 |
رواية هلال الفصل التاسع 9 بقلم الكاتبه المجهولههلال البارت التاسع هلال تاني يوم نزلت من بيتها هي واخوها ك العاده صحيح نفسيتها كانت تعبانه وكان باين عليها أنها حزينه وأدم أخوها حاول يسألها و يفهم منها بس بدون فايده و هما نازلين ع السلالم هلال أتفاجئت ب عمال بيطلعوا عفش و فهمت هي و أخوها أن الشقه اللي في الدور اللي فوقيهم حد بينقل فيها لأن صاحبها كان عارضها من فتره للبيع لما نزلت تحت هلال شافت حسام واقف مع العمال هلال : ادم ينفع تكمل للمدرسه لوحدك عشان أنا لسه هشتري شوية حجات من المكتبه قبل ما اروح المستشفي ف مش عايزك تتأخر معايا ادم : ماشي يا هلال سلام بعدها هلال راحت ل حسام هلال بعصبيه: انت بتعمل اي هنا ؟ و اي العفش ده ؟ حسام طلب من العمال يكملوا شغلهم بعدها حسام: هلال اركبي هوصلك المستشفي و هفهمك في الطريق هلال : انا مش هركب معاك , انا مش عايزه اشوفك او اتعامل معاك اساسا من النهارده حسام : هلال انا أسف ع اللي حصل امبارح حقك عليا انا عارف انك لسه مضايقه بس صدقيني مكنتش اعرف ان الامور ممكن توصل لكده انا كنت عارف انو مش هيقبل بس كان لازم يشوفوكي عشان لما اخد خطوه رسميه معاكي من غيرهم محدش يغلطني هلال بعصبيه: اي اللي انت بتقوله ده يعني اي خطوه رسميه من غيرهم يعني انا هرتبط بيك وهما رافضين ازاي يعني هو انت شايفني اي حسام : هلال انا بحبك و عايزك وانتي كمان بتحبيني وانا اللي هتجوزك مش اهلي هما كان لازم يشوفوكي و يعرفوا اني مرتبط بيكي بس مش اكتر من كده لأن ارتباطنا المفروض يبقي اختيارنا احنا الاتنين هلال : يعني انت عايزني اعمل اي طيب حسام بعصبيه : هلال انا مطلبتش منك غير طلب واحد بس انك متسبينيش ومتبعديش عني هو ده كل اللي طلبته منك الموضوع مش صعب للدرجادي كل اللي كنت عايزه منك تفضلي معايا تدعميني لغاية ما نبقي مع بعض طلبي مكنش صعب للدرجادي انا رغم كل حاجه بحاول اني معاكي لكن انتي مش عايزه تحاولي حتي حسام بعدها ركب عربيته وساب هلال اللي كانت واقفه و هي حاسه بالذنب وبتفتكر امبارح لما طلب منها انها متسيبهوش اكتر من مره و هي مكانتش فاهمه ليه كل شويه بيقولها كده كانت عايزه تروح وراه تصالحه بس مينفعش لانها كانت غايبه قبلها ب يوم من المستشفي و متقدرش تغيب تاني ده ممكن يعملها مشكله مع الدكتور المشرف عليها كمان هي حست انها محتاجه شوية وقت عشان لما تقول ل حسام قرارها انها هتكمل معاها تكون جهزت نفسها كويس لأي حاجه هتيجي بعد كده عشان كده اخدت قرار بينها وبين نفسها انها بليل هتكلمه و هتبقي خلاص اخدت قرارها اللي مش هترجع في هلال خلصت شغلها ع الضهر كده ولما رجعت كان في خبط في الشقه اللي في الدور اللي فوقيهم , هي طبعا كانت شغله بالها بأن حسام متضايق منها وكانت نسيت موضوع العفش ده خالص هلال : ادم هي الشقه اللي فوق في حد نقل فيها ادم : لما رجعت من المدرسه قابلت عم عماد و سلمت عليه و كان بيتكلم مع واحد من الجيران ان الظابط حسام اللي كان في القسم كلمه بعد ما قابله في القسم وبعدها عرف منو ان في شقه في العماره عندنا واشتراها هلال بتعجب : اشتراها بعدها سكتت للحظات هلال : ادم انا هعمل للظابط حسام اكل معانا وانت اطلع و ديهوله انا اعرفه من قبل ما اشوفه في القسم وهو انسان كويس وكفايه انو ساعدنا ادم : مش عارف يا هلال هو فعلا ساعدنا في المشكله بتاعة العماره ف تمام هلال راحت المطبخ بسرعه وابتدت تحضر الاكل ليهم هما التلاته و بعد ما خلصت ادم اخد منها الحجات اللي حضرتها ل حسام وطلع و دهاله اول ما ادم نزل هلال بعتت ل حسام ع الوتساب: انا اسفه حقك عليا حسام :.............................. الفصل العاشر من هنا |
تعليقات
