ايه نورين _نورين كلك مفهومية يا جوكروا مهران_ رايحة فين نورين_ اكيد خارجة من اصحابي يلا بقا يا مهران متضيعش وقت انا لسه مبدأتش يومي مهران ضغط بإيده ع اللاب قدامه وقال _اعتبريه وصل يلا هويني بقا مش فاضيلك باسته تاني _احبك يا مهران يا حبيبي انت امواااه وقالت لعمران _يلا باااي باي عموري ع معادنا بقا عمران _اكيد يا قمر انت مش هتأخر __ بص هيما في الساعة اللي متعلقة ع الورشة وقال _وبعدين بقا الساعة بقت ٤ العصر هتروح امتا دي... انا رايحلها وراح للحج صالح _انا رايح المشوار اللي قلتلك عليه يا حج صالح وهعوض تأخيري النهاردة بكرة بإذن الله الحج صالح _روح يا ابني ومتشلش هم ربنا يباركلك ويعينك ع فعل الخير _تسلم يا عم صالح _وراح ع البيت فلقى جدته قاعدة ف الصالة واخواته البنات في اوضهم بيذاكروا هيما_ ها لسه بدو يا جدتي الجدة_ لسه يا ابني هبعت البنات يصحوها كفاية عليها كدا _ماشي نادت الجدة_ بت يا هدي يا يت يا سما انتوا يا بنات جوة في الاوضة هدى وسما كانوا قاعدين ع المكتب وكل واحدة قدامها كتابها يذاكروا شوية وشوية يتكلموا مع بعض وكل واحدة تحكي ايه اللي حصل في يومها التانية ففضلت تحكي هدى عن ريان وهي منكشحة ومبسوطة اوي _ تعرفي يا سما بحس ان ريان صاحب هيما مش زي الشباب اللي في سنه اولاد رجال الاعمال... معظهم بحسهم مغرورين اخلاقهم مش كويسة بيعملوا اللي هما عايزينه من غير رقيب .. لكن ريان غير جنتل مان وشهم وطيب وكمان مصاحب هيما اخويا اللي ع قد حاله ... من يوم ما اتعرف عليه في الورشة وهيما صلح ليه عربيته وهما أصحاب وعلطول ريان يجي يسأل ع هيما ويوده ... بصراحة مشفتش في اخلاقه قبل كدا حطت سما ايدها على خدها وقالت بتريقة _ااه وايه كمان يا ست جوليت اشجيني كمان عن روميو بتاعك ضربتها هدى بالكتاب على دماغها _بت انتي .. انتي بتقولي ايه انا بحكيلك اللي حصل ع فكرة سما _واللي حصل ملوش غير تفسير واحد وهو انك بقيتي زي جولييت بالظبط هدى بتوهان_ تفتكري مش يمكن مجرد اعجاب يا سما _اتمنى دا يا هدى لان ريان مش من نفس طبقتنا ولو فرضا هو كملن بيبادلك نفس المشاعر وطلبك للجواز اهله مش هيوافقوا ولا هيقبلوا بدا علشان كدا بقولك فوقي والحقي نفسك قبل ما قلبك يطب ع وشه ومتلاقيش اللي ينجدك من وقعة الحب اتنهدت هدى _معاكي حق يا سما .. تعرفي يا بت يا سما رغم انك الصغيرة الا اني بحسك عقلك اكبر من سنك وفاهمة الحياة كويس سما بغرور _طبعا يا بنتي دا انا سما .. ايدك يلا ع خمسة جنية نظير استشارتي دي واي استشارة تانية بخمسة جنيه بردو يلا ربنا يخليني للشعب ضحكت هدي وبعديها ضحكت سما فسمعوا خبط ع الباب هدى قالت_ دي خبطة ابيه هيما اتفضل يا هيما هيما دخل لقاهم بيضحوا _اه انتوا قاعدين تضحكوا هنا وجدتكم بتنادي عليكم ومش سامعينها ولو قامت لكم انتوا عارفين هتعمل ايه البنات ضحكت اكتر_ يا خبر والله مسمعناش ابتسم هيما _طب ضحكوني معاكم بتضحكوا ع ايه بقا سما غمزت لهدى_ اقول ولا غور هدى الدم فار من عروقها وهمست لسما_ انكتمي يا مصيبة وربنا ما احكيلك حاجة بعد النهاردة سما ضحكت _خلاص يا رمضان بهزر ايه مهزرش هيما _ممم الظاهر دي اسرار بنات اطلع منها انا بقا سما_ عليك نور يا ابيه هيما_ طب يلا يا لمضة ادخلوا صحوا سلسبيل سما _سلسبيل مين هيما بانزعاج _بت يا هدى ادخلي صحيها اختك باين نايمة وهي واقفة اصحي يا ماما اصحي قالها وهو بيخبط ع راس سما فضحكت سما وراحت مع هدى يصحوا سلسبيل هدى قربت من السرير وفضلت تنادي عليها _انسة سلسبيل انسة سلسبيل ولما مستجابتش بدأت تهزها بشويش سلسبيل .. اصحي بقا كل دا نوم اتململت سلسبيل في السرير سما _الله اكبر هتصحي اهي ايوا بقا هدى_ اهمدي يا بنتي علشان متقومش مفزوعة وبالفعل سمعت سلسبيل اصوات غريبة فقامت بسرعة وقعدت ع السرير _اااا انتوا مين انا فين وبعمل ايه هنا .. انتوا ميييين هدى لسما _مش قلتلك هتخاف هدى_ اهدي يا سلسبيل انتي مش فاكرة اللي حصل امبارح.. انا هدى اخت هيما.. والحجة فريدة والعصاية.. ها افتكرتي هزت سلسبيل راسها وبدأت تتنهد براحة _اه اه افتكرت يا هدى سما بمرح_ وانا بقا اختها سما ابتسمت سلسبي_ل اه انتي كنتي نايمة فعلا امبارح ... هو احنا بقينا امتا هدى_ بقينا العصر ناموسيتك كحلي سما_ الظاهر عجبتك النوم هنا ولا ايه لكزتها هدى في كتفها وهمست لها _انتي بتقولي ايه يا بنتي اسكتي سلسبيل شردت وقالت _بصراحة انا حاسة اني عمري ما نمت نوم عميق بالشكل دا.. لاول مرة انام براحة وامان ومأحسش بخوف سما _غريبة رغم انك في بيت ناس اغراب اول مرة تشوفيهم ازاي آمنتي لينا بالشكل دا وبالسرعة دي مش غريبة بردو مطت هدى شفتها بانزعاج من اختها سلسبيل ردت _يمكن معاكي حق بس هتصدقيني لو قلتلك اني فعلا ارتحت ليكم هنا اوي وحبيت هنا جدا اكتر من الفيلا اللي كنت عايشة فيها سما _ياختي كنتي عايشة في فيلا وبتتبطري وعاجبك الشقة الضيقة اللي احنا فيها دي هدى بغيظ _لو منكتمتيش يا سما هزعلك سما _ايه مش بقول الحقيقة سلسبيل ردت ع كلام سما _مش مهم المكان قد ما هو مهم انتي عايشة مع مين وفين... لو عايشة مع وحوش في قصر مش هتكوني مرتاحة انما لو عايشة مع ناس طيبة بتحبك حتى لو في عشة هيكون بالنسبة ليكي جنة... وانا معرفش ازاي حبيتكم وارتحت ليكم وشوشكم مليانة نور وطيبة ملهاش حد... كفاية انكم آويتوني عندكم وانتم متعرفوش حاجة عني سما قعدت جنبها _ها احكيلنا بقا حطايتك ايه عندي فضول اوي اعرفها ومنتظراكي تصحي من بدري هدى بغيظ _مفيش فايدة سما قومي يا بت غوري من هنا سلسبيل _انا جعانة اوي عندكم اكل سما_ وربنا انتي داخلة ع طمع هدى لسما_ وربنا انا اللي هضربك لو منكتمتيش . ضحكت سما فضحكت سلسبيل وقالت _ايه يا سما مش هتكرموا الضيفة اللي عندكم سما _هأكلك بس بشرط تحكيلي حكايتك سلسبيل بادعاء الضيق _ايه دا يعني لو مقولتش حكايتي مش هتأكلوني .. 