 |
رواية عودة هيما الفصل الخامس 5 بقلم أسماء عبد الهادي#عودة_هيما #أسماء_عبد_الهادي ___ بارت٥ تفاعل يا احبتي __ البنات اتفاجئوا بأخوهم هيما وشه مليان كدمات وعينه وارمه ومش قادر يصلب طولة وواحد من المنطقة مسنده لفوق هدى شهقت _هييىء ابيه هيما مين اللي عمل فيك كدا شاورلهم هيما انهم يقعدوه فاسعدوه انه يقعد وجريت سما ع المطبخ وجابت مكعبات تلج وحطتها ف الفوطة وبدات تمشيها براحة ع وش هيما وهي بتقول بزعل _الف سلامة عليك يا أبيه ايه اللي حصل ومين عمل فيك كدا هنا خرجت الجدودة فريدة من اوضتها واول ما شافت هيما وشه متبهدل قالت بحزن _بردو يا هيما انت شبكت معاهم تاني هيما بهدوء _مش دول المرة دي يا جدتي هدى _هما مين أنا مش فاهمة حاجة وسمعوا الباب بيخبط حطت سما الطرحة ع شعرها وراحت تفتح فلقتها سلسبيل وفي ايدها شنطتها العجل فقالت بفرحة _سلسبيل انتي رجعتي تاني لا مش معقول ابتسمت سلسبيل_ اه رجعت والمرة دي مش هسيبكم أبدا ولا عندكم مانع؟؟ سم_ا لا طبعا انتي تنورينا والله فرحت اوي ادخلي دخلت سلسبيل واول ما شافت منظر هيما شهقت بصدمة _ايه دا هيما وشك ليه مبهدل كدا يا خبر ابيض الف سلامة عليك هيما بغيظ _ايه اللي رجعك تاني قالت بزع_ل انت مكنتش عايزني ارجع يا هيما... انا عارضت كل اللي ف البيت واتخليت عن كل حاجة علشان اعيش وسطكم علشان اعيش مرتاحة هيما بغضب _اخوكي مش موافق ع دا واللي حصلي دا بسببك انتي سلسبيل بصدمة_ ايه بسببي انا ازاي فلاش باااك هيما كان راجع من الورشة ورايح ع البيت يتغدى حاوطه رجالة هارون اخو سلسبيل وقال هارون _بقا انت بقا الواد اللي غوى اختي وضحك عليها وخلاها تسيب اهلها وبيتها وتيجي تعيش معاك هيما بهدوء _لتصحيح معلوماتك... انا مليش اي علاقة بسلسبيل وكمان انا طلبت منها ترجع ليكم ومشيتها امبارح هارون شاور لرجالته يضربوا هيما وقال _انت هتستعبط يالا سلسبيل مصرة انها تعيش عندك لدرجة اننا هددناها انها مش هتكون من العيلة بعد النهاردة ولا هتقدر تطول جنيه واحد وتنسى حياة العز اللي هي عايشة فيه دا.. وعارف ردها كان ايه قالت موافقة المهم نسيبها تمشي... انت عملت ف اختي اختي معقولة لحست عقلها كل دا والرجالة بتاعة هارون بتروق ف هيما وهو كان بيحاول يدافع عن نفسه فشاورلهم هارون سيبوه علشان يسمع رده هيما قال وهو بيتف الدم من بوءه _قلتلك مليش اي علاقة باختك.. اختك كل الحكاية انها مش حاسة بالامان معاكم ملقتش الحب والاهتمام وسطكم فجت تدور عليه برا .. دي مش مشكلتي دي مشكلتكم انت هارون بسخرية _اه وانت هتكون ليها الصدر الحنين يا خفيف هيما _انا مقلتش كدا وانا بنفسي هطلب منها ترجع بيتها تاني.. لكن اللي اقصده انك لازم تهتم بأختك وتحبها اكتر من كدا ودا هيقلل رغبتها ف انها تبقى عايزة تهرب منكم وتسيب البيت هارون _ملكش فيه انت مش هتنصحني اعامل اختي ازاي هيما_ انت حر متبقاش تزعل لما تهرب اختك لمكان بعيد او تعمل حاجة ف نفسها هارون_ اسمع يالا اختى هتجيلكم النهاردة ترجعها بالزوق او بالعافية انت فاهم هيما بهدوء _هعمل دا بس الله اعلم هتخرج من عندنا هتروح فين هل هترجع ع البيت ولا هتدور ع ناس تانية تلاقي الحنان عندهم _قصدك ايه هيما بهدوء_ اللي وصلك يا باشا المشكلة مش في انها عايزة