🥺🥺 ضحكت سما _لا صعبتي عليا هنأكلك خلاص متعيطيش هدى_ يلا تعالي ادخلي الحمام واغسلي وشك وانا هجهز ليكي طقم من بتوعي تلبسيه لو كنتي سمعتي كلامي وغيرتي هدومك امبارح كان زمانها اتغسلت ونشفت وقدرتي تلبسيهم دلوقتي سلسبيل بلا مبالاة _مفيش مشكلة اغسليهم دلوقتي عادي سما _يا عيني دي بتقولك مفيش مشكلة وكمان اغسليهم مش بقولك البنت دي داخلة ع طمع ضحكت سلسبيل_ معلش بقا اصلي مش بعرف أغسل وبصراحة مغسلتش قبل كدا هدى_ ياختاي كانت تسمعك الحجة فوفا مكانتش هترحمك ضحكت سلسبيل_ اه بالعصاية وع دماغي سما_ ايه دا انتي جربتي عصايتها بالسرعة دي هدى ضحكت_ وربنا من اول ما جت جربتها سما ضحكت_ تيتا مبيهمهاش حد بعد كدا قامت سلسبيل ودخلت الحمام وغيرت هدومها ولبست هدوم من عند هدى وخرجت ليهم ف الصالة هيما كانت قاعد هو وجدته والبنات سلسبيل_ مساء الخير عليكم الجدة_ مساء النور يا سلسبيل كل دا نوم يا بنتي سلسبيل_ معلش يا تيتا اصلي كنت مرهقة شوية انا اسفة اوي هيما _ولا يهمك يا انسة المهم انك بخير سليبيل_ شكرا يا هيما بجد قامت سما جابت الغدا ليها وقالت _اتفضلي اكلك اهو رز ودبوسة وشوية بسلة انما ايه هتعجبك اوي هدى اللي عاملاه بس نفسها حكاية دوقيها وهتعجبك . سلسبيل_ متأكدة انه هيعجبني شكرا بجد... بس انا مش بعرف اقوم من النوم أكل رز.. لازم اكل حاجة خفيفة الاول فمعلش لو ساندويتش صغير هيكفي بالغرض . الجدة قالت_ اااه يبقى انتي بتعملي البتاع اللي اسمه ابصر ايه دا اللي بيخبي البنات زي المساخيط اسمه ايه يا بت يا هدى . ضحكت هدى _ريجيم يا تيتا الجدة _ايوة هو دا كلي يا بت كلي محدش واخد منها حاجة سما _لا هعملها زي ما تحب يا تيتا يمكن هي متعودة ع كدا سلسبيل_ معلش هتعبك يا سما وبعد شوية جت سما معاها _ساندويتش وكوباية شاي ها يا ستي كدا حلو سلسبيل_ متحرمش منك هيما بجدية _ناوية ترجعي بيتك امتا الوقت هيتأخر عليكي تاني سلسبيل بحزن _انتوا زهقتوا مني هيما _انا خايف ع مصلحتك انتي ...علشان تعرفي تروحي في النور سلسبيل_ بس انا مش عايزة اروح يا هيما عايزة افضل هنا شوية هيما رفع حاجبه _واهلك هيقلقوا عليكي سلسبيل_ ميهمش انا اصلا بفكر مش ارجع الفيلا تاني سما _مش هتقولي بقا ايه حكايتك سلسبيل اتنهدت بحزن _الحكاية باختصار يا سما اني كارهة المكان اللي انا عيشة فيه مش حابة وجودي وسطهم حاسة اني مش زيهم غريبة عنهم منتميش ليهم ابدا... انا عايشة وسط غابة محدش فيها قلبه ع التاني كله بيقول نفسي نفسي والبقاء للأقوى صدقيني لو قلتك اني كرهت نفسي وسطهم هدى_ يعني دول مش اهلك سلسبيل اتنهدت بأسف_ للأسف اهلي يا هدى بس انا مش زيهم ولا مرتاحة لتصرفاتهم ولا اللي بيعملوه انا نفسي اعيش بأمان نفسي اعيش مرتاحة.. مش عارفة هتفهموني ولا لا بس انا لقيت الراحة هنا اكتر من الفيلا وسط اهلي هيما _تصرفات ايه بالظبط علشان الموضوع مفتوح وانا مش عايز دماغي تودي وتجيب انا اسف سلسبيل _هقولك مثال يعني مثلا اللي خلاني اهرب من الفيلا ... شهقت سما انتي هربتي من بيتكم..... عودة هيما أسماء عبد الهادي سما شهقت _يالهوي هربتي سلسبيل_ اه دي الحقيقة انا هربانة من اهلي يا سما واللي شوفتهم بيجروا ورايا يا هيما دول البادي