تفضل عندنا المشكلة انها عايزة تبعد عنكم هارون بلع ريقه_ يعني هي مش راجعة علشانك هيما رغم انه متأكد ان من ضمن اسباب رجوع سلسبيل انها تكون جنبه لكنه قال _لا زي ما قلتلك بتهرب من معاملتكم هارون _طب انا عندي اقتراح بما انها دماغها ناشفه خليها عندكم كم يوم وع شرط تخليها ترجع البيت تاني هيما _موافق هارون _معلش بقا ع اللي حصلك انا فكرتك ضحكت ع اختي علشان هي غنية وانت مجرد واحد جربوع هارون كان متعمد يهين هيما لكنه اظعى انه مش قصده وقال _اا مش قصدي.. قصدي يعني مش من نفس مستوانا هيما بلع الاهانة بمزاجه لانه متعود عليها ولانه مش بيحب المشاكل وقال بهدوء _حصل خير باااك بعد ما خلص هيما الحكاية قالت سلسبيل وهي بتقرب منه بلهفة _انا اسفة اوي يا هيما حقك عليا... زي ما قلتلك انا عايشة وسط غابة مش بيتفاهموا غير بفرد الدراع زي ما انت شوفت سكت هيما واتنهد بحزن فقالت سلسبيل_ ارجوك يا هيما علشان خاطري خليني عندكم انتشلني من الضياع يا هيما .. هيما انا لو مشيت من هنا مش هرجع البيت والله علشان خاطري وافق افضل معاكم اتنهد هيما وقام ع اوضته وقال _ماشي يا سلسبيل بيتك ومطرحك ابتسمت سلسبيل وفرحت لانها هتفضل قريبة من اللي قلبها اتحرك علشانه وعدت الايام وزادت سلسبيل من قربها لهيما وهو كمان حس انه بدأ ينجذب ليها بس كان بيحاول يقاوم احساسه دا ويبعده علشان ميعملش حاجة غلط او حرام فكان بيتعمد يتأخر وميرجعش الا ف وقت متأخر لحد ما يتأكد من اخته انها نامت ويخرج ع شغله الصبح بدري قبل ما تصحى لكن ما كانت مقاومته دي الا زيادة من لهيب قلبه وشوقه لشوفتها ومرة كان ف الورشى فاتفاجىء بيها قدامه فقال بصدمة_ سلسبيل يخربيتك بتعملي ايه هنا سلسبيل بحزن_ بقا ينفع اللي بتعمله دا بقالي كم يوم مش بشوفك ومش عارفة اطمن عليك قالتها ليه صراحة فهو اتضايق من صراحتها لانه عايز يربيها ع الحياء فزعق _ايه الكلام الفارغ اللي بتقوليه دا وتشوفيني ليه كنت من بقية عيلتك او قريبك علشان تقولي كدا سلسبيل _هيما انت بقيت قريب من قلبي فعلا هيما اتغاظ_ سلسبيل متخلنيش اتغابى عليكي سلسبيل والدموع ف عنيها _انا اسفة يا هيما مش قصدي ازعلك انا جيت اطمن عليك معملتش حاجة غلط مقدرش يتحمل دموعها فقال بهدوء _خلاص مجراش حاجة يلا روحي ابتسمت سلسبيل _يعني مش زعلان هيما _لا مش زعلان روحي يلا بصتله وابتسمت وجت تلف وشها وتمشي فجأة جت نسمة هوا طيرت حجابها فظهر جزء من شعرها فزعق _انتي يا زفتة استنى سلسبيل بخوف_ ايه عملت ايه هيما بغضب _انتي مش بتتنيلي تظبطي حجابك دا ليه ها شعرا باين يا انسة سلسبيل حاولت تعدل الطرحة فمعرفتش وقالت _اا معلش اصلي اصلي لسه والله بتعلم على لفة الطرح وكدا تلقائيا قرب منها هيما وعدلها هو الطرحة وعنيه سرحت ف عنيها لحد ما نزلها بسرعة وهو بيستغفر _استغفر الله العظيم يارب __ بااااك نرجع لهيما اللي كان قاعد ع الكرسي المتحرك وبيفكر ف سلسبيل مراته اللي اتخطفت منه واللي خطفها الجوكر ومش عارف يوصلها ازاي قال بوجع خيم ع صدره كله _اااه يا سلسبيل يا حب حياتي ارجعك ازاي وانا عاجز كدا وحتى مش عارف مين الجوكر دا اللي خطفك... يارب الاقيكي يا كل عمري وفجأة افتكر صاحبه ريان وعلشان ريان من عيلة غنية وليها نفوذها فأكيد يعرف حاجة