جاردس بتوعي وطبعا عايزين يمسكوني علشان يرجعوني الفيلا تاني هدى_ ليه هربتي سلسبيل بضبق _عايزين يجوزوني لصاحب اخويا اللي انا مش بطيقه اطيق العما ولا اطيقوش لكن هما مصرين عليه لمجرد انه غني وشريك ليهم وكدا... رفضت كتير وعبرت عن غضبي ورفضي للموضوع بأكتر من طريقة ومفيش فايدة فكان الحل الانسب اني اهرب هيما _غلط الهروب عمره ما كان الحل سلسبيل _معنديش حل غيره انا وحيدة وضعيفة وسطهم ومرات بابا مقسية بابا عليا اوي واخويا لو طايل يبيعني علشان الفلوس مش هيتأخر انا تعبت تعبت بجد من العيشة دي قالتها وفضلت تعيط طبطبت عليها هدى وسما _ يا حبيبتي معلش متعيطيش كله بيعدي سكت هيما وزعل علشانها وقالت الجدة_ يا ضنايا يا بنتي خلاص خليكي هنا كم يوم لحد ما تهدي واعصابك تروق... هيما اتكلم وقال _بس اكيد اهلها هيقلبوا عليها الدنيا فلازم تتصلي بيهم او بأي حد قريب منك تبلغيه انك بتريحي اعصابك كم يوم وهترجعي هزت سلسبيل راسها وسط دموعها _حاضر هعمل كدا الجدة_ يلا يا بنات خدوها معاكم الاوضة وفرفشوها شوية ووقت ما تحبي تأكلي المطبخ عندك واعتبري البيت بيتك سلسبيل_ حاضر تسلمي يا تيتا ودخلت معاهم اما هيما فقام من مكانه وقال _وانا هنزل ع شغلي يا جدتي طالما انها مش هتمشي بس خدي بالك منها بردو وعينك عليها احنا لسه بردو منعرفهاش كويس الجدة _اطمن يا هيما انا معاهم متقلقش هيما _يخليكي لينا يا جدتي ___ في شركة كبيرة جدا في امريكا وتحديدا نيويورك قعد على مكتبه بكل شموخ وهيبة فسمع خبط الباب فبص لمين اللي بيخبط فأول ما شافه بصله بضيق _ انت جيت أخيرا قعد راكان وقال بضيق _ امشي يعني ولا ايه يا زيدان زيدان بنفاذ صبر _جاي عايز ايه يا راكان انا مش فاضيلك راكان _جاي اقعد مع ابن عمي شوية ايه بلاش؟ زيدان بحدة _ ولا هنا شغل جد مش لعب عيال لازم تكون فاهم راكان بضيق _ فاهم يا زيدان فاهم زيدان_ هات من الاخر عايز ايه راكان_ انزل مصر _وايه اللي مانعك _ما انت عارف _انت مبيهمكش حد انزل خايف من ايه _انزل معايا يا زيدان _لا انا مش فاضي وكمان انت عارف ان انا وابن عمك مش بنطيق بعض فوجودي في الجزء الخاص بالعيلة هنا افضل راكان ابتسم بخبث _عليا انا بردو انت زيدان المنياوي اللي الكل بيعملك الف حساب عامل حساب لمهران ابن عمك ومش عايز تنزل مصر علشانه ولا علشان حد تاني ؟؟ اتضايق زيدان من تلميحاته وقال _تقصد ايه يا زفت ابتسم راكان بتسلية _لا ولا اقصد ولا حاجة دفشه زيدان بضيق _طب قوم غور من قدامي راكان قام وهو بيضحك _ هقوم .. بس هنرجع انا وانت مصر سوا وقريب انا متأكد زيدان بصله بحدة_ راكان لو متلمتش هلمك بمعرفتي راكان_ لا وعلى ايه انا اصلا ماشي سلام ___ فضلت سلسبيل في بيت هيما عايشة براحة معاهم وسعادة ملهاش مثيل اتعلمت تعتمد على نفسها واتعلمت انها تعمل كل حاجة بنفسها وكمان اتعلمت تنتظم في الصلاة بعد ما كانت بتأديها ع حرف وتسيب حرف وبالأخص قيام الليل واللي حببها في دا هيما بالليل قامت علشان تشرب فحست بحركة غريبة في