عن الجوكر فقرر يتصل بيه ريان _هيما حبيبي عامل ايه... معلش يا صاحبي انشغلت عنك الفترة دي معرفتش اجي ازورك بس اكيد جايلك قريب حقك عليا هيما قال بهدوء رغم الهم اللي ف قلبه باختفاء مراته _عارف ومتأكد يا ريان انك عمرك ما هتسيبني ومش بيمنعك عني الا ظرف شديد عارف ومقدر دا ريان _حبيبي يا هيما ربنا يشفيك هيما_ ريان انت عرفت ان سلسبيل اتخطفت ؟!! ريان بلع ريقه وقال _ااه عرفت انا اسف يا صاحبي ان شاء الله هتلاقيها وهترجعلك.. وانا كمان مش هسكت وهدور عليها وابعت رجالتي يدوروا ف كل مكان هيما اتنهد براحة_ دا العشم بردوا يا ريان بالله عليك ساعدني الاقي سلسبيل ريان اتوتر وقال _اا طبعا هساعدك وانت عارف اني متخلاش عنك... هدور عليها ف كل مكان هيما علشان الهم اللي قلبه ملاحظش توتره وقال _ريان تعرف حاجة عن الجوكر او حتى تسمع عنه ريان بص قدامه لأخوه مهران اللي واقف قصاده وقال بخداع _ايه الجوكر مين دا اول مرة اسمع عنه.. لا معرفش هيما_ كنت عارف انك مش هتكون عارفه انت ملكش فى اللبش دا ودايما ف حالك بس اكيد مهران اخوك يعرفه حاول تعرفلي منه اي معلومات عنه يا ريان بالله عليك انا لازم اوصل لسلسبيل قبل ما يأذيها ريان بص لمهران اللي البسمة مفارقتش وشه وقال _تمام يا هيما هحاول اطقس واسألك عن اللي اسمه الجوكر دا ولو لقيته انا بنفسي اللي مش هسيبه الا لما اعرف منه فين سلسبيل مراتك هيما بحزن ملى قلبه وطغى ع كلامه _ماشي يا ريان هسيبك علشان مش عايز اعطلك ريان _سلام يا هيما ربنا يعينك ع حالك خلص ريان كلامه من هنا انفجر مهران ف الضحك _هاهاهاها وحط ايده ع كتف ريان وقال _برافو عليك يا ريان هو دا الكلام خليه يتعذب ببعدها عنه اكتر واكتر لحد ما يتشل تماما ويموت ونرتاح منه ريان ابتسم بخبث هو كمان وقال _تلميذك يا جوكر مهران _لا عجبتني واتعلمت دروسي بسرعة فنان يا ريان فناااان ___ في الجامعة سما كانت ماشية ف الساحة فجري عمران ناحيته _انسة سما يا انسة سما وقفت بضبق _يوووه احنا مش هنخلص انت كل مرة تنطلي كدا مرة تسالني العيال دول اتعرضوا ليكي تاني يا انسة لو اتعرضوا ليكي قوليلي وانا هبهدلهم وقلتلك لا وقلتلك ملكش دعوة بيا وخليك في حالك بردو لازقلي هو ايه اصله دا عمران اتضايق من كلام سما لكنه مأظهرش دا وقال بمسكنة تعلب مكار _انسة سما أنا مش قصدي حاجة يمكن انتي شايفة اهتمامي بيكي وخوفي عليكي دا حاجة مزعجة او وحشة لكن انا قصدي وغرضي شريف انا اعجبت بيكي يا انسة سما وعرضي ادخل البيت من بابه سما وهي متأكدة من غرضه لكنها قالت _تمام يبقة تسأل عن العنوان وتروحه لوحدك زي الشاطر غير كدا مفيش اي كلام ما بينا عن اذنك عمران_ طب طب حتى قوليلي انتي رأيك سما_ تاني انت مبتفهمش بقولك مفيش اي كلام ما بينا ولو عايز ردي هتأخده من اهلي ومشيت وسابته وعمران واقف يغلي من الغيظ _اه يا بنت الاية دماغك ناشفة اوي جاتك البلا جاله صاحبه وضحك _مش قلتلك البنت دي مش من النوع دا ومش هتلاقي اي رجا منها عمران بعدم يأس _بردو مش هستسلم وانا وراها والزمن طويل ويانا اللي اكسب يا انا اللي اكسب بردو __ تالين أخت راكان قاعدة في اوضتها في مصر وبتفكر في زيدان وبتبص لصورته عالفيس _وحشتني اوي يا زيدان امتا ترجع بقا مصر انا مبقتش قادرة