الصالة والنور مطفي فمكانتش شايفة كويس فكانت هتصرخ الا انها سمعت صوت هيما بيقول _الله اكبر ارتاحت واطمأن قلبها _اااه الحمد لله دا هيما انا قلبي وقع في رجلي دخلت المطبخ وشربت وعملت ساندويتش وقعدت ع الكنبة تستناه يخلص وبعد ربع ساعة خلص هيما صلاته فبصلها باستغراب _قاعدة هنا ليه وايه اللي مصحيكي دلوقتي الساعة داخلة ع ٣ الفجر _قمت اشرب ولما لقيتك بتصلي قلت استناك _خير عايزة تقوليلي حاجة هزت سلسبيل راسها بالرفض وبعدين افتكرت الموقف فقالت _تعرف انا لما قمت وحسيت بحركة غريبة اتفزعت اوي بس اول ما سمعت انه صوتك انت حسيت بالأمان والخوف اتبدد تماما سكت هيما ومردش فضلت سلسبيل تبصله فاتنحنح هيما وقال _طب قومي نامي يلا _وانت مش هتنام _لا هقرأ قرآن شوية لحد ما الفجر يأذن علشان انزل اصلي وانتي ياريت تفضلي صاحية علشان تصلي الفجر ف معاده _حاضر هعمل دا بس خليني افضل قاعدة معاك كدا البنات نايمة جوة ومش عايزة اعملهم ازعاج _بس انا مش هينفع اقعد معاكي لوحدنا _احنا مش لوحدنا يا هيما ضحك هيما _اه الشيطان ثالتنا قومي يا بت ادخلي جوة بصتله سلسبيل بغيظ _انت بتقلس حضرتك هيما بجدية _على فكرة مش بقلس ولا حاجة دا حقيقي اي بنت وولد قاعدين سوا لوحدهم الشيطان تالتهم وانتي عارفة بقا شوشو بيوسوس للإنسان علشان يعمل ايه _ايوة بس دا مش انت اللي تسمع كلامه يا هيما انت اقوى منه _الانسان ساعات بيضعف _بس انا مصدقش دا عليك يا هيما ابدا _انتي عايزة ايه يا بنتي قومي ادخلي جوة لاما هدخل انا _هيما انت متضايق من وجودي ولا ايه حتى ف وجود اخواتك مش بتقعد معانا ولا حتى بتكلمني الا بسيط اوي وكله كلام عادي _اومال اكلمك ازاي اصاحبك مثلا _ليه لا يا هيما ما انا صاحبت هدى وسما _دول بنات زيك اما انا اصاحب بتاع ليه _ليه لأ _مش هتفهمي قصدي يا سلسبيل _طب فهمني _بردو مصرة ان الشيطان يكون تالتنا _لا والله بجد عايزة افهم يا هيما _مم طيب لو عايزة تفهمي فعلا ممكن بس اثناء وجودي في البيت معاكم تحطي طرحة ع شعرك .. انا مش بجبرك ع حاجة بس حقيقي مش هينفع اقعد معاكي ب احم.. اا سلسبيل بخفوت _ااا بشعري مش كدا هز هيما راسه فقالت سلسبيل _حاضر لو انت عايز كدا تمام هغطي شعري علشان انت تقدر تتكلم معايا _مقلتش اتكلم قلت افهمك _وهتفرق ايه _هتفرق كتير اعملي بس اللي قولتلك عليه وتعالي جريت سلسبيل بسرعة ولبست طرحة من طرح سما وهدى وجت تاني وقعدت معاه _ها كدا كويس غصب عن هيما بص لوشها ولوهلة تاه في تفاصيله الرقيقة وشها ابيض مخلوط بحمرة من عند الخدود.. فيه براءة قدر يشوفها بسهولة... حاجة كدا جذبته ليها من غير ما يحس او يسعى لدا فبسرعة استغفر ربنا ونزل راسه وغض بصره _اا احم اا كنتي عايزة تفهمي ايه _انت ليه مش عايزنا نتصاحب عادي زي اي اتنين ما بيتصاحبوا _علشان ربنا قال ولا متخذات أخذان.. يعني مينفعش البنات تصاحب شباب وتفضل تضحك وتهزر معاهم وتحكي معاهم ع اسرارها وحكاياتها وكدا والعكس مينفعش الشاب يصاحب بنت ويتكلم معاها لاي سبب من