اتحمل بعدك عني أكتر من كدا ... سكتت شوية وقالت_ بس لو ترد حتى ع اتصالاتي بدل ما انت مطنشني كدا فضلت تبص لملامحه شوية وبعدين ابتسمت بمكر _ لقيتها... عرفت ايه اللي هيخليه مش. بس يرد ع اتصالاتي لا دا هو كمان اللي هيتصل بيا ويكلمني بنفسه رضيت بمخططها واللي هتعمله وانطلقت فورا علشان تنفذه ___ غفران كانت رايحة لريان ابن خالها الفيلا تسأله عن أخوها اللي مش بيرد هو كمان عل اي أتصالات ليها فشافت نورين اخته نازلة ولابسة فستان اقل ما يقال عنه انه كاشف جدا فقالت بغضب _نورين ايه اللي انتي عاملاه ف نفسك دا نورين بغرور _ها ايه رايك زوقه عجبك وهتموتي عليه مش كدا انا عارفة ودا لانه متصمم علشاني انا وبس ومفيش منه اتنين غفران بضيق _ ايه اللي انتي بتقوليه دا هموت عليه ايه .. بقا دا منظر لبس تنفعي تخرجي بيه برا باب اوضتك اصلا نورين_ اشش انا عارفة انك غيرانة مني علشان كدا بتقولي كلامك دا غفران_ وكمان غيرانة طيب يا ستي ...انا عارفة اني مهما قلت مش هقدر اغير دماغك دي أبدا ربنا يهديكي _ليه كنتي شايفاني مجنونة او بشد ف شعري يا ست غفران ما تحاسبي ع كلامك غفران_ نورين ع فكرة انا مش قصدي حاجة انتي ليه اخدتي الموضوع دا نورين بضيق_ غفران اسمعي ملكيش دعوة بيا ولا بلبسي من هنا ورايح اوك علشان مش نخسر بعض .. اتنهدت غفران _تمام اللي تشوفيه يا نورين . ممكن تقوليلي اخوكي ريان فيك نورين وهو بتنزل السلم _ممم ريان بتسأليني انا طب وربنا ما اعرف اصلا انا اخر مرة شوفته فيها امتا يا بنتي انا معرفش اي حاجة بتدور ف الفيلا دي غفران رفعت حاجبها _معقول ازاي يعني اومال عايشة معاهم ازاي نورين_ وحياتك كل واحد له حياته ومحدش يعرف حاجة عن حد .. بس بصي اقولك اعتقد اعتقاد كبير انك ممكن تلاقي ريان ف الشركة اعتقد يعني يلا باي هزت غفران كتفها بقلة حيلة وقالت _باي قعدت ع الكنبة وقررت تتصل بيه فشافها مهران اللي لسه راجع من برا واول ما شافها كشر وقال _اهلا يا غفران يا ترى ايه اللي حدفك علينا غفران بيضيق _ايه يا مهران امشي ولا ايه _لا يا بنت عمتي تمشي ايه الفيلا فيلتك بس جاية ليه اكيد عايزة ريان مش كدا غفران_ اه كنت محتاجاه ضروري ضحك مهران_ ههه محتاجاه اه قولتيلي عامة ريان مش فاضي النهاردة فوتي عليه بكرة _يعني قصدك انه ف الشركة اروحله ع هناك مهران بخبث _لا ريان ف مشوار كدا بعته بيقضيه ليا وهيتأخر شوية غفران ف نفسها _غريبة من امتا ريان بقا تبع مهران او بيمشي ورا كلامه طول عمره رأيه مخالف لرأي مهران ومش متوافقين هزت دماغها _غريبة انا مليش دعوة وبصت لمهران _طب معلش يا مهران ممكن لما يرجع تطلب منه يتصل بيا وتقوله اني محتاجاه ضروري مهران وهو بيبصلها بجرأة _اكيد طبعا يا رونا يا قمر انتي انزعجت هي من نظراته زي ما بتنزعج منها دايما علشان كدا مش بتحب تيجي هنا كتير لكنها مضطرة لانها محتاجة ريان ضروري لكنها قالت _تمام يا مهران شكرا انا ماشية سلام قرب منها مهران بجرأة اكتر _في ايه رونا هتمشي بسرعة كدا دا احنا حتى ملحقناش نتكلم بعدت غفران بسرعة _لا لا انا ماشية وجريت من قدامه بسرعة ضحك مهران وقال _رغم ان دماغك عبيطة زي زيدان ابن عمي الا انك ايه... تفوقي بنات العيلة كلها جمال وحلاوة وبالرغم من حجابك البيئة دا واتصل بريان _ها يا ريان عملت ايه ريان بص جنبه للي معاه ف العربية وقال _عملت اللي طلبته يا مهران وجبتها وجاين ع الفيلا... يا ترى مين .. وليه ريان بقا تحت طوع مهران ريان بص لسلسبيل اللي جنبه في العربية وقال _مستعدة رايحين للجوكر اتنهدت سلسبيل وقالت بهدوء مميت _تمام يا ريان ولما وصلوا للفيلا لقوا مهران واقفلهم وحاطط ايديه الاتنين ف جيوبة واول ما شاف سلسبيل قال بسماجة _ايه الهنا دا سولي بنفسها عندي هنا ف الفيلا اتاري الفيلا نورت سلسبيل بصت ليه ومردتش مهران قال بمكر معهود عليه _ايه مالك يا سولي مبوزة ليه يا قمر حد يزعل ولا يبوظ وهو مع الجوكر سلسبيل اتخلت عن صمتها وقالت _ليه بعت رجالتك يضربوه بالشكل دا.. كان ممكن توصل للي انت عايزة من غير الاسلوب دا... دا كان هيموت في ايدهم ... وكمان انا كنت هجيلك بنفسي زي ما اتفقنا مهران بنبرة سخرية _تؤتؤتؤ كدا انا ازعل منك يا سولي.. اولا يا روحي انا اعمل اللي انا عايزه ثانيا بقا يا قمر كان لازم يبان انك اتخطفتي وروحتي منه بالقوة علشان يتعذب على بعادك وهو مش عارف ايه اللي حصلك ولا مصيرك ايه ردت سلسبيل باشفاق على هيما _ايوة بس دا كان هيموت ان مكانش مات فعلا.. احنا كنا فى مكان مقطوع رد وهو بيضيق عينه بمكر_ ايه يا سولي انتي خايفة عليه ولا ايه ... اوعي تقولي انك ابتديتي تحبيه ازعل منك مش دا اللي اتفقنا عليه يا قمر. اتنهدت سلسبيل بهم وقالت بجمود _طيب أديني نفذت اللي طلبته ممكن أمشي بقا وقف مهران قدامها وقرب المسافة بينهم وقال_تمشي ازاي اومال انا جايبك هنا ليه ردت برجاء_انا عارفة انك مش عايزني أظهر لهيما تاني اوعدك اني مش هخليه يشوفني تاني ابدا بأي حال من الأحوال مهران بابتسامة ذئب ماكر _هيحصل يا قمر علشان كدا هتفضلي هنا عندي في فيلتي سلسبيل_لا مش عايزة افضل هنا انا هسافر برا مصر مهران بحدة _انا هنا اللي أقول تعملي ايه ومتعمليش ايه ... وقرب منها وحط ايده على خدها _ماشي يا قمر ريان اتكلم وقال _مهران انا نفذت اللي طلبته وجبتلك سلسبيل اي اوامر تانية قبل ما أمشي مهران بصله بغموض وقال_ استنى يا ريان مهمتك لسه مخلصتش عايزك في موضوع مهم ____ هيما لبس هدومه وفضل يزق الكرسي بإيده علشان يتحرك بيه ولما وصل عند الباب جدته شافته وقالت _هيما انت رايح فين هيما قال بكل وجع _رايح ادور ع سلسبيل ادور ع مراتي يا جدتي... مش معنى اني مش بقدر امشي اني هفضل عاجز كدا ومش هروح ادور ع مراتي قالت بهم علشانه _تدور عليها فين يا ابني هو انت عارف مين الجوكر دا ولا فين اراضيه هيما بلغ غصة مريرة ف قلبه _هعرفه وهلاقيه مصيري هلاقيه وهندمه ع اخده روحي مني _يا ابني بلاش توجع ف قلبك اذا كان اخوها لما عرف ان الجوكر اللي اخدها كش ورجع لورا انت مسمعتوش لما قالك اللي بيروح عند الجوكر مبيرجعش هيما باستهزاء من هارون _هو هارون دا بيحس اصلا ولا عنده دم.. عمره ما خاف ع اخته ولا اهتم لمصلحتها وكأنها مش اخته من الاساس رغم انها أخته شقيقة لكن هارون مش بيهمه الا نفسه وبس فمش فارقة معاه اخته راحت فين او عايشة ولااا .. مقدرش يكمل يقول ميته والدموع نزلت من عنيه زي الشلال مش قادر يوقفها مش قادر يوقف نزف قلبه اللي مبطلش من يوم ما خطفوها منه وبعد شوية مسح دموع عينه