الاسباب الا للضرورة _طب ليه التعقيد دا يا هيما _مش تعقيد دا حفاظ على البنت وقلبها ومشاعرها _ازاي _اكيد لما البنت بتقعد مع شباب اكيد طبيعي قلبها هيميل لواحد منهم وممكن ميكومش هو جدير بقلبها ولا بحبها ويتسلى بيها ويجرحها فربنا علشان خايف علينا وع قلوبنا من انها تنجرح او تندمل مشاعرنا حرم علينا الاختلاط فهمتي كدا _بس الحب مش حرام ومش بإيد حد _ولو كان بالحلال هيكون ليه طعم احلى مليون مرة _طب ازاي وانت بتقول مش أكلم شباب طب هحبه ازاي _وهو لما تكلمي شباب وواحد منهم يضحك عليكي بكلمتين قالهم لمليون بنت قلبك يبقى بيحبك الحب مش كلمتين حلوين مش وردة وشوية هدايا مش قصائد وأشعار الحب مواقف وأفعال... الحب عشرة الحب زي السكر اللي بيعطي للحياة طعم ابتسمت سلسبيل _مم شكلك حبيت قبل كدا بقا _ليه بتقولي كدا _من كلامك _دا مش حقيقي _بجد يعني مش حبيت قبل كدا كشر هيما وقال بجدية_ قومي يا سلسبيل ادخلي ع الاوضة انا اللي غلطان _ايه زعلت ليه _انا كنت بقول ايه من شوية _مش فاهمة عملت انا ايه _مالك انتي حبيت ولا محبتشي هتصاحبيني زعلت سلسبيل _انا اسفة يا هيما مش قصدي ازعلك اتنهد هيما _انا اسف مش قصدي اللي وصلك.. كل اللي اقصده انك بتسالي في تفاصيل مينفعش بنت تسألها لشاب فين حياءك يا سلسبيل تاج البنت حياءها اللي بيزيدها وقار وبيميزها عن غيرها... تميز البنت وتفردها ف ان محدش يعرف عنها حاجة او يشوف جمالها غير محارمها وبس يعني ابوها اخوها عمها خالها جدها ابن اختها ابن اخوها وبس فهمتيني _ممم بحاول افهمك ابتسم هيما _هخلي البنات يفهموكي اكتر هما فاهمين الدرس كويس ضحكت سلسبيل _اممم شكلك معلمهم الدرس كويس هيما _طبعا وواحدة واحدة بقت سلسبيل تتعلم من البنات الصح من الغلط وتعدل من تصرفاتها لدرجة انها جت في يوم وقالت للبنات _انا عايزة اتحجب والبس الطرحة علطول مش بس قدام هيما البنات فرحت اوي _بجد يا سلسبيل دا احلى خبر سمعه في حياتي دا هيما هيفرح اوي سرحت سلسبيل وقالت_ بتوهان بجد هيفرح _طبعا هيفرح بيكي سلسبيل قالت من غير ما تاخد بالها _وانا مش عايزة حاجة غير انه يكون مبسوط مني سما غمزت لها _ياسيدي يا سيدي اعترفي يا بت هو فيه ايه هدى ضربتها _سما انتي بتقولي ايه اسكتي سما _اعترفي ياسلسبيل سلسبيل _مش عارفة انا شكلي حبيت هيما وحبيته اوي كمان هدى _فوقي يا سلسبيل انتي اعجبتي بيه بس علشان ساعدك مش اكتر سلسبيل بحيرة_ حقيقي مش عارفة جه في الوقت دا هيما وهو متضايق وع اخره ونادى بعلو صوته _سلسبيل سلبييل هدى_ ربنا يستر هيما شكله في حاجة مضايقاه راحتله سلسبيل ووراها البنات _نعم يا هيما _انتي مقلتيش لأهلك ع وجودك هنا سكتت شوية فقال _انا مش طلبت منك تعطيهم علم بأنك هنا وانك هتفضلي هنا لبعض الوقت _حصل يا هيما وعملت دا والله ايه اللي حصل _اللي حصل انك لازم تمشي دلوقتي حالا وترجعي لاهلك مفيش قعاد هنا بعد النهاردة _ايه هيما انت بتقول ايه انا مش عايزة اروح زعق هيما _بطلي دلع بقا تقعدي هنا عند ناس اغراب وتسيبي بيتم واهلك بصفتك ايه ؟؟ . هيما_ انا بعتبر نفسي واحدة منكم انتم مش اغراب انتم بقيتم اهلي هما اللي بقوا اغراب _العكس صحيح ومهما كان هما اهلك احنا اغراب ارجعي لأهلك يا سلسبيل وكل مشكلة وليها حل _لا مش همشي يا هيما زعق هيما _وانا مش هستنى اشوف اخوكي الهمجي دا يكسر ورشة الراجل الغلبان واقف اتفرج البنات وسلسبيل شهقوا بصدمة سلسبيل_ ايه ازاي دا حصل هيما بغضب _اخوكي بعا ناس وجم يتهجموا ع الورشة وكانوا هيجيبوها الارض لولا اني كنت موجود واتصديت ليهم اتنهدت سلسبيل براحة_ طيب الحمد لله _روحي يا سلسبيل اخوكي شكله شراني واحنا ناس ع قد حالها وكافين خيرنا شرنا قالت بحزن_ هتتخلى عني يا هيما م_فيش في ايدي حاجة اعملها ليكي اللي قدرت اساعدك بيه عملته _يعني هتكون مبسوط لما اتجوز واحد مش بحبه وغصب عني _لا طبعا بس انا مليش اي سلطة او علاقة بيكي تخليني اتدخل _خليني عندكم يا هيما _اخوكي مش هيسكت وانا لو عمل حاجة في ورشة الحج صالح مش هسكتله وانا مش عايز مشاكل _طب طب لو اتكلمت معاه وحاولت اقنعه _ياريت يكون افضل _طيب انا همشي وهروح اقنعه وهرجع تاني يا هيما ماشي؟. _المهم انك لو رجعتي ترجعي برضاهم مش غصب عنهم _ادعيلي اقدر لف هيما وشه الجنب التاني لانه من جواه مش عايزها تمشي لان اللي شافه من بلطجة اخوها قدر يعرف حقيقة وكر الذئاب اللي هي عايشة معاهم سلسبيل بإصرار _ادعيلي ارجع تاني يا هيما ارجوك اتنهد هيما وقال بهدوء _هدعيلك ربنا يصلح حالك في اي مكان تكوني فيه _شكرا يا هيما شكرا على كل حاجة شكرا يا بنات وشكرا لتيتا فوفا اتمنى تكون صاحية علشان اودعها سما _ايه انتي خلاص هتمشي متمشيش هيما_ سما سلسبيل لازم تمشي سلسبيل_ اشوف وشكم ع خير يا بنات الجدة خرجت من اوضتها وقالت وهي فاردة دراعها _هتمشي من غير ما تسلمي على جدتك يا بت يا خسارة العيش والملح يا خسارة ضربي ليكي يالعصاية ابتسمت سلسبيل وهي بتعيط وجريت عليها وحضنتها _تيتا فوفا هتوحشيني اوي الجدة طبطت عليها بحنان _ ربنا يسهلك طريقك وحياتك يا بنتي .... انتي عارفة بيتنا وقت ما تحبي تزورينا تعالي في اي وقت بيتنا مفتوح ليكي يا بنتي سلسبيل ببكا _مش عايزة امشي واسيبكم يا تيتا انتم مش عارفين حاجة عن حياتي .. حياتي جحيم اليومين اللي عشتهم هنا كانوا جنة بالنسبة ليا الجدة بحنان _معلش يا بنتي الدنيا مع على هوا حد.. كلميهم بالهداوة وربنا ييسرلك امرك بصت سلسبيل للكل وودعتهم بعنيها واتحركت علشان تمشي اتحرك هيما كمان وراها سلسبيل _انت رايح فين _هوصلك سلسبيل _لا شكرا يا يا هيما انا هعرف اروح _طب هركبك اي عربية _لا هروح لوحدي _متنشفيش دماغك _لا قلتلك هروح لوحدي _طيب زي ما تحبي وزي ما فوفا قالتلك بيتنا مفتوح ليكي ف اي وقت _شكرا يا هيما تسمحلي اكلم البنات في الفون _اكيد طبعا _مع السلامه _في امان الله البيت بقا كئيب من بعد ما مشيت سلسبيل اتعودوا ع وجودها وحبوها ورجعت حياتهم لطبيعتها من تاني وتاني يوم تفاجئوا كلهم ب..... الفصل الخامس من هنا |
تعليقات