بصعوبة لكنه مقدرش يمنع نزف قلبه وقال _سيبيني يا جدتي ادور عليها بنفسي مش هقدر افضل قاعد متكتف كدا مش عارف اوصلها طبطبت جدته ع كتفه _روح يا ابني دور عليها يمكن ترتاح شوية من الهم اللي انت فيه... والله ما انا عارفة كان مستخبي دا كله ليك فين.. يا دوب يا حبة عيني تطلع من مشكلة تتحط ف مشكلة تانية ومش ملاحق يا نضري مش عارف هتلاقيها منين ولا منين. خرج هيما يدور في كل مكان زي التايهة مش عارف يبدأ منين ولا يروح من أنهي اتجاه وكأنه بيدور ع ابرة في كومة قش وكأنه في متاهة او دوامة ملهاش اول من آخر. __ راحت تالين اوضتها ولبست فستان ملفت جدا وحطن فول ميكاب ووقفت قدام مرايتها وهي في كامل زينتها وتبرجها وعنجهتها وقالت بعد ما نفذت مخططها _زيدان لو شاف الصورة دي هيتجنن ومش بعيد ينزل مصر في أول طيارة قالتها وضحكت بفرحة _ههه هو دا المطلوب انت وحشتني اوي يا زيدان وانت تقلان عليا .. هما الحلوين لازم يتقلوا كدا؟؟ .. مش مشكلة اتقل براحتك بس لحد ما رجلك تطب هيجي الدور عليا ف التقلان وقفت ف التراس في اوضتها وفتحت كاميرا الموبايل وصورت نفسها صورة كلها إثارة وحطتها في الحالة عندها ع الفيس وف اقل من دقيقة انهالت عليها كلمات الاعجاب والاطراءات وطلبات الصداقة والرسايل اللي ملهاش حصر لكنها اتجاهلت كل دا لأنها كانت منتظرة رسالة منه هو ولما مجلهاش اي رد فعل منه نفخت بضيق _اوف بقا انت ايه يا اخي شباب مصر والعالم كله اتحرك لما شاف الصورة وانت ايه جبلة مفيش عندك مشاعر .. مبتحسش لا انت مش انسان طبيعي فضلت تشوف الناس اللي شافوا صورتها لكن ملقتوش من ضمنهم _اوف كمان مشفتهاش.. زيدان انت ناوي تجنني قريب بسبب عمايلك دي ... طب اعمل ايه .. لا انا هبعتها ليه في ماسدج ما هو هيشوفها يعني هيشوفها نزلتها استوري ع الواتس وبعتتها ليه ع الخاص كمان _ها كدا عملت كل الاحتمالات علشان تشوفها ويارب الجبل يتحرك بقا في الوقت دا دخلت اختها غفران اوضتها ووشها كله غضب ___تااالين!! اتخضت تالين وقالت _ايه يا زفتة مش تخبطي هو فيه كدا الله اتجاهلت غفران كلامها وقالت_ ايه اللي انتي عملتيه دا تالين بلا مبالاة_ عملت ايه شاورت غفران ع موبايلها_ ايه الصورة المقرفة اللي انتي منزلاها دي تالين ضحكت بسخرية _مقرفة؟؟؟ دي جابت الاف اللايكات في اقل من خمس دقايق والشباب هتموت عليها تحبي اوريكي كمية الماسدجات اللي جاتلي ع الازر ولا طلبات الصداقة؟؟ زعقت غفران _توريني ايه انتي مجنونه يا تالين ؟؟ ما طبعا لازم الدبااان يتلم مش حاجة حلوة ومكشوفة ميتلمش ليه تالين بصتلها بغضب _انتي بتقولي ايه يا غفران ما تحسني ملافظك ايه دا غفران _للاسف هي دي الحقيقة اللي انتي غافلة عنها فوقي يا تالين انتي في غفلة كبيرة تالين _بقولك ايه يا غفران شغل المواعظ والحكم بتاعك دا انا مش بحبه.. وياريت تحتفظي بيه لنفسك .. انا مش محجبة اصلا واعمل اللي انا عايزاه غفران بهدوء وبقلب صادق _يا تالين انتي اختي ومن حقي اخاف عليكي وانصحك للصح تالين_ لا وفري نصايحك لنفسك يا غفران مش عايزاها _طب علشان خاطري احذفي الصورة _ لا مش هحذفها قبل ما يشوفها _هو مين قصدك زيدان؟؟ اتوترت تالين ورجعت قالت بثقة_ اه رجعت غفران لورا بخوف _نهار ابيض انتي منتظرة زيدان يشوف الصورة دي لو عرف مش هيسكت ابتسمت تالين فهي عايزة كدا _ودا المطلوب انا اخدت الصورة دي بالذات علشانه تالين_ زيدان لو شافها هيبهدلك تالين بحب_ هو بس ينزل مصر ويعمل اللي يعمله _لا انتي اتجننتي رسمي ارجوكي يا تالين احذفيها قبل ما يشوفها علشان خاطري تالين بعند _لا مش هحذفها غفران بانزعاج _ياربي انتي ايه دماغك دي ايه .. عامة مترجعيش تزعلي من اللي هيجرالك قالتها غفران وسابتها ومشيت وفي الوقت دا جه اتصال لتالين فبصت للموبايل بفرحة وكلها حماس علشان ترد ... _ ريان وقف قدام اخوه وقال _تمام يا مهران انا معاك اهو عايزني في ايه مهران بص لسلسبيل شوية ورجع بصله _ممم عايزك تجهز نفسك لبليل علشان كتب كتابك تنح ريان مكانه _نعم؟؟ كتب كتابي انا مهران _بالظبط كتب كتابك انت و .... سكت وبص لسلسبيل سلسبيل بلعت ريقها بخوف وبصت لمهران بصدمة _ايه!! ريان بانفعال _انت بتقول ايه يا مهران كتب كتاب سلسبيل ازاي وهي اصلا متجوزة مهران بمكر_ انت غلطان سلسبيل خلاص اتطلقت وهيما بنفسه اللي ماضي ع ورقة الطلاق ... غمضت سلسبيل عنيها بألم لكنها مقدرتش تتكلم ريان_ كلام ع ورق بس شرعا سلسبيل مرات هيما مهران بانفعال وغضب _جرى ايه يا ريان انت هترجع تاني ولا ايه مش كنا خلاص نسينا ريان القديم... سلسبيل قدام الحكومة والناس كلها اتطلقت من هيما والاثبات معانا وبخط ايده كمان .. عايز ايه تاني سكت ريان ومتكلمش فكمل مهران كلامه بغضب وكره لهيما _ مش كفاية ع هيما انه يتعذب بفراقه من مراته اللي انا متأكد انه مش بس بيحبها لا بيعشقها ... لا عايزه كمان يدوق من العذاب ألوان لما يلاقيها بقت مرات صاحب عمره شهقت سلسبيل وحط ايدها ع بوءها من الصدمة ومكانتش صدمة ريان بألم من صدمة سلسبيل فبرق بعينه بأسى علشان هيما .. فالبرغم من انه بقا في حلف اخوه وسمع كلامه ضد صاحبه الا انه ميقدرش يشوفه بيتأذي بالشكل دا فقال مهران بخبث _فكر وخد راحتك ف التفكير من هنا لحد بالليل لأن المأذون كدا كدا جاي... لو مش هتكتب عليها انت هكتب عليها انا... وبص لسلسبيل بنظرات دنيئة_ ولو اني مش مضطر اكتب عليها علشان ادوق الجمال دا بلعت سلسبيل ريقها بخوف وعرفت انها رمت نفسها بإيدها في بير ملوش قرار من اول ما سمعت كلام مهران ولعبت اللعبة الحقيرة دي ع هيما مهران بص لأخوه بإبتسامة سمجة _فكر يا ريان انا مش هجبرك ع حاجة انت كبير كفاية لإنك تأخد قرارك بأيدك ولااا كنت عايز تتجوز البت اخت هيما ؟ بصله ريان بصدمة فهو ازاي عرف انه بيحب هدى أخت هيما واتعلق بيها رغم انه مبينش لحد ابدا حتى لهدى نفسها مقلهاش ضحك مهران ضحكة طويلة _ايه مالك مستغرب اني عرفت ...انا الجوكر يا ابني واعرف كل حاجة عايز اعرفها.. بس متخفش لو عايزها اقدر اجيبهالك بردو ما هو الشرع حلل اربعة ولا ايه.. بس بصراحة زوقك مش حلو اخت هيما متجيش حاجة قصاد سولي القمر دي .. بس انا عارفك طول عمرك فقري __ بصت ع شاشة موبايلها واتحولت حماستها لنظرة مملة ومطت شفايفها بضجر وردت _ايه دا هو انت يا راكان ضحك راكان وقال _عارف كنتي منتظرة حد تاني مش كدا ردت بضيق_ ولما انت عارف كدا يا رخم بتتصل ليه ها ضحك راكان اكتر _علشان اسمع نبرة صوتك دي تالين بغضب_راكان متنرفزنيش مش كفاية انه مشافهاش _يا بنتي هيشوفها فين دلوقتي ما تفتحي انتي يعني مش عارفة زيدان دا طاحونة شغل يا ماما واكيد في الشركة وسط الاوراق والملفات المملة بتاعته مش عارف طايقهم ازاي دول دا عنده استعداد يشتغل ٢٤ ساعة _يووه طب اعمل ايه دلوقتي _ولا حاجة احذفي الصور من الفيس يا نيلة وكفاية ع بتوع الفيس كدا وابعتيها لزيدان ف رسالة بس قبل ما تحذفيها خدي كم اسكرينة بالماسدجات اللي جاتلك عليها .. وهو لما يشوفها بالليل انتظري اللي هيجرالك يا قطة ضحكت تالين _الله ع تفكيرك يا ريكو يا حبيب اختك انت _اي خدعة يا قطة بس يا بت انتي احلويتي اوي يخربيتك _لا يا بابا انا طول عمري حلوة بس ابن عمك اللي اعمى _هو اللي خسران حد يقول للجمال لا _انا مش فاهمة قاعد ف امريكا يعني المفروض يكون اتلحلح او غير شوية من طباعه البلدي دي وبقا منفتح كدا واوبن مايند _دا ف حالة لو كان بيخرج من اساسه دا من الفيلا للشركة ومن الشركة للفيلا _لا مش معقول متقولش انك مش بيخرج يتفسح في اميريكا !! ازاي يفوت فرصة زي دي ضحك راكان _اقفلي يا تالين اقفلي انتي الظاهر مش عارفة زيدان ابن خالك دا هو والحجارة واحد يا ماما اقفلي _يووه يا روكا عكرت مزاجي _ليه يا قطة استنى بالليل لما يشوفها وانتي مزاجك هيتحسن _يعني هينزل مصر بقا بجد _هينزل بس لو نزل مش هتسلمي من ايده الطارشة _مش مهم المهم انه يكون معايا وجنبي وقدام عيني وحشي اوي يا راكان راكان ضحك بسخرية _يقطع الحب وسنيه سلاام __ ريان ساب اخوه ومشي من غير ما يرد وفضل سايق بالعربية مش عارف يروح فين ولا يعمل ايه لحد ما لقى نفسه رايحلها الكلية بتاعها وكلم نفسه ريان_ انت بتعمل ايه هنا وجاي ليه وهتقولها ايه من اصله فضل يدور عليها وسط الطلبة لانه عارف معاد خروجها لحد ما لقاها أخيرا بتودع واحدة صاحبتها وبعدين مسكت موبايلها _سما انتي فين وخلصتي ولا لسه سما_ انا رجعت البيت يا هدى تيتا طلبت مني ارجع بدري النهاردة علشان اطبخ بدالك هدى _ليه يا بنتي ما انا كنت هطبخ لما ارجع _اعمل ايه ف تيتا اللي كل شوية هدى اختك اللي بتعمل كل حاجة وانتي مش بتعملي حاجة خالص _يا بنتي عادي مفيش مشكلة انتي كليتك صعبة وعملية ولازم تنبهي لدراستك علشان تجيبي تقدير كويس.. لكن انا كليتي الحمد لله الا حد ما كويسة سما_ خلاص بقا اهو اللي حصل .. انتي فين دلوقتي _انا خلاص هركب وجاية اهو _طب هدى حاولي تشوفي هيما ف طريقك وانتي راجعة _اشوفه... اشوفه يعني ايه _هيما اخوكي تيتا بتقول نزل يدور ع سلسبيل ولسه مرجعش ومش عارفين راح فين هدى خافت ع اخوها _يا خبر ربنا يستر هيما لسه تعبان ازاي تيتا تسيبه يخرج ف حالته دي _انتي عارفة هيما ودماغه الناشفة لو حط حاجة ف دماغه محدش بيقدر يحيده عنها انتهدت هدى بأسى_ ربنا يكون ف عونه دي مراته وحب عمره اللي اتخطفت دا هيتجنن علشانها .. حبيبي والله بيقطع ف قلبي سما_ ربنا معاه ويارب ترجعلنا سلسبيل بالسلامة كلنا حبيناها واتعلقنا بيها هدي_يارب اللهم امين قفلت هدى الخط مع اختها وجت تركب العربية لقت اللي بينادي عليها..... __ في فيلا عيلة المنياوي عند مهران قال لسلسبيل _اطلعي فوق مع الشغالة هتعرفك اوضتك اللي هتقعدي فيها لحد بالليل لما نشوف انتي من الليلة مرات مين فينا أنا ولا ريان .... الفصل السادس من هنا |
تعليقات
